ପକ୍ୟାତାକା 17:19 - New Testament in Pengo Parja Language

¹⁹ ପାଚେ ହେ ମାଷ୍ଟେରାର୍ ହେୱାନିଙ୍ଗ୍ ର ବିଚାର୍‌କିନି ବାହାତାକେ ଅସାହାଚାର୍, ହେ ବାହାତିଙ୍ଗ୍ ଆରୟପାଗ ଇନାର୍। ଆରେ ହେୱାର୍ ହେୱାନିଙ୍ଗ୍ ୱେଚ୍‌ଚାର୍, “ଏନେଙ୍ଗ୍ ଇମ୍‌ଣି ପୁନି ହିକ୍ଷା ବିଷୟରେ ୱେଚ୍‌ନାୟା ହେ ବିଷୟରେ ଆପେଙ୍ଗ୍ ପୁଞ୍ଜେଙ୍ଗ୍ ଆଡ୍‌ନାପ୍ କି?

ସତ୍‌ ବଚନ୍‌ ପୁନି ନିୟମ୍‌

¹⁹ ପାଚେ ହେୱାର୍‌ ପାଉଲ୍‌ତିଂ ଆରିୟପାଗତ ଗାଜା ସବାତ ଅସି ହାଲ୍‍ଜି ଇଚାର୍‌, ଇଦାଂ ଜେ ପୁନି ହିକ୍ୟା “ଏନ୍‌ ହିନାୟା, ହେଦାଂ ଇନାକା ଇଞ୍ଜି ଆପେଂ ପୁଞ୍ଜେଙ୍ଗ୍‌ ଆଡ୍‌ନାପ୍‌ କି ?

ପକ୍ୟାତାକା 17:19 ပူးပေါင်းရင်းမြစ်များ

ମାତିଉ 10:18

ଏପେଙ୍ଗ୍ ନାଙ୍ଗେଙ୍ଗ୍ ପାର୍ତିକିନି କାଜିଙ୍ଗ୍, ଦେସ୍ ସାସନ୍ କିନି ମାନୟ୍‌ତାକେ ଆରେ ରାଜା ମୁମ୍‌ଦ ବିଚାର୍‌ନା ଆଦେଙ୍ଗ୍ ଟିୟା ଆନାଦେର୍। ହେଲେକେ ହେୱାର୍‌ତାକେ ଆରେ ବିନ୍‌ଜାତିର୍ କାଜିଙ୍ଗ୍ ହାର୍ଦିକାବୁର୍ ଶୁଣାୟ୍ କିନାଦେର୍।

ମାର୍କ 1:27

ଆରେ ହେ ପାର୍ତାନା ଇଞ୍ଜ ମାଚି ମାନାୟାର୍ କାବା ଆତାର୍! ଆରେ ହେୱାର୍ ବେଣ୍‌କିଦେଙ୍ଗ୍ ଲାଗାତାର୍, “ଇଦାଙ୍ଗ୍ ଇନେସ୍ ଲେଗ୍‌ଦି ହିକ୍ଷା? ଆପେଙ୍ଗ୍ ଇନାୱେଡ଼ାଙ୍ଗ୍ ପା ଏଲେଙ୍ଗ୍ ଲେଗ୍‌ଦି ଆଦିକାର୍ ହୁଦାଙ୍ଗ୍ ହିକ୍ଷା ହିନାକା ୱେନୁପେ, ହେୱାନ୍ ବୁତ୍ଆତ୍ମାକାଙ୍ଗ୍ ପା ଆଦେସ୍ ହିତିସ୍, ବୁତ୍ଆତ୍ମାକ୍‌ ପା ତା ଆଦେସ୍ ମାନିକିନିକ୍।”

ଜହନ୍‌ 13:34

ଆନେଙ୍ଗ୍ ମିଙ୍ଗେଙ୍ଗ୍ ପୁନି ଆଦେସ୍ ହିଦ୍‌ନାଙ୍ଗା। ଏପେଙ୍ଗ୍ ଜାର୍-ଜାର୍‌ତିଙ୍ଗ୍ ଲାଡ୍ କିୟାଟ୍। ଆନେଙ୍ଗ୍ ମିଙ୍ଗେଙ୍ଗ୍ ଇନେସ୍‌କିଜି ଲାଡ୍ କିଦ୍‌ନାଙ୍ଗା, ଏପେଙ୍ଗ୍ ପା ଜାର୍-ଜାର୍‌ତିଙ୍ଗ୍ ହେଲେକେ ଲାଡ୍‌କିନି କାତା।

