ପକ୍ୟାତାକା 26:11 - New Testament in Pengo Parja Language

¹¹ ଆନେଙ୍ଗ୍ ୱିଜୁଦିନ୍ ପାର୍ତାନା ଇଲ୍‌କୁକାଙ୍ଗ୍ ବୁଲାଆଜି-ଆଜି ହେୱାରିଙ୍ଗ୍ ସାସ୍ତି ହିଜି ମାଚାଙ୍ଗ୍, ଆରେ ହେୱାରିଙ୍ଗ୍ ଜବର୍‌ଦସ୍ତିରେ ଯୀଶୁ ଖ୍ରୀଷ୍ଟଙ୍ଗ୍ ନିନ୍ଦାକିନି କାଜିଙ୍ଗ୍ ୱେଚ୍‌ଚି ମାଚାଙ୍ଗ୍। ଆନେଙ୍ଗ୍ ଏଚେକ୍ ରିସାଆଜି ମାଚାଙ୍ଗ୍ ଯେ, ଜେକନି ସହର୍‌କୁକାଙ୍ଗ୍ ହାଲ୍‌ଜି ପା ପାର୍ତି କିନାକାରିଙ୍ଗ୍ ଦୁକ୍‌କଷ୍ଟ ହିଜି ମାଚାଙ୍ଗ୍।

ସତ୍‌ ବଚନ୍‌ ପୁନି ନିୟମ୍‌

¹¹ ଆରେ ୱିଜ଼ୁ କୁଟୁମ୍‌ ଇଞ୍ଜ ରଗତିଂ ରଗ ହେୱାରିଂ ଡାଣ୍ଡ୍‌ ହିଜ଼ି ଜିସୁତିଂ ନିନ୍ଦା କିନି କାଜିଂ ହେୱାରିଂ ବଲତ୍କାର୍ କିଜ଼ି ମାଚାଙ୍ଗ୍, ଆରେ ହେୱାର୍‌ତି ବିରୁଦ୍‌ତ ବେସି ବାଡା ଆଜ଼ି ବିଦେସ୍‌ନି ଗାଡ଼୍‍କୁ ପାତେକ୍‌ ପା ହେୱାରିଂ ନିନ୍ଦା କିଜ଼ି ମାଚାଙ୍ଗ୍ ।”

ପକ୍ୟାତାକା 26:11 ပူးပေါင်းရင်းမြစ်များ

ମାତିଉ 10:17

ଇଦାଙ୍ଗ୍ କାଜିଙ୍ଗ୍ ମାନାୟ୍‌ତାଙ୍ଗ୍ ସାବ୍‌ଦାନ୍ ଆଜି ମାନାଟ୍। ଇନେସ୍‌କି ହେୱାର୍ ମିଙ୍ଗେଙ୍ଗ୍ ବିଚାର୍‌କିନି ବାହାତାକେ ଅଜି ନିଲି କିଦ୍‌ନାର୍ ଆରେ ହେୱାର୍ ଯିହୁଦିର୍ ପାର୍ତାନା ଇଞ୍ଜ କର୍‌ଡା ହୁଦାଙ୍ଗ୍ ଟ୍ରାକ୍‌ତାନାର୍।

ମାର୍କ 13:9

ମାତର୍ ଏପେଙ୍ଗ୍ ଜାର୍-ଜାର୍‌ବିତ୍ରେ ଜାଗ୍ରତ୍ ଆଜି ମାନାଟ୍, ମାନାୟାର୍ ମିଙ୍ଗେଙ୍ଗ୍ ବିଚାର୍‌ନା କିଦେଙ୍ଗ୍ ଯିହୁଦି ଦଳ୍‌ନି ନେତାର୍‌ତାକେ ମିଙ୍ଗେଙ୍ଗ୍ ନିଲି କିଦ୍‌ନାର୍। ଆରେ ମାନାୟାର୍ ମିଙ୍ଗେଙ୍ଗ୍ ଯିହୁଦିର୍ ପାର୍ତାନା ଇଞ୍ଜ ଟ୍ରାକ୍‌ତାନାର୍, ଆରେ ଏପେଙ୍ଗ୍ ନାଙ୍ଗେଙ୍ଗ୍ ପାର୍ତିକିନି କାଜିଙ୍ଗ୍, ଦେସ୍ ସାସନ୍ କିନି ମାନୟ୍‌ତାକେ ଆରେ ରାଜା ମୁମ୍‌ଦ ବିଚାର୍‌ନା ଆଦେଙ୍ଗ୍ ନିଲ୍‌ନାଦେର୍। ହେପାଦ୍ନା ଏପେଙ୍ଗ୍ ନା ହାର୍ଦିକାବୁର୍ ଶୁଣାୟ୍ କିନାଦେର୍।

