ପକ୍ୟାତାକା 19:29 - New Testament in Pengo Parja Language

²⁹ ଇ ମାନାୟାର୍ ରାଟୁ ଆନାକା ୱେନ୍‌ଞ୍ଜି ସହର୍‌ନି ମାନାୟାର୍ ହେୱାର୍ ଲାଗାୟ୍ ହାଚାର୍, ତାପାଚେ ସହର୍‌ନି ୱିଜୁ ନିପଣ୍ ରାଟୁଆଜି ଗଉଲି ଆତାର୍। ଆରେ ମାନାୟାର୍ ମାକଦନିଆ ଜିଲ୍ଲାନି ଗାୟ ଆରେ ଆରିସ୍ତାର୍ଖ ତର୍‌ଦି ଇ ରିକାରିଙ୍ଗ୍ ଆସ୍ତି ସହର୍‌ନି ମିଟିଙ୍ଗ୍ ବାହାତାକେ ବେଗି-ବେଗି ହାଚାର୍। ଇ ରିକାର୍ ପାଉଲ ହାଙ୍ଗ୍‌ଦାକାର୍ ମାଚାର୍।

ସତ୍‌ ବଚନ୍‌ ପୁନି ନିୟମ୍‌

²⁹ ଇବେଣ୍ଡାଂ ଗାଡ଼୍‌ କିରତ ବାର୍ତି ଆତାତ୍‌, ଆରେ ହେୱାର୍‌ ର ମାନ୍‌ତାଂ ପାଉଲ୍‌ତି ରଚେ ହାଚାକାନ୍ ମାକିଦନିଆନି ଗାୟ ଆରି ଆରିସ୍ତାର୍କତିଂ ଆସ୍ତି ମେଲ୍ୟାର୍‌ ବୁମିତ ହନ୍‍ଞ୍ଚି ହାଚାର୍ ।

ପକ୍ୟାତାକା 19:29 ပူးပေါင်းရင်းမြစ်များ

ପକ୍ୟାତାକା 13:5

ହେୱାର୍ ସାଲାମି ସହର୍‌ତାକେ ଏକିତି ପାଚେ, ଯିହୁଦିର୍ ପାର୍ତାନା ଇଲ୍‌କୁକାଙ୍ଗ୍ ହାଲ୍‌ଜି ଈଶ୍ୱର କାତା ଶୁଣାୟ୍ କିଦେଙ୍ଗ୍ ଲାଗାତାର୍। ଆରେ ଯୋହନ ହେୱାରିଙ୍ଗ୍ ସାଇଜ କିଜି ମାଚାନ୍।

ପକ୍ୟାତାକା 16:12

ହେବେତାଙ୍ଗ୍ ଫିଲିପ ସହର୍‌ତାକେ ହାଚାପ୍। ଇ ସହର୍ ମାକଦନିଆ ଗାଜା ସହର୍ ମାଚାତ୍। ଆରେ ଇବେ ରମିୟ ଦେସ୍‌ନି ମାନାୟାର୍ ବାହାକିଜି ମାଚାର୍। ଆପେଙ୍ଗ୍ ଇ ସହର୍‌ତାକେ କେତେକ୍ ଦିନ୍ ମାଚାପ୍।

ପକ୍ୟାତାକା 16:9

ହେ ମିକାଲିଙ୍ଗ୍ ଈଶ୍ୱର ପାଉଲତିଙ୍ଗ୍ ର କେଚ୍‌କଣ୍ ହୁଡ଼ିକିତାନ୍। ହେ କେଚ୍‌କଣ୍‌ତାକେ ମାକିଦନିଆ ଜିଲ୍ଲାନି ରକାନ୍ ମାନାୟ୍ ହେୱାନିଙ୍ଗ୍ ଗୁୱାରି କିଜି ମାଚାନ୍, “ମାକଦନିଆ ନାସିୱାଜି ମାଙ୍ଗେଙ୍ଗ୍ ସାଇଜକିଦା।”

