ପକ୍ୟାତାକା 16:31 - New Testament in Pengo Parja Language

³¹ ହେୱାର୍ ୱେଚ୍‌ଚାର୍, “ମାପୃ ଯୀଶୁତାକେ ପାର୍ତି କିୟା। ଲାଗିଙ୍ଗ୍ ଏନେଙ୍ଗ୍ ଆରେ ୱିଜୁ ପରିବାର୍ ରକ୍ଷା ପାୟାଆନାଦେର୍।”

ସତ୍‌ ବଚନ୍‌ ପୁନି ନିୟମ୍‌

³¹ ହେୱାର୍‌ ଇଚାର୍‌, “ମାପ୍ରୁ ଜିସୁ ତାକେ ପାର୍ତି କିୟାଟ୍‌, ତା ଆତିସ୍‌ ଏପେଙ୍ଗ୍‌ ୱିଜ଼ୁ କୁଟୁମ୍‍ ରାକ୍ୟା ପାୟାନାଦେର୍‌ ।”

ପକ୍ୟାତାକା 16:31 ပူးပေါင်းရင်းမြစ်များ

ମାର୍କ 16:16

ଇନେର୍ ନା ହାର୍ଦିକାବୁର୍‌ତିଙ୍ଗ୍ ପାର୍ତିକିନାର୍ ଆରେ ଡୁବନ୍ ଆନାର୍। ହେୱାନ୍ ରକ୍ଷା ପାୟା ଆନାନ୍, ମାତର୍ ଇନେର୍ ପାର୍ତି କିଉନ୍, ହେୱାନିଙ୍ଗ୍ ଈଶ୍ୱର ଦଣ୍ଡ୍ ହିନାନ୍।

ଜହନ୍‌ 1:12

ଇମ୍‌ଣାକାର୍ ହେୱାନିଙ୍ଗ୍ ଆସ୍ତାର୍, ଆରେ ତାବେ ପାର୍ତି କିତାର୍, ହେୱାନ୍ ହେୱାରିଙ୍ଗ୍ ଈଶ୍ୱର ମେହି ଆଦେଙ୍ଗ୍ ଆଦିକାର୍ ହିତାନ୍।

ଜହନ୍‌ 20:31

ମାତର୍ ଇ ବହିତାକେ ଇୱିଜୁ ଲେକାଆତାତ୍‌ନା, ଇନେସ୍‌କି ଏପେଙ୍ଗ୍ ପାର୍ତି କିନାଦେର୍, ଯୀଶୁ ଆନାନା ଖ୍ରୀଷ୍ଟ ଆରେ ଈଶ୍ୱର ମେହି, ଏପେଙ୍ଗ୍ ତା ତର୍‍ଦାଙ୍ଗ୍ ଜିବୁନ୍ ପାୟାଆନାଦେର୍, ଇଦାଙ୍ଗ୍ କାଜିଙ୍ଗ୍ ଇୱିଜୁ ଲେକାଆତାତ୍‌ନା।

ଜହନ୍‌ 3:36

ଇନେର୍ ମେହିଙ୍ଗ୍ ପାର୍ତିକିନି ମାନାୟ୍ ୱିଜ୍‌ୱି ଜିବୁନ୍ ପାୟା ଆନାନ୍। ମାତର୍ ମେହିଙ୍ଗ୍ ପାର୍ତି କିୱିତି ମାନାୟ୍ ଇନାୱେଡ଼ାଙ୍ଗ୍ ପା ୱିଜ୍‌ୱି ଜିବୁନ୍ ପାୟା ଆଦେଙ୍ଗ୍ ଆଡୁନ୍। ଈଶ୍ୱର ହେୱାରିଙ୍ଗ୍ ଦଣ୍ଡ୍ ହିନାନ୍।”

ଜହନ୍‌ 6:40

ୱିଜାକାର୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣାତିଙ୍ଗ୍ ହୁଡ଼୍‌ନାର୍, ଆରେ ହେୱାନ୍‌ତାକେ ପାର୍ତିକିନାର୍। ଆରେ ହେୱାର୍ ଇନେସ୍‌କି ୱିଜ୍‌ୱି ଜିବୁନ୍ ପାୟାଆନାର୍‌। ଆନେଙ୍ଗ୍ ହେୱାନିଙ୍ଗ୍ ସେସ୍‌ଦିନ୍‌ତ ଆରେରଗ ଜିବୁନ୍ କିନାଙ୍ଗ୍। ଇଦାଙ୍ଗ୍ ନେ ନାଙ୍ଗେଙ୍ଗ୍ ପକ୍ତିତି ଆବା ଈଶ୍ୱରତି ଇଚା।”

ଜହନ୍‌ 6:47

ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ‘ଇମ୍‌ଣାକାନ୍ ପାର୍ତିକିନାନ୍ ହେୱାନ୍ ୱିଜ୍‌ୱି ଜିବୁନ୍ ପାୟା ଆନାନ୍।

