ପକ୍ୟାତାକା 17:23 - New Testament in Pengo Parja Language

²³ ଇନେସ୍‌କି ଆନେଙ୍ଗ୍ ଚାରିବେଣ୍‌ତାଙ୍ଗ୍ ବୁଲାଆନିହିଙ୍ଗ୍ ଏପେଙ୍ଗ୍ ପୁଜାକିନି ଜିନିଷ୍‌ତିଙ୍ଗ୍ ହୁଡ଼୍‌ତାଙ୍ଗ୍‌ନା। ଆନେଙ୍ଗ୍ ହେଲେକେ ବେଦିତିଙ୍ଗ୍ ପା ହୁଡ଼୍‌ତାଙ୍ଗ୍, ହେବେ ଲେକାଆଜି ମାଚାତ୍, ‘ପୁନ୍‌ୱିତି ଈଶ୍ୱର କାଜିଙ୍ଗ୍।’ ଲାଗିଙ୍ଗ୍ ଏପେଙ୍ଗ୍ ପୁନୁୱାଦାଙ୍ଗ୍‌ ଇମ୍‌ଣି ଈଶ୍ୱରତିଙ୍ଗ୍ ହେବା କିନାଦେରା ଆନେଙ୍ଗ୍ ହେ ଈଶ୍ୱର ବିଷୟରେ ଶୁଣାୟ୍ କିଦ୍‌ନାଙ୍ଗା।

ସତ୍‌ ବଚନ୍‌ ପୁନି ନିୟମ୍‌

²³ ଇନାକିଦେଂକି ଆନ୍‌ ବୁଲାନି ସମୁତ ମି ପୁଜାକିତି ୱିଜ଼ୁ ଦିନିସ୍‌ ହୁଡ଼ୁ ହୁଡ଼ୁ ର ଗାର୍‌ଣି ପା ହୁଡ଼୍‌ତାଂ, ଇମ୍‌ଣି ଜପି ଇ କାତା ଲେକା ଆତାତ୍‌ନ୍ନା, “ପୁନ୍‍ୱିତି ଇସ୍ୱର୍‌ତି ଉଦେସ୍‌ତ ପେନ୍‍କୁତି କାଜିଂ ! ଲାଗିଂ, ଏପେଙ୍ଗ୍‌ ପୁନ୍‌ୱାଦାଂ ଇନେରିଙ୍ଗ୍‌ ପୁଜା କିନାଦେରା, ଆନ୍‌ ତାଙ୍ଗ୍‌ ମି ଲାଗାୟ୍‌ ପର୍‌ଚାର୍‌ କିନାଙ୍ଗା ।”

ପକ୍ୟାତାକା 17:23 ပူးပေါင်းရင်းမြစ်များ

ମାତିଉ 15:9

ନାଙ୍ଗେଙ୍ଗ୍ ସନ୍‌ମାନ୍ ହିଦେଙ୍ଗ୍ ପୁଜା କିତାକା ହେଦାଙ୍ଗ୍ ପଲିଆ। ଇନେସ୍‌କି ହେୱାର୍ ମାନାୟ୍ ରସ୍ତି ବିଦିତିଙ୍ଗ୍ ମାପୃବିଦି ଇଞ୍ଜି ମାନାୟାରିଙ୍ଗ୍ ହିକାଇ କିନାରା।”

ଜହନ୍‌ 17:25

ଏ ଦରମ୍ ଆବା ଈଶ୍ୱର ନିଙ୍ଗେଙ୍ଗ୍ ପୁର୍ତି ପୁଞ୍ଜୁତେ, ମାତର୍ ଆନେଙ୍ଗ୍ ନିଙ୍ଗେଙ୍ଗ୍ ପୁନ୍‌ଞ୍ଚାଙ୍ଗ୍‌ନା। ଏନେଙ୍ଗ୍ ଯେ ନାଙ୍ଗେଙ୍ଗ୍ ପକ୍ତାତାଇନା ହେଦାଙ୍ଗ୍ ପୁଚାର୍‌ନା।

ଜହନ୍‌ 17:3

ଏନେଙ୍ଗ୍ ରକାୟ୍ ସତ୍ ଈଶ୍ୱର, ନିଙ୍ଗେଙ୍ଗ୍ ଆରେ ଏନେଙ୍ଗ୍ ପକ୍ତିତି ଯୀଶୁ ଖ୍ରୀଷ୍ଟଙ୍ଗ୍ ପୁନାକା ନେ ୱିଜ୍‌ୱି ଜିବୁନ୍।

