ପକ୍ୟାତାକା 23:1 - New Testament in Pengo Parja Language

¹ ପାଉଲ ବିଚାର୍‌କିନି ବାହାତାକେ ମାନି ମେମ୍ୱରାରିଙ୍ଗ୍ ଦିୟାନ୍ କିଜି ହୁଡ଼୍‌ତାନ୍, ଆରେ ହେୱାନ୍ ୱେଚ୍‌ଚାନ୍, “ଏ ଟଣ୍ଡାର୍‌କାଦେର୍, ଆନେଙ୍ଗ୍ ନେଞ୍ଜେଙ୍ଗ୍ ପାତେକ୍ ଈଶ୍ୱରତାକେ ହାର୍ଦି ଜିବୁନ୍ କାଟି କିତାଙ୍ଗ୍‌ନା।”

ସତ୍‌ ବଚନ୍‌ ପୁନି ନିୟମ୍‌

¹ ଆରେ, ପାଉଲ୍‌ ଗାଜା ସବା କାଜିଂ ସମାନ୍‌ ହୁଡ଼୍‌ଜି ଇଚାନ୍‌, “ଟଣ୍ଡାର୍‌, ଆନ୍‌ ଇ ଦିନ୍‌ ପାତେକ୍‌ ପୁରା ହାର୍‌ଦି ଚିନ୍ତା ଇସ୍ୱର୍‌ତି ସାକ୍ୟତ ଆଚାର୍‌ ବେବାର୍‌ କିଜ଼ି ୱାତାଂନ୍ନା ।”

ପକ୍ୟାତାକା 23:1 ပူးပေါင်းရင်းမြစ်များ

ମାତିଉ 5:22

ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା, ଇନେର୍ ଜାର୍ ଟଣ୍ତେନିଙ୍ଗ୍ ରିସା ଆନାନ୍, ହେୱାନ୍ ବିଚାର୍‌କିନି ବାହାତାକେ ଦଣ୍ଡ୍ ପାୟା ଆନାନ୍। ଆରେ ଇନେର୍ ଯଦି ଜାର୍ ଟଣ୍ତେନିଙ୍ଗ୍ ମୁର୍କ ଇଞ୍ଜି ଇନାନ୍, ହେୱାନ୍ ଗାଜାସବାତାକେ ଦଣ୍ଡ୍ ପାୟା ଆନାନ୍। ଆରେ ଇନେର୍ ଯଦି ବାନ୍ୟା ମାନାୟ୍ ଇଞ୍ଜ୍‌ନାର୍, ହେୱାନ୍ ନାଣିନି ନରକ୍‌ତାକେ ଦଣ୍ଡ୍ ପାୟା ଆନାନ୍।

ପକ୍ୟାତାକା 22:1

ପାଉଲ ହେୱାରିଙ୍ଗ୍ ୱେଚ୍‌ଚାନ୍, “ଏ ଟଣ୍ଡାର୍ ଆରେ ଆବା କାଦେର୍, ନାଙ୍ଗେଙ୍ଗ୍ ବିରଦ୍ କିଦ୍‌ନି ମାନାୟାର୍ ଆନେଙ୍ଗ୍ ନଙ୍ଗୟ୍ ଉତର୍ ହିଦ୍‌ନାଙ୍ଗା ଏପେଙ୍ଗ୍ ୱେନାଟ୍।”

ପକ୍ୟାତାକା 22:30

ତା ଆର୍‌କାତ୍ ନାଞ୍ଜିଙ୍ଗ୍ ହାଜାର୍ ସେନାର୍ ମୁକ୍ୟା ପାଉଲତିଙ୍ଗ୍ ଯିହୁଦିର୍ ଇନା କିଦେଙ୍ଗ୍ ବିରଦ୍ କିନାରା ହେଦାଙ୍ଗ୍ ପୁଞ୍ଜେଙ୍ଗ୍ ଗାଚ୍‌ଚାକା ରିକ୍‌ତାନ୍‌। ଆରେ ହେୱାନ୍ ଈଶ୍ୱର ହେବାକିନି ମୁଡ଼୍‌ଦି ପୁଜାରିର୍ ଆରେ ବିଚାର୍‌କିନି ବାହାନି ମେମ୍ୱରାରିଙ୍ଗ୍ ରୁଣ୍ଡାଆଦେଙ୍ଗ୍ ଆଦେସ୍ ହିତାନ୍। ଆରେ ହେୱାନ୍ ପାଉଲତିଙ୍ଗ୍ ଅଜି ହେୱାର୍ ମୁମ୍‌ଦ ନିଲି କିତାନ୍।

