ପକ୍ୟାତାକା 15:28 - New Testament in Pengo Parja Language

²⁸ ମାନାୟାର୍ ମୁର୍ତିତିଙ୍ଗ୍ ପୁଜାକିତି କାଦିତିଙ୍ଗ୍ ତିନ୍‌ୱେଦେଙ୍ଗ୍, ଦାରି କାମାୟ୍ କିୱେଦେଙ୍ଗ୍, ହାକ୍ତ ମିନ୍‌ଞ୍ଜି ଅସ୍ତି ପଶୁ ଜେଇ ତିନ୍‌ୱେଦେଙ୍ଗ୍ ଆରେ ନେତେର୍ ତିନ୍‌ୱି ବିଷୟତିଙ୍ଗ୍ ମାନି କିୟାଟ୍। ଏପେଙ୍ଗ୍ ଇ ବିଷୟତିଙ୍ଗ୍ ନେ ମାନି କିଦେଙ୍ଗ୍ ପବିତ୍ର ଆତ୍ମା ଆରେ ଆପେଙ୍ଗ୍ ଇଚା କିନାପା।

ସତ୍‌ ବଚନ୍‌ ପୁନି ନିୟମ୍‌

²⁸ ଇନାକିଦେଂକି ପୁତ୍‍ଡ଼ା ଲାଗେ ପୁଜାକିତି ଆକାତ୍‌, ନେତେର୍‌, ନେଞ୍ଜ୍‍ୱି ହୁଦାଂ ହାତି ପାରାଣିତି ଜେ ଆରି ଲକାର୍‍ ଦାରିତାଂ ବିନେ ମାନାକା, ଇ ଏଚେକ୍‌ ଲଡ଼ାନି ବିସ୍ରେ ପିସ୍ତି ମି ଜପି ଆରେ ଆଦିକ୍‌ ବଜ୍‌ ହିଦ୍‍ୱାଦାଂ ପୁଇପୁୟା ଜିବୁନ୍‌ ଆରି ମା ନଂଜର୍‌ତ ବେସି ଇଚା ଆତାତ୍‌,

ପକ୍ୟାତାକା 15:28 ပူးပေါင်းရင်းမြစ်များ

ମାତିଉ 11:30

ଲାଗିଙ୍ଗ୍ ଆନେଙ୍ଗ୍ ଇମ୍‌ଣି ବିଷୟତିଙ୍ଗ୍ ହିକ୍ଷା ହିଦ୍‌ନାଙ୍ଗ୍ ହେ ୱିଜୁ ହାର୍ ଆରେ ଆଡ଼୍‌ୱା ମାନ୍‌ଗାନାତ୍।”

ମାତିଉ 23:4

ମାନି କିଦେଙ୍ଗ୍ କଷ୍ଟ ଆତିସ୍‌ପା ହେୱାର୍ ମାନାୟାର୍ କାଜିଙ୍ଗ୍ ଆବ୍‌ଡ଼ୁ ନିୟମ୍ ରହ୍‌ନାର୍। ହେ ନିୟମ୍ ମାନି କିଦେଙ୍ଗ୍ ମାନାୟାରିଙ୍ଗ୍ ଜବର୍ ଦସ୍ତ୍ କିନାର୍, ମାତର୍ ହେୱାର୍ ଜାର୍ ଇନାୱେଡ଼ାଙ୍ଗ୍ ପା ହେ ନିୟମ୍‌ତିଙ୍ଗ୍ ରଞ୍ଜି ପା ମାନି କିଦେଙ୍ଗ୍ ମାନ୍‍କିଉର୍।

ଜହନ୍‌ 16:13

ମାତର୍ ଏଚେପାଦ୍ନା ଈଶ୍ୱରଆତ୍ମା ୱାନାତ୍, ହେପାଦ୍ନା ହେୱାନ୍ ମିଙ୍ଗେଙ୍ଗ୍ ୱିଜୁ ସତ୍ ହାଜ୍‌ଦିଙ୍ଗ୍ ଅସାହାଞ୍ଜ୍‌ନାନ୍। ହେୱାନ୍ ତା ଜାର୍ କାତା ୱେଚ୍‌ଚୁନ୍। ଈଶ୍ୱର ହେୱାନିଙ୍ଗ୍ ଇନାକା ୱେଚ୍‌ନାନ୍, ହେଦାଙ୍ଗ୍ ହେୱାନ୍ ୱେଚ୍‌ଚାନାନ୍। ହେୱାନ୍ ନଙ୍ଗୟ୍‌ୱାନି ଗଟ୍‌ନା ବିଷୟରେ ୱେଚ୍‌ଚାନାନ୍।

