ପକ୍ୟାତାକା 21:33 - New Testament in Pengo Parja Language

³³ ହେପାଦ୍ନା ହାଜାର୍ ସେନାର୍ ମୁକ୍ଯା ପାଉଲ ଲାଗାୟ୍ ୱାଜି ହେୱାନିଙ୍ଗ୍ ଆସ୍ତାନ୍, ଆରେ ହେୱାନିଙ୍ଗ୍ ରିଣ୍ଡାଙ୍ଗ୍ ହିକ୍‌ଡ଼ିଙ୍ଗ୍ ହୁଦାଙ୍ଗ୍ ଗାଚ୍‍ଚେଙ୍ଗ୍ ଆଦେସ୍ ହିତାନ୍, ତାପାଚେ ହେୱାନ୍ ଇନେର୍ ଆରେ ଇନାକା କିନାନା ଇଞ୍ଜି ମାନାୟାରିଙ୍ଗ୍ ୱେନ୍‌ବାତାନ୍।

ସତ୍‌ ବଚନ୍‌ ପୁନି ନିୟମ୍‌

³³ ହେ ଏଚେକାଡ଼୍‌ଦ ହାଜାର୍‌ ମୁସ୍ତିଦାର୍ ଲାଗେ ୱାଜ଼ି ହେୱାନିଂ ଆସ୍ତି ରିଣ୍ଡି ହିକ୍‌ଡ଼ିଂତାଂ ହେୱାନିଂ ଗାଚ୍‍ଚେଂ ବଲ୍‌ ହିତାନ୍‌, “ଆରେ ହେୱାନ୍‌ ଇନେନ୍‌ ଆରି ଇନାକା କିତାନ୍‌ନ୍ନା ଇଞ୍ଜି ୱେନ୍‌ବାତାନ୍‌ ।”

ପକ୍ୟାତାକା 21:33 ပူးပေါင်းရင်းမြစ်များ

ପକ୍ୟାତାକା 12:6

ଇମ୍‌ଣିଦିନ୍ ହେରୋଦ ରାଜା ପିତରତିଙ୍ଗ୍ ବାର୍ତ ହପ୍‌ଚି ମାନାୟାର୍ ଲାଗାୟ୍ ଦଣ୍ଡ୍ ହିଦେଙ୍ଗ୍ ଇଚାକିଜି ମାଚାନ୍, ହେନାଞ୍ଜ୍ ମିକା ପିତର ରିକାର୍ ସେନାର୍ ମାଦି ହୁନ୍‌ଞ୍ଜି ମାଚାନ୍। ହେୱାନିଙ୍ଗ୍ ରିଣ୍ଡାଙ୍ଗ୍ ହିକ୍‌ଡ଼ିଙ୍ଗ୍‌ତାଙ୍ଗ୍ ଗାଚ୍‌ଚି ମାଚାର୍। ରିକାର୍ ହୁନ୍‌ଞ୍ଜି ମାଚାର୍ ଆରେ ରିକାର୍ ଜଇଲ୍‌ନି ଗେଟ୍ ଲାଗାୟ୍ କାସି ମାଚାର୍।

ପକ୍ୟାତାକା 20:23

ୱିଜୁ ସହର୍‌ନି ମାନାୟାର୍ ଦୁକ୍‌କଷ୍ଟ ହିଜି ନାଙ୍ଗେଙ୍ଗ୍ ଜଇଲ୍ ଇଞ୍ଜ ଗେସ୍ତାନାର୍, ଇ ବିଷୟରେ ପବିତ୍ର ଆତ୍ମା ନାଙ୍ଗେଙ୍ଗ୍ ପୁନି କିତ୍‌ତାନ୍‌ନା।

ପକ୍ୟାତାକା 21:11

ହେୱାନ୍ ମା କଚଣ୍‌ତ ୱାଜି ପାଉଲ ବେଲ୍‌ଟ୍‌ତିଙ୍ଗ୍ ଅତାନ୍। ଆରେ ତା କେଇକୁ କାଲ୍‌କୁକାଙ୍ଗ୍ ଗାଚିଆ ଆଜି ୱେଚ୍‌ଚାନ୍, “ପବିତ୍ର ଆତ୍ମା ଏଲେଙ୍ଗ୍ ୱେଚ୍‌ଚାନାନା, ‘ଯିରୁଶାଲାମ ସହର୍‌ତାକେ ମାନି ଯିହୁଦି ନେତାର୍ ଲେକେ ଗାଚ୍‌ଚି ବିନ୍‌ଜାତିର୍ କେଇଦ ହାର୍‌ପି କିଜି ହିଦ୍‌ନାର୍।’”