ଜହନ୍‌ 4:22

ଏପେଙ୍ଗ୍ ଶମିରଣିୟ କାଦେର୍ ଇନାକା ପୁନ୍‌ୱାଦାଙ୍ଗ୍ କି ବୁଜାଆୱାଦାଙ୍ଗ୍ ପୁଜା କିନାଦେର୍। ମାତର୍ ଆପେଙ୍ଗ୍ ଯିହୁଦିକାପ୍‌ ଇନେରିଙ୍ଗ୍ ୱିଜୁ ପୁନାପ୍ ହେୱାନିଙ୍ଗ୍ ପୁଜା କିନାପ୍। ଯିହୁଦିର୍ ମାନାୟ୍‌ତାଙ୍ଗ୍ ଉଦାର୍ କିଦ୍‌ନାକାନ୍‌ ପୁର୍ତିତାକେ ୱାନାନ୍‌।

ଜହନ୍‌ 8:54

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ଯଦି ନିଜେ-ନିଜେ ସନ୍‌ମାନ୍ କିୟା ଆନାଙ୍ଗା, ଏଲେଙ୍ଗ୍ କିତିସ୍ ନା ସନ୍‌ମାନ୍ ଅଲପ୍‌ପା ମୁଲ୍ୟ ଆକାୟ୍। ନା ଆବା ଈଶ୍ୱର ନାଙ୍ଗେଙ୍ଗ୍ ସନ୍‌ମାନ୍ କିଦ୍‌ନାନ୍, ହେୱାନିଙ୍ଗ୍ ଏପେଙ୍ଗ୍ ମା ଈଶ୍ୱର ଇଞ୍ଜି ଇନାଦେରା।

ପକ୍ୟାତାକା 17:30

ଆଗେନି ଇ ଅବୁଜାନି କାମାୟ୍‌ତିଙ୍ଗ୍ ଈଶ୍ୱର ହେୱାରିଙ୍ଗ୍ ଦଣ୍ଡ୍ ହିଦେଙ୍ଗ୍ ଦିୟାନ୍ କିୱାଦାଙ୍ଗ୍ ମାଚାନ୍। ମାତର୍ ନଙ୍ଗୟ୍ ହେୱାନ୍ ୱିଜୁ ମାନାୟାରିଙ୍ଗ୍ ପାପ୍ କାମାୟ୍ ପିସ୍ତି ମାପୃତାକେ ୱାଦେଙ୍ଗ୍ ଆଦେସ୍ ହିତାନ୍‌ନା।

ରୋମିୟ 1:28

ଈଶ୍ୱରତି ସତ୍ ଜ୍ଞାନ୍‌ତିଙ୍ଗ୍ ମାନାୟାର୍ ମୁକ୍ଯ ଇଞ୍ଜି ବାବିକିୱାତାର୍, ଲାଗିଙ୍ଗ୍ ଈଶ୍ୱର ହେୱାରିଙ୍ଗ୍ ହେଲେକେ ବେସି ପାପ୍ କାମାୟ୍ କିନି କାଜିଙ୍ଗ୍ ହେୱାର୍ କରାପ୍ ଇଚା ଅନୁସାରେ ମାନ୍ ହିତାନ୍। ଆରେ ହେୱାର୍ ୱିଜୁ କିୱି କାମାୟ୍ କିତାର୍।

୧ କରନ୍ତିୟ 1:21

ହେଦାଙ୍ଗ୍ କାଜିଙ୍ଗ୍ ଈଶ୍ୱର ତା ଜ୍ଞାନ୍‌ତାଙ୍ଗ୍ ପୁଞ୍ଜେଙ୍ଗ୍ ଆଡ଼୍‌ତାନ୍ ଯେ, ପୁର୍ତିନି ମାନାୟାର୍ ଜାର୍ ବୁଦିତାଙ୍ଗ୍ ଈଶ୍ୱରତିଙ୍ଗ୍ ଦାସ୍ତେଙ୍ଗ୍ ଆଡୁର୍। ଏଚେଜାଣ୍ ମା ହାର୍ଦିକାବୁର୍‌ତିଙ୍ଗ୍ ୱେନ୍‌ଞ୍ଜି ପାର୍ତି କିତାର୍, ଲାଗିଙ୍ଗ୍ ହେୱାର୍ ମା ବକୁୱା ଇଞ୍ଜି ବାବିକିଜି ଶୁଣାୟ୍ କିନି କାତା ୱେନ୍‌ଞ୍ଜି ପାର୍ତିକିନି ମାନାୟାରିଙ୍ଗ୍ ଉଦାର୍ କିତାନ୍।

