ପକ୍ୟାତାକା 2:42 - New Testament in Pengo Parja Language

⁴² ହେଦିନ୍‌ତାଙ୍ଗ୍ ବାଚିକିତି ଚେଲାହିର୍ ହିକ୍ଷାତିଙ୍ଗ୍ ୱେଞ୍ଜେଙ୍ଗ୍ ମେହାଆତାର୍। ଆରେ ରୁଟି ଡିକ୍‍ତେଙ୍ଗ୍ ଆରେ ପାର୍ତାନା କିଦେଙ୍ଗ୍ ରୁଣ୍ଡାଆଜି ମାଚାର୍।

ସତ୍‌ ବଚନ୍‌ ପୁନି ନିୟମ୍‌

⁴² ହେୱାର୍‌ ପକ୍ୟାତାକାର୍‌ ହିକ୍ୟା ମେହାବିଡ଼ାତ, ରୁଟି ଡ୍ରିକ୍‍ନିତ ଆରି ପାର୍ତାନାତ ର ମାନ୍‌ ଆଜ଼ି ମାଚାର୍‌ ।

ପକ୍ୟାତାକା 2:42 ပူးပေါင်းရင်းမြစ်များ

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 24:30

ଯୀଶୁ ହେୱାର୍ ହୁଦାଙ୍ଗ୍ ଚିଞ୍ଜେଙ୍ଗ୍ କୁଚ୍‌ଚାନ୍। ହେୱାନ୍ କେଇଦ ଇଚ୍‍କେ ରୁଟି ଆସ୍ତାନ୍। ହେ କାଦି କାଜିଙ୍ଗ୍ ଈଶ୍ୱରତିଙ୍ଗ୍ ଦନ୍ଯବାଦ୍ ହିତାନ୍ ଆରେ ରୁଟିତିଙ୍ଗ୍ ଗନ୍ଦା-ଗନ୍ଦା କିଜି ଡ୍ରିକ୍‌ଚି ହେୱାରିଙ୍ଗ୍ ହିତାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 24:35

ତାପାଚେ ଇ ରିକାର୍ ମାନାୟ୍ ହାନିଙ୍ଗ୍ ହାଜ୍‌ଦ ଇନାକା ୱିଜୁ ଗଟାଆଜି ମାଚାତ୍। ହେ ୱିଜୁ ହେୱାରିଙ୍ଗ୍ ୱେଚ୍‌ଚାର୍। ଯୀଶୁ ରୁଟି ଡ୍ରିକ୍‌ଚି ବାଟା କିନିହିଙ୍ଗ୍ ଇନେସ୍ କିଜି ଯୀଶୁଙ୍ଗ୍ ଚିନ୍ କିତାର୍, ହେ ବିଷୟରେ ପା ୱେଚ୍‌ଚାର୍।

ପକ୍ୟାତାକା 1:14

ଇ ବାଚିକିତି ଚେଲାହିର୍ ହୁଦାଙ୍ଗ୍ କେତେକ୍ ଜେକନି କଗ୍‍ଲେକ୍, ଆରେ ଯୀଶୁ ତେହି ମରିୟମ, ଆରେ ତା ଟଣ୍ଡାହିର୍ ହୁଦାଙ୍ଗ୍ ମେହାଆଜି ର ମାନ୍ କିଜି ପାର୍ତାନା କିଜି ମାଚାର୍।

ପକ୍ୟାତାକା 11:23

ହେୱାନ୍ ହେବେ ଏକିସ୍ ଈଶ୍ୱର ଦୟା ହୁଡ଼୍‌ଜି ୱାରି ଆତାନ୍। ଆରେ ଯୀଶୁ ମାପୃତାକେ ନେ ପାର୍ତି କିଜି ମାଞ୍ଜେଙ୍ଗ୍ ହେୱାନ୍ ହେୱାରିଙ୍ଗ୍ କେତେକ୍ କାତା ୱେଚ୍‌ଚି ସାହାସ୍ କିୟିକିତ୍‌ତାନା।

