ପକ୍ୟାତାକା 21:27 - New Testament in Pengo Parja Language

²⁷ ହେ ଜାତି ମାହାଆନି ବିଦି ସାତ୍‌ଦିନ୍ ପୁରା ଆତିହିଙ୍ଗ୍, ଏସିଆ ଜିଲ୍ଲାତାଙ୍ଗ୍ ୱାଜିମାଚି କେତେକ୍ ଯିହୁଦିର୍ ମନ୍ଦିର୍‌ତାକେ ପାଉଲତିଙ୍ଗ୍ ହୁଡ଼୍‌ତାର୍। ଆରେ ମାନାୟାରିଙ୍ଗ୍ ହେୱାର୍ ଉସ୍‌କାଇ କିଜି ପାଉଲତିଙ୍ଗ୍ ଆସ୍ତାର୍। ଆରେ ହେୱାର୍ ରାଟୁ କିଜି ୱେଚ୍‌ଚେଙ୍ଗ୍ ଲାଗାତାର୍,

ସତ୍‌ ବଚନ୍‌ ପୁନି ନିୟମ୍‌

²⁷ ହେ ସାତ୍‌ ଦିନ୍‌ ପୁରା ଆଜ଼ି ୱାତାନ୍, “ଆସିଆନି ଜିହୁଦିର୍‌ ମନ୍ଦିର୍‌ତ ପାଉଲ୍‌ତିଂ ହୁଡ଼୍‌ଜି ଲକୁରିଂ ଟିଉଲାୟ୍‌ କିତାର୍‌, ଆରେ ହେୱାନିଂ ଆସ୍ତି କିକିରାଡିଂ ଆଜ଼ି ଇଞ୍ଜେଙ୍ଗ୍‌ ଲାଗାତାର୍‌,

ପକ୍ୟାତାକା 21:27 ပူးပေါင်းရင်းမြစ်များ

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 21:12

ମାତର୍ ଇ ୱିଜୁଗଟ୍‌ନା ଆୱି ଆଗେ, ମାନାୟାର୍ ମିଙ୍ଗେଙ୍ଗ୍ ଆସ୍ତାନାର୍। ଆରେ ଜଇଲ୍ ଇଞ୍ଜ ଗେସ୍ତାନାର୍ ଆରେ ମିଙ୍ଗେଙ୍ଗ୍ କଷ୍ଟ ହିଦ୍‌ନାର୍। ପାର୍ତାନା ଇଞ୍ଜ ମିଙ୍ଗେଙ୍ଗ୍ ବିଚାର୍ କିଦ୍‌ନାର୍ ଆରେ ରାଜା ଆରେ ସାସନ୍ କିନାକାନ୍ ମୁମ୍‌ଦ ହେଲାଇ କିଜି ହିଦ୍‌ନାର୍। ଇନେସ୍‌କି ଏପେଙ୍ଗ୍ ନା ପାଚେ ୱାନି କାଜିଙ୍ଗ୍ ମାନାୟାର୍ ମିଙ୍ଗେଙ୍ଗ୍ ଇଲେକେ ବାଉରା ଆଦ୍‌ନାର୍।

ପକ୍ୟାତାକା 13:50

ମାତର୍ ଯିହୁଦି ନେତାର୍ ଯିହୁଦି ଦରମ୍ ମାନିକିନି ବିନ୍‌ଜାତି ଜଣାସୁଣା କଗ୍‍ଲେକାଙ୍ଗ୍ ଆରେ ସହର୍‌ନି ମୁଡ଼୍‌ଦାକାରିଙ୍ଗ୍, ପାଉଲ ଆରେ ବର୍ଣ୍ଣବା ବିରଦ୍‌ତାକେ ଟିଉଲାୟ୍ କିତାର୍। ଲାଗିଙ୍ଗ୍ ହେୱାର୍ ପାଉଲ ଆରେ ବର୍ଣବାଙ୍ଗ୍ ଦୁକ୍‌କଷ୍ଟ ହିତାର୍। ଆରେ ହେୱାର୍ ଏରିଆତାଙ୍ଗ୍ ହପ୍ତାର୍।

