ପକ୍ୟାତାକା 21:40 - New Testament in Pengo Parja Language

⁴⁰ ଲାଗିଙ୍ଗ୍ ହାଜାର୍ ସେନାର୍ ମୁକ୍ଯା ପାଉଲତିଙ୍ଗ୍ ଆଦେସ୍ ହିତାନ୍। ହେୱାନ୍ ହେ ପାଉଜ୍‌ତାକେ ନିଲ୍‌ତି ମାନାୟାରିଙ୍ଗ୍ କେଇ ଚଚ୍‌ଚାନ୍, ଆରେ ୱିଜାକାର୍ ଚିମ୍ରା ଆତାର୍। ତାପାଚେ ହେୱାନ୍ ଏବ୍ରୀ ବାଷାତାଙ୍ଗ୍ ହେୱାରିଙ୍ଗ୍ ବେଣ୍‌କିତାନ୍।

ସତ୍‌ ବଚନ୍‌ ପୁନି ନିୟମ୍‌

⁴⁰ ହେୱାନ୍‌ ଦାଇତ୍‌ ହିତିଲେ ପାଉଲ୍‌ ପାଉଜ୍‌ ଇଞ୍ଜ ଲକୁରିଂ କେଇ ହୁଦାଂ ଚଚ୍‍ଚାନ୍; ଆରେ, ୱିଜ଼ାର୍‌ ଚିମ୍ରା ଆତି ପାଚେ ହେୱାନ୍‌ ଏବ୍ରି ବେରଣ୍‌ତ ହେୱାରିଂ ଇଞ୍ଜେଙ୍ଗ୍‌ ଲାଗାତାନ୍‌ ।

ପକ୍ୟାତାକା 21:40 ပူးပေါင်းရင်းမြစ်များ

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 23:38

ଆରେ ଯୀଶୁଙ୍ଗ୍ ଦୁପ୍‌ତି କୃଶକାଟ୍ ଜପି ଇନସ୍ତା କିଦେଙ୍ଗ୍ ର ମାର୍ ପାଟା ରସ୍ତି ବଡ୍ ଇଡ଼୍‌ତାର୍। ହେ ପାଟାତାକେ ଇଲେକେ ଲେକାଆଜି ମାଚାତ୍, “ଏ ଯିହୁଦିର୍ ରାଜା।”

ଜହନ୍‌ 19:13

ପିଲାତ ଗବର୍‌ନର୍ ଯିହୁଦି ମାନାୟାର୍ ଇବେଣ୍ ୱେଚ୍‌ଚାନ୍। ଲାଗିଙ୍ଗ୍ ହେୱାନ୍ ଯୀଶୁଙ୍ଗ୍ ବିଚାର୍‌କିନି ମଣ୍ଡପ୍‌ତାକେ ତାସିୱାତାନ୍। ଏବ୍ରୀ ବେଣ୍‌ତାକେ ଗବ୍ବଥା ଇଞ୍ଜି ଇନାର୍। ପିଲାତ ଗବର୍‌ନର୍ ମଣ୍ଡପ୍‌ତାକେ ମାନି ବିଚାର୍‌କିନି ବାହାତାକେ କୁଚ୍‌ଚାନ୍।

ଜହନ୍‌ 19:17

ସେନାର୍ ଯୀଶୁଙ୍ଗ୍ ତା ଜାର୍ କୃଶକାଟ୍ ପିଣ୍ଡିକିଜି କାପ୍‌ଡ଼ାନି କପ୍‌ରି ଲେକେ ଚଞ୍ଜ୍‌ନିବାହାତାକେ ଅସିହାଚାର୍। ହେ ବାହାତିଙ୍ଗ୍ ଏବ୍ରୀ ବେଣ୍‌ତାକେ ଗଲ୍‍ଗତା ଇନାର୍।

ଜହନ୍‌ 19:20

ଯୀଶୁଙ୍ଗ୍ କୃଶକାଟ୍‌ତାକେ ଦୁପ୍‌ତି ବାହା ଯିରୁଶାଲାମ୍ ସହର୍ ଲାଗାୟ୍ ମାଚାତ୍। ଆରେ ବେସିହେନି ଯିହୁଦିର୍ ହେ ପାଟାତାକେ ଲେକାଆତାକା ପଡ଼ିକିତାର୍। ଇଦାଙ୍ଗ୍ ଏବ୍ରୀ, ଲାଟିନ୍ ଆରେ ଗ୍ରୀକ୍ ବେଣ୍‌ତାକେ ଲେକାଆଜି ମାଚାତ୍।