ପକ୍ୟାତାକା 14:22

ଆରେ ହେୱାର୍ ୱିଜୁ ସହର୍‌ତାକେ ମାନି ପାର୍ତିକିନି ଚେଲାହିର୍ ମେହାଆଜି ହେୱାରିଙ୍ଗ୍ ଶାନ୍ତି କିଜି ମାଚାର୍। ଆରେ ହେୱାର୍ ହେୱାରିଙ୍ଗ୍ ପାର୍ତି କିଜି ମାଞ୍ଜେଙ୍ଗ୍ ସାହାସ୍‌ନି କାତା ୱେଚ୍‌ଚାର୍। ଆରେ ହେୱାର୍ ୱେଚ୍‌ଚାର୍, “ଈଶ୍ୱର ସାସନ୍ କିନି ରାଜିତାକେ ହାଞ୍ଜେଙ୍ଗ୍ ମାଙ୍ଗେଙ୍ଗ୍ ବେସି ଦୁକ୍‌କଷ୍ଟ ପାୟାଆନାକା ଆନାତ୍।”

ପକ୍ୟାତାକା 2:46

ଆରେ ହେୱାର୍ ର ମାନ୍‌ଆଜି ୱିଜୁଦିନ୍ ଈଶ୍ୱର ମାନି ମନ୍ଦିର୍‌ତାକେ ମେହାଆଜି ମାଚାର୍। ଆରେ ଇଞ୍ଜ-ଇଞ୍ଜ ରୁଟି ଡିକ୍‌ଚି ୱାରିତାଙ୍ଗ୍ ଆରେ ଶାନ୍ତିତାଙ୍ଗ୍ ତିନ୍‌ଞ୍ଜି ଈଶ୍ୱରତିଙ୍ଗ୍ ଜୟ୍-ଜୟ୍ କିଜି ମାଚାର୍।

ପକ୍ୟାତାକା 20:11

ତାପାଚେ ହେୱାନ୍ ଜପ୍‌ଣି ପାଉଜ୍‌ତାକେ ହାଲ୍‌ଜି ପ୍ରବୁବଜ୍ ଚିଚାନ୍ ଆରେ କାଦି ପା ଚିଚାନ୍। ତାପାଚେ ହେୱାନ୍ ହେୱାର୍ ହୁଦାଙ୍ଗ୍ ଅଜଡ଼୍ ଆନି ପାତେକ୍ ବେସି କାତାବାର୍ତା କିଜି ହେବେତାଙ୍ଗ୍ ହସିହାଚାନ୍।

ପକ୍ୟାତାକା 20:7

ସାତ୍‌ଦିନ୍‌ନି ପାର୍ତୁମ୍ ନାଞ୍ଜିଙ୍ଗ୍ ଆପେଙ୍ଗ୍ ପ୍ରବୁବଜ୍ ଚିଞ୍ଜେଙ୍ଗ୍ ରବେ ରୁଣ୍ଡାଆଜି ମାଚାପ୍। ହେପାଦ୍ନା ପାଉଲ ମାନାୟାରିଙ୍ଗ୍ ଶୁଣାୟ୍ କିତାନ୍। ହେୱାନ୍ ୱିଗାଲିଙ୍ଗ୍ ହାନାକା ମାଚିଲେ ମାଦିମାଦାନାଣା ପାତେକ୍ ଶୁଣାୟ୍ କିଦେଙ୍ଗ୍ ଲାଗାତାନ୍।

