ପକ୍ୟାତାକା 21:16 - New Testament in Pengo Parja Language

¹⁶ କାଇସରିଆ ସହର୍‌ତାଙ୍ଗ୍ ପା କେତେକ୍ ପାର୍ତିକିନି ଚେଲାହିର୍ ମା ହୁଦାଙ୍ଗ୍ ୱାତାର୍। ହେୱାର୍ ମନାସନ ତର୍‍ଦାକାନ୍ ଇଞ୍ଜ ମାଙ୍ଗେଙ୍ଗ୍ ଅସାହାନ୍‌ଞ୍ଚାର୍। ହେୱାନ୍ କୁପ୍ର ଦ୍ୱିପ୍ ନିକାନ୍ ମାଚାନ୍ ଆରେ ହେୱାନ୍ ଆଗେତାଙ୍ଗ୍ ପାର୍ତିକିନାକାନ୍ ମାଚାନ୍।

ସତ୍‌ ବଚନ୍‌ ପୁନି ନିୟମ୍‌

¹⁶ ଆରେ, ମା ହାଙ୍ଗ୍‌ଦାଂ କାଇସରିୟାତ ପା କେତେକ୍‌ ଜାଣ୍‌ ଚେଲାର୍‌ ହାଚାର୍‌, ହେୱାର୍‌ ସାଇପ୍ରସ୍‌ ମନାସୋନ ତର୍‌ନି ରୱାନ୍‌ ପ୍ଡାନି ଚେଲାଂ ହାଙ୍ଗ୍‌ଦାଂ ତାହିୱାତାର୍‌, ହେୱାନ୍ତି ଇଞ୍ଜ ମାଦାଂ ମାନାକା ମାଚାତ୍‌ ।

ପକ୍ୟାତାକା 21:16 ပူးပေါင်းရင်းမြစ်များ

ପକ୍ୟାତାକା 10:24

ତା ଆର୍‌କାତ୍ ନାଞ୍ଜିଙ୍ଗ୍ ହେୱାର୍ କାଇସରିଆ ସହର୍‌ତାକେ ହାଚାର୍। ଆରେ କର୍ଣିଲିୟ ଜାର୍ ଲକ୍‌ବାକ୍‌ତିଙ୍ଗ୍ ଆରେ ତା ହାଙ୍ଗ୍‌ଦାକାରିଙ୍ଗ୍ କୁକ୍‌ଚି ରବେକିଜି ପିତରତିଙ୍ଗ୍ ଆରେ ହେ ପକ୍ତାକାରିଙ୍ଗ୍ କାସି ମାଚାର୍।

ପକ୍ୟାତାକା 10:48

ଲାଗିଙ୍ଗ୍ ପିତର ହେ ବିନ୍‌ଜାତିନି ମାନାୟାରିଙ୍ଗ୍ ଯୀଶୁ ଖ୍ରୀଷ୍ଟ ତର୍‍ଦାଙ୍ଗ୍ ଡୁବନ୍ ଅଦେଙ୍ଗ୍ ଆଦେସ୍ ହିତାନ୍। ପିତର ଆରେ ତା ହୁଦାଙ୍ଗ୍ ମାଚି ମାନାୟାରିଙ୍ଗ୍ ହେୱାର୍ ହୁଦାଙ୍ଗ୍ କେତେକ୍ ଦିନ୍ ମାଞ୍ଜେଙ୍ଗ୍ ୱେଚ୍‌ଚାର୍। ଲାଗିଙ୍ଗ୍ ହେୱାର୍ କେତେକ୍ ଦିନ୍ ହେବେ ମାଚାର୍।

ପକ୍ୟାତାକା 11:19

ସ୍ତିପାନତିଙ୍ଗ୍ ଯିହୁଦି ନେତାର୍ ଅସ୍ତିପାଚେ, ବେସିହେନି ପାର୍ତି କିନାକାର୍ ଯିରୁଶାଲାମ ସହର୍ ପିସ୍ତି ବିନ୍-ବିନ୍ ବାହାତାକେ ହାଚାର୍। କେତ୍‌ଜାଣ୍ ମାନାୟ୍ ପୈନିକିଆ ଜିଲ୍ଲା, ଆରେ କେତ୍‌ଜାଣ୍ କୁପ୍ର ଦ୍ୱିପ୍ ଆରେ ଆନ୍ତିୟକିଆ ସହର୍‌ତାକେ ହାଚାର୍। ହେୱାର୍ ଯିହୁଦି ଜାତିରିଙ୍ଗ୍ ନେ ଯୀଶୁ ବିଷୟରେ ଶୁଣାୟ୍ କିଜି ମାଚାର୍।

ପକ୍ୟାତାକା 15:39

ଇଦାଙ୍ଗ୍ କାଜିଙ୍ଗ୍ ପାଉଲ ଆରେ ବର୍ଣ୍ଣବା ବେସି ଜୁକ୍ତି କିବାଆଜି ହେ ରିକାର୍ ବିନେ ଆତାର୍। ବର୍ଣ୍ଣବା ତା ହୁଦାଙ୍ଗ୍ ମାର୍କଙ୍ଗ୍ ଅଜି ଜାଜ୍‌ତାକେ କୁପ୍ରିୟ ଦ୍ୱିପ୍‌ତାକେ ହାଚାର୍।

