ପକ୍ୟାତାକା 23:6 - New Testament in Pengo Parja Language

⁶ ପାଚେ ପାଉଲ ହେବେ କୁଚ୍‌ଚି ମାଚି କେତେକ୍ ସାଦୁକିଦଳ୍‌ନିକାର୍ ଆରେ କେତେକ୍ ପାରୁସିଦଳ୍‍ନିକାର୍ ଇଞ୍ଜି ପୁଚାନ୍, ଆରେ ଗାଜାକାଟ୍ କିଜି ୱେଚ୍‌ଚାନ୍, “ଏ ଟଣ୍ଡାର୍, ଆନେଙ୍ଗ୍ ପାରୁସି ଦଳ୍‌ନିକାଙ୍ଗ୍ ଆରେ ମାଞ୍ଜ୍‌ବା ପା ରକାନ୍ ପାରୁସି ମାଚାନ୍। ହାଃତାକାର୍ ଆରେରଗ ଜିବୁନ୍‌ଆନି ବିଷୟରେ ଆହା ଇଡ଼୍‌ଜି ମାଚିଲେ, ଆନେଙ୍ଗ୍ ନଙ୍ଗୟ୍ ବିଚାର୍ କିୟି ଆନାଙ୍ଗା।”

ସତ୍‌ ବଚନ୍‌ ପୁନି ନିୟମ୍‌

⁶ ମତର୍‌ ପାଉଲ୍‌ ର ବାଗ୍‌ ସାଦୁକି ଆରେ ଆଣ୍ଟି ବାଗ୍‌ ପାରୁସି ଇଞ୍ଜି ପୁଞ୍ଜି ଗାଜା ସବାତ ଗାଜାକାଟ୍‌ତାଂ ଇଚାନ୍‌, “ଏ ଇସ୍ରାଏଲ୍‌ନି ଟଣ୍ଡାର୍‌, ଆନ୍‌ ରୱାଙ୍ଗ୍ ପାରୁସି ଆରି ପାରୁସିତି ମେହି; ଆରେ ଇ ବାର୍ସି, ଇଚିସ୍‌ ହାତାକାର୍ତି ଆରେ ନିଂନାକା ବିସ୍ରେ ଆନ୍‌ ବିଚାର୍‌ କିଆନାଙ୍ଗା ।”

ପକ୍ୟାତାକା 23:6 ပူးပေါင်းရင်းမြစ်များ

ମାତିଉ 10:16

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ହୁଡ଼ାଟ୍, ବୁର୍‌କାଙ୍ଗ୍ ବିତ୍ରେ ମେଣ୍ଢାକାଙ୍ଗ୍ ହେଲାଇ କିତିଲେକେ ଆନେଙ୍ଗ୍ ମିଙ୍ଗେଙ୍ଗ୍ ବାର୍ତ ପକ୍ତାନାଙ୍ଗା। ଲାଗିଙ୍ଗ୍ ଏପେଙ୍ଗ୍ ରାଚ୍ ଲେକେ ବୁଦି ଆରେ ପାର୍‌ୱା ଲେକେ ସାଦୁ ଆଡ।

ମାତିଉ 22:23

ହେନାଞ୍ଜ୍ ଯିହୁଦି ଦର୍‍ମନି ସାଦୁକିଦଳ୍‌ନି କେତ୍‌ଜାଣ୍ ଯୀଶୁ କଚଣ୍‌ତ ୱାତାର୍। ସାଦୁକିର୍ ପାର୍ତି କିୱାଦାଙ୍ଗ୍ ମାଚାର୍। ହାଃଜି ଆରେରଗ ଜିବୁନ୍ ଆଉର୍।

ମାତିଉ 3:7

ମାତର୍ ପାରୁସିଦଳ୍‍ ଆରେ ଯିହୁଦି ଦର୍‍ମନି ସାଦୁକିଦଳ୍‌ ବିତ୍ରେତାଙ୍ଗ୍ କେତେକ୍ ମାନାୟ୍ ଡୁବନ୍ ଅଦେଙ୍ଗ୍ ୱାନାରା, ଇଦାଙ୍ଗ୍ ହୁଡ଼୍‌ଜି ଡୁବନ୍‌ହିନି ଯୋହନ ହେୱାରିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ବିସ୍‌ମାନି ରାଚ୍ ଲେକେ ବାନ୍ୟା ମାନାଦେର୍! ଏପେଙ୍ଗ୍ ମି ଆଗେନି ରିସାତାଙ୍ଗ୍ ହନ୍ତେଙ୍ଗ୍ ମିଙ୍ଗେଙ୍ଗ୍ ଇନେର୍ ଚେତ୍‌ନା କିତ୍‌ତାର୍।