ପକ୍ୟାତାକା 4:23

ପିତର ଆରେ ଯୋହନ ଯିହୁଦି ନେତାର୍ ମିଟିଙ୍ଗ୍ ଇଞ୍ଜାଙ୍ଗ୍ ହସି ତା ହାଙ୍ଗ୍‌ଦାକାର୍‌ତାକେ ହାଚାର୍। ଆରେ ଈଶ୍ୱର ହେବାକିନି ପ୍ରଦାନ୍ ମୁଡ଼୍‌ଦି ପୁଜାରିର୍ ଆରେ ପ୍ରାଚିନ୍‌ ହେୱାରିଙ୍ଗ୍ ଇନା-ଇନାକା ୱେଚ୍‌ଚି ମାଚାର୍, ହେ ୱିଜୁ ତା ହାଙ୍ଗ୍‌ଦାକାରିଙ୍ଗ୍ ୱେଚ୍‌ଚାର୍।

ପକ୍ୟାତାକା 4:31

ହେୱାର୍ ପାର୍ତାନା କିତି ପାଚେ, ଇମ୍‌ଣି ବାହାତାକେ ରବେଆଜି ମାଚାର୍, ହେ ବାହାତିଙ୍ଗ୍ ଈଶ୍ୱର ଲେପ୍‌ତାନ୍‌। ଆରେ ହେବେ ମାନି ୱିଜାକାର୍ ପବିତ୍ର ଆତ୍ମା ପୁରାଆଜି, ଆରେ ସାସ୍‌ତାଙ୍ଗ୍ ଈଶ୍ୱର କାତା ୱେଚ୍‌ଚେଙ୍ଗ୍ ଲାଗାତାର୍।

ପକ୍ୟାତାକା 6:4

ହେଲେକେ ଆତିସ୍ ଆପେଙ୍ଗ୍ ପାର୍ତାନା ଆରେ ଯୀଶୁ କାତା ଶୁଣାୟ୍ କିଜି ହିକ୍ଷାହିଜି ମାନ୍‌ଗାନାପ୍।”

ରୋମିୟ 12:12

ଯଦି ଏପେଙ୍ଗ୍ ଈଶ୍ୱରତିଙ୍ଗ୍ ଆହା କିନାଦେରା ଲାଗିଙ୍ଗ୍ ୱାରିୟା ଆଡ, ଇନେସ୍‌କି ଈଶ୍ୱର ମି କାଜିଙ୍ଗ୍ ହାର୍ ଉପାୟ୍ କିନାନା। ଏପେଙ୍ଗ୍ ଦୁଃକ୍ କଷ୍ଟ କାଜିଙ୍ଗ୍ ସାସ୍ ଆଜି ମାନାଟ୍, ଆରେ ଏପେଙ୍ଗ୍ ୱିଜୁଦିନ୍ ଈଶ୍ୱରତାକେ ପାର୍ତାନା କିଜି ମାନାଟ୍।

୧ କରନ୍ତିୟ 10:21

ଏପେଙ୍ଗ୍ ପ୍ରବୁବଜ୍ ଆରେ ଶୟତାନନି ବେଦିତାଙ୍ଗ୍ କାଦି ଚିଞ୍ଜେଙ୍ଗ୍ ଆଡୁଦେର୍। ହେଲେକେ ଏପେଙ୍ଗ୍ ମାପୃ ଆରେ ଶୟତାନନି ଟେବୁଲ୍‌ତାଙ୍ଗ୍ ଅଙ୍ଗୁର୍ ରାସ୍ ଉଣ୍ଡେଙ୍ଗ୍ ଆଡୁଦେର୍।

୧ କରନ୍ତିୟ 11:2

ଏ ସାଙ୍ଗ କାଦେର୍, ଆନେଙ୍ଗ୍ ମିଙ୍ଗେଙ୍ଗ୍ ଲାଡ୍ କିଦ୍‌ନାଙ୍ଗା। ଆନେଙ୍ଗ୍ ହିତ୍‌ତି ୱିଜୁ ଖ୍ରୀଷ୍ଟାନ୍ ହିକ୍ଷାତିଙ୍ଗ୍ ମାନି କିନାଦେରା, ଆରେ ନାଙ୍ଗେଙ୍ଗ୍ ଏପେଙ୍ଗ୍ ୱିଜୁଦିନ୍ ଏତ୍ କିଦ୍‍ନାଦେରା।

