ପକ୍ୟାତାକା 16:14 - New Testament in Pengo Parja Language

¹⁴ ଲୁଦିଆ ତର୍‌ଦି ବିନ୍‌ଜାତିନି କଗ୍‌ଲେ ମା କାତା ୱେନ୍‌ଞ୍ଜି ମାଚାତ୍। ହେଦେଲ୍ ଥୁୟତିରା ସହର୍ ନିକାଦେଲ୍ ମାଚାତ୍। ହେଦେଲ୍ ବେସି ଦାମ୍‌ନି ୱାଙ୍ଗା କଲର୍‌ନି ହେନ୍ଦ୍ରାଙ୍ଗ୍ ପନାକାଦେଲ୍ ମାଚାତ୍। ହେଦେଲ୍ ଈଶ୍ୱରତିଙ୍ଗ୍ ପୁଜାକିଜି ମାଚାତ୍, ହେଦେଲ୍ ଇନେସ୍ ପାଉଲ ୱେଚ୍‌ନି କାତାତିଙ୍ଗ୍ ବୁଜା ଆଦେଙ୍ଗ୍ ଆଡ୍‌ନାତ୍, ହେଦାଙ୍ଗ୍ କାଜିଙ୍ଗ୍ ମାପୃ ହେଦେଲିଙ୍ଗ୍ ବୁଜା ଆଦେଙ୍ଗ୍ ସାଇଜ କିତାନ୍।

ସତ୍‌ ବଚନ୍‌ ପୁନି ନିୟମ୍‌

¹⁴ ଆରେ, ତୁୟାତିରା ଗାଡ଼୍‌ଦ ୱାଙ୍ଗାବାର୍ତି ହେନ୍ଦ୍ରା ପ୍ରନି ଲୁଦିଆ ତର୍‌ନି ରଞ୍ଜେଲ୍‌ ତାଡ଼ି ମାଚାତ୍, ହେଦେଲ୍‌ ଜେ ଇସ୍ୱର୍‌ତିଂ ପାର୍ତାନା କିନାକାଦେଲ୍‌ ମାଚାତ୍‌, ହେଦେଲ୍‌ ମା କାତା ୱେନ୍‌ଞ୍ଜି ମାଚାତ୍‌ । ହେଦେଲ୍‌ ଇନେସ୍‌ ପାଉଲ୍‌ତି ଇଚି ବିସ୍ରେ କାଜିଂ ମାନ୍ତ ଦିଆନ୍‌ କିତାତ୍‌, ଇଦାଂ କାଜିଂ ମାପ୍ରୁ ହେଦେଲିଂ ମାନ୍‌ ଜେସି ହିତାନ୍‌ ।

ପକ୍ୟାତାକା 16:14 ပူးပေါင်းရင်းမြစ်များ

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 24:45

ତାପାଚେ ଯୀଶୁ ଚେଲାହିରିଙ୍ଗ୍ ୱିଜୁ ଦରମ୍ ସାସ୍ତର୍ ବିଷୟରେ ବୁଜାଇ କିତାନ୍।

ଜହନ୍‌ 12:20

ନିସ୍ତାର୍ ପାର୍ବୁ ତିନିହିଙ୍ଗ୍ ପୁଜା କିଦେଙ୍ଗ୍ ଯିରୁଶାଲାମ ସହର୍‌ତାଙ୍ଗ୍ ହାଲ୍‌ଜି ମାଚି ମାନାୟାର୍ ବିତ୍ରେତାଙ୍ଗ୍ କେତ୍‌ଜାଣ୍ ବିନ୍‌ଜାତିନି ମାନାୟ୍ ମାଚାର୍।

ପକ୍ୟାତାକା 10:2

ହେୱାନ୍ ରକାନ୍ ଈଶ୍ୱରତିଙ୍ଗ୍ ହେବାକିନାକାନ୍ ମାଚାନ୍। ହେୱାନ୍ ଆରେ ତା ପରିବାର୍ ନିକାର୍ ଈଶ୍ୱରତିଙ୍ଗ୍ ପାଣ୍ଡ୍ରାଆଜି ମାଚାର୍। ହେୱାନ୍ ଯିହୁଦିନି ଗରିବ୍ ମାନାୟାରିଙ୍ଗ୍ ଆଦିକ୍ ଦାନ୍ ହିଜିମାଚାନ୍, ଆରେ ୱିଜୁଦିନ୍ ଈଶ୍ୱରତାକେ ପାର୍ତାନା କିଜି ମାଚାନ୍।

ପକ୍ୟାତାକା 11:21

ଆରେ ହେୱାର୍ ହୁଦାଙ୍ଗ୍ ଈଶ୍ୱର ଶାକ୍ତି ମାନାତ୍, ହେଦାଙ୍ଗ୍ କାଜିଙ୍ଗ୍ ହେୱାର୍ ୱେଚ୍‌ଚି କାବୁର୍ ୱେନ୍‌ଞ୍ଜି ବିନ୍‌ଜାତିର୍ ବେସିହେନି ମାନାୟାର୍ ଯୀଶୁତାକେ ପାର୍ତି କିତାର୍।