ପକ୍ୟାତାକା 15:7

ହେୱାର୍ ବେସି ଆଲ୍‌ଚାନା କିତି ପାଚେ, ପିତର ନିଙ୍ଗ୍‌ଞ୍ଜି ହେୱାରିଙ୍ଗ୍ ୱେଚ୍‌ଚାନ୍, “ଏ ଟଣ୍ଡାର୍‌କାଦେର୍, ଆନେଙ୍ଗ୍ ଇନେସ୍ ବିନ୍‌ଜାତିନି ମାନାୟାର୍‌ତାକେ ହାର୍ଦିକାବୁର୍ ଶୁଣାୟ୍ କିଦେଙ୍ଗ୍ ଆଡ୍‌ନାଙ୍ଗ୍, ଆରେ ହେୱାର୍ ୱେନ୍‌ଞ୍ଜି ପାର୍ତି କିଦେଙ୍ଗ୍ ଆଡ୍‌ନାର୍, ହେଦାଙ୍ଗ୍ କାଜିଙ୍ଗ୍ କେତେକ୍ ଦିନ୍ ଆଗେ ମି ବିତ୍ରେତାଙ୍ଗ୍ ଈଶ୍ୱର ନାଙ୍ଗେଙ୍ଗ୍ ବାଚି କିତ୍‌ତାନ୍‌ନା, ଇ ବିଷୟରେ ଏପେଙ୍ଗ୍ ପୁଚାଦେର୍‌ନା।

ପକ୍ୟାତାକା 21:8

ଆର୍‌କାତ୍ ନାଞ୍ଜ୍ ହେ ବାହା ପିସ୍ତି ଆପେଙ୍ଗ୍ କାଇସରିଆ ସହର୍‌ତାକେ ହାଚାପ୍। ଆରେ ପିଲିପ ତର୍‍ଦି ଇଞ୍ଜ ମାଚାପ୍। ରାଣ୍ଡିକାଙ୍ଗ୍ ଦେକାଶୁଣା କିଦେଙ୍ଗ୍ ଯିରୁଶାଲାମ ସହର୍‌ତାକେ ମାନି ବାଚିକିତି ଚେଲାର୍, ଇମ୍‌ଣି ସାତ୍ ଜାଣ୍‌ତିଙ୍ଗ୍ ବାଚିକିଜି ମାଚାର୍ ହେ ବିତ୍ରେତାଙ୍ଗ୍ ଇ ପିଲିପ ରକାନ୍ ମାଚାନ୍।

ପକ୍ୟାତାକା 4:36

ଲେବି ଲାତ୍ରାନି ଯୋଷେପ ତର୍‍ଦାକାନ୍ ରକାନ୍ ମାନାୟ୍ ମାଚାନ୍। ହେୱାନ୍ କୁପ୍ର ଦ୍ୱିପ୍ ନିକାନ୍ ମାଚାନ୍, ବାଚିକିତି ଚେଲାହିର୍ ହେୱାନିଙ୍ଗ୍ ବର୍ଣ୍ଣବା ଇଞ୍ଜି ତର୍‌ ହିତାର୍। ଇ ତର୍‌ନି ଅର୍ତ, ସାଇଜ କିନାକାନ୍।

ପକ୍ୟାତାକା 8:40

ମାତର୍ ପିଲିପ ଅସ୍‌ଦୋଦ୍ ତର୍‌ଦି ସହର୍‌ତାକେ ଚଞ୍ଜିଆତାନ୍। ଆରେ ହେୱାନ୍ ହେ ସହର୍‌ନି ନାସ୍‌କୁକାଙ୍ଗ୍ ହାର୍ଦିକାବୁର୍ ଶୁଣାୟ୍ କିଉ-କିଉ କାଇସରିଆ ସହର୍‌ତାକେ ଇକାତାନ୍।

ରୋମିୟ 16:7

ତାପାଚେ ନା ନିଜର୍ ଯିହୁଦି ଲକ୍ ଆନ୍ଦ୍ରନିକସ୍ ଆରେ ତା ଡକ୍ରୁହି ୟୁନିୟାଙ୍ଗ୍ ଇନେର୍ ନା ହୁଦାଙ୍ଗ୍ ଜଇଲ୍ ଇଞ୍ଜ ମାଚାର୍, ହେୱାର୍ ବାଚିକିତି ଚେଲାହିର୍‌ତାଙ୍ଗ୍ ସନ୍‌ମାନ୍ ପାୟାଆଜି ମାଚାର୍। ହେୱାର୍ ଆନେଙ୍ଗ୍ କିନି ଆଗେ ଖ୍ରୀଷ୍ଟାନ୍ ଆଜି ମାଚାର୍ ଆରେ ହେୱାରିଙ୍ଗ୍ ପା ଆନେଙ୍ଗ୍ ନା ଜୁୱାର୍ ଜଣାୟ୍ କିନାଙ୍ଗା।