୧ କରନ୍ତିୟ 14:6

ଲାଗିଙ୍ଗ୍ ଏ ଟଣ୍ଡାର୍‌କାଦେର୍ ଆନେଙ୍ଗ୍ ମିତାକେ ୱାତିହିଙ୍ଗ୍, ବିନ୍-ବିନ୍ ବାଷାତାଙ୍ଗ୍ କାତା ୱେଚ୍‌ଚିତିସ୍, ମି ପାର୍ତି ବାଡା ଆଦେଙ୍ଗ୍ ସାଇଜ ଆଦୁତ୍। ମାତର୍ ଆନେଙ୍ଗ୍ ଈଶ୍ୱରତାଙ୍ଗ୍ ପାୟାଆତି କାତା, ଜ୍ଞାନ୍, ଈଶ୍ୱରତାଙ୍ଗ୍ ୱେଚି କାତା ହିକାଆନି ବିଷୟରେ ୱେଚ୍‌ୱିତିସ୍ ନେ ମି ପାର୍ତି ବାଡା ଆଦେଙ୍ଗ୍ ସାଇଜ ଆନାତ୍‌।

ଗାଲାତିୟ 1:6

ଆନେଙ୍ଗ୍ ଚାନିଆ ଆନାଙ୍ଗା ଯେ ଖ୍ରୀଷ୍ଟ ଦୟାତାଙ୍ଗ୍ ମିଙ୍ଗେଙ୍ଗ୍ ଈଶ୍ୱର ତା ମାନାୟ୍ କିଦ୍‌ନି କାଜିଙ୍ଗ୍ କୁକ୍ତାତାନ୍‌ନା। ମାତର୍ ହେୱାନ୍‌ତାଙ୍ଗ୍ ଏପେଙ୍ଗ୍ ଏଚେକ୍ ବେଗି ଜେକ ଆଜି ବିନ୍ ହାର୍ଦିକାବୁର୍‌ତିଙ୍ଗ୍ ପାର୍ତି କିନାଦେରା।

ଏପିସିୟ 2:20

ବାଚିକିତି ଚେଲା ଆରେ ଭବିଷ୍ଯତବକ୍ତା ପାଉଣ୍ଡେସେନ୍, ଆରେ ତା ଜପି ର ଇଲ୍ ରସ୍ତି ଲେକେ ଆସେଙ୍ଗ୍ ଆତାସ୍‌ନା। ଆରେ ଯୀଶୁ ଖ୍ରୀଷ୍ଟ ନିଜେ ହେ ଇଲ୍ କନାନି ମୁଡ଼୍ କାଲ୍।

ଏପିସିୟ 6:18

ୱିଜୁଦିନ୍ ପବିତ୍ର ଆତ୍ମା ସାଇଜତାଙ୍ଗ୍ ଈଶ୍ୱରତାକେ ପାର୍ତାନା ଆରେ ଗୁୱାରି କିୟାଟ୍। ଆରେ ୱିଜୁ ସାଦୁ ମାନାୟାର୍ କାଜିଙ୍ଗ୍ କାସି ମାନ୍‌ଞ୍ଜି ପାର୍ତାନା କିୟାଟ୍।

ପିଲିପିୟ 1:5

ଲାଗିଙ୍ଗ୍ ଏଚେପାଦ୍ନା ଆନେଙ୍ଗ୍ ପାର୍ତାନା କିନାଙ୍ଗା ହେଚେପାଦ୍ନା ମି କାଜିଙ୍ଗ୍ ୱାରିଆଜି ପାର୍ତାନା କିନାଙ୍ଗା।।

