ପକ୍ୟାତାକା 20:17 - New Testament in Pengo Parja Language

¹⁷ ଏଚେପାଦ୍ନା ଆପେଙ୍ଗ୍ ମିଲିତ ସହର୍ ଲାଗାୟ୍ ଇକାତାପ୍, ପାଉଲ ଏପିସ ସହର୍‌ନି ମଣ୍ଡ୍‌ଲିନି ପ୍ରାଚିନାରିଙ୍ଗ୍ ୱାଜି ମେହାଆଦେଙ୍ଗ୍ ର କାବୁର୍ ପକ୍ତାନ୍।

ସତ୍‌ ବଚନ୍‌ ପୁନି ନିୟମ୍‌

¹⁷ ମିଲିତତାଂ ପାଉଲ୍‌ ଏପିସତ ଲକୁ ପକ୍‌ଚି ମଣ୍ଡ୍‌ଲିନି ପ୍ରାଚିନାରିଂ ଜାର୍‌ ଲାଗେ କୁକ୍‌ଚି ତାହିୱାତାନ୍‌ ।

ପକ୍ୟାତାକା 20:17 ပူးပေါင်းရင်းမြစ်များ

ପକ୍ୟାତାକା 11:30

ଆରେ ହେୱାର୍ ଡାବୁଙ୍ଗ୍ ଇସ୍‌ପାତାର୍। ଯିରୁଶାଲାମ ସହର୍‌ତାକେ ମାନି ମଣ୍ଡ୍‌ଲିନି ପ୍ରାଚିନାରିଙ୍ଗ୍ ହିଦେଙ୍ଗ୍ ବର୍ଣ୍ଣବା ଆରେ ଶାଉଲ କେଇଦ ହେ ଡାବୁଙ୍ଗ୍ ହିତାର୍।

ପକ୍ୟାତାକା 14:23

ପାଉଲ ଆରେ ବର୍ଣ୍ଣବା ୱିଜୁ ମଣ୍ଡ୍‌ଲିତାକେ ପ୍ରାଚିନାରିଙ୍ଗ୍ ବାଚିକିତାର୍ ଆରେ ଉପାସ୍ କିଜି ପାର୍ତାନା କିତାର୍। ହେୱାର୍ ପାର୍ତିକିନି ମାପୃ ଲାଗାୟ୍ ପ୍ରାଚିନ୍‌ ଆରେ ପାର୍ତିକିନି ମାନାୟାରିଙ୍ଗ୍ ହାର୍‌ପି କିଜି ହିତାର୍।

ପକ୍ୟାତାକା 15:23

ହେୱାର୍ କେଇଦ ଇଦାଙ୍ଗ୍ ଲେକିକିଜି ପକ୍ତାର୍, ଆନ୍ତିୟକିଆ ସହର୍ ସିରିୟା ସହର୍ ଆରେ କିଲିକିୟା ସହର୍‌ନି ବିନ୍‌ଜାତିନି ପାର୍ତିକିନି ଟଣ୍ଡାର୍ ବାଚିକିତି ଚେଲାର୍ ଆରେ ପ୍ରାଚିନାର୍ ଜୁୱାର୍ କିନାରା।

ପକ୍ୟାତାକା 15:4

ଏଚେପାଦ୍ନା ପାଉଲ, ବର୍ଣ୍ଣବା ଆରେ ଜେକନି ପାର୍ତି କିନାକାର୍ ଯିରୁଶାଲାମ ସହର୍‌ତାକେ ଇକାତାର୍, ଯିରୁଶାଲାମ ସହର୍‌ନି ପାର୍ତିକିନି ମଣ୍ଡ୍‌ଲିନିକାର୍, ବାଚିକିତି ଚେଲାର୍ ଆରେ ପ୍ରାଚିନାର୍ ହେୱାରିଙ୍ଗ୍ ଆସ୍ତାର୍। ଆରେ ଈଶ୍ୱର ହେୱାର୍ ହୁଦାଙ୍ଗ୍ ମାନ୍‌ଞ୍ଜି ଇମ୍‌ଣିୱିଜୁ କାମାୟ୍ କିଜି ମାଚାନ୍, ହେ ୱିଜୁ ୱେଚ୍‌ଚାର୍।

