ପକ୍ୟାତାକା 15:36 - New Testament in Pengo Parja Language

³⁶ କେତ୍‌ଦିନ୍ ହାଚି ପାଚେ ପାଉଲ ବର୍ଣ୍ଣବାଙ୍ଗ୍ ୱେଚ୍‌ଚାନ୍, “ୱା, ଆସେଙ୍ଗ୍ ଇମ୍‌ଣି ସହର୍‌ତାକେ ମାପୃ ଯୀଶୁ କାତା ଶୁଣାୟ୍ କିଜି ମାଚାସ୍, ହେ ୱିଜୁ ସହର୍‌କୁକାଙ୍ଗ୍ ନଙ୍ଗୟ୍ ହାନାସ୍। ଆରେ ପାର୍ତିକିନି ଟଣ୍ଡାର୍ ଯୀଶୁତାକେ ଇନେସ୍ ପାର୍ତିକିନାର୍ ହେଦାଙ୍ଗ୍ ହୁଡ଼୍‌ନାସ୍।”

ସତ୍‌ ବଚନ୍‌ ପୁନି ନିୟମ୍‌

³⁶ କେତେକ୍‌ ଦିନ୍‌ ପାଚେ ପାଉଲ୍‌ ବର୍ଣ୍ଣବାଙ୍ଗ୍‌ ଇଚାନ୍‌, ଆସେଙ୍ଗ୍‌ ଇମ୍‌ଣି ସବୁ ଗାଡ଼୍‌ଦ ମାପ୍ରୁତି କାତା ପର୍‌ଚାର୍‌ କିଜ଼ି ମାଚାସ୍, ହେ ୱିଜ଼ୁ ଗାଡ଼୍‌ଦ “ନଙ୍ଗ୍‌ ମାସ୍‍ଦି ହାଲ୍‍ଜି ଟଣ୍ଡାରିଂ ବେଟାଜ଼ି, ହେୱାର୍‌ ଇନେସ୍‌ ମାନାର୍‌ ହୁଡ଼୍‌ନାସ୍‌ ।”

ପକ୍ୟାତାକା 15:36 ပူးပေါင်းရင်းမြစ်များ

ମାତିଉ 25:36

ନାଙ୍ଗେଙ୍ଗ୍ ହନ୍ଦ୍ରାପାଟା ହିଲ୍‌ୱାଦାଙ୍ଗ୍ ମାଚାତ୍, ଆରେ ଏପେଙ୍ଗ୍ ନାଙ୍ଗେଙ୍ଗ୍ ହେନ୍ଦ୍ରା ଉସ୍‌ପେଦେଙ୍ଗ୍ ହିଜି ମାନ୍‌ଞ୍ଚାଦେର୍। ଆନେଙ୍ଗ୍ ବେମାର୍‌ତାକେ ମାଚାଙ୍ଗ୍। ଏପେଙ୍ଗ୍ ନାଙ୍ଗେଙ୍ଗ୍ ଜାତୁନ୍ କିତ୍‌ତାଦେର୍, ଆନେଙ୍ଗ୍ ଜଇଲ୍ ଇଞ୍ଜ ମାଚାଙ୍ଗ୍। ଏପେଙ୍ଗ୍ ନାଙ୍ଗେଙ୍ଗ୍ ହୁଡ଼୍‌ଦେଙ୍ଗ୍ ୱାଜି ମାଚାଦେର୍।

ମାତିଉ 25:43

ଆନେଙ୍ଗ୍ ଏସ୍‌କି ମାଚାଙ୍ଗ୍ ମାତର୍ ଏପେଙ୍ଗ୍ ନାଙ୍ଗେଙ୍ଗ୍ ଇଚ୍‍କେ ଇନାକା ଉଣ୍ଡେଙ୍ଗ୍ ହିଦ୍‌ୱାଦାଙ୍ଗ୍ ମାନ୍‌ଞ୍ଚାଦେର୍। ଆନେଙ୍ଗ୍ ରକାଙ୍ଗ୍ ଇଞ୍ଜାଙ୍ଗ୍ ଦେହା ମାଚାଙ୍ଗ୍। ମାତର୍ ଏପେଙ୍ଗ୍ ନାଙ୍ଗେଙ୍ଗ୍ ଇଲ୍ ବିତ୍ରେ ହିର୍‌ବାଆଦ୍‌ୱାତାଦେର୍, ନାଙ୍ଗେଙ୍ଗ୍ ଉସ୍‌ପେଦେଙ୍ଗ୍ ହେନ୍ଦ୍ରାପାଟା ହିଲ୍‌ୱାତାତ୍। ଏପେଙ୍ଗ୍ ନାଙ୍ଗେଙ୍ଗ୍ ଉସ୍‌ପେଦେଙ୍ଗ୍ ଇନାକା ଇଚ୍‍କେ ହିଦ୍‌ୱାଦାଙ୍ଗ୍ ମାନ୍‌ଞ୍ଚାଦେର୍। ଆନେଙ୍ଗ୍ ବେମାର୍‌ତ ମାଚାଙ୍ଗ୍। ଆରେ ଜଇଲ୍ ଇଞ୍ଜ ମାଚାଙ୍ଗ୍। ଆରେ ଏପେଙ୍ଗ୍ ନା କାଜିଙ୍ଗ୍ ଚିନ୍ତା କିୱାଦାଙ୍ଗ୍ ମାଚାଦେର୍।