ପକ୍ୟାତାକା 17:8

ଇ କାତା ୱେନ୍‌ଞ୍ଜି ସାସନ୍ କିନାକାର୍ ଆରେ ମାନାୟାର୍ ଗଣ୍ଡ୍‍ଗଲ୍ କିୟିକିତାର୍।

ପକ୍ୟାତାକା 19:21

ଇୱିଜୁ ବିଷୟ ଗଟାଆତି ପାଚେ ପାଉଲ ମାକଦନିଆ ଆରେ ଆକାୟା ଜିଲ୍ଲାତାକେ ମାନି ପାର୍ତି କିନାକାରିଙ୍ଗ୍ ମେହାଆଜି ଯିରୁଶାଲାମ ସହର୍‌ତାକେ ହାଞ୍ଜେଙ୍ଗ୍ ପବିତ୍ର ଆତ୍ମା ପାଉଲତିଙ୍ଗ୍ ୱେଚ୍‌ଚାନ୍। ହେୱାନ୍ ୱେଚ୍‌ଚାନ୍, ଆନେଙ୍ଗ୍ ହେବେ ହାଚି ପାଚେ ରୋମ ଦେସ୍‌ତାକେ ପା ହାନାଙ୍ଗ୍।

ପକ୍ୟାତାକା 19:22

ହେୱାନ୍ ହାଲ୍‌ୱି ଆଗେ ତା ହୁଦାଙ୍ଗ୍ ମାନି ରିକାର୍ ତିମତି ଆରେ ଏରାଷ୍ଟତିଙ୍ଗ୍ ମାକଦନିଆ ଜିଲ୍ଲାତାକେ ପକ୍ତାନ୍, ଆରେ ହେୱାନ୍ ଏସିଆ ଜିଲ୍ଲାନି ଏପିସ ସହର୍‌ତାକେ ନେ କେତେକ୍ ଦିନ୍ ମାନ୍‌ଗାତାନ୍।

ପକ୍ୟାତାକା 19:32

ହେପାଦ୍ନା ମିଟିଙ୍ଗ୍ ବାହାତାକେ ମାନି ମାନାୟାର୍, କେତେକ୍ ର କାତା ଆରେ କେତେକ୍ ଆରେ ର କାତା ୱେଚ୍‌ଚି ମାଚାର୍। ହେଦାଙ୍ଗ୍ କାଜିଙ୍ଗ୍ ହେ ମିଟିଙ୍ଗ୍ ଇଞ୍ଜ ମାନି ମାନାୟାର୍ ରାଟୁଆଜି ମାଚାର୍। ଆରେ ହେବେ ଇନା କିଦେଙ୍ଗ୍ ରୁଣ୍ଡା ଆତାର୍‌ନା ଇଞ୍ଜି କେତେକ୍ ମାନାୟାର୍ ପୁନ୍‌ୱାଦାଙ୍ଗ୍ ମାଚାର୍।

ପକ୍ୟାତାକା 20:34

ଏପେଙ୍ଗ୍ ପୁଚାଦେର୍‌ନା, ନାଙ୍ଗେଙ୍ଗ୍ ଆରେ ନା ହାଙ୍ଗ୍‌ଦାକାରିଙ୍ଗ୍ ଦର୍‌କାର୍‌ଆନି ଜିନିଷ୍‌ତିଙ୍ଗ୍ ଆନେଙ୍ଗ୍ କାମାୟ୍ କିଜି ପୁରା କିତାଙ୍ଗ୍‌ନା।

ପକ୍ୟାତାକା 20:4

କେତେକ୍ ମାନାୟାର୍ ହେୱାନ୍ ହୁଦାଙ୍ଗ୍ ମେହାଆଜି ହାଚାର୍। ହେୱାର୍ ତର୍‌ ବେରିୟା ସହର୍‌ନି ସୋପାତ୍ର, ହେୱାନ୍ ପୁରନି ମେହି ମାଚାନ୍, ଥେସଲନିକି ସହର୍‌ନି ଆରିସ୍ତାର୍ଖ ଆରେ ସେକୁନ୍ଦ, ଦର୍ବି ସହର୍‌ନି ଗାୟ, ଲୁସ୍ତ୍ରା ସହର୍‌ନି ତିମତି ଆରେ ଏସିଆ ଜିଲ୍ଲାନି ତୁକିକ ଆରେ ତ୍ରପିମ ମାଚାର୍।