ପକ୍ୟାତାକା 22:3

ହେୱାନ୍ ୱେଚ୍‌ଚାନ୍, “ଆନେଙ୍ଗ୍ ଯିହୁଦି ଜାତିନି ମାନାୟ୍, କିଲିକିୟା ଜିଲ୍ଲାନି ତାର୍ଷ ସହର୍‌ତାକେ ଆନେଙ୍ଗ୍ ଜନମ୍ ଆତାଙ୍ଗ୍‌ନା। ମାତର୍ ଆନେଙ୍ଗ୍ ଇ ଯିରୁଶାଲାମ ସହର୍‌ତାକେ ଗାଜା ଆତାଙ୍ଗ୍‌ନା। ଗମଲିୟେଲ ଗୁରୁର୍ କାଲ୍‌କୁ ତାରେନ୍ କୁଚ୍‌ଚି ଈଶ୍ୱର ମା ଆକଦାଦିର୍ ମାଚି ନିୟମ୍ ସାସ୍ତର୍‌ତିଙ୍ଗ୍ ହିକାଆତାଙ୍ଗ୍‌ନା, ଏପେଙ୍ଗ୍ ଇନେସ୍ ଈଶ୍ୱରତିଙ୍ଗ୍ ହେବା କିଦେଙ୍ଗ୍ ଷ୍ଟିଟ୍ ମାଚାଦେର୍, ଆନେଙ୍ଗ୍ ପା ମି ଲେକେ ମାଚାଙ୍ଗ୍।

ପକ୍ୟାତାକା 22:30

ତା ଆର୍‌କାତ୍ ନାଞ୍ଜିଙ୍ଗ୍ ହାଜାର୍ ସେନାର୍ ମୁକ୍ୟା ପାଉଲତିଙ୍ଗ୍ ଯିହୁଦିର୍ ଇନା କିଦେଙ୍ଗ୍ ବିରଦ୍ କିନାରା ହେଦାଙ୍ଗ୍ ପୁଞ୍ଜେଙ୍ଗ୍ ଗାଚ୍‌ଚାକା ରିକ୍‌ତାନ୍‌। ଆରେ ହେୱାନ୍ ଈଶ୍ୱର ହେବାକିନି ମୁଡ଼୍‌ଦି ପୁଜାରିର୍ ଆରେ ବିଚାର୍‌କିନି ବାହାନି ମେମ୍ୱରାରିଙ୍ଗ୍ ରୁଣ୍ଡାଆଦେଙ୍ଗ୍ ଆଦେସ୍ ହିତାନ୍। ଆରେ ହେୱାନ୍ ପାଉଲତିଙ୍ଗ୍ ଅଜି ହେୱାର୍ ମୁମ୍‌ଦ ନିଲି କିତାନ୍।

ପକ୍ୟାତାକା 22:5

ଇ ବିଷୟରେ ଈଶ୍ୱର ହେବାକିନି ପ୍ରଦାନ୍ ମୁଡ଼୍‌ଦି ପୁଜାରି ଆରେ ବିଚାର୍ ସବାନି ପ୍ରାଚିନ୍‌ନାର୍ ପା ସାକି ମାନାର୍। ପାର୍ତି କିନାକାରିଙ୍ଗ୍ ଗାଚ୍‌ଚି ଯିରୁଶାଲାମ ସହର୍‌ତାକେ ତାହିୱାଜି ଦଣ୍ଡ୍ ହିଦେଙ୍ଗ୍, ଇ ଟଣ୍ଡାର୍‌ତାଙ୍ଗ୍‌ ଚିଟି ପାୟାଆଜି ଦମେସକ ସହର୍‌ତାକେ ମାନି ଯିହୁଦିର୍ ଲାଗାୟ୍ ହାଲ୍‌ଜି ମାଚାଙ୍ଗ୍।

