ପକ୍ୟାତାକା 27:35 - New Testament in Pengo Parja Language

³⁵ ଇୱିଜୁ କାତା ୱେଚ୍‌ଚି ପାଚେ, ପାଉଲ ରୁଟି ଆସ୍ତି ୱିଜାକାର୍ ମୁମ୍‌ଦ ଈଶ୍ୱରତାକେ ପାର୍ତାନା କିତାନ୍, ଆରେ ରୁଟିତିଙ୍ଗ୍ ଡ୍ରିକ୍‌ଚି ଚିଞ୍ଜେଙ୍ଗ୍ ଲାଗାତାର୍।

ସତ୍‌ ବଚନ୍‌ ପୁନି ନିୟମ୍‌

³⁵ ପାଉଲ୍‌ ଇ ସବୁ କାତା ଇଞ୍ଜି ରୁଟି ଅଜ଼ି ୱିଜ଼ାକାର୍‌ ମୁମ୍‌ଦ ଇସ୍ୱର୍‌ତିଂ ଦନ୍ୟବାଦ୍‌ ହିଜ଼ି ହେଦାଂ ଡ୍ରିକ୍‌ଚି ଚିଞ୍ଜେଙ୍ଗ୍‌ ଲାଗାତାର୍‌ ।

ପକ୍ୟାତାକା 27:35 ပူးပေါင်းရင်းမြစ်များ

ମାତିଉ 14:19

ଯୀଶୁ ହେବେ ରୁଣ୍ଡାଆତି ମାନାୟାରିଙ୍ଗ୍ କାଚ୍ରା ଜପି କୁଚ୍‌ଚେଙ୍ଗ୍ ଆଦେସ୍ ହିତାନ୍। ତାପାଚେ ହେ ପାଞ୍ଚ୍‌ଗଟା ରୁଟିଙ୍ଗ୍ ଆରେ ରିଣ୍ଡାଙ୍ଗ୍ ମିନ୍‌କୁକାଙ୍ଗ୍ ଆସ୍ତି ବାଦାଡ଼୍‌ଜପି ହୁଡ଼୍‌ଜି ଈଶ୍ୱରତିଙ୍ଗ୍ ଦନ୍ଯବାଦ୍ କିତାନ୍ ଆରେ ରୁଟିଙ୍ଗ୍ ଡ୍ରିପ୍‌କି ତା ଚେଲାହିରିଙ୍ଗ୍ ହିତାନ୍। ଚେଲାହିର୍ ଅଜି ମାନାୟାରିଙ୍ଗ୍ ବାଟାକିଜି ହିତାର୍।

ମାତିଉ 15:36

ତାପାଚେ ହେ ସାତ୍‌ଗଟା ରୁଟି ଆରେ ହିରୁ ମିନ୍‌କୁକାଙ୍ଗ୍ ଆସ୍ତି ଯୀଶୁ ଈଶ୍ୱରତିଙ୍ଗ୍ ଦନ୍ଯବାଦ୍‍କିଜି, ହେ ରୁଟିଙ୍ଗ୍ ଆରେ ହିରୁ ମିନ୍‌କୁକାଙ୍ଗ୍ ଡ୍ରିପ୍‍କିସ୍ ମାନାୟାରିଙ୍ଗ୍ ବାଟାକିଜି ହିଦେଙ୍ଗ୍ ଚେଲାହିରିଙ୍ଗ୍ ହିତାନ୍। ଚେଲାହିର୍ ହେ ରୁଟିଙ୍ଗ୍ ବୁଲାଇ କିଜି ହିତାର୍।

ମାର୍କ 8:6

ହେବେତାଙ୍ଗ୍ ଯୀଶୁ ମାନାୟ୍‌ତିଙ୍ଗ୍ ମେଦ୍‌ନିତ କୁଚ୍‌ଚେଙ୍ଗ୍ ଆଦେସ୍ ହିତାନ୍, ତାପାଚେ ହେ ସାତ୍‌ଗଟା ରୁଟିଙ୍ଗ୍ ଆସ୍ତି ଯୀଶୁ ଈଶ୍ୱରତିଙ୍ଗ୍ ଦନ୍ଯବାଦ୍ ହିତାନ୍। ଆରେ ହେ ରୁଟିଙ୍ଗ୍ ଡ୍ରିପ୍‍କିସ୍ ମାନାୟାରିଙ୍ଗ୍ ବାଟାକିଜି ହିଦେଙ୍ଗ୍ ଚେଲାହିରିଙ୍ଗ୍ ହିତାନ୍, ଚେଲାହିର୍ ହେ ରୁଟିଙ୍ଗ୍ ବୁଲାଇ କିଜି ହିତାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 24:30

