ପକ୍ୟାତାକା 20:27 - New Testament in Pengo Parja Language

²⁷ ଈଶ୍ୱର ମି କାଜିଙ୍ଗ୍ ଇମ୍‌ଣି ବିଷୟ ବାବି କିତ୍‌ତାନ୍‌ନା, ହେ ୱିଜୁ ବିଷୟ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାତାଙ୍ଗ୍‌ନା।

ସତ୍‌ ବଚନ୍‌ ପୁନି ନିୟମ୍‌

²⁷ ଆନ୍‌ ଇସ୍ୱର୍‌ତି ଇଚା ୱିଜ଼ୁ କିତାକା ମିଙ୍ଗେଙ୍ଗ୍‌ ଜାଣାୟ୍‍କିଦେଂ ମଦାୱାଦାଂ ମାଚାଙ୍ଗ୍ ।

ପକ୍ୟାତାକା 20:27 ပူးပေါင်းရင်းမြစ်များ

ମାତିଉ 28:20

ଆନେଙ୍ଗ୍ ମିଙ୍ଗେଙ୍ଗ୍ ଇମ୍‌ଣି-ଇମ୍‌ଣି ବିଷୟ ୱିଜୁ ୱେଚ୍‌ଚାତାଙ୍ଗ୍‌ନା, ହେ ୱିଜୁବେଣ୍ ମାନି କିଦେଙ୍ଗ୍ ମାନାୟାରିଙ୍ଗ୍ ହିକ୍ଷା ହିୟାଟ୍। ଆନେଙ୍ଗ୍ ମିହୁଦାଙ୍ଗ୍ ୱିଜୁଦିନ୍ ମାନାଙ୍ଗ୍ ଇଞ୍ଜି ପୁରା ପାର୍ତିକିୟାଟ୍। ଜୁଗ୍ ସେସ୍‌ଆନି ପାତେକ୍ ପା ଆନେଙ୍ଗ୍ ମି ହାଙ୍ଗ୍-ହାଙ୍ଗ୍ ମାନ୍‌ଗାନାଙ୍ଗ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 7:30

ମାତର୍ ପାରୁସିଦଳ୍‍ ଆରେ ପଣ୍ଡିତାର୍ ଡୁବନ୍‌ହିନି ଯୋହନତାଙ୍ଗ୍ ଡୁବନ୍ ଅୱାତାର୍। ଆରେ ଜିବୁନ୍ କାଜିଙ୍ଗ୍ ଈଶ୍ୱର କାତାତିଙ୍ଗ୍ ମାନ୍‌କିୱାତାର୍।

ଜହନ୍‌ 15:15

ଆନେଙ୍ଗ୍ ମିଙ୍ଗେଙ୍ଗ୍ ହଲିଆର୍ ଇଞ୍ଜି ୱେଚ୍‌ଚୁଙ୍ଗା। ରକାନ୍ ହଲିଆ, ତା ମାଲିକ୍ ଇନାକା କିନାନ୍, ହେୱାନ୍ ପୁନୁନ୍। ମାତର୍ ନଙ୍ଗୟ୍ ଆନେଙ୍ଗ୍ ମିଙ୍ଗେଙ୍ଗ୍ ସାଙ୍ଗ ଇଞ୍ଜି ୱେଚ୍‌ଚାନାଙ୍ଗା, ଇନେସ୍‌କି ଆନେଙ୍ଗ୍ ନା ଆବା ଈଶ୍ୱରତାଙ୍ଗ୍ ଇନାକା ୱିଜୁ ୱେଚାଙ୍ଗ୍‌ନା, ହେଦାଙ୍ଗ୍ ମିଙ୍ଗେଙ୍ଗ୍ ଶୁଣାୟ୍ କିଦ୍‌ନାଙ୍ଗା।