ପକ୍ୟାତାକା 22:29

ଇମ୍‌ଣାକାର୍ ହେୱାନିଙ୍ଗ୍ ସତ୍ କାତା ୱେଚିକିଦେଙ୍ଗ୍ ଇଚାକିଜି ମାଚାର୍, ହେୱାର୍ ହେଦାପ୍ରେ ତାବେତାଙ୍ଗ୍ ଗୁଚା ଆତାର୍। ଆରେ ପାଉଲତିଙ୍ଗ୍ ରୋମ ଦେସ୍ତାକାନ୍‌ ଇଞ୍ଜି ପୁନ୍‌ଞ୍ଜି ହାଜାର୍ ସେନାର୍ ମୁକ୍ୟା ପା ଗାଚ୍‍ଚେଙ୍ଗ୍ ପାଣ୍ଡ୍ରା ଆତାନ୍।

ପକ୍ୟାତାକା 22:30

ତା ଆର୍‌କାତ୍ ନାଞ୍ଜିଙ୍ଗ୍ ହାଜାର୍ ସେନାର୍ ମୁକ୍ୟା ପାଉଲତିଙ୍ଗ୍ ଯିହୁଦିର୍ ଇନା କିଦେଙ୍ଗ୍ ବିରଦ୍ କିନାରା ହେଦାଙ୍ଗ୍ ପୁଞ୍ଜେଙ୍ଗ୍ ଗାଚ୍‌ଚାକା ରିକ୍‌ତାନ୍‌। ଆରେ ହେୱାନ୍ ଈଶ୍ୱର ହେବାକିନି ମୁଡ଼୍‌ଦି ପୁଜାରିର୍ ଆରେ ବିଚାର୍‌କିନି ବାହାନି ମେମ୍ୱରାରିଙ୍ଗ୍ ରୁଣ୍ଡାଆଦେଙ୍ଗ୍ ଆଦେସ୍ ହିତାନ୍। ଆରେ ହେୱାନ୍ ପାଉଲତିଙ୍ଗ୍ ଅଜି ହେୱାର୍ ମୁମ୍‌ଦ ନିଲି କିତାନ୍।

ପକ୍ୟାତାକା 25:16

ଆନେଙ୍ଗ୍ ହେୱାରିଙ୍ଗ୍ ୱେଚ୍‌ଚାଙ୍ଗ୍, ଦସି ତା ବିରଦ୍ କିନି ମାନାୟାର୍ ଆଗେ ନିଲ୍‌ଚି ତା ବିଷୟରେ ୱେଚ୍‌ୱି ପାତେକ୍, ହେୱାନିଙ୍ଗ୍ ଦଣ୍ଡ୍ ହିନାକା ରୋମିୟ ସର୍‌କାର୍ ବିଦି ହିଲୁତ୍।

ପକ୍ୟାତାକା 26:29

ପାଉଲ ୱେଚ୍‌ଚାନ୍, “ଅଲପ୍ କାତା ଆୟେତ୍ କି ବେସି କାତା ଆୟେତ୍, ଏନ୍‌ଜାଣି ଆକାୟ୍, ମାତର୍ ଏଚେଜାଣ୍ ନା କାତା ନେଞ୍ଜେଙ୍ଗ୍ ୱେନାରା, ହେୱାର୍ ୱିଜାକାର୍ ବନ୍ଦି ଆୱାଦାଙ୍ଗ୍ ନା ଲେକେ ଯୀଶୁଙ୍ଗ୍ ପାର୍ତି କିଦେଙ୍ଗ୍ ଆନେଙ୍ଗ୍ ଈଶ୍ୱରତାକେ ପାର୍ତାନା କିନାଙ୍ଗା।”