ପକ୍ୟାତାକା 22:5

ଇ ବିଷୟରେ ଈଶ୍ୱର ହେବାକିନି ପ୍ରଦାନ୍ ମୁଡ଼୍‌ଦି ପୁଜାରି ଆରେ ବିଚାର୍ ସବାନି ପ୍ରାଚିନ୍‌ନାର୍ ପା ସାକି ମାନାର୍। ପାର୍ତି କିନାକାରିଙ୍ଗ୍ ଗାଚ୍‌ଚି ଯିରୁଶାଲାମ ସହର୍‌ତାକେ ତାହିୱାଜି ଦଣ୍ଡ୍ ହିଦେଙ୍ଗ୍, ଇ ଟଣ୍ଡାର୍‌ତାଙ୍ଗ୍‌ ଚିଟି ପାୟାଆଜି ଦମେସକ ସହର୍‌ତାକେ ମାନି ଯିହୁଦିର୍ ଲାଗାୟ୍ ହାଲ୍‌ଜି ମାଚାଙ୍ଗ୍।

ପକ୍ୟାତାକା 23:15

ପାଉଲତିଙ୍ଗ୍ ହାର୍‌ଦାଙ୍ଗ୍ ବିଚାର୍ କିନାପ୍ ଇଞ୍ଜି ଏପେଙ୍ଗ୍ ଆରେ ବିଚାର୍‌କିନି ମେମ୍ୱରାର୍ ହାଲ୍‌ଜି ସେନାର୍ ମୁକ୍ୟାଙ୍ଗ୍ ପୁସ୍ରାଇ କିଜି ଗୁୱାରି କିୟାଟ୍। ହେୱାନ୍ ବିଚାର୍‌କିନି ବାହାତାକେ ଇକାୱାୱିହିଙ୍ଗ୍‌ ନେ ଆପେଙ୍ଗ୍ ହେୱାନିଙ୍ଗ୍ ଅସ୍ତେଙ୍ଗ୍ କାସି ମାନାପ୍।”

ପକ୍ୟାତାକା 23:20

ହେ ହିମ୍‌ଣା ହେୱାନିଙ୍ଗ୍ ୱେଚ୍‌ଚାନ୍, “ୱିଗାଲିଙ୍ଗ୍ ନି ଲାଗାୟ୍ ଯିହୁଦି ମାନାୟାର୍ ୱାଜି ପୁସ୍ରାଇ କିଜି, ପାଉଲତିଙ୍ଗ୍ ଆରେରଗ ବିଚାର୍‌କିନି ବାହାତାକେ ହାର୍‌ଦାଙ୍ଗ୍ ବିଚାର୍ କିନାପ୍ ଇଞ୍ଜି ଉପାୟ୍ କିତାର୍‌ନା।

ପକ୍ୟାତାକା 23:28

ଇନା କିଦେଙ୍ଗ୍ ଯିହୁଦିର୍ ଏଚେକ୍ ଦସ୍ କିନାରା ହେଦାଙ୍ଗ୍ ପୁଞ୍ଜେଙ୍ଗ୍, ଆନେଙ୍ଗ୍ ଇୱାନିଙ୍ଗ୍ ବିଚାର୍‌କିନି ବାହାତାକେ ଅସାହାଚାଙ୍ଗ୍।