ପକ୍ୟାତାକା 15:11

ଲାଗିଙ୍ଗ୍ ଆସେଙ୍ଗ୍ ଏଲେଙ୍ଗ୍ କିନାକା ହାର୍ ଆକାୟ୍। ହେୱାର୍ ଇନେସ୍ ମାପୃ ଯୀଶୁ ଦୟାତାଙ୍ଗ୍ ରକ୍ଷା ପାୟାଆନାପ୍ ଇଞ୍ଜି ପାର୍ତି କିତାର୍, ଆପେଙ୍ଗ୍ ପା ହେଲେକେ ପାୟାଆତାପ୍‌ନା, ମଶା ଲେକିକିତି ସାସ୍ତର୍ ନିୟମ୍‌ତିଙ୍ଗ୍ ମାନିକିତିସ୍ ଆସେଙ୍ଗ୍ ରକ୍ଷା ପାୟାଆଉସ୍‌।”

ପକ୍ୟାତାକା 16:15

ତାପାଚେ ହେଦେଲ୍ ଆରେ ତା ପରିବାର୍ ଡୁବନ୍ ଅତାର୍। ପାଚେ ହେଦେଲ୍ ମାଙ୍ଗେଙ୍ଗ୍ ଗୁୱାରି କିଜି ୱେଚ୍‌ଚାତ୍, “ଏପେଙ୍ଗ୍ ଯଦି ନାଙ୍ଗେଙ୍ଗ୍ ମାପୃ ଲାଗାୟ୍ ପାର୍ତିକିନାପ୍ ଇଞ୍ଜି ବାବିକିନାଦେରା, ଲାଗିଙ୍ଗ୍ ମାଞ୍ଜ ୱାଜି ବାହା କିୟାଟ୍।” ଆରେ ହେଦେଲ୍ ମାଙ୍ଗେଙ୍ଗ୍ ତାଞ୍ଜାଙ୍ଗ୍ ହାଞ୍ଜେଙ୍ଗ୍ ହିଦ୍‌ୱାତାତ୍।

ପକ୍ୟାତାକା 16:32

ଲାଗିଙ୍ଗ୍ ହେ ମିକାଲିଙ୍ଗ୍ ନେ ଜାଗୁୱାଡ଼ି ପାଉଲ ଆରେ ଶିଲାଙ୍ଗ୍ ତାଞ୍ଜ ଅସାହାଚାନ୍। ଆରେ ହେୱାରିଙ୍ଗ୍ ଟ୍ରାକ୍‌ତି ଗାଉଦାଉ ୱିଜୁ ନୁଜ୍‌ଦି ହିତାନ୍, ଆରେ ହେୱାରିଙ୍ଗ୍ ଚିଞ୍ଜେଙ୍ଗ୍ ହିତାନ୍। ତାପାଚେ ହେୱାର୍ ଜାଗୁୱାଡ଼ିଙ୍ଗ୍ ଆରେ ତା ପରିବାର୍ ମାନାୟାରିଙ୍ଗ୍ ଈଶ୍ୱର କାତା ୱେଚ୍‌ଚାର୍। ଲାଗିଙ୍ଗ୍ ହେୱାନ୍ ଆରେ ତା ପରିବାର୍‌ନି ମାନାୟାର୍ ହେଦାପ୍ରେ ଡୁବନ୍ ଅତାର୍। ତା ପରିବାର୍ ୱିଜାକାର୍ ଈଶ୍ୱରତାକେ ପାର୍ତି କିଜି ବେସି ୱାରିୟା ଆତାର୍।

ପକ୍ୟାତାକା 18:8

ତାପାଚେ ପାର୍ତାନା ଇଲ୍‌ନି ମୁକ୍ୟା କ୍ରିଷ୍ପ ଆରେ ତା ପରିବାର୍‌ନି ମାନାୟାର୍‌ ମାପୃତାକେ ପାର୍ତି କିତାର୍। ଆରେ ପାଉଲ କାତା କରନ୍ତିୟ ସହର୍‌ତାକେ ମାନି କେତେକ୍ ମାନାୟ୍ ପାର୍ତି କିତାର୍, ଆରେ ଡୁବନ୍ ଅତାର୍।

ପକ୍ୟାତାକା 4:12

ଯୀଶୁଙ୍ଗ୍ ପିସ୍ତି ଆରେ ଇନେର୍‌ତାକେ ପା ଉଦାର୍ ଗାଟାଆଦୁତ୍। ଇନେସ୍‌କି ବାଦାଡ଼୍ ତାରେନ୍ ମାନାୟାର୍ ବିତ୍ରେତାଙ୍ଗ୍ ହେଲେକେ ଇନେର୍ ତର୍‌ ହିଲୁତ୍, ତା ତର୍‍ଦାଙ୍ଗ୍ ରକ୍ଷା ପାୟାଆନାସ୍।”