ପକ୍ୟାତାକା 15:6

ଲାଗିଙ୍ଗ୍ ଇ ବିଷୟରେ ଆଲ୍‌ଚାନା କିଦେଙ୍ଗ୍ ବାଚିକିତି ଚେଲାର୍ ଆରେ ପ୍ରାଚିନାର୍ ରବେ ରୁଣ୍ଡାଆତାର୍।

ପକ୍ୟାତାକା 16:4

ଯିରୁଶାଲାମ ସହର୍‌ତାକେ ମାନି ବାଚିକିତି ଚେଲାର୍ ଆରେ ପ୍ରାଚିନାର୍ ଇମ୍‌ଣିୱିଜୁ ବିଦି ମାନାୟାରିଙ୍ଗ୍ ମାନି କିୟେର୍ ଇଞ୍ଜି ଇଚାକିଜି ମାଚାର୍, ହେ ୱିଜୁ ବିଷୟ ପାଉଲ ଆରେ ତା ହାଙ୍ଗ୍‌ଦାକାର୍ ସହର୍‌ତାଙ୍ଗ୍ ସହର୍ ହାଲ୍‌ଜି ପାର୍ତି କିନାକାରିଙ୍ଗ୍ ୱେଚ୍‌ଚି ମାଚାର୍।

ପକ୍ୟାତାକା 18:19

ପାଚେ ହେୱାର୍ ଏପିସ ସହର୍‌ତାକେ ୱାତାର୍। ଆରେ ପାଉଲ ଆର୍କିଲା ଆରେ ପ୍ରିସ୍‌କିଲାଙ୍ଗ୍ ହେ ବାହାତାକେ ପିସ୍ତି ହାଚାନ୍। ତାପାଚେ ହେ ସହର୍‌ତାକେ ମାନି ପାର୍ତାନା ଇଞ୍ଜ ହାଲ୍‌ଜି ଯିହୁଦିର୍ ହୁଦାଙ୍ଗ୍ ଯୀଶୁ ବିଷୟରେ ଆଲ୍‌ଚାନା କିଦେଙ୍ଗ୍ ଲାଗାତାନ୍।

ପକ୍ୟାତାକା 20:15

ଆରେ ହେ ବାହାତାଙ୍ଗ୍ ଜାଜ୍ ରିକ୍‍ଚି ଆପେଙ୍ଗ୍ ଆର୍‌କାତ୍ ନାଞ୍ଜିଙ୍ଗ୍ ଖୀୟସ୍ ଦ୍ୱିପ୍ ଲାଗାୟ୍ ଇକାତାପ୍, ରିଦିନ୍ ମାନ୍‌ଞ୍ଜି ସାମ ଦ୍ୱିପ୍‌ତାକେ ଜାଜ୍ ଇକାତାତ୍, ଆରେ ତା ଆର୍‌କାତ୍ ନାଞ୍ଜିଙ୍ଗ୍ ମିଲିତ ସହର୍‌ତାକେ ଇକାତାପ୍।

ପକ୍ୟାତାକା 20:28

ଏପେଙ୍ଗ୍ ଆରେ ପାର୍ତି କିନାକାଦେର୍ ଜାଗ୍ରତ୍ ଆଜି ମାନାଟ୍। ଇନେସ୍‌କି ପବିତ୍ର ଆତ୍ମା ଇ ମାନାୟାର୍ ବିତ୍ରେ ବିଶପ୍‌ କିଜି ଦାଇତ୍‌ପ ହିତ୍‌ତାନ୍‌ନା। ଆରେ ଈଶ୍ୱର ତା ମେହି ଯୀଶୁ ନେତେର୍‌ତାଙ୍ଗ୍ ଇମ୍‌ଣି ମଣ୍ଡ୍‌ଲିତିଙ୍ଗ୍ କଡ଼୍‌ତାନ୍‌ନା, ହେ ମଣ୍ଡ୍‌ଲିନି ଗଡ଼ିୟା ଆଜି ମାନାଟ୍।

୧ ତିମତି 5:17

ଇମ୍‌ଣି ପ୍ରାଚିନାର୍ ତା କାମାୟ୍ ହାର୍‌ଦାଙ୍ଗ୍ କିନାର୍, ଆରେ ହେୱାର୍ ବେସି କାମାୟ୍ କିଜି କାତା ଶୁଣାୟ୍ କିନି ମାନାୟ୍ ଆରେ ହିକ୍ଷାହିନି ମାନାୟ୍ ରି ଗୁଣ୍ ସନ୍‌ମାନ୍ ପାୟାଆନି ଜଗ୍ଯ ଆନି ଦର୍‌କାର୍।