ପକ୍ୟାତାକା 13:36

ଇ କାତା ତ ଦାଉଦ ବିଷୟରେ ୱେଚ୍‌ୱାତାଙ୍ଗ୍‌ନା, ଇନେସ୍‌କି ଦାଉଦ ଈଶ୍ୱର ଇଚାତାଙ୍ଗ୍ ୱିଜୁ କାମାୟ୍ କିଜି ପାଚେ ହେୱାନ୍ ହାଃତାନ୍। ଆରେ ତା ଆକଦାଦିର୍ ଲେକେ ଦୁଗେର୍‌ତାକେ ମୁଚିୟା ଆଜି ନଷ୍ଟ ଆତାନ୍।

ପକ୍ୟାତାକା 2:23

ଈଶ୍ୱର ହେୱାର୍ ଯଜନାତାଙ୍ଗ୍ ଯୀଶୁଙ୍ଗ୍ ମି କେଇଦ ଆହିକିଦେଙ୍ଗ୍ ଉପାୟ୍ କିଜି ମାଚାନ୍‌। ଆରେ ଏପେଙ୍ଗ୍ ହେୱାନିଙ୍ଗ୍ ବିନ୍‌ଜାତିର୍ ମାନାୟାର୍‌ତାଙ୍ଗ୍ କୃଶକାଟ୍‌ତାକେ ଦୁପ୍‌ଚି ମାର୍ନେ ଅସ୍ତି ମାଚାଦେର୍।

ପକ୍ୟାତାକା 20:20

ଇ ବିଷୟତିଙ୍ଗ୍ ଏପେଙ୍ଗ୍ ପୁଚାଦେର୍‌ନା, ମି କାଜିଙ୍ଗ୍ ଇମ୍‌ଣି ବିଷୟ ହାର୍ ଆଦ୍‌ନାତ୍ ହେ ବିଷୟତିଙ୍ଗ୍ ଶୁଣାୟ୍ କିଦେଙ୍ଗ୍ ଆନେଙ୍ଗ୍ ପାଚ୍‌ଗୁଚା ଆୱାତାଙ୍ଗ୍‌ନା। ଆନେଙ୍ଗ୍ ୱିଜାକାର୍ ଆଗେ ଆରେ ଇଲ୍-ଇଲ୍ ବୁଲାଆଜି ହିକ୍ଷା ହିତ୍‌ତାଙ୍ଗ୍‌ନା।

ପକ୍ୟାତାକା 20:35

ଆନେଙ୍ଗ୍ ଏଲେଙ୍ଗ୍ ୱିଜୁ କାମାୟ୍ କିଜି ମିଙ୍ଗେଙ୍ଗ୍ ଚଚ୍‌ଚାତାଙ୍ଗ୍‌ନା, ଏପେଙ୍ଗ୍ ଇଲେକେ କାମାୟ୍ କିଜି ଗରିବ୍ ଲଗାଙ୍ଗ୍ ସାଇଜ କିୟାଟ୍। ମାପୃ ଯୀଶୁ ନିଜେ ୱେଚ୍‌ଚିତି କାତାତିଙ୍ଗ୍ ମାନ୍ତ ଏତୁକିୟାଟ୍, ‘ଅନାକାତାଙ୍ଗ୍ ହିନାକା ବେସି ଆଶ୍ରିବାଦ୍ ଆନାତ୍।’ ”

୧ କରନ୍ତିୟ 11:23

ଆନେଙ୍ଗ୍ ଇମ୍‌ଣି ହିକ୍ଷା ହିତ୍‌ତାଙ୍ଗ୍‌ନା, ହେଦାଙ୍ଗ୍ ଆନେଙ୍ଗ୍ ମାପୃତାଙ୍ଗ୍ ପାୟାଆତାଙ୍ଗ୍‌ନା, ଇମ୍‌ଣି ମିକା ଯୀଶୁଙ୍ଗ୍ ସତୃର୍ କେଇଦ ଆହିକିତାର୍। ହେୱାନ୍ ହେୱାରିଙ୍ଗ୍ ୱେଚ୍‌ଚାନ୍ ନାଙ୍ଗେଙ୍ଗ୍ ଏତ୍‌କିଦ୍‌ଦେଙ୍ଗ୍ ଇଲେକେ କିୟାଟ୍ ଆରେ ହେୱାର୍ ତିନିହିଙ୍ଗ୍ ଯୀଶୁ ରୁଟି ଆସ୍ତି ଈଶ୍ୱରତିଙ୍ଗ୍ ଦନ୍ଯବାଦ୍ କିତାନ୍ ଆରେ ରୁଟି ଡ୍ରିକ୍‌ଚି ଚେଲାହିରିଙ୍ଗ୍ ହିଜି ୱେଚ୍‌ଚାନ୍, “ଆହାଟ୍, ଆରେ ତିନାଟ୍ ଇଦାଙ୍ଗ୍ ନା ଗାଗାଡ଼୍।”

