ପକ୍ୟାତାକା 21:8 - New Testament in Pengo Parja Language

⁸ ଆର୍‌କାତ୍ ନାଞ୍ଜ୍ ହେ ବାହା ପିସ୍ତି ଆପେଙ୍ଗ୍ କାଇସରିଆ ସହର୍‌ତାକେ ହାଚାପ୍। ଆରେ ପିଲିପ ତର୍‍ଦି ଇଞ୍ଜ ମାଚାପ୍। ରାଣ୍ଡିକାଙ୍ଗ୍ ଦେକାଶୁଣା କିଦେଙ୍ଗ୍ ଯିରୁଶାଲାମ ସହର୍‌ତାକେ ମାନି ବାଚିକିତି ଚେଲାର୍, ଇମ୍‌ଣି ସାତ୍ ଜାଣ୍‌ତିଙ୍ଗ୍ ବାଚିକିଜି ମାଚାର୍ ହେ ବିତ୍ରେତାଙ୍ଗ୍ ଇ ପିଲିପ ରକାନ୍ ମାଚାନ୍।

ସତ୍‌ ବଚନ୍‌ ପୁନି ନିୟମ୍‌

⁸ ଆର୍କାତ୍‌ ନାଜିଂ ଆପେଂ କାଇସରିୟାତ ହାଚାପ୍, ଆରେ ସାତ୍‌ ଜାଣ୍‍ତି ବିତ୍ରେ ମାନି ନେକ୍ରିକାବୁର୍‌ ପର୍‌ଚାର୍‌ କିନାକାନ୍‌ ପିଲିପ୍‌ତି ଇଞ୍ଜ ହଣ୍‌ଜି ହେୱାନ୍‌ ହୁକେ ମାଚାପ୍ ।

ପକ୍ୟାତାକା 21:8 ပူးပေါင်းရင်းမြစ်များ

ପକ୍ୟାତାକା 10:1

କାଇସରିଆ ସହର୍‌ତାକେ କର୍ଣିଲିୟ ତର୍‍ଦାକାନ୍ ରକାନ୍ ମାନାୟ୍ ମାଚାନ୍। ହେୱାନ୍ ଇତାଲିକ ଦଳ୍‌ନି ଶହେ ସେନାନି ମୁକ୍ଯା ମାଚାନ୍।

ପକ୍ୟାତାକା 16:10

ହେୱାନ୍ ଇ କେଚ୍‌କଣ୍ ହୁଡ଼୍‌ତି ପାଚେ ନାଡ଼ିସ୍ ମାକଦନିଆ ଜିଲ୍ଲାତାକେ ଆପେଙ୍ଗ୍ ହାଞ୍ଜେଙ୍ଗ୍ ଉପାୟ୍ କିତାପ୍। ଇନେସ୍‌କି ହେୱାର୍ ଲାଗାୟ୍ ହାର୍ଦିକାବୁର୍ ଶୁଣାୟ୍ କିଦେଙ୍ଗ୍ ଈଶ୍ୱରଆତ୍ମା ମାଙ୍ଗେଙ୍ଗ୍ ହିର୍‌ବାଆତ୍‌ତାନ୍‌ନା ଇଞ୍ଜି ଆପେଙ୍ଗ୍ ବୁଜାଆତାପ୍।

ପକ୍ୟାତାକା 16:13

ଜମ୍‌ନିଦିନ୍‌ ନାଞ୍ଜିଙ୍ଗ୍ ଆପେଙ୍ଗ୍ ହେ ସହର୍‌ତାଙ୍ଗ୍ ହସି ନାଗୁଡ଼୍ କାଣ୍ଡିତାକେ ହାଚାପ୍। ହେବେ ପାର୍ତାନା କିନି ବାହା ମାନାତ୍ ଇଞ୍ଜି ଆପେଙ୍ଗ୍ ୱେନ୍‌ଞ୍ଜି ମାଚାପ୍, ହେବେ କୁଚ୍‌ଚି ମାନି କଗ୍‍ଲେକାଙ୍ଗ୍ ହୁଡ଼୍‌ଜି ଆପେଙ୍ଗ୍ ହେବେ କୁଚ୍‌ଚି ହେୱେକିୟାକାଙ୍ଗ୍ ଯୀଶୁ ବିଷୟରେ ୱେଚ୍‌ଚାପ୍।