ପକ୍ୟାତାକା 13:12

ହେ ରାଜା ଇ ଗଟ୍‌ନା ହୁଡ଼୍‌ଜି ଯୀଶୁ ମାପୃଙ୍ଗ୍ ଚାନିଆ ଆଜି ପାର୍ତି କିତାନ୍।

ପକ୍ୟାତାକା 13:4

ପବିତ୍ର ଆତ୍ମା ଶାଉଲ ଆରେ ବର୍ଣବାଙ୍ଗ୍ ହାଜି ଚଚ୍‌ଚି ମାଚାନ୍। ଲାଗିଙ୍ଗ୍ ହେୱାର୍ ଆନ୍ତିୟକିଆ ସହର୍‌ତାଙ୍ଗ୍ ସେଲୁକିଆ ସହର୍‌ତାକେ ହାଚାର୍। ହେବେତାଙ୍ଗ୍ ହେୱାର୍ ଜାଜ୍‌ତ ଦୁମ୍‌ଜି କୁପ୍ରଦ୍ୱିପ୍‌ତାକେ ହାଚାର୍।

ପକ୍ୟାତାକା 13:51

ଲାଗିଙ୍ଗ୍ ଈଶ୍ୱର ହେୱାରିଙ୍ଗ୍ ଦଣ୍ଡ୍ ହିୟେନ୍ ଇଞ୍ଜି ପାଉଲ ଆରେ ବର୍ଣ୍ଣବା ଜାର୍ କାଲ୍ ପାନାନି ଦୁଡ଼ି ଡ଼ାତ୍‌ତାର୍। ପାଚେ ହେୱାର୍ ଇକନିୟ ସହର୍‌ତାକେ ହାଚାର୍।

ପକ୍ୟାତାକା 14:1

ଇକନିୟ ସହର୍‌ତାକେ ପା ହେଲେକେ ଗଟାଆତାତ୍, ପାଉଲ ଆରେ ବର୍ଣ୍ଣବା ଯିହୁଦିର୍ ପାର୍ତାନା ଇଞ୍ଜ ହଣ୍‌ଜି ଯୀଶୁ ବିଷୟରେ ହିକ୍ଷା ହିତାର୍, ଯିହୁଦିର୍ ଆରେ ବିନ୍‌ଜାତିନି ମାନାୟାର୍ ବିତ୍ରେତାଙ୍ଗ୍ ବେସିହେନି ଯୀଶୁତାକେ ପାର୍ତି କିତାର୍।

ପକ୍ୟାତାକା 14:21

ହେୱାର୍ ହେ ସହର୍‌ତାକେ ହାର୍ଦିକାବୁର୍ ଶୁଣାୟ୍ କିତାର୍, ଆରେ କେତେକ୍ ମାନାୟାରିଙ୍ଗ୍ ଚେଲା ରସ୍ତାର୍। ତାପାଚେ ହେୱାର୍ ଆରେରଗ ଲୁସ୍ତ୍ରା ସହର୍‌ତାକେ ହାଚାର୍। ହେବେତାଙ୍ଗ୍ ଇକନିୟ ସହର୍‌ତାକେ ହାଚାର୍, ଆରେ ହେବେତାଙ୍ଗ୍ ଆନ୍ତିୟକିଆ ସହର୍‌ତାକେ ହାଚାର୍।

ପକ୍ୟାତାକା 14:6

ମାତର୍ ପାଉଲ ଆରେ ବର୍ଣ୍ଣବା ଇ ବିଷୟରେ ପୁଚାର୍। ଆରେ ହେୱାର୍ ଲୁକାୟନିଆ ଜିଲ୍ଲାନି ଲୁସ୍ତ୍ରା ଆରେ ଦର୍ବି ସହର୍‌ତାକେ ହାଚାର୍। ଆରେ ହେ ସହର୍‌ନି କଚଣ୍‌ନି ନାସ୍‌କୁକାଙ୍ଗ୍ ହାଚାର୍।

ପକ୍ୟାତାକା 7:23

ମୋଶା ଚାଲିଶ୍ ବାର୍ହୁ ଆତିଲେ ହେୱାନ୍ ତା ଟଣ୍ଡାର୍ ଇସ୍ରାଏଲ ଜାତିନି ମାନାୟାରିଙ୍ଗ୍ ମେହାଆଦେଙ୍ଗ୍ ଇଚା କିତାନ୍।