ପକ୍ୟାତାକା 28:20

ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ନା ହୁଦାଙ୍ଗ୍ ମେହାଆଜି କାତାବାର୍ତା ଆଦେଙ୍ଗ୍ କୁକ୍ତାତାଙ୍ଗ୍‌ନା। ଇନେସ୍‌କି ଇସ୍ରାଏଲ ଜାତିନି ମାନାୟାର୍ ଆହାକିଜି ମାଚି ରକ୍ଷାକିଦ୍ନାକାନ୍‌ କାଜିଙ୍ଗ୍ ଆନେଙ୍ଗ୍ ହିକ୍‌ଡ଼ିକାଙ୍ଗ୍ ଗାଚିଆ ଆତାଙ୍ଗ୍‌ନା।”

ଏପିସିୟ 6:20

ଇଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ଚେନ୍‌ତାଙ୍ଗ୍ ଗାଚିଆ ଆତାଙ୍ଗ୍‌ନା, ଆରେ ଈଶ୍ୱର ରାଜ୍‌ଦୁତ୍ ଲେକେ ଆଜି ଶୁଣାୟ୍ କିନାଙ୍ଗା। ନା କାଜିଙ୍ଗ୍ ପାର୍ତାନା କିୟାଟ୍, ଆନେଙ୍ଗ୍ ଇନେସ୍ ହେ ବିଷୟରେ ଟିକ୍ ବାବ୍‌ରେ ବେଣ୍‌କିଦେଙ୍ଗ୍ ସାହାସ୍ ପାୟାଆନାଙ୍ଗ୍।

ପିଲିପିୟ 1:7

ଆନେଙ୍ଗ୍ ମିଙ୍ଗେଙ୍ଗ୍ ଇ ଲେକେ ବାବି କିନାକା ଟିକ୍ ମାନ୍‌ଗାନାତ୍, ଆନେଙ୍ଗ୍ ଜଇଲ୍ ଇଞ୍ଜ ବନ୍ଦି ଆଜି ମାଚିସ୍ କି ହାର୍ଦିକାବୁର୍ ବିଷୟରେ ଜୁକ୍ତି ଆଜି ସତ୍ ଇଞ୍ଜି ପାର୍ମାଣ୍ କିନିହିଙ୍ଗ୍। ଏପେଙ୍ଗ୍ ଆରେ ଆନେଙ୍ଗ୍ ମାହାଆଜି ଯୀଶୁ ଖ୍ରୀଷ୍ଟ ବିଷୟରେ ଶୁଣାୟ୍ କିଦେଙ୍ଗ୍ ମାଙ୍ଗେଙ୍ଗ୍ ଈଶ୍ୱର ଦୟା କିତ୍‌ତାନ୍‌ନା। ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ମି ୱିଜାକାରିଙ୍ଗ୍ ବେସି ଲାଡ୍ କିଦ୍‌ନାଙ୍ଗା।

୨ ତିମଥି 1:16

ଅନୀସିଫରନି ପରିବାର୍‌ତିଙ୍ଗ୍ ମାପୃ ଦୟା କିଦେନ୍। ଇନେସ୍‌କି ହେୱାନ୍ ନାଙ୍ଗେଙ୍ଗ୍ ବେସିହଟ୍ ଗିଟାଆନି କାଜିଙ୍ଗ୍ ୱାତାନ୍‌ନା ଆରେ ସାଇଜ କିତ୍‌ତାନ୍‌ନା। ଜଇଲ୍ ଇଞ୍ଜ ନାଙ୍ଗେଙ୍ଗ୍ ୱାଜି ଗିଟାଆନି କାଜିଙ୍ଗ୍ ଲାଜୁ କିୱାତାର୍‌ନା।

୨ ତିମଥି 2:9

ଇ ହାର୍ଦିକାବୁର୍ ଶୁଣାଇକିତି କାଜିଙ୍ଗ୍ ଆନେଙ୍ଗ୍ ରକାଙ୍ଗ୍ ଦସି ଲେକେ ଗାଚିୟାଆଜି ଜଇଲ୍ ଇଞ୍ଜ ଦୁକ୍ ପାୟାଆନାଙ୍ଗା। ମାତର୍ ଇନେର୍ ପା ଈଶ୍ୱର କାତା ଶୁଣାୟ୍ କିନି କାଜିଙ୍ଗ୍ ବନ୍ଦି କିଦ୍‌ଦେଙ୍ଗ୍ ଆଡ଼୍‌ଦୁର୍।