ପକ୍ୟାତାକା 23:1

ପାଉଲ ବିଚାର୍‌କିନି ବାହାତାକେ ମାନି ମେମ୍ୱରାରିଙ୍ଗ୍ ଦିୟାନ୍ କିଜି ହୁଡ଼୍‌ତାନ୍, ଆରେ ହେୱାନ୍ ୱେଚ୍‌ଚାନ୍, “ଏ ଟଣ୍ଡାର୍‌କାଦେର୍, ଆନେଙ୍ଗ୍ ନେଞ୍ଜେଙ୍ଗ୍ ପାତେକ୍ ଈଶ୍ୱରତାକେ ହାର୍ଦି ଜିବୁନ୍ କାଟି କିତାଙ୍ଗ୍‌ନା।”

ପକ୍ୟାତାକା 23:15

ପାଉଲତିଙ୍ଗ୍ ହାର୍‌ଦାଙ୍ଗ୍ ବିଚାର୍ କିନାପ୍ ଇଞ୍ଜି ଏପେଙ୍ଗ୍ ଆରେ ବିଚାର୍‌କିନି ମେମ୍ୱରାର୍ ହାଲ୍‌ଜି ସେନାର୍ ମୁକ୍ୟାଙ୍ଗ୍ ପୁସ୍ରାଇ କିଜି ଗୁୱାରି କିୟାଟ୍। ହେୱାନ୍ ବିଚାର୍‌କିନି ବାହାତାକେ ଇକାୱାୱିହିଙ୍ଗ୍‌ ନେ ଆପେଙ୍ଗ୍ ହେୱାନିଙ୍ଗ୍ ଅସ୍ତେଙ୍ଗ୍ କାସି ମାନାପ୍।”

ପକ୍ୟାତାକା 23:20

ହେ ହିମ୍‌ଣା ହେୱାନିଙ୍ଗ୍ ୱେଚ୍‌ଚାନ୍, “ୱିଗାଲିଙ୍ଗ୍ ନି ଲାଗାୟ୍ ଯିହୁଦି ମାନାୟାର୍ ୱାଜି ପୁସ୍ରାଇ କିଜି, ପାଉଲତିଙ୍ଗ୍ ଆରେରଗ ବିଚାର୍‌କିନି ବାହାତାକେ ହାର୍‌ଦାଙ୍ଗ୍ ବିଚାର୍ କିନାପ୍ ଇଞ୍ଜି ଉପାୟ୍ କିତାର୍‌ନା।

ପକ୍ୟାତାକା 23:7

ପାଉଲ ଇ କାତା ୱେଚ୍‌ଚିଲେ ପାରୁସିଦଳ୍‍ ଆରେ ସାଦୁକିଦଳ୍‌ ବିତ୍ରେ ଜୁକ୍ତି କିବାଆତାର୍, ଆରେ ବିଚାର୍‌କିନି ମେମ୍ୱରାର୍ ବାଗ୍-ବାଗ୍ ଆତାର୍।

ପକ୍ୟାତାକା 24:15

ଇ ମାନାୟାର୍ ଇନେସ୍ ଅଦରମ୍‌ ଆରେ ଦରମ୍ ମାନାୟ୍ ହାଃଜି ଆରେରଗ ଜିବୁନ୍ ଆନାର୍ ଇଞ୍ଜି ଆହା କିନାରା, ଆନେଙ୍ଗ୍ ପା ଈଶ୍ୱରତାକେ ହେଲେକେ ନେ ଆହା କିନାଙ୍ଗା।

ପକ୍ୟାତାକା 24:21

ଇ ମାନାୟାର୍ ର ବିଷୟରେ ନାଙ୍ଗେଙ୍ଗ୍ ଦସ୍ ହିଦେଙ୍ଗ୍ ଆଡ଼୍‌ଦାନାର୍, ବିଚାର୍‌କିନି ବାହାତାକେ ଆନେଙ୍ଗ୍ ଗାଜାକାଟ୍ କିଜି ୱେଚ୍‌ଚାଙ୍ଗ୍, ‘ହାଃତାକାର୍ ଆରେରଗ ଜିବୁନ୍‌ଆନି ବିଷୟରେ ଆହା ଇଡ଼୍‌ଜି ମାଚିଲେ, ଆନେଙ୍ଗ୍ ନଙ୍ଗୟ୍ ବିଚାର୍ କିୟି ଆନାଙ୍ଗା।’”