କଲସିୟ 1:23

ହେୱାନ୍ ମିଙ୍ଗେଙ୍ଗ୍ ପବିତ୍ର କିତ୍‌ତାନ୍‌ନା, ମାତର୍ ଏପେଙ୍ଗ୍ ୱିଜୁଦିନ୍ ଖ୍ରୀଷ୍ଟତାକେ ପାର୍ତି କିଜି ମାନାଟ୍। ଇନେସ୍‌କି ର ବାଡ଼୍‌କାସ୍ ପାଉଣ୍ଡେସେନ୍ ତାକେ ଇଲ୍ ମାନ୍‌ଗାନାତ୍ ହେଲେକେ ପାର୍ତି ଖ୍ରୀଷ୍ଟତାକେ ବାଡ଼୍‌କାସ୍ ଆଜି ମାନେତ୍। ହାର୍ଦିକାବୁର୍ ୱେନ୍‌ଞ୍ଜି ଇମ୍‌ଣି ଆହା ପାୟା ଆତାଦେର୍‌ନା ହେ ଆହାତିଙ୍ଗ୍ ଏପେଙ୍ଗ୍ ପିହ୍‌ମାଟ୍। ଇ ହାର୍ଦିକାବୁର୍ ପୁର୍ତିନି ଚାରିବେଣ୍‌ତାଙ୍ଗ୍ ଶୁଣାୟ୍ କିନାରା। ଆରେ ଆନେଙ୍ଗ୍ ପାଉଲ ଈଶ୍ୱର ଦାସ୍ ଆଜି ଇ ହାର୍ଦିକାବୁର୍ ଶୁଣାୟ୍ କିନାଙ୍ଗା।

କଲସିୟ 4:2

ଏପେଙ୍ଗ୍ ୱିଜୁଦିନ୍ ପାର୍ତାନା କିଜି ମାନାଟ୍। ଏପେଙ୍ଗ୍ ପାର୍ତାନା କିନିହିଙ୍ଗ୍ ଈଶ୍ୱରତିଙ୍ଗ୍ ଦନ୍ଯବାଦ୍ ହିୟାଟ୍ ଆରେ ଜାଗ୍ରତ୍ ଆଜି ମାନାଟ୍।

୨ ତିମଥି 3:14

ମାତର୍ ଆପେଙ୍ଗ୍ ଇନା-ଇନାକା ହିକ୍ଷା ହିତ୍‌ତାପ୍‌ନା ହେଦାଙ୍ଗ୍ ପାର୍ତିକିୟାଟ୍, ହେଦାଙ୍ଗ୍ ଏପେଙ୍ଗ୍ ସତ୍ ଇଞ୍ଜି ପୁଚାଦେର୍‌ନା। ଇନେସ୍‌କି ଏପେଙ୍ଗ୍ ପୁଚାଦେର୍‌ନା ଆରେ ପାର୍ତି କିଦେଙ୍ଗ୍ ଆଡ୍‌ନାଦେର୍ ଇନେର୍ ମିଙ୍ଗେଙ୍ଗ୍ ହିକାଇ କିତ୍‌ତାର୍‌ନା।

ଏବ୍ରି 10:25

ଜେକନିକାର୍ ଲେକେ ଆସେଙ୍ଗ୍ ମାପୃଙ୍ଗ୍ ରବେ ହେବା କିନାକା ବନ୍ଦ୍ କିଉସ୍। ମାତର୍ ଆସେଙ୍ଗ୍ ଜାର୍-ଜାର୍‌ତିଙ୍ଗ୍ ସାହାସ୍ କିଜି ଜାଗ୍ରତ୍ ଆନାସ୍, ଇନେସ୍‌କି ମାପୃ ଆରେରଗ ୱାନିଦିନ୍ ଲାଗେ ୱାନାତା।