ମାର୍କ 3:28

ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ମାନାୟାର୍ ୱିଜୁ ପାପ୍ ଆରେ ଈଶ୍ୱରତିଙ୍ଗ୍ ନିନ୍ଦାକିତିସ୍ ହେୱାର୍ ପାପ୍ ୱିଜୁ କେମା କିନାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 15:17

ନଙ୍ଗୟ୍ ହେୱାନ୍ ବୁଜା ଆତାନ୍ ଯେ, ହେୱାନ୍ ବେସି ମୁର୍କ କାମାୟ୍ କିତାନ୍‌ନା। ହେୱାନ୍ ବାବିକିତାନ୍ ମାଞ୍ଜ୍‌ବା କୁଲିୟାର୍ ତିନିକାଦି କେତେକ୍ ଉବ୍ରା ଆନାତା। ଆରେ ଆନେଙ୍ଗ୍ ଇବେ ନାସ୍‌କିତିଙ୍ଗ୍ ହାଃନାଙ୍ଗା।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 21:12

ମାତର୍ ଇ ୱିଜୁଗଟ୍‌ନା ଆୱି ଆଗେ, ମାନାୟାର୍ ମିଙ୍ଗେଙ୍ଗ୍ ଆସ୍ତାନାର୍। ଆରେ ଜଇଲ୍ ଇଞ୍ଜ ଗେସ୍ତାନାର୍ ଆରେ ମିଙ୍ଗେଙ୍ଗ୍ କଷ୍ଟ ହିଦ୍‌ନାର୍। ପାର୍ତାନା ଇଞ୍ଜ ମିଙ୍ଗେଙ୍ଗ୍ ବିଚାର୍ କିଦ୍‌ନାର୍ ଆରେ ରାଜା ଆରେ ସାସନ୍ କିନାକାନ୍ ମୁମ୍‌ଦ ହେଲାଇ କିଜି ହିଦ୍‌ନାର୍। ଇନେସ୍‌କି ଏପେଙ୍ଗ୍ ନା ପାଚେ ୱାନି କାଜିଙ୍ଗ୍ ମାନାୟାର୍ ମିଙ୍ଗେଙ୍ଗ୍ ଇଲେକେ ବାଉରା ଆଦ୍‌ନାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 6:11

ମାତର୍ ପାରୁସିଦଳ୍‍ ଆରେ ପଣ୍ଡିତାର୍ ବେସି ରିସାଆତାର୍। ଆରେ ଯୀଶୁଙ୍ଗ୍ ଇନାକା କିନାସ୍ ହେ ବିଷୟରେ ଜାର୍-ଜାର୍‌ବିତ୍ରେ କାତାବାର୍ତା ଆତାର୍।

ପକ୍ୟାତାକା 13:45

ମାତର୍ ଯିହୁଦି ନେତାର୍ ବିନ୍‌ଜାତିର୍ ମାନାୟାରିଙ୍ଗ୍ ହୁଡ଼୍‌ଜି ରିସାଆତାର୍। ଆରେ ହେୱାର୍ ପାଉଲ ୱେଚ୍‌ଚି କାତାତିଙ୍ଗ୍ ବିରଦ୍ କିଜି ନିନ୍ଦା କିଦେଙ୍ଗ୍ ଲାଗାତାର୍।

ପକ୍ୟାତାକା 18:6

ମାତର୍ ଯିହୁଦି ମାନାୟାର୍ ପାଉଲ କାତା ୱେନ୍‌ୱାତାର୍, ଆରେ ହେୱାନିଙ୍ଗ୍ ଅପ୍‌ମାନ୍ କିତାର୍। ଲାଗିଙ୍ଗ୍ ହେୱାନ୍ ତା ଉସ୍‌ପିତି ହେନ୍ଦ୍ରାତିଙ୍ଗ୍ ଡ଼ାତ୍‌ତି ହେୱାରିଙ୍ଗ୍ ୱେଚ୍‌ଚାନ୍, “ନାଦାଙ୍ଗ୍ ଇନାକା ବୁଲ୍ ଆକାୟ୍, ମାତର୍ ଈଶ୍ୱରତାଙ୍ଗ୍ ଦଣ୍ଡ୍ ପାୟା ଆଦେଙ୍ଗ୍ ଏପେଙ୍ଗ୍ ନିଜେ ନେ ଦାଇ। ‌ନଙ୍ଗୟ୍‌ତାଙ୍ଗ୍ ଆନେଙ୍ଗ୍ ବିନ୍‌ଜାତିନି ମାନାୟାର୍‌ତାକେ ହାଲ୍‌ଜି ଈଶ୍ୱର କାତା ଶୁଣାୟ୍ କିନାଙ୍ଗ୍।”

