ପକ୍ୟାତାକା 18:15 - New Testament in Pengo Parja Language

¹⁵ ମାତର୍ ଇଦାଙ୍ଗ୍ ମି ହିକ୍ଷା, ମି ମାନାୟ୍ ଆରେ ମି ନିତି ନିୟମ୍ ସାସ୍ତର୍‌ତିଙ୍ଗ୍ ମାନା-ମୁନି ଆୱି ବିଷୟନି କାତା। ଲାଗିଙ୍ଗ୍ ହେଦାଙ୍ଗ୍‌ତିଙ୍ଗ୍ ଏପେଙ୍ଗ୍ ନିଜେ ନେ ବୁଜାଆଡ, ଆନେଙ୍ଗ୍ ଇୱିଜୁ ବିଷୟରେ ବିଚାର୍ କିଦେଙ୍ଗ୍ ଇଚା କିଉଙ୍ଗା।”

ସତ୍‌ ବଚନ୍‌ ପୁନି ନିୟମ୍‌

¹⁵ ମତର୍‌ ଜଦି ଇ ସବୁ ଆପ୍‍କା ବଚନ୍‌, ତର୍‌ ଆରି ମି ବିଦି ବିସ୍ରେ କିର ଆନାତ୍‌, ୱାଟିଙ୍ଗ୍‌ ଏପେଙ୍ଗ୍‌ ନିଜେ ହେଦାଂ ବୁଜାନାଦେର୍‌; ଆନ୍‌ ଇ ସବୁ ବିସ୍ରେ ବିଚାର୍‌କାର୍‌ୟା ଆଦେଂ ଇଚା କିଉଙ୍ଗା ।

ପକ୍ୟାତାକା 18:15 ပူးပေါင်းရင်းမြစ်များ

ମାତିଉ 27:24

ଗବର୍‌ନର୍ ପିଲାତ ହୁଡ଼୍‌ତାନ୍ ଯେ, ହେୱାନ୍ ମାନାୟାର୍ ଇଚା ପୁରା କିଦେଙ୍ଗ୍ ଇନାକା କିଦେଙ୍ଗ୍ ଆଡୁନ୍। ଆରେ ମାନାୟାର୍ ବେଲାତିଙ୍ଗ୍ ବେଲା ଗଣ୍ଡ୍‍ଗଲ୍ ଆଜି ନିଙ୍ଗ୍‌ନାରା। ଗବର୍‌ନର୍ ପିଲାତ ଇଚୁଡ଼ିଙ୍ଗ୍ ଏଜୁଙ୍ଗ୍ ଅତାନ୍, ଆରେ ୱିଜାକାର୍ ମୁମ୍‌ଦ ତା କେଇକୁ ନୁସ୍ତାନ୍। ଆରେ ୱେଚ୍‌ଚାନ୍, ଇୱାନ୍ ହାଃନି ଦାୟି ଆନେଙ୍ଗ୍ ଆକାୟ୍। ଏପେଙ୍ଗ୍ ନେ ଇୱିଜୁ କିନାଦେରା।

ମାତିଉ 27:4

ହେୱାନ୍ ୱେଚ୍‌ଚାନ୍, ଆନେଙ୍ଗ୍ ପାପ୍ କିତାଙ୍ଗ୍‌ନା। ଆନେଙ୍ଗ୍ ଦସ୍ ହିଲ୍‌ୱି ମାନାୟ୍‌ତିଙ୍ଗ୍ ଅସ୍ତେଙ୍ଗ୍ ମି କେଇଦ ଆହିକିଜି ହିତ୍‌ତାଙ୍ଗ୍‌ନା। ଯିହୁଦି ନେତାର୍ ୱେଚ୍‌ଚାର୍, ଇବେ କିଚି ଯାଏ ଆସେ ଆକାୟ୍। ମି କାତା ଏପେଙ୍ଗ୍ ବୁଜାଆଡ।