ଏବ୍ରି 10:39

ଇମ୍‌ଣାକାର୍ ଈଶ୍ୱରତିଙ୍ଗ୍ ଆହ୍‌ୱାଦାଙ୍ଗ୍ ନଷ୍ଟ ଆତାର୍‌ନା, ଆସେଙ୍ଗ୍ ହେୱାର୍ ଦଳ୍ ନିକାସ୍ ଆକାୟ୍। ମାତର୍ ଇମ୍‌ଣାକାର୍ ଈଶ୍ୱରତାକେ ପାର୍ତି କିଜି ଜାର୍ ଜିବୁନ୍ ଉଦାର୍ ପାୟାଆତାର୍‌ନା, ଆସେଙ୍ଗ୍ ହେୱାର୍ ଦଳ୍ ନିକାସ୍।

୧ ଯୋହନ 1:3

ଆପେଙ୍ଗ୍ ଇମ୍‌ଣାକା ହୁଡ଼୍‌ତାପ୍‌ନା ଆରେ ୱେଚାପ୍‌ନା ହେଦାଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାପା, ଲାଗିଙ୍ଗ୍ ଏପେଙ୍ଗ୍ ମା ହୁଦାଙ୍ଗ୍ ମାହାଆଦ୍ନାଦେର୍। ଆରେ ଆପେଙ୍ଗ୍ ଆବା ଈଶ୍ୱର ଆରେ ତା ମେହି ଯୀଶୁ ଖ୍ରୀଷ୍ଟ ହୁଦାଙ୍ଗ୍ ମାହାଆତାପ୍‌ନା।

୧ ଯୋହନ 1:7

ମାତର୍ ଈଶ୍ୱର ଇନେସ୍ ଅଜଡ଼୍‌ତାକେ ମାନାନା, ହେଲେକେ ଯଦି ଆପେଙ୍ଗ୍ ଅଜଡ଼୍‌ତାକେ ମାନାପ୍। ଲାଗିଙ୍ଗ୍ ଆପେଙ୍ଗ୍ ମାହାଆଜି ମାନାପ୍, ଆରେ ତା ମେହି ଯୀଶୁ ଖ୍ରୀଷ୍ଟ ତା ନେତେର୍‌ତାଙ୍ଗ୍ ମା ୱିଜୁ ପାପ୍‌ତିଙ୍ଗ୍ ନୁସ୍ତାନ୍‌ନା।

୧ ଯୋହନ 2:19

ହେୱାର୍ ମା ମଣ୍ଡ୍‌ଲିତାଙ୍ଗ୍ ହୋସି ହାଚାର୍, ଇନେସ୍‌କି ହେୱାର୍ ମା ମଣ୍ଡ୍‌ଲିନିକାର୍ ଆୱାଦାଙ୍ଗ୍ ମାଚାର୍, ଯଦି ହେୱାର୍ ମା ମଣ୍ଡ୍‌ଲିନିକାର୍ ଆତାର୍‌ମା, ଲାଗିଙ୍ଗ୍ ହେୱାର୍ ମା ହୁଦାଙ୍ଗ୍ ମାଚାର୍‌ମା। ମାତର୍ ଏଚେପାଦ୍ନା ମା ମଣ୍ଡ୍‌ଲିତିଙ୍ଗ୍ ପିସ୍ତି ହାଚାର୍, ହେପାଦ୍ନା ଆପେଙ୍ଗ୍ ପୁଚାପ୍ ଯେ, ହେୱାର୍ ମା ମଣ୍ଡ୍‌ଲିନିକାର୍ ଆକାୟ୍।

ଜିହୁଦା 1:20

ମାତର୍ ଏ ନା ଲାଡ୍‌ନି ସାଙ୍ଗ କାଦେର୍, ମି ପବିତ୍ର ପାର୍ତିନି ପାଣ୍ଡୁସେନ୍ ଜପି ମି ଜିବୁନ୍‌ତିଙ୍ଗ୍ ରସ୍ତି ମାନାଟ୍। ଆରେ ଏପେଙ୍ଗ୍ ପବିତ୍ର ଆତ୍ମା ସାଇଜତାଙ୍ଗ୍ ପାର୍ତାନା କିୟାଟ୍।