ପକ୍ୟାତାକା 21:30

ଇ ବିଷୟରେ ୱିଜୁ ସହର୍ ନିପଣ୍ ଗଉଲି ଆତାର୍, ମାନାୟାର୍ ରବେଆଜି ପାଉଲ ମାନି ବାହାତାକେ ହନ୍‌ଞ୍ଚି ହାଚାର୍। ଆରେ ହେୱାର୍ ପାଉଲତିଙ୍ଗ୍ ଆସ୍ତି ମନ୍ଦିର୍‌ ବାର୍ତ ଜେଲ୍‌ଜି ତାତାର୍, ଆରେ ହେଦାପ୍ରେ ମନ୍ଦିର୍‌ ୱିଜୁ କାପାଟିଙ୍ଗ୍ ବନ୍ଦ୍ କିତାର୍।

ପକ୍ୟାତାକା 21:38

କେତେକ୍ ଦିନ୍ ଆଗେ ମିସର ଦେସ୍ତାକାନ୍‌ ରକାନ୍ ମାନାୟ୍ ଦେସ୍‌ତିଙ୍ଗ୍ ବିରଦ୍ କିନି ଚାରି ହାଜାର୍ ମାନାୟ୍‌ତିଙ୍ଗ୍ ଟାଙ୍ଗ୍ରାବାହାତାକେ ଅସାହାଚାନ୍, ଆରେ ସର୍‌କାର୍ ବିରଦ୍‌ତାକେ ଜୁଜ୍ କିୟିକିତାନ୍‌, ଏନେଙ୍ଗ୍ ହେୱାନ୍ ଆକାୟ୍‌କି?”

ପକ୍ୟାତାକା 27:2

ହେବେତାଙ୍ଗ୍ ଆଦ୍ରାମୁତ୍ତିୟ ସହର୍‌ତାଙ୍ଗ୍ ୱାଜିମାଚି ଜାଜ୍‌ତାକେ ଦୁମ୍‌ଜି ଆପେଙ୍ଗ୍ ହାଚାପ୍। ହେ ଜାଜ୍ ଏସିଆ ଜିଲ୍ଲାନି ହାମ୍‌ଦୁର୍ କାଣ୍ଡିତାକେ କେତେକ୍ ବାହାତାକେ ହାନାକା ମାଚାତ୍। ମା ହୁଦାଙ୍ଗ୍ ଆରିସ୍ତାର୍ଖ ତର୍‍ଦାକାନ୍ ରକାନ୍ ମାଚାନ୍, ହେୱାନ୍ ମାକଦନିଆ ଜିଲ୍ଲାନି ଥେସଲନିକିୟ ସହର୍‌ତାକେ ମାନି ମାନାୟ୍।

ରୋମିୟ 16:23

ନା ହୁଦାଙ୍ଗ୍ ମାନି ପାର୍ତିକିନି ଟଣ୍ଡେନ୍ ଗାୟସ୍ ମିଙ୍ଗେଙ୍ଗ୍ ଜୁୱାର୍ କିଦ୍‌ନାନା। ମଣ୍ଡ୍‌ଲିନି ୱିଜାର୍ ପାର୍ତିକିନି ଟଣ୍ଡାର୍ ତା ଇଞ୍ଜ ପାର୍ତାନା କିନି କାଜିଙ୍ଗ୍ ରୁଣ୍ଡା ଆନାପା। ଆରେ ଇ ସହର୍‌ନି ଏରାଷ୍ଟ ଟଣ୍ଡେନ୍ ଇନେର୍ ଡାବୁଙ୍ଗ୍ ବିଷୟରେ ଦେକାଶୁଣା କିନାନା, ଆରେ କ୍ୱାର୍ତ୍ତପା ମିଙ୍ଗେଙ୍ଗ୍ ଜୁୱାର୍ କିଦ୍‌ନାନା।

୧ କରନ୍ତିୟ 1:14

ଆନେଙ୍ଗ୍ ଈଶ୍ୱରତିଙ୍ଗ୍ ଦନ୍ଯବାଦ୍ ହିନାଙ୍ଗା ଯେ, ମା ପାର୍ତିକିନି ଟଣ୍ଡାର୍ କ୍ରିଷ୍ପ ଆରେ ଗାୟ୍‌ଙ୍ଗ୍ ପିସ୍ତି ମି ବିତ୍ରେତାଙ୍ଗ୍ ଇନେରିଙ୍ଗ୍ ପା ଡୁବନ୍ ହିୱାତାଙ୍ଗ୍‌ନା।