ପକ୍ୟାତାକା 16:16

ଦିନେକ୍ ଆପେଙ୍ଗ୍ ପାର୍ତାନା କିନି ବାହାତାକେ ମାନିହିଙ୍ଗ୍ ଗୁର୍‌ମାଇ ଆତ୍ମା ଆହିଆତି ର ଦାସି ମାଙ୍ଗେଙ୍ଗ୍ ଗିଟାଆତ୍‌ତାତ୍‌। ହେଦେଲ୍ ବାଗ୍ଯନି କାତା ୱେଚ୍‌ଚି ମାଲିକାରିଙ୍ଗ୍ ଡାବୁଙ୍ଗ୍ ଆର୍ଜାଆଜି ହିଜିମାଚାତ୍‌।

ପକ୍ୟାତାକା 18:22

କାଇସରିଆ ସହର୍‌ତାକେ ଏକିସ୍ ହେୱାନ୍ ଜାଜ୍‌ତାଙ୍ଗ୍ ଜୁତାନ୍। ଆରେ ଯିରୁଶାଲାମ ସହର୍‌ତାକେ ମାନି ମଣ୍ଡ୍‌ଲିନି ମାନାୟାରିଙ୍ଗ୍ ମେହାଆଜି ଆନ୍ତିୟକିଆ ସହର୍‌ତାକେ ହାଚାନ୍।

ପକ୍ୟାତାକା 20:13

ମାତର୍ ଆପେଙ୍ଗ୍ ଜାଜ୍‌ତାକେ ଦୁମ୍‌ଜି ଆସସ୍ ସହର୍‌ତାକେ ହାଞ୍ଜେଙ୍ଗ୍ ହାଚାପ୍। ଆରେ ପାଉଲତିଙ୍ଗ୍ ପା ଅସାହାଞ୍ଜେଙ୍ଗ୍ ବାବି କିତାପ୍, ମାତର୍ ପାଉଲ ହାଜ୍‌ଦିଙ୍ଗ୍ ଆସସ୍ ସହର୍‌ତାକେ ହାଞ୍ଜେଙ୍ଗ୍ ବାବିକିତାନ୍।

ପକ୍ୟାତାକା 20:6

ମାତର୍ ଆପେଙ୍ଗ୍ ଫିଲିପ ସହର୍‌ତାକେ ହାଚାପ୍। ସଡ଼ା ମେହାଆୱିତି ରୁଟି ପାର୍ବୁ ୱିସ୍ତି ପାଚେ ଜାଜ୍‌ତାକେ ଦୁମ୍‌ଜି ତ୍ରୋୟା ସହର୍‌ତାକେ ହାଞ୍ଜେଙ୍ଗ୍ ହତାପ୍। ପାଞ୍ଚ୍‌ଦିନ୍ ପାଚେ ହେ ସହର୍‌ତାକେ ଇକାତାପ୍, ଆରେ ମା ଆଗେ ହାଲ୍‌ଜି ମାଚି ମାନାୟାର୍ ହୁଦାଙ୍ଗ୍ ମେହା ଆତାପ୍। ଆରେ ହେୱାର୍ ହୁଦାଙ୍ଗ୍ ହେ ବାହାତାକେ ସାତ୍‌ଦିନ୍ ମାଚାପ୍।

