ପକ୍ୟାତାକା 19:34 - New Testament in Pengo Parja Language

³⁴ ମାତର୍ ହେୱାନିଙ୍ଗ୍ ମାନାୟାର୍ ଯିହୁଦି ମାନାୟ୍ ଇଞ୍ଜି ପୁଚାର୍। ହେୱାର୍ ପାକାପାକି ଦୁଇ ଗଣ୍ଟା ର କାଟ୍ କିଜି ୱେଚ୍‌ଚେଙ୍ଗ୍ ଲାଗାତାର୍, ମା ଏପିସିୟ ଆର୍ତ୍ତେମି ଦେବି ନେ ଗାଜା।

ସତ୍‌ ବଚନ୍‌ ପୁନି ନିୟମ୍‌

³⁴ ମତର୍‌ ହେୱାନ୍‌ ରୱାନ୍‌ ଜିହୁଦି ଇଞ୍ଜି ହେୱାର୍‌ ପୁଚାର୍, ହେ ଏଚେକାଡ଼୍‌ଦ ୱିଜ଼ାର୍‌ କାଟ୍‌ତ ରି ଗଣ୍ଟା ପାତେକ୍‌ କିକିରାଡିଂ କିଜ଼ି ଇଞ୍ଜେଙ୍ଗ୍‌ ଲାଗାତାର୍‌, ଏପିସିୟର୍‌ତି “ଆର୍ତେମି ଗାଜା ପୁତ୍‌ଡ଼ା ଜୟ୍‌ ଆଏତ୍‌ ।”

ପକ୍ୟାତାକା 19:34 ပူးပေါင်းရင်းမြစ်များ

ମାତିଉ 6:7

ଆରେ ଏପେଙ୍ଗ୍ ପାର୍ତାନା କିନିହିଙ୍ଗ୍ ବିନ୍‌ଜାତିର୍ ଲେକେ ର କାତାତିଙ୍ଗ୍ ବାର୍-ବାର୍ ୱେଚ୍‌ମାଟ୍, ଇନେସ୍‌କି ହେୱାର୍ ବେସି କାତା ୱେଚ୍‌ଚିସ୍ ମା ମାପୃ ମା ପାର୍ତାନା ୱେନାନ୍ ଇଞ୍ଜି ମାନ୍ତ ବାବିକିନାର୍।

ପକ୍ୟାତାକା 16:20

ଆରେ ହେ ଦାସିନି ମାଲିକାର୍ ହେୱାରିଙ୍ଗ୍ ବିଚାର୍ କିନାକାର୍ ଲାଗାୟ୍ ତାହିୱାଜି ୱେଚ୍‌ଚାର୍, “ଇୱାର୍ ଯିହୁଦି ଜାତିନି ମାନାୟାର୍, ଇୱାର୍ ମା ସହର୍‌ତାକେ ବିଗ୍‌ଡ଼ାଇ କିଦ୍‌ନାରା।

ପକ୍ୟାତାକା 19:24

ଦିମିତ୍ରିୟ ତର୍‍ଦାକାନ୍ ରକାନ୍ ହନେରି ମାଚାନ୍। ହେୱାନ୍ ଆର୍ତ୍ତେମି ଦେବିନି ହିରୁ-ହିରୁ ରୁପାନି ମନ୍ଦିର୍‌ ରସ୍ତି ମାଚାନ୍, ଆରେ ଇ କାମାୟ୍ କାଜିଙ୍ଗ୍ ମିସ୍ତୁରିର୍ ବେସି ଡାବୁଙ୍ଗ୍ ଲାବ୍ କିଜି ମାଚାର୍।

ପକ୍ୟାତାକା 19:26

ମାତର୍ ଏପେଙ୍ଗ୍ ହୁଡ଼୍‌ତାଦେର୍‌ନା ଆରେ ୱେଚାଦେର୍‌ନା, ପାଉଲ ଏପିସ ସହର୍ ଆରେ ଏସିଆ ଜିଲ୍ଲାନି ୱିଜୁ ସହର୍‌ନି ମାନାୟାରିଙ୍ଗ୍ କେଇଦାଙ୍ଗ୍ ରସ୍ତି ପୁତ୍‌ଡ଼ାଙ୍ଗ୍ ଈଶ୍ୱର ଆକାୟ୍ ଇଞ୍ଜି ୱେଚ୍‌ଚି ବୁଲ୍‌କାଇ କିନାନା।