ରୋମିୟ 1:11

ଇନେସ୍‌କି ଆନେଙ୍ଗ୍ ମିଙ୍ଗେଙ୍ଗ୍ ହୁଡ଼୍‌ଦେଦେଙ୍ଗ୍ ବେସି ଦିନ୍‌ତାଙ୍ଗ୍ ମାନ୍ କିନାଙ୍ଗା, ଆରେ ଆନେଙ୍ଗ୍ ମିଙ୍ଗେଙ୍ଗ୍ ସାସ୍ ହିଦ୍‌ନି ଆଶ୍ରିବାଦ୍ ହିଦ୍‌ଦେଙ୍ଗ୍ ଆଡ୍‌ନାଙ୍ଗ୍, ଲାଗିଙ୍ଗ୍ ଏପେଙ୍ଗ୍ ଆରେ ଆଦିକ୍ ଯୀଶୁଙ୍ଗ୍ ପାର୍ତି କିନାଦେର୍।

୨ କରନ୍ତିୟ 11:28

ଲାଗିଙ୍ଗ୍ ଆନେଙ୍ଗ୍ ଇ ୱିଜୁ ବିଷୟରେ ଚିନ୍ତା କିଉଙ୍ଗା, ମାତର୍ ୱିଜୁଦିନ୍ ଆନେଙ୍ଗ୍ ୱିଜୁ ମଣ୍ଡ୍‌ଲିନି ମାନାୟାର୍ କାଜିଙ୍ଗ୍ ଚିନ୍ତା କିନାଙ୍ଗା।

ପିଲିପିୟ 1:27

ଖ୍ରୀଷ୍ଟନି ହାର୍ଦିକାବୁର୍‌ତିଙ୍ଗ୍ ପାର୍ତି କିଜି ମାନି ମାନାୟ୍ ଲେକେ ଟିକ୍ ଜିବୁନ୍ କାଟିକିୟାଟ୍। ଏପେଙ୍ଗ୍ ର ମାନ୍‌ଆଜି ମାନାଟ୍, ଆରେ ହାର୍ଦିକାବୁର୍‌ତିଙ୍ଗ୍ ପାର୍ତିକିଜି ମାନି କାଜିଙ୍ଗ୍ ଏକ୍ ଆଜି ଲଡ଼ିକିୟାଟ୍। ଆନେଙ୍ଗ୍ ମି ଲାଗାୟ୍ ୱାଜି ହୁଡ଼୍‌ତିସ୍ କି ମାନ୍‌ୱାଦାଙ୍ଗ୍ ମି ବିଷୟ ୱେଚିସ୍ ପା ଏଲେଙ୍ଗ୍ ଆଜି ମାନାଟ୍ ଇଞ୍ଜି ଆନେଙ୍ଗ୍ ଇଚା କିନାଙ୍ଗା।

୧ ଥେସଲନୀକିୟ 3:6

ତିମତି ନଙ୍ଗୟ୍ ମିବେତାଙ୍ଗ୍ ମା ତାକେ ଲେଉଟା ଆଜି ୱାଜି ୱେଚ୍‌ଚାନ୍ ଯେ, ଆପେଙ୍ଗ୍ ଇନେସ୍ ହୁଡ଼୍‌ଦେଙ୍ଗ୍ ଇଚା କିଜି ମାଚାପ୍, ଏପେଙ୍ଗ୍ ହେଲେକେ ପାର୍ତି ଆରେ ଜାର୍-ଜାର୍‌ବିତ୍ରେ ଲାଡ୍ କିନାଦେରା। ଆପେଙ୍ଗ୍ ୱାତାକା ଏତ୍‌କିଜି ଏପେଙ୍ଗ୍ ମାଙ୍ଗେଙ୍ଗ୍ ହୁଡ଼୍‌ଦେଙ୍ଗ୍ ଇଚା କିନାଦେରା, ହେଲେକେ ଆପେଙ୍ଗ୍ ପା ମିଙ୍ଗେଙ୍ଗ୍ ହୁଡ଼୍‌ଦେଙ୍ଗ୍ ବେସି ଇଚା କିନାପା।

୨ ତିମଥି 1:4

ଆନେଙ୍ଗ୍ ମିବେତାଙ୍ଗ୍ ଜେକ ଆତିହିଙ୍ଗ୍ ଏପେଙ୍ଗ୍ ବେସି ଆଡ଼୍‌ବାତାଦେର୍‌। ଲାଗିଙ୍ଗ୍ ଆନେଙ୍ଗ୍ ଇନେସ୍ ବେସି ୱାରି ଆଦେଙ୍ଗ୍ ଆଡ୍‌ନାଙ୍ଗ୍, ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ନିଙ୍ଗେଙ୍ଗ୍ ହୁଡ଼୍‌ଦେଦେଙ୍ଗ୍ ବେସି ଇଚା କିନାଙ୍ଗା।