ଜହନ୍‌ 5:2

ଯିରୁଶାଲାମ ସହର୍‌ତାକେ ପାଞ୍ଚ୍‌ଗଟା ମଣ୍ଡପ୍ ମାନି ର ବାନ୍ଦ୍ ମାଚାତ୍। ଏବ୍ରୀ ବାଷାତାଙ୍ଗ୍ ଇଦାଙ୍ଗ୍‌ତିଙ୍ଗ୍ ବେଥେସାଦା ଇଞ୍ଜିମାଚାର୍। ଇଦାଙ୍ଗ୍ ମେଣ୍ଢାଙ୍ଗ୍ ହଣି ଦୁୱେର୍‌ତ ମାଚାତ୍।

ପକ୍ୟାତାକା 1:19

ଯିରୁଶାଲାମ ସହର୍‌ନି ମାନାୟାର୍ ଇ ୱିଜୁବେଣ୍ ପୁଚାର୍। ଲାଗିଙ୍ଗ୍ ହେୱାର୍ ତା ବାଷାତାଙ୍ଗ୍ ହେ ଜମି ତର୍‌ ‘ଆକେଲ ଦାମା’ ଇ ତର୍‌ନି ଅର୍ତ ନେତେର୍ ଜମି ଇଞ୍ଜି ତର୍‌ ହିତାର୍।

ପକ୍ୟାତାକା 12:17

ମାତର୍ ହେୱାନ୍ ହେୱାରିଙ୍ଗ୍ କେଇ ଚଚ୍‌ଚି ଚିମ୍ରା ଆଦେଙ୍ଗ୍ ୱେଚ୍‌ଚାନ୍। ଆରେ ହେୱାନିଙ୍ଗ୍ ମାପୃ ଇନେସ୍ ଜଇଲ୍ ଇଞ୍ଜାଙ୍ଗ୍ ବାର୍ତ ହପ୍ତାନ୍‌, ହେ ୱିଜୁ କାତା ହେୱାରିଙ୍ଗ୍ ୱେଚ୍‌ଚାନ୍। ଆରେ ହେୱାନ୍ ୱେଚ୍‌ଚାନ୍, “ଇୱିଜୁ କାତା ଯାକୁବ ଆରେ ଟଣ୍ଡାରିଙ୍ଗ୍ ୱେଚାଟ୍।” ତାପାଚେ ହେୱାନ୍ ହେବେତାଙ୍ଗ୍ ଜେକନି ବାହାତାକେ ହସିହାଚାନ୍।

ପକ୍ୟାତାକା 13:16

ହେବେତାଙ୍ଗ୍ ପାଉଲ ନିଲ୍‌ଚି କେଇ ସାକିୟା କିଜି ୱେଚ୍‌ଚେଙ୍ଗ୍ ଲାଗାତାନ୍, “ଏ ଇସ୍ରାଏଲ ଜାତିନି ମାନାୟାର୍ ଆରେ ଈଶ୍ୱରତିଙ୍ଗ୍ ପାଣ୍ଡ୍ରାଆନି ବିନ୍‌ଜାତି ମାନାୟ୍ କାଦେର୍ ୱେନାଟ୍!

ପକ୍ୟାତାକା 19:33

ହେ ରୁଣ୍ଡାଆତି ମାନାୟାର୍ ବିତ୍ରେ ଆଲେକ୍‌ଜାଣ୍ଡ୍ରିଆ ତର୍‍ଦାକାନ୍ ଯିହୁଦି ମାନାୟ୍ ମାଚାନ୍। ମାନାୟାର୍ ମୁମ୍‌ଦ ୱାଜି ଇନେସ୍ କାତା ୱେଚ୍‌ଚେଙ୍ଗ୍ ଆଡ୍‌ନାନ୍, ହେଦାଙ୍ଗ୍ କାଜିଙ୍ଗ୍ କେତେକ୍ ମାନାୟ୍ ଆଗେ ନିଲି କିତାର୍। ଆରେ ହେୱାନ୍ ଯିହୁଦି ନିପଣ୍ଡାଙ୍ଗ୍ ଆଜି ଇ ଗଟ୍‌ନା ବିଷୟରେ ମାନାୟାରିଙ୍ଗ୍ ୱେଚ୍‌ଚେଙ୍ଗ୍ କି ବୁଜାଇ କିଦେଙ୍ଗ୍ ଇଚାକିଜି, ହେୱାନ୍ କେଇ ଜଲାଇ କିଜି ମାନାୟାରିଙ୍ଗ୍ ଚିମ୍ରା କିତାନ୍।