ଯୀଶୁ ହେୱାର୍ ହୁଦାଙ୍ଗ୍ ଚିଞ୍ଜେଙ୍ଗ୍ କୁଚ୍‌ଚାନ୍। ହେୱାନ୍ କେଇଦ ଇଚ୍‍କେ ରୁଟି ଆସ୍ତାନ୍। ହେ କାଦି କାଜିଙ୍ଗ୍ ଈଶ୍ୱରତିଙ୍ଗ୍ ଦନ୍ଯବାଦ୍ ହିତାନ୍ ଆରେ ରୁଟିତିଙ୍ଗ୍ ଗନ୍ଦା-ଗନ୍ଦା କିଜି ଡ୍ରିକ୍‌ଚି ହେୱାରିଙ୍ଗ୍ ହିତାନ୍।

ଜହନ୍‌ 6:11

ହେବେତାଙ୍ଗ୍ ଯୀଶୁ ରୁଟିଙ୍ଗ୍ ଆସ୍ତି ଈଶ୍ୱରତିଙ୍ଗ୍ ପାର୍ତାନା କିତାନ୍ ଆରେ ହେବେ କୁଚ୍‌ଚି ମାନାୟାରିଙ୍ଗ୍ ବାଟାକିଜି ହିଦେଙ୍ଗ୍ ହିତାନ୍। ହେ ମିନ୍‌କୁକାଙ୍ଗ୍ ପା ହେଲେକେ ବାଟାକିଜି ହିତାନ୍। ହେୱାନ୍ ମାନାୟାରିଙ୍ଗ୍ ମାନ୍‌କେ ଇଚା ଚିଞ୍ଜେଙ୍ଗ୍ ହିତାନ୍।

ଜହନ୍‌ 6:23

ଯୀଶୁ ଈଶ୍ୱରତିଙ୍ଗ୍ ପାର୍ତାନା କିଜି ମାନାୟାରିଙ୍ଗ୍ ରୁଟିଙ୍ଗ୍ ଚିଞ୍ଜେଙ୍ଗ୍ ହିଜିମାଚାନ୍, ହେ ବାହାତାକେ ତିବିରିଆ ଜିଲ୍ଲାତାଙ୍ଗ୍ କେତେକ୍ ଡଙ୍ଗାଙ୍ଗ୍ ୱାତିକ୍।

ରୋମିୟ 1:16

ଆନେଙ୍ଗ୍ ପୁରାପୁରି ବାବ୍‌ରେ ଖ୍ରୀଷ୍ଟତି ହାର୍ଦିକାବୁର୍‌ତିଙ୍ଗ୍ ପାର୍ତି କିନାଙ୍ଗା। ଇନେସ୍‌କି ହେଦାଙ୍ଗ୍ ୱିଜୁ ମାନାୟ୍‌ତିଙ୍ଗ୍ ଉଦାର୍ କିନି ଈଶ୍ୱରତି ଶାକ୍ତି, ଏଚେଜାଣ୍ ହାର୍ଦିକାବୁର୍‌ତିଙ୍ଗ୍ ପାର୍ତିକିନାର୍। ପାର୍ତୁମ୍ ଯିହୁଦି ମାନାୟ୍‌ତିଙ୍ଗ୍ ଉଦାର୍ କିଦେଙ୍ଗ୍ ଆରେ ପାଚେ ବିନ୍‌ଜାତିରିଙ୍ଗ୍ ଉଦାର୍ କିନାତ୍।