ପକ୍ୟାତାକା 19:28

ଇ କାତା ୱେନ୍‌ଞ୍ଜି ହେ ରୁଣ୍ଡାଆତି ମାନାୟାର୍ ରିସାଆଜି ଗାଜାକାଟ୍ କିଜି ୱେଚ୍‌ଚାର୍, “ମା ଏପିସିୟ ସହର୍‌ନି ଆର୍ତ୍ତେମି ଦେବି ନେ ଗାଜା।”

ପକ୍ୟାତାକା 19:33

ହେ ରୁଣ୍ଡାଆତି ମାନାୟାର୍ ବିତ୍ରେ ଆଲେକ୍‌ଜାଣ୍ଡ୍ରିଆ ତର୍‍ଦାକାନ୍ ଯିହୁଦି ମାନାୟ୍ ମାଚାନ୍। ମାନାୟାର୍ ମୁମ୍‌ଦ ୱାଜି ଇନେସ୍ କାତା ୱେଚ୍‌ଚେଙ୍ଗ୍ ଆଡ୍‌ନାନ୍, ହେଦାଙ୍ଗ୍ କାଜିଙ୍ଗ୍ କେତେକ୍ ମାନାୟ୍ ଆଗେ ନିଲି କିତାର୍। ଆରେ ହେୱାନ୍ ଯିହୁଦି ନିପଣ୍ଡାଙ୍ଗ୍ ଆଜି ଇ ଗଟ୍‌ନା ବିଷୟରେ ମାନାୟାରିଙ୍ଗ୍ ୱେଚ୍‌ଚେଙ୍ଗ୍ କି ବୁଜାଇ କିଦେଙ୍ଗ୍ ଇଚାକିଜି, ହେୱାନ୍ କେଇ ଜଲାଇ କିଜି ମାନାୟାରିଙ୍ଗ୍ ଚିମ୍ରା କିତାନ୍।

ପକ୍ୟାତାକା 19:35

ତାପାଚେ ସହର୍‌ନି ମୁକ୍ୟା ମାନାୟାରିଙ୍ଗ୍ ଚିମ୍ରା କିୟିକିଜି ୱେଚ୍‌ଚାନ୍, “ଏ ଏପିସିୟ ସହର୍‌ତାକେ ମାନି ମାନାୟାର୍, ଆସେଙ୍ଗ୍ ନେ ଆର୍ତ୍ତେମି ଗାଜା ଦେବିନି ମନ୍ଦିର୍‌ ଆରେ ବାଦାଡ଼୍‌ତାଙ୍ଗ୍ ଆର୍ତି ପୁତ୍‍ଡ଼ାକାଙ୍ଗ୍ ରକ୍ଷା କିନାକାସ୍। ପୁର୍ତିନି ଚାରିବେଣ୍‌ତି ମାନାୟାର୍ ପୁଚାର୍‌ନା।

ରୋମିୟ 2:22

ଏପେଙ୍ଗ୍ ଦାରି କାମାୟ୍ କିମାଟ୍ ଇଞ୍ଜି ଶୁଣାୟ୍ କିନାଦେରା, ମାତର୍ ଏପେଙ୍ଗ୍ ହେ ଲେକେ କିନାଦେରା? ଏପେଙ୍ଗ୍ ମୁର୍ତିତିଙ୍ଗ୍ ପୁଜା କିନାକାରିଙ୍ଗ୍ ଗିଣ୍ କିନାଦେରା, ମାତର୍ ଏପେଙ୍ଗ୍ ବିନ୍‌ଜାତିନି ମାନାୟାର୍ ମନ୍ଦିର୍‌ନି ଜିନିସ୍‌ତିଙ୍ଗ୍ ଚରି କିନାଦେରା।

ହତ୍‌ତି 13:4

ୱିଜାର୍ ମାନାୟାର୍, ହେ ଗାଜା ରାଚ୍ ଶୟତାନ୍‌ତିଙ୍ଗ୍ ପୁଜା କିତାର୍, ଇନେସ୍‌କି ହେ ରାଚ୍ ଶୟତାନ୍ ହେ ପଶୁତିଙ୍ଗ୍ ହେଲେକେ ଶାକ୍ତି ହିଜିମାଚାତ୍‌। ହେୱାର୍ ହେ ପଶୁତିଙ୍ଗ୍ ପା ପୁଜା କିତାର୍। ହେୱାର୍ ୱେଚ୍‌ଚାର୍, “ଇ ପଶୁତିଙ୍ଗ୍ ଶାକ୍ତି ମାନିଲେକେ ଇନେରିଙ୍ଗ୍ ଶାକ୍ତି ହିଲେତ୍, ଆରେ ଇନେର୍ ପା ଇ ପଶୁ ହୁଦାଙ୍ଗ୍ ଯୁଜ୍ କିଦେଙ୍ଗ୍ ଆଡୁର୍।”