ଜହନ୍‌ 18:31

ଗବର୍‌ନର୍ ପିଲାତ ଯିହୁଦିରିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ହେୱାନିଙ୍ଗ୍ ଅସି ହାଲାଟ୍, ଆରେ ମୋଶା ଲେକିକିତି ନିୟମ୍‌ ସାସ୍ତର୍ ଅନୁସାତାଙ୍ଗ୍ ତା ବିଚାର୍ କିୟାଟ୍।” ଯିହୁଦି ନେତାର୍ ୱେଚ୍‌ଚାର୍, “ମାତର୍ ନି ଆଇନ୍ ଅନୁସାତାଙ୍ଗ୍ ଆପେଙ୍ଗ୍ ଇନେରିଙ୍ଗ୍ ପା ହାଃନି ଦଣ୍ଡ୍ ହିଦେଙ୍ଗ୍ ଆଡୁପ୍।”

ପକ୍ୟାତାକା 18:13

ହେୱାର୍ ୱେଚ୍‌ଚାର୍, “ଇ ମାନାୟ୍ ମା ନିତି ନିୟମ୍ ସାସ୍ତର୍‌ତିଙ୍ଗ୍ ବିରଦ୍ କିଜି, ଜେକନି ନିୟମ୍‌ତାଙ୍ଗ୍ ଈଶ୍ୱରତିଙ୍ଗ୍ ପୁଜାକିନି କାତା ୱେଚ୍‌ଚାନାନା।”

ପକ୍ୟାତାକା 23:29

ହେୱାର୍ ନିୟମ୍ ସାସ୍ତର୍ ବିଷୟରେ ଇୱାନିଙ୍ଗ୍ ଦସ୍ ହିନାରା ଇଞ୍ଜି ଆନେଙ୍ଗ୍ ପୁଚାଙ୍ଗ୍, ମାତର୍ ଇୱାନିଙ୍ଗ୍ ମାର୍ନେ ଅହ୍‌ନି ଦଣ୍ଡ୍ କି ଜଇଲ୍ ଇଞ୍ଜ ବନ୍ଦିକିନି ଦସ୍ ଆନେଙ୍ଗ୍ ଗାଟାଆୱାତାଙ୍ଗ୍।

ପକ୍ୟାତାକା 25:11

ଯଦି ଆନେଙ୍ଗ୍ ଇନେରିଙ୍ଗ୍ ଅନ୍ୟାୟ୍ କିଜିମାଚିସ୍, ଆରେ ହାଃନିଲେକେ ଇନାକା ଦସ୍ କିଜିମାଚିସ୍, ଆନେଙ୍ଗ୍ ହାଃଦେଙ୍ଗ୍ ପାଣ୍ଡ୍ରା ଆଉଙ୍ଗା। ମାତର୍ ନା ବିରଦ୍‌ତାକେ ଇ ମାନାୟାର୍ ୱେଚ୍‌ଚି କାତା ରଞ୍ଜାଙ୍ଗ୍ ପା ସତ୍ ଆକାୟ୍, ହେଦାଙ୍ଗ୍ କାଜିଙ୍ଗ୍ ଯିହୁଦି ନେତାର୍ କେଇଦ ଆହିକିଦ୍‌ଦେଙ୍ଗ୍ ଇନେରିଙ୍ଗ୍ ପା ଆଦିକାର୍ ଆକାୟ୍। ରୋମ୍ ଦେସ୍‌ନି ମହା ରାଜା ନାଙ୍ଗେଙ୍ଗ୍ ବିଚାର୍ କିଦେନ୍ ଇଞ୍ଜି ଗୁୱାରି କିନାଙ୍ଗା।”

ପକ୍ୟାତାକା 25:19

ହେୱାର୍ ତା ଜାର୍ ଦରମ୍ ବିଷୟରେ ଆରେ ହାଃତି ମାନାୟ୍ ଯୀଶୁ ତର୍‌ ବିଷୟରେ ଜୁକ୍ତି କିବାଆଜି ମାଚାର୍। ମାତର୍ ପାଉଲ ହେୱାନ୍ ଜିବୁନ୍ ମାନାନ୍ ଇଞ୍ଜି ୱେଚ୍‌ଚାନ୍।