ପକ୍ୟାତାକା 14:19

ଆନ୍ତିୟକିଆ ସହର୍ ଆରେ ଇକନିୟ ସହର୍‌ତାଙ୍ଗ୍ କେତେକ୍ ଯିହୁଦିର୍ ହେବେ ୱାଜି ମାନାୟାରିଙ୍ଗ୍ ତାପଣ୍ କିତାର୍। ହେୱାର୍ ପାଉଲତିଙ୍ଗ୍ କାଲ୍‌କୁ ଇଡ଼୍‌ତାର୍, ଆରେ ହେୱାର୍ ପାଉଲ ହାଃତାନ୍ ଇଞ୍ଜି ବାବିକିଜି ବାର୍ତ ନିର୍‌ଚି ଅତାର୍।

ପକ୍ୟାତାକା 14:2

ମାତର୍ ଇମ୍‌ଣି ଯିହୁଦି ମାନାୟାର୍ ପାର୍ତି କିୱାତାର୍, ହେୱାର୍ ବିନ୍‌ଜାତିନି ମାନାୟାରିଙ୍ଗ୍ ପାର୍ତି କିନାକାର୍ ମାନାୟାର୍ ବିରୁଦ୍‌ତାକେ ଉସ୍‌କାଇ କିତାର୍। ଲାଗିଙ୍ଗ୍ ବିନ୍‌ଜାତିନି ଟଣ୍ଡାରିଙ୍ଗ୍ ରିସାଆତାର୍।

ପକ୍ୟାତାକା 14:5

ଏଚେପାଦ୍ନା ବିନ୍‌ଜାତିର୍ ଆରେ ପାର୍ତିକିୱି ଯିହୁଦିର୍, ହେୱାର୍ ନେତାର୍ ହୁଦାଙ୍ଗ୍ ମେହାଆଜି ହେୱାର୍ ବିରଦ୍‌ତାଙ୍ଗ୍ ଇନସ୍ତାକିଜି କାଲ୍‌କୁ ହୁଦାଙ୍ଗ୍ ଇଡ଼୍‌ଦେଙ୍ଗ୍ ଉପାୟ୍ କିତାର୍।

ପକ୍ୟାତାକା 16:6

ପବିତ୍ର ଆତ୍ମା ପାଉଲ ଆରେ ତା ହାଙ୍ଗ୍‌ଦାକାରିଙ୍ଗ୍ ଏସିଆ ଜିଲ୍ଲାତାକେ ଈଶ୍ୱର କାତା ଶୁଣାୟ୍ କିଦେଙ୍ଗ୍ ମୁନା କିତାତ୍। ଲାଗିଙ୍ଗ୍ ହେୱାର୍ ଫ୍ରୁଗିଆ ଆରେ ଗାଲାତିୟ ଜିଲ୍ଲା ନିପଣ୍ ଆଜି ହାଚାର୍।

ପକ୍ୟାତାକା 17:13

ପାଉଲ ବେରିୟା ସହର୍‌ତାକେ ପା ଈଶ୍ୱର କାତା ଶୁଣାୟ୍ କିନାନା ଥେସଲନିକି ସହର୍‌ତାକେ ମାନି ଯିହୁଦିର୍ ପୁନ୍‌ଞ୍ଜି, ଇ ସହର୍‌ତାକେ ୱାତାର୍। ଇ ସହର୍ ପା ମାନାୟାରିଙ୍ଗ୍ ଉସ୍‌କାଇ କିଜି ମାନାୟାରିଙ୍ଗ୍ ଗଣ୍ଡ୍‍ଗଲ୍ କିୟିକିଦେଙ୍ଗ୍ ଲାଗାତାର୍।

ପକ୍ୟାତାକା 18:12

ମାତର୍ ଗାଲ୍ଲିୟନ୍ ଆକାୟା ଜିଲ୍ଲାନି ରାଜା ମାନିହିଙ୍ଗ୍ ଯିହୁଦିର୍ ଏକ୍ ଆଜି ପାଉଲତିଙ୍ଗ୍ ଆସ୍ତାର୍। ଆରେ ହେୱାନିଙ୍ଗ୍ ବିଚାର୍‌କିନି ବାହାତାକେ ଅସାହାଚାର୍।