୧ କରନ୍ତିୟ 8:5

ସରଗ୍ ଆରେ ପୁର୍ତିତାକେ ବେସି ଜିନିଷ୍‌ତିଙ୍ଗ୍ ମାନାୟାର୍ ଇନେରିଙ୍ଗ୍ ଈଶ୍ୱର ଆରେ ମାପୃ ଇଞ୍ଜି ଇନାରା।

ଏପିସିୟ 2:12

ହେପାଦ୍ନା ଏପେଙ୍ଗ୍ ଖ୍ରୀଷ୍ଟତାଙ୍ଗ୍ ଜେକ ମାଚାଦେର୍। ଈଶ୍ୱର ବାଚିକିଜି ମାଚି ଇସ୍ରାଏଲନି ମାନାୟାର୍ ବିତ୍ରେ ଏପେଙ୍ଗ୍ ହିଲ୍‌ୱାତାଦେର୍ ଆରେ ଈଶ୍ୱର ହେୱାରିଙ୍ଗ୍ ପାର୍ମାଣ୍ କିଜିମାଚି ନିୟମ୍‌ନି ବାଗ୍ ଆୱାଦାଙ୍ଗ୍ ମାଚାଦେର୍। ଏପେଙ୍ଗ୍ ଈଶ୍ୱରତିଙ୍ଗ୍ ପୁନ୍‌ୱାଦାଙ୍ଗ୍ ମାଚାଦେର୍ ଆରେ ୱିଜ୍‌ୱି ଜିବୁନ୍‌ନି ଆହା ଇଟ୍‌ୱାଦାଙ୍ଗ୍ ଇ ପୁର୍ତିତାକେ ଜିବୁନ୍ କାଟିକିଜି ମାଚାଦେର୍।

୨ ଥେସଲନୀକିୟ 2:4

ମାନାୟାର୍ ହେ ଅଦରମ୍‌ ମାନାୟ୍ ଈଶ୍ୱର ଇଞ୍ଜି ପୁଜା କିନାର୍, ଆରେ ହେୱାନ୍ ନିଜେତିଙ୍ଗ୍ ଗାଜାକାଙ୍ଗ୍ ଇଞ୍ଜି ଚଞ୍ଜିଆ ଆନାନ୍। ଆରେ ହେୱାନ୍ ଈଶ୍ୱର ମାନି ମନ୍ଦିର୍‌ତାକେ ହାଲ୍‌ଜି ଆନେଙ୍ଗ୍ ଈଶ୍ୱର ଇଞ୍ଜି ଚଞ୍ଜିଆ ଆନାନ୍।

୧ ତିମତି 1:17

ଇମ୍‌ଣି ରାଜା ୱିଜ୍‌ୱି ଜିବୁନ୍ ପାତେକ୍ ସାସନ୍ କିନାନ୍, ହେୱାନ୍ ୱିଜୁଦିନ୍ ମାନ୍‌ଗାନାନ୍ ଆରେ ଇନେର୍ ପା ହେୱାନିଙ୍ଗ୍ ହୁଡ଼୍‌ଦେଙ୍ଗ୍ ଆଡୁର୍, ହେୱାନ୍ ନେ ରକାନ୍ ସତ୍ ଈଶ୍ୱର। ହେୱାନିଙ୍ଗ୍ ସନ୍‌ମାନ୍ ଆରେ ଗୌରବ ଆୟେତ୍। ଆମେନ୍।

୧ ଯୋହନ 5:20

ଆସେଙ୍ଗ୍ ପୁଚାସ୍‌ନା ଯେ, ଈଶ୍ୱର ତା ମେହିଙ୍ଗ୍ ପୁର୍ତିତାକେ ପକ୍ତାତାନ୍‌ନା। ଆରେ ହେୱାନ୍ ମାଙ୍ଗେଙ୍ଗ୍ ସତ୍ ଈଶ୍ୱରତିଙ୍ଗ୍ ପୁଞ୍ଜେଙ୍ଗ୍ ସାଇଜ କିତ୍‌ତାନ୍‌ନା। ନଙ୍ଗୟ୍ ଆପେଙ୍ଗ୍ ଈଶ୍ୱର ଆରେ ତା ମେହି ଯୀଶୁ ଖ୍ରୀଷ୍ଟତାକେ ମାହାଆଜି ମାନାପ୍। ହେୱାନ୍‌ନେ ରକାନ୍ ସତ୍ ଈଶ୍ୱର, ଆରେ ହେୱାନ୍‌ନେ ୱିଜ୍‌ୱି ଜିବୁନ୍।