ପକ୍ୟାତାକା 23:6

ପାଚେ ପାଉଲ ହେବେ କୁଚ୍‌ଚି ମାଚି କେତେକ୍ ସାଦୁକିଦଳ୍‌ନିକାର୍ ଆରେ କେତେକ୍ ପାରୁସିଦଳ୍‍ନିକାର୍ ଇଞ୍ଜି ପୁଚାନ୍, ଆରେ ଗାଜାକାଟ୍ କିଜି ୱେଚ୍‌ଚାନ୍, “ଏ ଟଣ୍ଡାର୍, ଆନେଙ୍ଗ୍ ପାରୁସି ଦଳ୍‌ନିକାଙ୍ଗ୍ ଆରେ ମାଞ୍ଜ୍‌ବା ପା ରକାନ୍ ପାରୁସି ମାଚାନ୍। ହାଃତାକାର୍ ଆରେରଗ ଜିବୁନ୍‌ଆନି ବିଷୟରେ ଆହା ଇଡ଼୍‌ଜି ମାଚିଲେ, ଆନେଙ୍ଗ୍ ନଙ୍ଗୟ୍ ବିଚାର୍ କିୟି ଆନାଙ୍ଗା।”

ପକ୍ୟାତାକା 24:16

ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ପା ୱିଜୁଦିନ୍ ଈଶ୍ୱରତାକେ ଆରେ ମାନାୟାର୍‌ତାକେ ଦସି ଆଉଙ୍ଗ୍ ଇଞ୍ଜି ନା ମାନ୍‌ତିଙ୍ଗ୍ ଜାତୁନ୍ କିନାଙ୍ଗା।

ପକ୍ୟାତାକା 6:15

ହେପାଦ୍ନା ବିଚାର୍‌କିନି ବାହାତାକେ କୁଚ୍‌ଚି ମାଚି ୱିଜାକାର୍ ସ୍ତିପାନତିଙ୍ଗ୍ ମାନ୍‌ଦିୟାନ୍ କିଜି ହୁଡ଼୍‌ତାର୍। ଆରେରଗ ଦୁତ୍ ମୁମ୍ ଅଜଡ଼୍ ଆତିଲେକେ ତା ମୁମ୍ ପା ଅଜଡ଼୍ ଆନାକା ହେୱାର୍ ହୁଡ଼୍‌ତାର୍।

୧ କରନ୍ତିୟ 4:4

ଆନେଙ୍ଗ୍ ପୁଚାଙ୍ଗ୍‌ନା ଯେ, ଇନା ବୁଲ୍ କିୱାତାଙ୍ଗ୍‌ନା, ମାତର୍ ଆନେଙ୍ଗ୍ ହେଦାଙ୍ଗ୍ ୱେଚ୍‌ଚିସ୍ ଟିକ୍ ଆଉତ୍। ହେଦାଙ୍ଗ୍ ମାପୃ ନାଙ୍ଗେଙ୍ଗ୍ ପରିକ୍ଷା କିଜି ବିଚାର୍ କିଦ୍‌ନାନ୍‌।

୨ କରନ୍ତିୟ 1:12

ଆସେଙ୍ଗ୍ ବାଟ୍‌ପାଣ୍ ଆଜି ୱେଚ୍‌ଚେଙ୍ଗ୍ ଆଡ୍‌ନାସ୍, ଇନେସ୍‌କି ଆପେଙ୍ଗ୍ ଦରମ୍ ଆରେ ସତ୍ ସମ୍ପର୍କ ମିହୁଦାଙ୍ଗ୍ ଇଡ଼୍‌ତାପ୍‌ନା, ହେଦାଙ୍ଗ୍ ମା ମାନ୍ତି ବାବ୍‌ନା ସାକି ହିନାତା। ଆସେଙ୍ଗ୍ ମା ପୁର୍ତିନି ଜ୍ଞାନ୍‌ତିଙ୍ଗ୍ ଆହା କିୱାଦାଙ୍ଗ୍, ଈଶ୍ୱର ଦୟାତିଙ୍ଗ୍ ଆହା କିନାପା। ହେଲେକେ ମିହୁଦାଙ୍ଗ୍ ଆରେ ୱିଜାକାର୍ ହୁଦାଙ୍ଗ୍ ଜିବୁନ୍ କାଟିକିଜି ମାଚାପ୍।