ପକ୍ୟାତାକା 13:43

ପାର୍ତାନା ଇଲ୍‌ନି ମିଟିଙ୍ଗ୍ ୱିସ୍ତି ପାଚେ ଯିହୁଦି ଦରମ୍ ମାନିକିନି ବିନ୍‌ଜାତିନି ମାନାୟାର୍ ବିତ୍ରେତାଙ୍ଗ୍ କେତେକ୍ ମାନାୟାର୍ ପାଉଲ ଆରେ ବର୍ଣ୍ଣବା ପାଚେ-ପାଚେ ହାଚାର୍। ହେୱାର୍ ହେୱାରିଙ୍ଗ୍ କେତେକ୍ କାତା ୱେଚ୍‌ଚି ସାହାସ୍ କିୟିକିତାର୍, ଆରେ ଈଶ୍ୱର ଦୟାତାଙ୍ଗ୍ ତିର୍‌ଆଜି ମାଞ୍ଜେଙ୍ଗ୍ ୱେଚ୍‌ଚାର୍।

ପକ୍ୟାତାକା 13:50

ମାତର୍ ଯିହୁଦି ନେତାର୍ ଯିହୁଦି ଦରମ୍ ମାନିକିନି ବିନ୍‌ଜାତି ଜଣାସୁଣା କଗ୍‍ଲେକାଙ୍ଗ୍ ଆରେ ସହର୍‌ନି ମୁଡ଼୍‌ଦାକାରିଙ୍ଗ୍, ପାଉଲ ଆରେ ବର୍ଣ୍ଣବା ବିରଦ୍‌ତାକେ ଟିଉଲାୟ୍ କିତାର୍। ଲାଗିଙ୍ଗ୍ ହେୱାର୍ ପାଉଲ ଆରେ ବର୍ଣବାଙ୍ଗ୍ ଦୁକ୍‌କଷ୍ଟ ହିତାର୍। ଆରେ ହେୱାର୍ ଏରିଆତାଙ୍ଗ୍ ହପ୍ତାର୍।

ପକ୍ୟାତାକା 16:40

ଲାଗିଙ୍ଗ୍ ପାଉଲ ଆରେ ଶିଲା ଜଇଲ୍ ଇଞ୍ଜାଙ୍ଗ୍ ହସି ୱାଜି ଲୁଦିଆ ଇଞ୍ଜ ହାଚାର୍। ଆରେ ପାର୍ତିକିନି ଟଣ୍ଡାରିଙ୍ଗ୍ ମେହାଆଜି ହେୱାରିଙ୍ଗ୍ ସାହାସ୍ ହିନି କାତା ୱେଚ୍‌ଚି ହେବେତାଙ୍ଗ୍ ହସିହାଚାର୍।

ପକ୍ୟାତାକା 18:7

ପାଉଲ ପାର୍ତାନା ଇଲ୍‌ତିଙ୍ଗ୍ ପିସ୍ତି, ତା ଲାଗାୟ୍ ମାନି ତିତସ ଯୁସ୍ତ ତର୍‌ଦି ମାନାୟ୍ ଇଞ୍ଜ ହାଲ୍‌ଜି ଈଶ୍ୱର କାତା ଶୁଣାୟ୍ କିତାନ୍। ହେୱାନ୍ ରକାନ୍ ଈଶ୍ୱରତିଙ୍ଗ୍ ହେବାକିନି ବିନ୍‌ଜାତିନି ମାନାୟ୍ ମାଚାନ୍।

ପକ୍ୟାତାକା 8:27

ହେବେତାଙ୍ଗ୍ ପିଲିପ ନିଙ୍ଗ୍‌ଞ୍ଜି ହାଚାନ୍। ଆରେ ହେୱାନ୍ ହେଦାପ୍ରେ ଇତିଅପିଆ ଦେସ୍ତି ବେଜୁଙ୍ଗ୍ ଗିଟାଆତାନ୍, ହେ ବେଜୁ ଇତିଅପିଆ ଦେସ୍ତି କାଣ୍ଡାକି ତର୍‌ଦି ରାଣିନି ଦନ୍‌ସମ୍ଫତି ଦେକାଶୁଣା କିଦେଙ୍ଗ୍ ରକାନ୍ ଗାଜା ଅପିସର୍ ମାଚାନ୍। ହେୱାନ୍ ଈଶ୍ୱରତିଙ୍ଗ୍ ପୁଜା କିଦେଙ୍ଗ୍ ଯିରୁଶାଲାମ ସହର୍‌ତାକେ ୱାଜିମାଚାନ୍।