ପକ୍ୟାତାକା 8:36

ଆରେ ହେୱାର୍ ହାନିହିଙ୍ଗ୍ ହାଜି ଲାଗାୟ୍ ର ବାନ୍ଦ୍‌ତାକେ ଇକାତାର୍। ଲାଗିଙ୍ଗ୍ ହେ ଅପିସର୍ ପିଲିପତିଙ୍ଗ୍ ୱେଚ୍‌ଚାନ୍, “ଏହେଁ ତ ବାନ୍ଦ୍ ମାନାତ୍, ନାଙ୍ଗେଙ୍ଗ୍ ଏନେଙ୍ଗ୍ ଡୁବନ୍ ହିଦ୍‌ନି କାଜିଙ୍ଗ୍ ଇନାକା ବାଦା ମାନାତ୍ କି?”

ରୋମିୟ 11:16

ଲାଗିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ଯିହୁଦି ଜାତି ବିଷୟରେ ର କାତା ୱେଚ୍‌ଚାନାଙ୍ଗା। ମା ଯିହୁଦି ଜାତିତାକେ ର ନିୟମ୍ ମାନାତ୍, ଆସେଙ୍ଗ୍ ଏଚେକାଡ଼୍‌ଦ ରୁଟି ରସ୍ତେଙ୍ଗ୍ ଅଟାଗୁଣ୍ଡାତିଙ୍ଗ୍ ଚାଟ୍‌କାଇ କିନାସ୍, ପାର୍ତୁମ୍ ଆସେଙ୍ଗ୍ ଈଶ୍ୱରତିଙ୍ଗ୍ ମୁଟେକ୍ ହିନାସ୍। ଯଦି ହେଦାଙ୍ଗ୍ ଈଶ୍ୱରତି ଆନାତ୍, ଲାଗିଙ୍ଗ୍ ହେ ୱିଜୁ ଚାଟ୍‌କାଇ କିତି ଅଟାଗୁଣ୍ଡା ଈଶ୍ୱରତି ଆନାତ୍। ଆରେ ଇଲେକେ ର ମାର୍‌ତି କାତା ପା। ଯଦି ମାର୍‌ତି ଚିରା ଈଶ୍ୱରତି ଆନାତ୍, ଲାଗିଙ୍ଗ୍ ହେ ମାର୍‌ତି କେନ୍ଦା ପା ଈଶ୍ୱରତି ଆନିକ୍।

ଗାଲାତିୟ 3:14

ଖ୍ରୀଷ୍ଟତି ଇ କାମାୟ୍ କାଜିଙ୍ଗ୍, ଈଶ୍ୱର ଅବ୍ରାହାମତିଙ୍ଗ୍ କିଜିମାଚି ମାର୍ମାଣ୍‌ନି ହାମାନ୍ ଆଶ୍ରିବାଦ୍ ବିନ୍‌ଜାତିନି ମାନାୟାରିଙ୍ଗ୍ ହିତାନ୍। ଖ୍ରୀଷ୍ଟତାକେ ପାର୍ତିକିନି କାଜିଙ୍ଗ୍ ଈଶ୍ୱର ପାର୍ମାଣ୍‌କିତି ପବିତ୍ର ଆତ୍ମାତିଙ୍ଗ୍ ମାଙ୍ଗେଙ୍ଗ୍ ହିତ୍‌ତାନ୍‌ନା।

ଗାଲାତିୟ 3:22

ମାତର୍ ଦରମ୍ ସାସ୍ତର୍ ୱେଚ୍‌ଚାନାତା ଯେ, ଆସେଙ୍ଗ୍ ୱିଜାକାସ୍ ପାପ୍ ଶାକ୍ତିତାଙ୍ଗ୍ ବନ୍ଦି ଆତାସ୍‌ନା। ଲାଗିଙ୍ଗ୍ ଆସେଙ୍ଗ୍ ଯୀଶୁ ଖ୍ରୀଷ୍ଟଙ୍ଗ୍ ପାର୍ତିକିନି କାଜିଙ୍ଗ୍ ଈଶ୍ୱର କିଜିମାଚି ସ୍ୱାଦିନ୍‌ନି ପାର୍ମାଣ୍‌ତିଙ୍ଗ୍ ପାୟାଆତାସ୍।

ଗାଲାତିୟ 3:26

ଲାଗିଙ୍ଗ୍ ଯୀଶୁ ଖ୍ରୀଷ୍ଟତାକେ ପାର୍ତିକିତି କାଜିଙ୍ଗ୍ ଆସେଙ୍ଗ୍ ଈଶ୍ୱର ହିମ୍‌ଣା ଆତାସ୍‌ନା।