୨ କରନ୍ତିୟ 4:2

ଆପେଙ୍ଗ୍ ୱିଜୁ ଲାଜାଆନି କାମାୟ୍ ଆରେ ମାନାୟାର୍‌ତାଙ୍ଗ୍ ଡ଼ୁକ୍‌ଚି କିନି କାମାୟ୍ କିଉସା। ଆପେଙ୍ଗ୍ ମିଙ୍ଗେଙ୍ଗ୍ ଟକାୟ୍ କିଦ୍‌ଦେଙ୍ଗ୍ ଉପାୟ୍ କିଉପା, ଆରେ ଆପେଙ୍ଗ୍ ଈଶ୍ୱର କାତାତିଙ୍ଗ୍ ଚାଲାକି କିଜି ୱେଚ୍‌ଚୁପା। ଆପେଙ୍ଗ୍ ଈଶ୍ୱର ମୁମ୍‌ଦ ସତ୍ ୱେଚ୍‌ନାପା ଆରେ ୱିଜୁ ଦରମ୍ ମାନାୟାର୍ ପୁଚାର୍‌ନା ଯେ ଆପେଙ୍ଗ୍ ସତ୍ ୱେଚ୍‌ନାପା।

୨ ତିମଥି 1:3

ଆନେଙ୍ଗ୍ ଏଚେପାଦ୍ନା ପାର୍ତାନା ୱିଜୁଦିନ୍ ନି ତର୍‌ତିଙ୍ଗ୍ ମାନ୍ତ ଏତୁ କିନାଙ୍ଗ୍, ଆରେ ଈଶ୍ୱରତିଙ୍ଗ୍ ୱିଜୁଦିନ୍ ଦନ୍ଯବାଦ୍ ହିଜି ପାର୍ତାନା କିନାଙ୍ଗ୍। ହେ ଈଶ୍ୱରତିଙ୍ଗ୍ ଆନେଙ୍ଗ୍ ଆରେ ନା ଆକଦାଦିର୍ ହାର୍ଦି ମାନ୍‌ତାଙ୍ଗ୍ ହେବା କିନାପା।

ଏବ୍ରି 13:18

ମା କାଜିଙ୍ଗ୍ ପାର୍ତାନା କିୟାଟ୍। ଇନେସ୍‌କି ମା ଆହା ମାନାତ୍ ଯେ, ମାଙ୍ଗେଙ୍ଗ୍ ହାର୍ଦି ବୁଦି ମାନାତ୍, ଆରେ ଆସେଙ୍ଗ୍ ସନ୍‌ମାନ୍ ହୁଦାଙ୍ଗ୍ ୱିଜୁକିଜି ଜିନି କାଜିଙ୍ଗ୍ ଇଚା କିନାସା।

୧ ପିତର 3:16

ଏପେଙ୍ଗ୍ ଦରମ୍‌ଆଜି ସନ୍‌ମାନ୍ ହୁଦାଙ୍ଗ୍ ହେ ବିଷୟତିଙ୍ଗ୍ ବୁଜାୟ୍ କିନି ଦର୍‌କାର୍, ଏପେଙ୍ଗ୍ ଜାର୍ ମାନ୍‌ତିଙ୍ଗ୍ କିଲେର୍ କିଜି ଇଟାଟ୍। ଲାଗିଙ୍ଗ୍ ମାନାୟାର୍ ଯଦି ମି ବିରୁଦ୍‌ତାକେ ଇଞ୍ଜ୍‌ନାର୍, ଆରେ ଏପେଙ୍ଗ୍ ହାର୍ ଜିବୁନ୍ କାଟି କିନାକା ହେୱାର୍ ହୁଡ଼୍‍ଦାନାର୍ ଆରେ ହେୱାର୍ ଲାଜ୍ ପାୟାଆନାର୍‌, ଇନେସ୍‌କି ଏପେଙ୍ଗ୍ ଖ୍ରୀଷ୍ଟ ଲକ୍ ଆତାଦେର୍‌ନା।