ପକ୍ୟାତାକା 21:16

କାଇସରିଆ ସହର୍‌ତାଙ୍ଗ୍ ପା କେତେକ୍ ପାର୍ତିକିନି ଚେଲାହିର୍ ମା ହୁଦାଙ୍ଗ୍ ୱାତାର୍। ହେୱାର୍ ମନାସନ ତର୍‍ଦାକାନ୍ ଇଞ୍ଜ ମାଙ୍ଗେଙ୍ଗ୍ ଅସାହାନ୍‌ଞ୍ଚାର୍। ହେୱାନ୍ କୁପ୍ର ଦ୍ୱିପ୍ ନିକାନ୍ ମାଚାନ୍ ଆରେ ହେୱାନ୍ ଆଗେତାଙ୍ଗ୍ ପାର୍ତିକିନାକାନ୍ ମାଚାନ୍।

ପକ୍ୟାତାକା 23:23

ପାଚେ ହାଜାର୍ ସେନାର୍ ମୁକ୍ୟା ଶହେ ସେନାର୍ ରିକାର୍ ମୁକ୍ୟାଙ୍ଗ୍ କୁକ୍‌ଚି ୱେଚ୍‌ଚାନ୍, “ନେଞ୍ଜେଙ୍ଗ୍ ମିକା ନଟା ୱେଡ଼ାଙ୍ଗ୍ କାଇସରିଆ ସହର୍‌ତାକେ ହାଞ୍ଜେଙ୍ଗ୍ ଦୁଇଶ ଜାଣ୍ ସେନାରିଙ୍ଗ୍, ସତୁରି ଜାଣ୍‌ତିଙ୍ଗ୍ ଗଡ଼ା ଚାଲାଇ କିଦେଙ୍ଗ୍ ଆରେ ଦୁଇଶ ବାଲା ଆହ୍‌ନି ଲଗାଙ୍ଗ୍ ରେଡି କିୟାଟ୍।

ପକ୍ୟାତାକା 27:1

ପେଷ୍ଟସ୍‌ ରାଜା ଇଚା କିତାନ୍ ଯେ ଆପେଙ୍ଗ୍ ଜାଜ୍‌ତାକେ ଦୁମ୍‌ଜି ରୋମ୍ ଦେସ୍‌ନି ଇତାଲିଆ ଜିଲ୍ଲାତାକେ ହାଞ୍ଜେଙ୍ଗ୍। ହେପାଦ୍ନା ପାଉଲ ଆରେ ଜେକନି କେତେକ୍ ବନ୍ଦି ଆତି ମାନାୟାରିଙ୍ଗ୍ ଶହେ ସେନାର୍ ମୁକ୍ୟା ଯୁଲିଅ କେଇଦ ହାର୍‌ପି କିଜି ହିତାନ୍। ହେୱାନ୍ ଅଗଷ୍ଟସ୍ ମାହା ରାଜାନି ସେନା ମାଚାନ୍।

ପକ୍ୟାତାକା 28:11

ଇ ଦ୍ୱିପ୍‌ତାକେ ତିନିମାସ୍ ମାଚି ପାଚେ, ଆଲେକ୍‌ଜାଣ୍ଡ୍ରିଆ ସହର୍‌ତାଙ୍ଗ୍ ୱାନି ଜାଜ୍‌ତାକେ ଆପେଙ୍ଗ୍ ଦୁମ୍‌ତାପ୍, ଇ ଦ୍ୱିପ୍‌ତାକେ ଇ ଜାଜ୍ ପିନିମାସ୍ ୱିଜ୍‌ନି ପାତେକ୍ ମାଚାତ୍। ଇ ଜାଜ୍‌ନି ଆଗ୍‌ବାଗାୟ୍ ଜାଉଁଣା ପେନ୍‌ନି ଚିନା ମାଚାତ୍।

ପକ୍ୟାତାକା 28:16

ଏଚେପାଦ୍ନା ଆପେଙ୍ଗ୍ ରୋମ ସହର୍‌ତାକେ ଇକାତାପ୍, ପାଉଲତିଙ୍ଗ୍ ନିଜେ ମାଞ୍ଜେଙ୍ଗ୍ ୱେଚ୍‌ଚାର୍, ଆରେ ତାଙ୍ଗେଙ୍ଗ୍ କାତେଙ୍ଗ୍ ର ଜାଗୁୱାଡ଼ି ସେନାଙ୍ଗ୍ ହିତାର୍।