ରୋମିୟ 14:6

ଇମ୍‌ଣି ମାନାୟାର୍ ମାପୃଙ୍ଗ୍ ପୁଜାକିନି କାଜିଙ୍ଗ୍ ରଦିନ୍ ବାଚିକିତାର୍‌ନା, ଇନେସ୍‌କି ତାଙ୍ଗେଙ୍ଗ୍ ସନ୍‌ମାନ୍ ହିଦେଙ୍ଗ୍ ଇଚା କିନାରା। ଇମ୍‌ଣି ମାନାୟାର୍ ବାରବିନି କାଦି କିନାରା ହେୱାର୍ ପା ମାପୃଙ୍ଗ୍ ସନ୍‌ମାନ୍ ହିନାରା। ହେୱାର୍ ତିନି ଆଗେ ଈଶ୍ୱରତିଙ୍ଗ୍ ଦନ୍ଯବାଦ୍ ହିନାରା, ଆରେ ଇମ୍‌ଣି ମାନାୟାର୍ ୱିଜୁ ଜିନିଷ୍ ତିନୁରା, ହେୱାର୍ ପା ମାପୃଙ୍ଗ୍ ସାର୍‌ଦା କିୟିକିଦେଙ୍ଗ୍ ଇଚା କିନାରା ଆରେ ଈଶ୍ୱରତିଙ୍ଗ୍ ଦନ୍ଯବାଦ୍ କିନାରା।

୨ ତିମଥି 1:12

ଇ ହାର୍ଦିକାବୁର୍ ମାନାୟାରିଙ୍ଗ୍ ଶୁଣାୟ୍ କିନି କାଜିଙ୍ଗ୍ ପା ଆନେଙ୍ଗ୍ ଇୱିଜୁ ଦୁକ୍ ପାୟାଆତାଙ୍ଗ୍‌ନା, ଆତିସ୍‌ପା ଆନେଙ୍ଗ୍ ଲାଜା ଆଉଙ୍ଗା। ଇନେସ୍‌କି ଆନେଙ୍ଗ୍ ଇନେର୍‌ତାକେ ପାର୍ତି କିନାଙ୍ଗା, ହେୱାନିଙ୍ଗ୍ ଆନେଙ୍ଗ୍ ପୁନାଙ୍ଗ୍। ଖ୍ରୀଷ୍ଟ ନାଙ୍ଗେଙ୍ଗ୍ ଇନାକା ହିତ୍‌ତାନ୍‌ନା, ହେୱାନ୍ ୱାନି ପାତେକ୍ ହେୱାନ୍ ରକ୍ଷା କିଦେଙ୍ଗ୍ ଆଡ୍‌ନାନ୍ ଇଞ୍ଜି ଇଦାଙ୍ଗ୍ ବେସି ପାର୍ତି କିନାଙ୍ଗା।

୨ ତିମଥି 1:8

ଇଦାଙ୍ଗ୍ କାଜିଙ୍ଗ୍ ଜେକନିକାରିଙ୍ଗ୍ ମାପୃ ଯୀଶୁ ଖ୍ରୀଷ୍ଟ ବିଷୟରେ ୱେଚ୍‌ନି କାଜିଙ୍ଗ୍ ଲାଜା ଆମାଟ୍, କି ଆନେଙ୍ଗ୍ ହେୱାନିଙ୍ଗ୍ ହେବା କିତି କାଜିଙ୍ଗ୍ ବନ୍ଦି ଆତି କାଜିଙ୍ଗ୍ ଲାଜା ଆମାଟ୍। ମାତର୍ ଈଶ୍ୱର ହିତ୍‌ତି ଶାକ୍ତି ବ୍ଯବହାର୍ କିୟାଟ୍ ଆରେ ନା ହୁଦାଙ୍ଗ୍ ମାହାଆଜି ହାର୍ଦିକାବୁର୍ କାଜିଙ୍ଗ୍ ଦୁକ୍‌କଷ୍ଟ ପାୟାଆଡ।

୧ ପିତର 4:16

ମାତର୍ ଖ୍ରୀଷ୍ଟାନ୍ ଆତି କାଜିଙ୍ଗ୍ ଦୁଃକ୍ କଷ୍ଟ ପାୟାଆନାକା ଲାଜ୍ ଆକାୟ୍, ଏପେଙ୍ଗ୍ ଈଶ୍ୱରତିଙ୍ଗ୍ ଦନ୍ଯବାଦ୍ ହିୟାଟ୍ ଇନେସ୍‌କି ଈଶ୍ୱର ମିଙ୍ଗେଙ୍ଗ୍ ବାଚି କିତ୍‌ତାନ୍‌ନା।