୨ କରନ୍ତିୟ 4:2

ଆପେଙ୍ଗ୍ ୱିଜୁ ଲାଜାଆନି କାମାୟ୍ ଆରେ ମାନାୟାର୍‌ତାଙ୍ଗ୍ ଡ଼ୁକ୍‌ଚି କିନି କାମାୟ୍ କିଉସା। ଆପେଙ୍ଗ୍ ମିଙ୍ଗେଙ୍ଗ୍ ଟକାୟ୍ କିଦ୍‌ଦେଙ୍ଗ୍ ଉପାୟ୍ କିଉପା, ଆରେ ଆପେଙ୍ଗ୍ ଈଶ୍ୱର କାତାତିଙ୍ଗ୍ ଚାଲାକି କିଜି ୱେଚ୍‌ଚୁପା। ଆପେଙ୍ଗ୍ ଈଶ୍ୱର ମୁମ୍‌ଦ ସତ୍ ୱେଚ୍‌ନାପା ଆରେ ୱିଜୁ ଦରମ୍ ମାନାୟାର୍ ପୁଚାର୍‌ନା ଯେ ଆପେଙ୍ଗ୍ ସତ୍ ୱେଚ୍‌ନାପା।

ଗାଲାତିୟ 4:16

ଲାଗିଙ୍ଗ୍ ନଙ୍ଗୟ୍ ଆନେଙ୍ଗ୍ ସତ୍ ୱେଚ୍‌ଚିତିଲେ କି, ମି ଶତ୍ରୁ ଆତାଙ୍ଗ୍‌ନା?

ଏପିସିୟ 1:11

ତା ଆଗେ କିତି ଜଜ୍‌ନାତାଙ୍ଗ୍ ଖ୍ରୀଷ୍ଟତାକେ ରବେ କିଦେଙ୍ଗ୍ ଈଶ୍ୱର ମାଙ୍ଗେଙ୍ଗ୍ ତା ମାନାୟ୍ କିଜି ବାଚି କିତ୍‌ତାନ୍‌ନା। ହେୱାନ୍ ତା ଇଚା ଆରେ ଜଜ୍‌ନାତାଙ୍ଗ୍ ୱିଜୁ ବିଷୟ ଟିକ୍ ବାବ୍‌ରେ ପୁରା କିନାନ୍।

୧ ଥେସଲନୀକିୟ 2:4

ଈଶ୍ୱର ମାଙ୍ଗେଙ୍ଗ୍ ହାର୍ଦିକାବୁର୍ ଶୁଣାୟ୍ କିଦେଙ୍ଗ୍ ଟିକ୍ ମାନାୟ୍ ଇଞ୍ଜି ବାଚି କିତ୍‌ତାନ୍‌ନା। ହେଲେକେ ଆପେଙ୍ଗ୍ ଶୁଣାୟ୍ କିନାପା। ଆପେଙ୍ଗ୍ ମାନାୟାରିଙ୍ଗ୍ ସାର୍‌ଦା କିନି କାଜିଙ୍ଗ୍ ହାର୍ଦିକାବୁର୍ ଶୁଣାୟ୍ କିଉପା, ମାତର୍ ମା ଈଶ୍ୱରତିଙ୍ଗ୍ ସାର୍‌ଦା କିନି କାଜିଙ୍ଗ୍ କିନାପା। ଇନେସ୍‌କି ହେୱାନ୍ ମା ଗରବ୍‌ନି ଇଚାତାଙ୍ଗ୍ ପରିକ୍ଷା କିଦ୍‌ନାନ୍।