ପକ୍ୟାତାକା 6:5

ବାଚିକିତି ଚେଲାହିର୍ ଇବେଣ୍ ଜେକନି ଚେଲାର୍ ହାର୍ ଇଞ୍ଜି ୱେଚ୍‌ଚାର୍। ଲାଗିଙ୍ଗ୍ ହେୱାର୍ ସ୍ତିପାନ ତର୍‍ଦାକାନ୍ ରକାନିଙ୍ଗ୍ ବାଚିକିତାର୍। ହେୱାନ୍ ଈଶ୍ୱରତାକେ ପାର୍ତି କିଜି ମାଚାନ୍ ଆରେ ପବିତ୍ର ଆତ୍ମାତାଙ୍ଗ୍ ପୁରାଆଜି ମାଚାନ୍। ଆରେ ହେୱାର୍ ପିଲିପ, ପ୍ରକର, ନିକାନୋର, ତିମୋନ, ପାର୍ମନା ଆରେ ଆନ୍ତିୟକିଆ ସହର୍‌ନି ନିକଲାୟତିଙ୍ଗ୍ ବାଚିକିତାର୍। ନିକଲାୟ ଯୀଶୁତାକେ ପାର୍ତିକିୱି ଆଗେ ଯିହୁଦି ଦରମ୍ ବିଦିତିଙ୍ଗ୍ ମାନିକିଜି ମାଚାନ୍।

ପକ୍ୟାତାକା 9:30

ହେଦାଙ୍ଗ୍ କାଜିଙ୍ଗ୍ ତା ହାଙ୍ଗ୍‌ଦି ଟଣ୍ଡାହିର୍ ଇଦାଙ୍ଗ୍ ପୁନ୍‌ଞ୍ଜି ହେୱାନିଙ୍ଗ୍ କାଇସରିଆ ସହର୍‌ତାକେ ଅତାର୍। ଆରେ ହେୱାନ୍ କାଜିଙ୍ଗ୍ ତାର୍ଷ ସହର୍‌ତାକେ ହାଞ୍ଜେଙ୍ଗ୍ ଜଗାଡ଼୍ କିଜି ପକ୍ତାର୍।

ଏପିସିୟ 4:11

ହେ ଖ୍ରୀଷ୍ଟ ନେ ମଣ୍ଡ୍‌ଲିତିଙ୍ଗ୍ ଇ ବର୍‌ଦାନ୍ ହିତାନ୍‌ନା, ହେୱାନ୍ ଇନେ-ଇନେରିଙ୍ଗ୍ ବାଚିକିତି ଚେଲା, ଆରେ ଇନେ-ଇନେରିଙ୍ଗ୍ ଭବିଷ୍ଯତବକ୍ତା ଇନାର୍। ଆରେ ଇନେ-ଇନେରିଙ୍ଗ୍ ହାର୍ଦିକାବୁର୍ ଶୁଣାୟ୍ କିନାକାନ୍, ଇନେ-ଇନେରିଙ୍ଗ୍ ପାଷ୍ଟେର୍ ଆରେ ମାଷ୍ଟେର୍ ଲେକେ ବାଚି କିତାନ୍‌ନା।

୨ ତିମଥି 4:5

ମାତର୍ ଏପେଙ୍ଗ୍ ୱିଜୁ ବିଷୟତାଙ୍ଗ୍ ଜାଗ୍ରତ୍ ଆଜି ମାନାଟ୍, କଷ୍ଟତିଙ୍ଗ୍ ମାନି କିୟାଟ୍ ହାର୍ଦିକାବୁର୍‌ତିଙ୍ଗ୍ ଶୁଣାୟ୍ କିୟାଟ୍ ଆରେ ମି ହେବା କାମାୟ୍‌ନି କାମାୟ୍‌ତିଙ୍ଗ୍ ପୁରା କିୟାଟ୍।