ପକ୍ୟାତାକା 2:9

ମା ବିତ୍ରେ କେତେକ୍ ହେନି ମାନାୟ୍ ପାର୍ତିଆ, ମାଦୀୟ, ଏଲାମିୟା ରାଜି ନିକାର୍, ଆରେ କେତେକ୍ ହେନି ମାନାୟ୍ ମେସପଟାମିଆ, ଯିହୁଦା ଆରେ କାପାଦକିଆ, ପନ୍ତ ଆରେ ଏସିଆ ରାଜି ନିକାପ୍‌,

ପକ୍ୟାତାକା 20:19

ଯିହୁଦି ନେତାର୍ ନାଙ୍ଗେଙ୍ଗ୍ ଅସ୍ତେଦେଙ୍ଗ୍ ଉପାୟ୍ କିତିଲେ ଆନେଙ୍ଗ୍ ବେସି ଦୁକ୍‌କଷ୍ଟ ପାୟାଆତାଙ୍ଗ୍‌ନା, ମାତର୍ ଆନେଙ୍ଗ୍ ଆଡ଼୍‌ବିସ୍‌-ଆଡ଼୍‌ବିସ୍‌ ନିଜେତିଙ୍ଗ୍ ହିରୁ କିଜି ମାପୃତିଙ୍ଗ୍ ହେବା କିତାଙ୍ଗ୍‌ନା।

ପକ୍ୟାତାକା 24:11

ଏନେଙ୍ଗ୍ ୱେନ୍‌ବିତିସ୍ ପୁଞ୍ଜେଙ୍ଗ୍ ଆଡ୍‌ନାଇ, ଆନେଙ୍ଗ୍ ବାର ଦିନ୍ ଆଗେ ଯିରୁଶାଲାମ ସହର୍‌ନି ଈଶ୍ୱର ମାନି ମନ୍ଦିର୍‌ତାକେ ପୁଜା କିଦେଙ୍ଗ୍ ହାଲ୍‌ଜି ମାଚାଙ୍ଗ୍।

ପକ୍ୟାତାକା 24:18

ହେପାଦ୍ନା ଈଶ୍ୱର ମାନି ମନ୍ଦିର୍‌ତାକେ ଆନେଙ୍ଗ୍ ସତୁକ୍ ଆତାକା ଇ ମାନାୟାର୍ ହୁଡ଼୍‌ଦାତାର୍। ଆନେଙ୍ଗ୍ ମାନାୟ୍ ଗଉଲି ବିତ୍ରେ କି ଗଣ୍ଡ୍‌ଗଲ୍‌ତାକେ ମେହାଆୱାଦାଙ୍ଗ୍ ମାଚାଙ୍ଗ୍,

ପକ୍ୟାତାକା 26:21

ଇଦାଙ୍ଗ୍ କାଜିଙ୍ଗ୍ କେତେକ୍ ଯିହୁଦି ମାନାୟାର୍ ଈଶ୍ୱର ମାନି ମନ୍ଦିର୍‌ତାକେ ନାଙ୍ଗେଙ୍ଗ୍ ଆସ୍ତି ଅସ୍ତେଦେଙ୍ଗ୍ ଉପାଇକିଜି ମାଚାର୍।

ପକ୍ୟାତାକା 4:3

ଲାଗିଙ୍ଗ୍ ହେୱାର୍ ବାଚିକିତି ରିକାର୍ ଚେଲାହିରିଙ୍ଗ୍ ଆସ୍ତାର୍। ହେନାଞ୍ଜ୍ ମିକାହାରେସ୍ ଆଜି ମାଚିଲେ ହେୱାର୍ ହେୱାରିଙ୍ଗ୍ ଆରର ଦିନ୍ ଜଇଲ୍‌ତାକେ ଇଡ଼୍‌ତାର୍।

ପକ୍ୟାତାକା 5:18

ଆରେ ବାଚିକିତି ଚେଲାରିଙ୍ଗ୍ ଆସ୍ତି ଜଇଲ୍ ଇଞ୍ଜ ଇଡ଼୍‌ତାର୍।

ପକ୍ୟାତାକା 6:12

ଆରେ ହେୱାର୍ ମାନାୟାରିଙ୍ଗ୍ ଆରେ ପ୍ରାଚିନ୍‌ ଆରେ ପଣ୍ଡିତାରିଙ୍ଗ୍ ଉସ୍‌କାଇ କିତାର୍। ଆରେ ହେୱାନିଙ୍ଗ୍ ଆସ୍ତି ବିଚାର୍‌କିନି ବାହାତାକେ ତାତାର୍।