ପକ୍ୟାତାକା 28:20

ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ନା ହୁଦାଙ୍ଗ୍ ମେହାଆଜି କାତାବାର୍ତା ଆଦେଙ୍ଗ୍ କୁକ୍ତାତାଙ୍ଗ୍‌ନା। ଇନେସ୍‌କି ଇସ୍ରାଏଲ ଜାତିନି ମାନାୟାର୍ ଆହାକିଜି ମାଚି ରକ୍ଷାକିଦ୍ନାକାନ୍‌ କାଜିଙ୍ଗ୍ ଆନେଙ୍ଗ୍ ହିକ୍‌ଡ଼ିକାଙ୍ଗ୍ ଗାଚିଆ ଆତାଙ୍ଗ୍‌ନା।”

ପିଲିପିୟ 3:5

ଆନେଙ୍ଗ୍ ଜନମ୍ ଆଜି ଆଡ଼୍‌ଦିନ୍‌ତ ସୁନତ ବିଦି କିତାଙ୍ଗ୍‌ନା। ଆନେଙ୍ଗ୍ ରକାଙ୍ଗ୍ ଇସ୍ରାଏଲ ଜାତିନି ମାନାୟ୍। ଆନେଙ୍ଗ୍ ବିନ୍ଯାମିନ ଲାତ୍ରା ନିକାଙ୍ଗ୍, ଆରେ ନା ଆୟାଆବା ଏବ୍ରୀ ଜାତିନି ମାନାୟ୍ ମାଚାର୍, ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ପା ରକାଙ୍ଗ୍ ଏବ୍ରୀ ମାନାୟ୍। ଆରେ ଆନେଙ୍ଗ୍ ମୋଶା ଲେକିକିତି ନିୟମ୍‌ତିଙ୍ଗ୍ ମାନିକିନି ର ପାରୁସିଦଳ୍‍ନି ମାନାୟ୍ ମାଚାଙ୍ଗ୍।

କଲସିୟ 1:5

ମି କାଜିଙ୍ଗ୍ ଈଶ୍ୱର ସରଗ୍‌ତାକେ ଇଡ଼୍‌ଜି ମାଚି ପୁରଷ୍କାର୍‌ତାକେ ଆହା ଇଡ଼୍‌ଜି ମାଚି କାଜିଙ୍ଗ୍ ଏପେଙ୍ଗ୍ ଇ ଲେକେ ପାର୍ତି ଆରେ ଲାଡ୍ କିନାଦେରା। ଏଚେପାଦ୍ନା ମାନାୟାର୍ ମିଙ୍ଗେଙ୍ଗ୍ ପାର୍ତୁମ୍ ଈଶ୍ୱରତି ସତ୍ କାତା ଯୀଶୁ ଖ୍ରୀଷ୍ଟ ବିଷୟନି ହାର୍ଦିକାବୁର୍ ୱେଚ୍‌ଚି ମାଚାର୍, ହେପାଦ୍ନା ଏପେଙ୍ଗ୍ ଇ ବିଷୟରେ ୱେଚାଦେର୍‌ନା।

ଏବ୍ରି 6:19

ଲଙ୍ଗର୍ ଇନେସ୍ ଡଙ୍ଗାତିଙ୍ଗ୍ ଷ୍ଟ୍ରଙ୍ଗ୍ ଆରେ ମଜ୍‌ବୁତ୍ କିଜି ଆସ୍ତି ମାନାତ୍, ହେଲେକେ ଇ ଆହା ମା ଜିବୁନ୍‌ତିଙ୍ଗ୍ ଷ୍ଟ୍ରଙ୍ଗ୍ ଆରେ ମଜ୍‌ବୁତ୍ କିଜି ଆସ୍ତି ମାଞ୍ଜ୍‌ନାତ୍। ଇଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ଯୀଶୁତାକେ ମା ଆହା ଇଡ଼୍‌ତାସ୍‌ନା। ପବିତ୍ର ପୁଟ୍ କୁଡ଼ିଆନି ପାର୍‌ଦା ଆନି ମାନି ଈଶ୍ୱରତି ବେସି ପବିତ୍ର ବାହାତାକେ ଯୀଶୁ ହାଚାନ୍‌ନା।