ପକ୍ୟାତାକା 15:19

ଆନେଙ୍ଗ୍ ଏଲେଙ୍ଗ୍ ବାବିକିନାଙ୍ଗା, ବିନ୍‌ଜାତିର୍ ବିତ୍ରେତାଙ୍ଗ୍ ଇମ୍‌ଣାକାର୍ ଈଶ୍ୱର ଲାଗାୟ୍ ୱାନାରା, ହେୱାରିଙ୍ଗ୍ ଆସେଙ୍ଗ୍ ଯିହୁଦିର୍ ନିୟମ୍ ଆରେ ବିଦି ବଜ୍ ଲେକେ ଲେଦିକିଉସ୍।

ପକ୍ୟାତାକା 15:25

ଲାଗିଙ୍ଗ୍ ମା ଲାଡ୍‌ନି ପାଉଲ ଆରେ ବର୍ଣ୍ଣବା ତା ଜିବୁନ୍‌ତିଙ୍ଗ୍ ଆହା କିୱାଦାଙ୍ଗ୍ ମାପୃ ଯୀଶୁ ଖ୍ରୀଷ୍ଟ ବିଷୟରେ ଶୁଣାୟ୍ କିତାର୍‌ନା,

ପକ୍ୟାତାକା 15:8

ୱିଜୁ ବିଷୟରେ ପୁନି ଈଶ୍ୱର ମାଙ୍ଗେଙ୍ଗ୍ ଇନେସ୍ ପବିତ୍ର ଆତ୍ମା ଦାନ୍ ହିତ୍‌ତାନ୍‌ନା, ହେଲେକେ ନେ ବିନ୍‌ଜାତିରିଙ୍ଗ୍ ପା ଦାନ୍ ହିନାନ୍। ଆରେ ହେୱାନ୍ ହେୱାରିଙ୍ଗ୍ ତା ଜାର୍ ମାନାୟ୍ ଇଞ୍ଜି ୱେଚ୍‌ଚାନ୍‌ନା।

ପକ୍ୟାତାକା 16:4

ଯିରୁଶାଲାମ ସହର୍‌ତାକେ ମାନି ବାଚିକିତି ଚେଲାର୍ ଆରେ ପ୍ରାଚିନାର୍ ଇମ୍‌ଣିୱିଜୁ ବିଦି ମାନାୟାରିଙ୍ଗ୍ ମାନି କିୟେର୍ ଇଞ୍ଜି ଇଚାକିଜି ମାଚାର୍, ହେ ୱିଜୁ ବିଷୟ ପାଉଲ ଆରେ ତା ହାଙ୍ଗ୍‌ଦାକାର୍ ସହର୍‌ତାଙ୍ଗ୍ ସହର୍ ହାଲ୍‌ଜି ପାର୍ତି କିନାକାରିଙ୍ଗ୍ ୱେଚ୍‌ଚି ମାଚାର୍।

ପକ୍ୟାତାକା 5:32

ଆରେ ଆପେଙ୍ଗ୍ ଇୱିଜୁ ବିଷୟନି ସାକି ମାନାପ୍। ଈଶ୍ୱର ତା ଆଦେସ୍ ମାନି କିନାକାରିଙ୍ଗ୍ ତା ପବିତ୍ର ଆତ୍ମା ହିତାନ୍‌ନା, ହେୱାନ୍ ପା ହେବେନି ସାକି ମାନାନ୍।”

୧ କରନ୍ତିୟ 14:37

ଏପେଙ୍ଗ୍ ଯଦି ଜାର୍‌ତିଙ୍ଗ୍ ଭବିଷ୍ଯତବକ୍ତା ଇଞ୍ଜି ୱେଚ୍‌ନାଦେର୍, ଆରେ ପବିତ୍ର ଆତ୍ମା ଦାନ୍ ହିତ୍‌ତାନ୍‌ନା ବାବିକିନାଦେରା, ଲାଗିଙ୍ଗ୍ ଏପେଙ୍ଗ୍ ପୁନି ଦର୍‌କାର୍ ଯେ ଆନେଙ୍ଗ୍ ଇମ୍‌ଣି ୱିଜୁ ଆଦେସ୍ ୱେଚ୍‌ନାଙ୍ଗା ହେଦାଙ୍ଗ୍ ମାପୃତାଙ୍ଗ୍ ୱାତାତ୍‌ନା।

୧ କରନ୍ତିୟ 7:25

ନଙ୍ଗୟ୍ ୱାଟା ଗାଡ଼୍‌ଚେକ୍ କାଜିଙ୍ଗ୍ ଆନେଙ୍ଗ୍ ୱେଚ୍‌ନାଙ୍ଗା। ହେ ଆଜ୍ଞା ଆନେଙ୍ଗ୍ ମାପୃ ଯୀଶୁତାଙ୍ଗ୍ ହେୱେକ୍ କାଜିଙ୍ଗ୍ ପାୟା ଆୱାତାଙ୍ଗ୍‌ନା, ମାତର୍ ମାପୃ ଯୀଶୁ ନାଙ୍ଗେଙ୍ଗ୍ ଦୟାକିଜି ମାନ୍‌ଚି କାଜିଙ୍ଗ୍ ହେୱାନ୍ ନାଙ୍ଗେଙ୍ଗ୍ ବୁଦି ହିତ୍‌ତାନ୍, ହେ ବୁଦିତିଙ୍ଗ୍ ପାର୍ତି କିୟାଆନାତ୍ ଆରେ ଆନେଙ୍ଗ୍ ହେଦାଙ୍ଗ୍ ମିଙ୍ଗେଙ୍ଗ୍ ହିଦ୍‌ନାଙ୍ଗା।