୧ କରନ୍ତିୟ 4:9

ଇନେସ୍‌କି ଆନେଙ୍ଗ୍ ବାବିକିନାଙ୍ଗା ଯେ, ଆସେଙ୍ଗ୍ ସନ୍‌ମାନ୍ ପାୟାଆୱି କାଜିଙ୍ଗ୍ ଈଶ୍ୱର ଖ୍ରୀଷ୍ଟତି ବାଚିକିତି ଚେଲା କିଜି ୱିଜୁ ମାନାୟାର୍‌ତାଙ୍ଗ୍ ପାଚେ କିତ୍‌ତାନ୍‌ନା। ଦାସ୍ ମାଚି ମାନାୟାରିଙ୍ଗ୍ ଇନେସ୍ ୱିଜୁ ମାନାୟାର୍ ଆଗେ ମାର୍ନେ ଅସ୍ତାନାନ୍ ଆରେ ୱିଜୁ ମାନାୟାର୍ ହେଦାଙ୍ଗ୍‌ତିଙ୍ଗ୍ ହୁଡ଼୍‌ନାର୍ ଆସେଙ୍ଗ୍ ହେଲେକେ ଆତାସ୍‌ନା। ମା କାଜିଙ୍ଗ୍ ଇନାକା ଗଟାଆନାତ୍ ଇଞ୍ଜି ୱିଜୁ ମାନାୟାର୍ ଆରେ ଦୁତ୍‌କୁ ପା ହୁଡ଼୍‌ନିକା।

୨ କରନ୍ତିୟ 8:19

ଯିରୁଶାଲାମ ସହର୍‌ନି ପାର୍ତିକିନି ମାନାୟାରିଙ୍ଗ୍ ସାଇଜ କିଦେଙ୍ଗ୍ ଅରାୟ୍ କିତି ଡାବୁଙ୍ଗ୍ ମା ହୁଦାଙ୍ଗ୍ ମାହାଆଜି ଅସିହିନି କାଜିଙ୍ଗ୍ ମଣ୍ଡ୍‌ଲିନି ମାନାୟାର୍ ତାଙ୍ଗେଙ୍ଗ୍ ବାଚିକିତାର୍‌ନା। ହେଦାଙ୍ଗ୍ ଇଲେକେ ହେବା ଯେ, ମାପୃ ଗୌରବ ପାୟାଆନାତ୍ ଆରେ ଆସେଙ୍ଗ୍ ହେୱାରିଙ୍ଗ୍ ବେସି ସାଇଜ କିନି ଇଚା ଚଚ୍‌ଚାନାତା।

କଲସିୟ 4:10

ନା ହୁଦାଙ୍ଗ୍ ବନ୍ଦି ଆତି ଆରିସ୍ତାର୍ଖ ଆରେ, ବର୍ଣ୍ଣବା ବାଣ୍‌ଜାହି ମାର୍କ ମିଙ୍ଗେଙ୍ଗ୍ ଜୱାର୍ କିଦ୍‌ନାରା। (ଏପେଙ୍ଗ୍ ମାର୍କ ବିଷୟରେ ଚିଟି ପାୟାଆତାଦେରେ, ଯଦି ହେୱାନ୍ ମି ଲାଗାୟ୍ ୱାତିସ୍ ୱାରିତାଙ୍ଗ୍ ଆହାଟ୍।)

ଫିଲୀମୋନ 1:24

ଆରେ ନା ହୁଦାଙ୍ଗ୍ ମାନ୍‌ଞ୍ଜି ମାପୃ କାମାୟ୍ କିନି ମାର୍କ, ଆରିସ୍ତାର୍ଖ, ଦୀମା ଆରେ ଲୁକ ନିଙ୍ଗେଙ୍ଗ୍ ଜୱାର୍ କିଦ୍‌ନାରା।

୩ ଯୋହନ 1:1

ଆନେଙ୍ଗ୍ ଯୋହନ, ଆରେ ଆନେଙ୍ଗ୍ ର ମଣ୍ଡ୍‌ଲିନି ପ୍ରାଚିନ୍‌, ଆନେଙ୍ଗ୍ ହାତ୍‌ପା ଲାଡ୍‌କିନି ଗାୟ ତାକେ ଇ ଚିଟି ଲେକିକିନାଙ୍ଗା।