ପକ୍ୟାତାକା 26:3

ଇନେସ୍‌କି ଏନେଙ୍ଗ୍ ଯିହୁଦି ଜାତିନି ମାନିକିନି ରିତିନିତି ଆରେ ମାନିକିୱି ରିତିନିତି ବିଷୟରେ ହାର୍‌ଦାଙ୍ଗ୍ ପୁଚାଇନା। ଲାଗିଙ୍ଗ୍ ଦୟାକିଜି ନା ବେଣ୍ ୱିଜ୍‌ନି ପାତେକ୍ ୱେନା।

୧ ତିମତି 1:4

କାତା ଆରେ ଇନାୱେଡ଼ାଙ୍ଗ୍ ୱିଜ୍‌ୱି ଆକଦାଦିନି ଗଷ୍ଟିନି କାତାତାକେ ଦିୟାନ୍ ହିୱେଦେଙ୍ଗ୍ ହେୱାରିଙ୍ଗ୍ ଆଦେସ୍ ହିୟା। ଇନେସ୍‌କି ଇ ଲେକେ କାତାତିଙ୍ଗ୍ ମାନାୟାର୍ ଜୁକ୍ତି କିବା ଆନାର୍, ଆରେ ଈଶ୍ୱର ଇଚାକିତି କାମାୟ୍‌ତିଙ୍ଗ୍ ହେୱାର୍ କିଦେଙ୍ଗ୍ ଆଡୁର୍। ମାତର୍ ପାର୍ତିକିନି ମାନାୟାର୍ ଇ କାମାୟ୍ କିଦେଙ୍ଗ୍ ଆଡ୍‌ନାର୍।

୧ ତିମତି 6:4

ଇ ଲେକେ ବୁଲ୍ ହିକ୍ଷାହିନି ମାନାୟ୍ ବାଟ୍‌ପାଣିଆ ଆରେ ଇନାକା ପା ପୁନ୍‌ୱାଦାଙ୍ଗ୍ ମାନ୍‌ଗାନାନ୍, ଇ ଲେଗ୍‌ଦି ମାନାୟ୍ ଜୁକ୍ତି କିନାର୍ ଆରେ ର କାତାତିଙ୍ଗ୍ ଆଜି ମାଡ୍‌ଗଲ୍ ଆଦେଙ୍ଗ୍ ଇଚାକିନାର୍। ଇଦାଙ୍ଗ୍ କାଜିଙ୍ଗ୍ ଆକାର୍, ଜାର୍-ଜାର୍‌ବିତ୍ରେ ମାଡ୍‌ଗଲ୍, ଜେକନିକାରିଙ୍ଗ୍ ଅପ୍‌ମାନ୍ କିନାକା ଆରେ ବେକାରେ ନିନ୍ଦାକିନାକା ଗଟାଆନାତ୍,

୨ ତିମଥି 2:23

ବୁଦି ହିଲାକାର୍ ଆରେ ମୁର୍କ ଲକାର୍ ଜୁକ୍ତି କାଜିଙ୍ଗ୍ ଗଣ୍ଡ୍‍ଗଲ୍ ଉବ୍‌ଜା ଆନାତ୍, ଇଦାଙ୍ଗ୍ ପୁନ୍‌ଞ୍ଜି ହେ ୱିଜୁତାଙ୍ଗ୍ ଦେହା ଆଜି ମାନା।

ତୀତସ 3:9

ମାତର୍ ଏନେଙ୍ଗ୍ ମୁର୍କିୟା ଜୁକ୍ତି, ଆକଦାଦିନି କୁଟୁମ୍ ବିଷୟରେ, ଆରେ ମୋଶା ଲେକିକିତି ସାସ୍ତର୍ ବିଷୟରେ ଜୁକ୍ତିତାଙ୍ଗ୍ ଆରେ ଗଣ୍ଡ୍‌ଗଲ୍‌ତାଙ୍ଗ୍ ପାର୍ତି କିନାକାଦେର୍ ଦେହା ମାନେର୍। ଇନେସ୍‌କି ଇୱିଜୁ ଇନା ଲାବ୍‌ନି ବିଷୟ ଆକାୟ୍ ଆରେ ଇନେର୍ କାଜିଙ୍ଗ୍ ପା ଇନାକା ସାଇଜ ଆଦୁତ୍।