ପକ୍ୟାତାକା 6:9

ମାତର୍ କେତ୍‌ଜାଣ୍ ସ୍ତିପାନତିଙ୍ଗ୍ ବିରଦ୍ କିତାର୍। ହେୱାର୍ ହଲିଆ କାମାୟ୍‌ତାଙ୍ଗ୍ ମୁକ୍ତି ପାୟାଆତି ଯିହୁଦି ମାନାୟାର୍, କୁରିଣିୟ ସହର୍, ଆଲେକ୍‌ଜାଣ୍ଡ୍ରିଆ ସହର୍‌ନି ପାର୍ତାନା ଇଲ୍‌ନି କେତ୍‌ଜାଣ୍ ମାନାୟ୍, କିଲିକିୟା ଆରେ ଏସିଆ ଜିଲ୍ଲାନି ମାନାୟାର୍ ମାଚାର୍। ଇୱାର୍ ସ୍ତିପାନତିଙ୍ଗ୍ ଜୁକ୍ତି କିଦେଙ୍ଗ୍ ଲାଗାତାର୍।

୨ କରନ୍ତିୟ 11:26

ଆନେଙ୍ଗ୍ କେତ୍‌ହଟ୍ ବେସି ଦେହା ଖ୍ରୀଷ୍ଟ ହେବା କିଦେଙ୍ଗ୍ ହାଲ୍‌ଜି ମାଚାଙ୍ଗ୍। ଆନେଙ୍ଗ୍ ହାମ୍‌ଦୁର୍‌ତାକେ ହାନିହିଙ୍ଗ୍ ବିପତ୍‌ତାକେ ପଡ଼ାଆଜି ମାଚାଙ୍ଗ୍, ଆରେ କେତ୍‌ହଟ୍ ଆନେଙ୍ଗ୍ ଡାକୁର୍‌ତାକେ ଦରା ପଡ଼ାଆଜି ମାଚାଙ୍ଗ୍। ନା ଜାର୍ ଯିହୁଦି ଜାତିନି ମାନାୟାର୍ ଆରେ ବିନ୍‌ଜାତିନି ମାନାୟାର୍ ପା ନାଙ୍ଗେଙ୍ଗ୍ ମାର୍ନେ ଅସ୍ତେଦେଙ୍ଗ୍ ଉପାୟ୍ କିଜି ମାଚାର୍। ନାଙ୍ଗେଙ୍ଗ୍ ସହର୍‌ତାକେ, ଟାଙ୍ଗ୍ରାବାହାତାକେ ଆରେ ହାମ୍‌ଦୁର୍‌ତାକେ ବିପତ୍ ୱାଜି ମାଚାତ୍ ଆରେ ଇମ୍‌ଣାକାର୍ ଜାର୍‌ତିଙ୍ଗ୍ ପାର୍ତି କିନାକାପ୍ ଇଞ୍ଜି ୱେଚ୍‌ନାରା ମାତର୍ ସତ୍ ପାର୍ତି କିନାକାର୍ ଆକାୟ୍, ହେୱାର୍ ପା ନାଙ୍ଗେଙ୍ଗ୍ ବିପତ୍‌ତାକେ ପକାୟ୍ କିଜି ମାନ୍‌ଞ୍ଚାର୍।

୧ ଥେସଲନୀକିୟ 2:16

ଇନେସ୍‌କି ବିନ୍‌ଜାତିନି ମାନାୟାର୍ ରକ୍ଷା ପାୟାଆମେର୍ ଇଞ୍ଜି ହାର୍ଦିକାବୁର୍ ଶୁଣାୟ୍ କିତିଲେ, ହେୱାର୍ ମାଙ୍ଗେଙ୍ଗ୍ ଦୁଃକ୍ କଷ୍ଟ ହିଦ୍‌ନାରା। ହେଲେକେ ହେୱାର୍ ପାପ୍ କିଜି ମାଚାର୍, ସେସ୍ ୱେଡ଼ାଙ୍ଗ୍ ଈଶ୍ୱର ହେୱାରିଙ୍ଗ୍ ଦଣ୍ଡ୍ ହିଦେଙ୍ଗ୍ କାତାନ୍‌ନା।