ପକ୍ୟାତାକା 22:19

ଲାଗିଙ୍ଗ୍ ଆନେଙ୍ଗ୍ ୱେଚ୍‌ଚାଙ୍ଗ୍, ‘ମାପୃ, ଆନେଙ୍ଗ୍ ପାର୍ତିକିନି ମାନାୟାରିଙ୍ଗ୍ ୱିଜୁ ପାର୍ତାନା ଇଲ୍‌କୁକାଙ୍ଗ୍ ହାଲ୍‌ଜି, ହେୱାରିଙ୍ଗ୍ ଆସ୍ତି ଜଇଲ୍ ଇଞ୍ଜ ଗେସ୍ତି ମାଚାଙ୍ଗ୍ ଆରେ ଟ୍ରାକ୍‌ଚି ମାଚାଙ୍ଗ୍, ଇଦାଙ୍ଗ୍ ହେୱାର୍ ନିଜେ ପୁନାର୍।

ପକ୍ୟାତାକା 22:5

ଇ ବିଷୟରେ ଈଶ୍ୱର ହେବାକିନି ପ୍ରଦାନ୍ ମୁଡ଼୍‌ଦି ପୁଜାରି ଆରେ ବିଚାର୍ ସବାନି ପ୍ରାଚିନ୍‌ନାର୍ ପା ସାକି ମାନାର୍। ପାର୍ତି କିନାକାରିଙ୍ଗ୍ ଗାଚ୍‌ଚି ଯିରୁଶାଲାମ ସହର୍‌ତାକେ ତାହିୱାଜି ଦଣ୍ଡ୍ ହିଦେଙ୍ଗ୍, ଇ ଟଣ୍ଡାର୍‌ତାଙ୍ଗ୍‌ ଚିଟି ପାୟାଆଜି ଦମେସକ ସହର୍‌ତାକେ ମାନି ଯିହୁଦିର୍ ଲାଗାୟ୍ ହାଲ୍‌ଜି ମାଚାଙ୍ଗ୍।

ପକ୍ୟାତାକା 9:1

ଶାଉଲ ନଙ୍ଗୟ୍ ପା ଯୀଶୁ ଚେଲାହିରିଙ୍ଗ୍ ମାର୍ନେ ଅସ୍ତାନାଙ୍ଗ୍ ଇଞ୍ଜି ପାଣ୍ଡ୍ରୁକିଜି ମାଚାନ୍। ଆରେ ହେୱାନ୍ ଈଶ୍ୱର ହେବାକିନି ପ୍ରଦାନ୍ ମୁଡ଼୍‌ଦି ପୁଜାରି ଲାଗାୟ୍ ହାଚାନ୍।

ଜାକ୍‌ବ 2:7

ଆସେଙ୍ଗ୍ ଯୀଶୁ ଖ୍ରୀଷ୍ଟ ନିପ୍‌ଣାକାପ୍, ଆରେ ତା ହାର୍ଦି ତର୍‌ଦିଙ୍ଗ୍ ହେ ହାଉକାର୍ ମାନାୟାର୍ ନିନ୍ଦା କିନାର୍।

୨ ପିତର 2:16

ହେୱାନ୍ ଇଲେକେ କରାପ୍ କାମାୟ୍ କିତି କାଜିଙ୍ଗ୍, ଈଶ୍ୱର ହେୱାନିଙ୍ଗ୍ ରିସା ଆତାନ୍। ତା ଗଦ ହେୱାନିଙ୍ଗ୍ ମାନାୟ୍ ଲେକେ ବେଣ୍‌କିଜି, ହେଲେକେ ବୁଲ୍ କାମାୟ୍ କିନାକା ବନ୍ଦ୍ କିୟିକିତାତ୍।