ରୋମିୟ 9:16

ଲାଗିଙ୍ଗ୍, ଈଶ୍ୱର ଇନେରିଙ୍ଗ୍ ବାଚିକିନାନ୍ ତାଙ୍ଗେଙ୍ଗ୍ ହେୱାନ୍ ଦୟା କିନାନ୍, ଲାଗିଙ୍ଗ୍ ଆସେଙ୍ଗ୍ ଜାର୍ ଇଚାତାଙ୍ଗ୍ କି କଷ୍ଟ କାମାୟ୍ କିଜି ହେଦାଙ୍ଗ୍ ପାୟା ଆଉତ୍, ଇନେସ୍‌କି ଈଶ୍ୱର ଇନେରିଙ୍ଗ୍ ବାଚିକିନାନ୍ ତାଙ୍ଗେଙ୍ଗ୍ ନେ ହେୱାନ୍ ଦୟା କିନାନ୍।

ପିଲିପିୟ 2:13

ଇନେସ୍‌କି ଈଶ୍ୱର ମିବେ ମାନ୍‌ଞ୍ଜି କାମାୟ୍ କିନାନା, ଲାଗିଙ୍ଗ୍ ହେୱାନ୍ ଇନାକା ଇଚା ହେଦାଙ୍ଗ୍ ପୁରା କିଦେଙ୍ଗ୍ ମିଙ୍ଗେଙ୍ଗ୍ ଇଚା କିୟି କିଦ୍‌ନାନା। ଆରେ ହେୱାନ୍ ମିଙ୍ଗେଙ୍ଗ୍ ସାଇଜ ପା କିଦ୍‌ନାନା।

ହତ୍‌ତି 1:11

ହେଦାଙ୍ଗ୍ ଇଲେକେ ସବଦ୍ ଆତାତ୍, “ଏପେଙ୍ଗ୍ ଇନାକା ହୁଡ଼୍‌ନାଦେରା ହେଦାଙ୍ଗ୍ ର ସାସ୍ତର୍‌ତାକେ ଲେକିକିଜି ଇଟାଟ୍ ଆରେ ଏପିସ, ସ୍ମର୍ଣ୍ଣା, ପର୍ଗମ, ଥୁୟତିରା, ସାର୍ଦ୍ଦୀ, ଫିଲାଦେଲ୍‌ଫିଆ ଆରେ ଲାଅଦିକିଆ ଇ ସାତ୍‌ଗଟା ମଣ୍ଡ୍‌ଲିତାକେ ପକାଟ୍।”

ହତ୍‌ତି 3:20

ହୁଡ଼ାଟ୍, ମି ଗରବ୍‌ତାକେ ୱାନି କାଜିଙ୍ଗ୍ ଆନେଙ୍ଗ୍ ର ମାନାୟ୍ ଲେକେ ଇଲ୍ ଦୁୱେର୍‌ତ ନିଲ୍‌ଚି ଜେତେଙ୍ଗ୍ କାପାଟ୍‌ତ ଇଡ଼୍‌ନାଙ୍ଗା। ଯଦି ଏପେଙ୍ଗ୍ ନା କାତାତିଙ୍ଗ୍ ୱେନାଦେର୍ ଆରେ ମି ଗରବ୍‌ତିଙ୍ଗ୍ ଜେନାଦେର୍, ଲାଗିଙ୍ଗ୍ ଆନେଙ୍ଗ୍ ମି ବିତ୍ରେ ୱାନାଙ୍ଗ୍ ଆରେ ଆସେଙ୍ଗ୍ ମାହା ବିଡ଼ା ଆଜି ମାନାସ୍।

ହତ୍‌ତି 3:7

ହେୱାନ୍ ପା ନାଙ୍ଗେଙ୍ଗ୍ ୱେଚ୍‌ଚାତାନ୍, “ଫିଲାଦେଲ୍‌ଫିଆ ସହର୍‌ତ ମାନି ମଣ୍ଡ୍‌ଲିନି ଦୁତ୍‌ତିଙ୍ଗ୍ ଇ କାବୁର୍ ଲେକିକିୟାଟ୍: ହେ କାବୁର୍ ଇଲେକେ, ଆନେଙ୍ଗ୍ ନେ ହେ ମାନାୟ୍‌ତଙ୍ଗ୍‌, ଇନେର୍ ପବିତ୍ର ଆରେ ସତ୍ ଆରେ ଇନେର୍‌ତାକେ ଦାଉଦ ରାଜାତି କୁଚିକାଡିଙ୍ଗ୍ ମାନିକ୍। ଆନେଙ୍ଗ୍ ଏଚେକାଡ଼୍‌ଦ ହେ କୁଚିକାଡିଙ୍ଗ୍‌ତାଙ୍ଗ୍ ର କାପାଟ୍ ଜେନାଙ୍ଗ୍ ହେଦାଙ୍ଗ୍ ଇନେର୍ ପା ଗେସ୍ତେଙ୍ଗ୍ ଆଡୁର୍, ଆରେ ଆନେଙ୍ଗ୍ ଏଚେପାଦ୍ନା ହେ କୁଚିକାଡି ସାଇଜତାଙ୍ଗ୍ ହେ କାପାଟ୍ ଗେହ୍‌ନାଙ୍ଗ୍‌ ଇନେର୍ ପା ଜେତେଙ୍ଗ୍ ଆଡୁର୍।