ପକ୍ୟାତାକା 17:20

ଇନେସ୍‌କି ଏନେଙ୍ଗ୍ କେତେକ୍ ଆପେଙ୍ଗ୍ ପୁନ୍‌ୱିତି ବିଷୟନି କାତା ମାଙ୍ଗେଙ୍ଗ୍ ୱେଚ୍‌ଚାତାଇନା, ଲାଗିଙ୍ଗ୍ ହେ ବିଷୟନି ଅର୍ତ ଇନାକା ହେଦାଙ୍ଗ୍ ଆପେଙ୍ଗ୍ ପୁଞ୍ଜେଙ୍ଗ୍ ଇଚା କିନାପା।”

ପକ୍ୟାତାକା 17:22

ଲାଗିଙ୍ଗ୍ ପାଉଲ ଆରୟପାଗ ବାହାନି ମାଦି ନିଲ୍‌ଚି ୱେଚ୍‌ଚାନ୍, “ଏ ଆଥିନୀୟ୍‌ ସହର୍‌ତାକେ ମାନି ମାନାୟ୍ କାଦେର୍, ଆନେଙ୍ଗ୍ ହୁଡ଼୍‌ଦାତାଙ୍ଗ୍‌ନା ଏପେଙ୍ଗ୍ ପେନ୍‌ତିଙ୍ଗ୍ ବେସି ମାନି କିନାକାଦେର୍।

ପକ୍ୟାତାକା 17:34

ମାତର୍ କେତେକ୍ ମାନାୟାର୍ ପାଉଲ ପାଚେ ହାଚାର୍, ଆରେ ମାପୃତିଙ୍ଗ୍ ପାର୍ତି କିତାର୍। ଇୱାର୍ ବିତ୍ରେତାଙ୍ଗ୍ ଆରୟପାଗ ବିଚାର୍‌କିନି ଦିୟନୁସିୟ ତର୍‍ଦାକାନ୍ ରକାନ୍ ମେମର୍ ମାଚାନ୍, ଆରେ ଦାମାରି ତର୍‌ଦି ରଞ୍ଜେଲ୍ ଗକ୍‌ଲେ ଆରେ କେତେକ୍ ମାନାୟ୍ ମାଚାର୍।

ପକ୍ୟାତାକା 23:19

ଲାଗିଙ୍ଗ୍ ହାଜାର୍ ସେନାର୍ ମୁକ୍ୟା ହେ ହିମ୍‌ଣାତିଙ୍ଗ୍ ଆସ୍ତି ହେୱାନିଙ୍ଗ୍ ର ଚିମ୍ରା ବାହାତାକେ ଅଜି ୱେନ୍‌ବାତାନ୍, “ଏନେଙ୍ଗ୍ ନାଙ୍ଗେଙ୍ଗ୍ ଇନା କାବୁର୍ ୱେଚ୍‌ଚାନାକା ମାନାତ୍?”

ପକ୍ୟାତାକା 24:24

କେତ୍‌ଦିନ୍ ପାଚେ ରାଜା ଫେଲିକ୍‌ସ ଡକ୍ରୁହି ଦ୍ରୁସିଲା ହୁଦାଙ୍ଗ୍ ମେହାଆଜି ପାଉଲତିଙ୍ଗ୍ କୁକିକିତାର୍। ରାଜା ଡକ୍ରୁହି ରଞ୍ଜେଲ୍ ଯିହୁଦି ଜାତିନି କଗ୍‌ଲେ ମାଚାତ୍। ପାଉଲ ହେୱାରିଙ୍ଗ୍ ଖ୍ରୀଷ୍ଟ ଯୀଶୁତାକେ ପାର୍ତିକିନି ବିଷୟରେ ୱେଚ୍‌ଚାନ୍।

ପକ୍ୟାତାକା 25:22

ହେଦାଙ୍ଗ୍ କାଜିଙ୍ଗ୍ ଆଗ୍ରିପା ରାଜା ପେଷ୍ଟସ୍‌ ରାଜାଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ପା ନିଜେ ଇୱାନ୍ କାତାତିଙ୍ଗ୍ ୱେଞ୍ଜେଙ୍ଗ୍ ଇଚା କିନାଙ୍ଗା।” ହେୱାନ୍ ହେୱାନିଙ୍ଗ୍ ୱେଚ୍‌ଚାନ୍, “ୱିଗାଲିଙ୍ଗ୍ ତା କାତା ଏନେଙ୍ଗ୍ ୱେନାଇ।”

ପକ୍ୟାତାକା 26:1

ଆଗ୍ରିପା ରାଜା ପାଉଲତିଙ୍ଗ୍ ୱେଚ୍‌ଚାନ୍, “ଏନେଙ୍ଗ୍ ନଙ୍ଗୟ୍‌ନି ବିଷୟରେ ୱେଚ୍‌ଚେଙ୍ଗ୍ ଆଡ୍‌ନାଇ।” ଲାଗିଙ୍ଗ୍ ପାଉଲ କେଇ ଚଚ୍‌ଚି ୱେଚ୍‌ଚେଙ୍ଗ୍ ଲାଗାତାନ୍,