ତୀତସ 1:5

ନା ଆଦେସ୍‌ତାଙ୍ଗ୍ ପୁରା ଆୱି କାମାୟ୍ ୱିଜୁ ପୁରା କିଦେଙ୍ଗ୍, ଆରେ ୱିଜୁ ସହର୍‌ତାକେ ପ୍ରାଚିନାରିଙ୍ଗ୍ ବାଚି କିଦେଙ୍ଗ୍ ଆନେଙ୍ଗ୍ କ୍ରୀତି ଦୀପ୍‌ତାକେ ମିଙ୍ଗେଙ୍ଗ୍ ପିସ୍ତି ୱାତ୍‌ତାଙ୍ଗ୍।

ଜାକ୍‌ବ 5:14

ଯଦି ମି ବିତ୍ରେତାଙ୍ଗ୍ ଇନେର୍ ବେମାର୍ ମାନ୍‌ଗାନାନ୍, ହେୱାନ୍ ମଣ୍ଡ୍‌ଲିନି ପ୍ରାଚିନାରିଙ୍ଗ୍ କୁକେନ୍। ଲାଗିଙ୍ଗ୍ ପ୍ରାଚିନାର୍ ହେୱାନିଙ୍ଗ୍ କାପ୍ଡ଼ାତାକେ ଚିକାଣ୍ ଇତ୍‌ପି ମାପୃ ତର୍‍ଦାଙ୍ଗ୍ ପାର୍ତାନା କିନାର୍।

୧ ପିତର 5:1

ଆନେଙ୍ଗ୍ ରୱାଙ୍ଗ୍ ମି ଲେକେ ମଣ୍ଡ୍‌ଲିନି ପ୍ରାଚିନ୍‌ ଆତାଙ୍ଗ୍‌ନା, ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ହିକ୍ଷା ହିଦ୍‌ନାଙ୍ଗା। ବେସି ଆଗେ ଖ୍ରୀଷ୍ଟ ଦୁଃକ୍ କଷ୍ଟ ପାୟାଆନାକା ଆନେଙ୍ଗ୍ ନିଜେ ହୁଡ଼୍‌ତାଙ୍ଗ୍‌ନା, ଆରେ ହେୱାନ୍ ଏଚେପାଦ୍ନା ତା ଗୌରବ ୱିଜାକାରିଙ୍ଗ୍ ଚଚ୍‌ଚେଙ୍ଗ୍ ଆରେରଗ ୱାନାନ୍, ହେପାଦ୍ନା ଆନେଙ୍ଗ୍ ପା ତା ଗୌରବ ପାୟାଆନାଙ୍ଗ୍। ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ଗୁୱାରି କିଦ୍‌ନାଙ୍ଗା।

୨ ଯୋହନ 1:1

ଆନେଙ୍ଗ୍ ଯୋହନ, ଆରେ ଆନେଙ୍ଗ୍ ର ମଣ୍ଡ୍‌ଲିନି ପ୍ରାଚିନ୍‌। ଆନେଙ୍ଗ୍ ଇ ଚିଟି ଈଶ୍ୱର ବାଚିକିତି କଗ୍‌ଲେଙ୍ଗ୍ ଆରେ ତା ମେହିର୍ କାଜିଙ୍ଗ୍ ଲେକିକିନାଙ୍ଗା। ଆନେଙ୍ଗ୍ ଇନେସ୍‌କି ଈଶ୍ୱର ସତ୍‌ତିଙ୍ଗ୍ ପୁଚି ମାନାୟାରିଙ୍ଗ୍‌ ପା ଲାଡ୍ କିନାଙ୍ଗା, ହେଲେକେ ଆନେଙ୍ଗ୍ ହେ କଗ୍‌ଲେଙ୍ଗ୍ ତା ମେହିରିଙ୍ଗ୍ ଲାଡ୍ କିନାଙ୍ଗା।

୩ ଯୋହନ 1:1

ଆନେଙ୍ଗ୍ ଯୋହନ, ଆରେ ଆନେଙ୍ଗ୍ ର ମଣ୍ଡ୍‌ଲିନି ପ୍ରାଚିନ୍‌, ଆନେଙ୍ଗ୍ ହାତ୍‌ପା ଲାଡ୍‌କିନି ଗାୟ ତାକେ ଇ ଚିଟି ଲେକିକିନାଙ୍ଗା।