୧ କରନ୍ତିୟ 7:40

ମାତର୍ ହେ କଗ୍‌ଲେ କାଜିଙ୍ଗ୍ ଆନେଙ୍ଗ୍ ଇଚା କିନାଙ୍ଗା ଯେ, ହେଦେଲ୍ ବିବା ଆୱାଦାଙ୍ଗ୍ ୱାଟା ମାନାକା ବେସି ହାର୍, ଆରେ ଆନେଙ୍ଗ୍ ବାବିକିନାଙ୍ଗା ଯେ ଆନେଙ୍ଗ୍ ଇ ଉପାୟ୍ ଈଶ୍ୱରତି ପବିତ୍ର ଆତ୍ମାତାଙ୍ଗ୍ ୱେଚ୍‌ନାଙ୍ଗା।

୧ ଥେସଲନୀକିୟ 4:8

ଲାଗିଙ୍ଗ୍ ଇମ୍‌ଣି ମାନାୟ୍, ଇ ହିକ୍ଷାତିଙ୍ଗ୍ ଆହୁନ୍, ହେୱାନ୍ ମାନାୟାର୍ ହିକ୍ଷାତିଙ୍ଗ୍ ଆହ୍‌ନାନା, ଲାଗିଙ୍ଗ୍ ହେୱାନ୍ ପବିତ୍ର ଆତ୍ମା ହିଦ୍‌ନି ଈଶ୍ୱରତିଙ୍ଗ୍ ଆହୁନ୍।

୧ ପିତର 1:12

ମାତର୍ ଈଶ୍ୱର ଇ ଈଶ୍ୱରତାଙ୍ଗ୍ ୱେଚି ବେଣ୍‌ତିଙ୍ଗ୍ ୱେଚ୍‌ନି ମାନାୟାରିଙ୍ଗ୍ ୱେଚ୍‌ଚାନ୍, ଇ ହାର୍ଦିକାବୁର୍ ମି କାଜିଙ୍ଗ୍ ଆକାୟ୍ ମାତର୍ ମାନାୟାର୍ କାଜିଙ୍ଗ୍। ଆରେ ହେ ହାର୍ଦିକାବୁର୍ ଯୀଶୁ ଖ୍ରୀଷ୍ଟ ବିଷୟ ଇମ୍‌ଣାକା ଏପେଙ୍ଗ୍ ନଙ୍ଗୟ୍ ୱେଚାଦେର୍‌ନା। ଈଶ୍ୱର ତା ପବିତ୍ର ଆତ୍ମା ସରଗ୍‌ତାଙ୍ଗ୍ ମିଙ୍ଗେଙ୍ଗ୍ ହାର୍ଦିକାବୁର୍ ୱେଚ୍‌ନି ମାନାୟାରିଙ୍ଗ୍ ସାଇଜ କିଦେଙ୍ଗ୍ ପକ୍ତାତାନ୍‌ନା। ହେଦାଙ୍ଗ୍ ୱିଜୁ ଚାନିଆଆନି ବିଷୟ ଯେ, ଇୱିଜୁ ଗଟାଆନି ବିଷୟ ସରଗ୍‌ନି ଦୁତ୍‌କୁ ପା ହୁଡ଼୍‌ନିକା।

ହତ୍‌ତି 2:24

ମାତର୍ ଥୁୟତିରା ସହର୍‌ତାକେ ମାନି ବାକି ଲକାର୍ କାଜିଙ୍ଗ୍ ପା ଆନେଙ୍ଗ୍ ର କାତା ୱେଚ୍‌ଚାନାଙ୍ଗା, ହେୱାର୍ ହେ ମିଚ୍ ହିକ୍ଷାତିଙ୍ଗ୍ ମାନି କିଉରା। ହେ କଗ୍‌ଲେ ଚେଲାହିର୍ ଇଦାଙ୍ଗ୍ ନେ ମୁକ୍ୟ ଜିନିଷ୍ ଇଞ୍ଜି ୱେଚ୍‌ଚାନାରା ଇମ୍‌ଣାକା ଶୟତାନତାଙ୍ଗ୍ ୱାତାତ୍‌ନା। ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା ଯେ, ଆନେଙ୍ଗ୍ ୱାନି ପାତେକ୍ ଏପେଙ୍ଗ୍ ନାଙ୍ଗେଙ୍ଗ୍ ଆଦିକ୍ ପାର୍ତିକିଜି ମାନି ଆଦେସ୍ ପିସ୍ତି ଆରେ ଜେକନି ମୁକ୍ୟ ଆଦେସ୍ ହିଦୁଙ୍ଗା।