ପକ୍ୟାତାକା 21:35

ପାଉଲ ଏଚେପାଦ୍ନା ସେନାର୍ ମାନି ପାଉଜ୍ ଜପି ୱାତାନ୍, ମାନାୟାର୍ ବେସି ଗଣ୍ଡ୍‍ଗଲ୍ ଆତାର୍। ଲାଗିଙ୍ଗ୍ ସେନାର୍ ପାଉଲତିଙ୍ଗ୍ ପିଣ୍‌ଜି ଅତାର୍।

ପକ୍ୟାତାକା 22:2

ପାଉଲ ଏବ୍ରୀ ବାଷାତାଙ୍ଗ୍ ବେଣ୍ କିନାକା ହେ ମାନାୟାର୍ ୱେନ୍‌ଞ୍ଜି ଆଦିକ୍ ଚିମ୍ରା ଆଜି ମାଚାର୍।

ପକ୍ୟାତାକା 26:14

ଆପେଙ୍ଗ୍ ୱିଜାକାପ୍ ମେଦ୍‌ନିତ ଗୁର୍‌ତାପ୍, ଆନେଙ୍ଗ୍ ଏବ୍ରୀ ବାଷାତାଙ୍ଗ୍ ର କାଟ୍ ୱେଚାଙ୍ଗ୍, ‘ଏ ଶାଉଲ ଶାଉଲ ଇନା କିଦେଙ୍ଗ୍ ନାଙ୍ଗେଙ୍ଗ୍ ଦୁକ୍‌କଷ୍ଟ ହିଦ୍‌ନାୟା? ବାଡ଼୍‌ଦୁ ଇନେସ୍ ତିତିରିତିଙ୍ଗ୍ ତଗ୍‌ଜି କଷ୍ଟ ପାୟାଆନାତ୍, ହେଲେକେ ଏନେଙ୍ଗ୍ ନାଙ୍ଗେଙ୍ଗ୍ ଅସ୍ତାନାଙ୍ଗ୍ ଇଞ୍ଜି ନିଜେ କଷ୍ଟ ପାୟାଆନାୟା।’

ପକ୍ୟାତାକା 6:1

ହେପାଦ୍ନା ଚେଲାହିର୍ ବେସି ବାଡା ଆଜି ମାଚାର୍‌। ଲାଗିଙ୍ଗ୍ ଗ୍ରୀକ୍ ବାଷା ୱେଚ୍‌ନି ଯିହୁଦି ଚେଲାର୍, ଏବ୍ରୀ ବାଷା କିନି ଯିହୁଦି ଚେଲାରିଙ୍ଗ୍ ବିରଦ୍ କିଜି ୱେଚ୍‌ଚେଙ୍ଗ୍ ଲାଗାତାର୍। ଇନେସ୍‌କି ଏବ୍ରୀ ବାଷାନି ଯିହୁଦି ଚେଲାର୍ ରାଣ୍ଡି କଗ୍‍ଲେକାଙ୍ଗ୍ କାଦି କି ଡାବୁଙ୍ଗ୍ ହିନିହିଙ୍ଗ୍ ଗ୍ରୀକ୍ ବାଷା ୱେଚ୍‌ନି ଯିହୁଦି ଚେଲାର୍ ରାଣ୍ଡି କଗ୍‍ଲେକାଙ୍ଗ୍ ହାର୍‌ଦାଙ୍ଗ୍ ହିୱାଦାଙ୍ଗ୍ ମାଚାର୍।

ହତ୍‌ତି 9:11

ପାତାଳ୍‌ନି ଦୁତ୍ ହେୱାର୍ ରାଜା ମାଚାତ୍, ଏବ୍ରୀ ବାଷାତାଙ୍ଗ୍ ତା ତର୍‌ ଆବାଦାନ୍ ମାଚାତ୍, ଆରେ ଗ୍ରୀକ୍ ବାଷାତାଙ୍ଗ୍ ତା ତର୍‌ ଅପଲ୍ଲିୟୋନ୍ ମାଚାତ୍, ତା ଅର୍ତ ବିନାସ୍ କିନି ମାନାୟ୍।