ପକ୍ୟାତାକା 15:24 - New Testament in Pengo Parja Language

²⁴ ଆପେଙ୍ଗ୍ ୱେଚାପ୍‌ନା, ମା ଆଦେସ୍ ହିୱାଦାଙ୍ଗ୍ ମା ବିତ୍ରେତାଙ୍ଗ୍ କେତେକ୍ ମାନାୟ୍ ମି ଲାଗାୟ୍ ୱାତାର୍, ଆରେ ହେୱାର୍ କେତେକ୍ କାତା ୱେଚ୍‌ଚି ମି ମାନ୍‌ତିଙ୍ଗ୍ ବୁଲ୍‌କାଇ କିଜି ଚାନିଆ କିୟିକିତ୍‌ତାର୍।

ସତ୍‌ ବଚନ୍‌ ପୁନି ନିୟମ୍‌

²⁴ ଆପେଂ ୱେଚାପ୍‍ନ୍ନା ଜେ, ଆପେଂ ଇମ୍‌ଣି ମାନାୟାରିଂ ଇମ୍‌ଣାକା ପା ବଲ୍‌ ହିଉପେ, ମା ବିତ୍ରେ ଇବାନି ଏଚେକ୍ ଲଗୁ କାତା ହୁଦାଂ ମି ୱାସ୍କିତିଂ ତିର୍‌ କିୱାଦାଂ ମିଙ୍ଗ୍‌ କସ୍ଟ କିତ୍‍ତାର୍ଣ୍ଣା;

ପକ୍ୟାତାକା 15:24 ပူးပေါင်းရင်းမြစ်များ

ପକ୍ୟାତାକା 15:1

କେତ୍‌ଜାଣ୍ ପାର୍ତିକିନି ମାନାୟାର୍ ଯିହୁଦା ଜିଲ୍ଲାତାଙ୍ଗ୍ ୱାଜି ଆନ୍ତିୟକିଆ ସହର୍‌ତାକେ ଟଣ୍ଡାରିଙ୍ଗ୍ ହିକ୍ଷାହିଦେଙ୍ଗ୍ ଲାଗାତାର୍, “ମୋଶା ଲେକିକିତି ସାସ୍ତର୍‌ନି ବିଦିତାଙ୍ଗ୍ ଏପେଙ୍ଗ୍ ସୁନତ କିୱିତିସ୍, ଏପେଙ୍ଗ୍ ରକ୍ଷା ପାୟା ଆଉଦେର୍।”

ଗାଲାତିୟ 1:7

ଇଦାଙ୍ଗ୍ ସତ୍ ହାର୍ଦିକାବୁର୍ ଆକାୟ୍। ମାତର୍ କେତେକ୍ ମାନାୟ୍ ମି ମାନ୍‌ତିଙ୍ଗ୍ ଡିସ୍‌ଟାପ୍ କିଦେଙ୍ଗ୍ ଇଚା କିନାରା ଆରେ ଖ୍ରୀଷ୍ଟତି ହାର୍ଦିକାବୁର୍‌ତିଙ୍ଗ୍ ନଷ୍ଟ କିଦେଙ୍ଗ୍ ଇଚା କିନାରା।

ଗାଲାତିୟ 5:10

ମାପୃ ମିଙ୍ଗେଙ୍ଗ୍ ବୁଲ୍ ହିକ୍ଷା ଆହ୍‌ନିତାଙ୍ଗ୍ ରକ୍ଷା କିଦ୍‌ନାନ୍ ଇଞ୍ଜି ଆନେଙ୍ଗ୍ ପାର୍ତି କିନାଙ୍ଗା। ମାତର୍ ଇନେର୍ ମିଙ୍ଗେଙ୍ଗ୍ ବାଦା ହିଦ୍‌ନାରା, ହେୱାରିଙ୍ଗ୍ ଈଶ୍ୱର ଦଣ୍ଡ୍ ହିନାନ୍।

ଗାଲାତିୟ 5:12

ଇମ୍‌ଣାକାର୍ ମିଙ୍ଗେଙ୍ଗ୍ ସୁନତ ବିଦି ମାନିକିନି ବୁଲ୍ ହିକ୍ଷାହିଜି ବାଦା ହିତ୍‌ତାର୍‌ନା, ହେୱାର୍ ହେ ଜିନିଷ୍ ପା ହଣ୍ଡି ଆତିସ୍ ହାର୍ ଆତାତ୍‌ମା।

ଗାଲାତିୟ 5:4

ଇନେସ୍‌କି ଏପେଙ୍ଗ୍ ଯଦି ମୋଶା ଲେକିକିତି ନିୟମ୍‌ତିଙ୍ଗ୍ ମାନିକିତି କାଜିଙ୍ଗ୍ ଈଶ୍ୱର ଲାଗାୟ୍ ଦରମ୍ ମାନାୟ୍ ଇଞ୍ଜି ଗାଣାକିୟା ଆଦେଙ୍ଗ୍ ଇଚା କିନାଦେରା, ଲାଗିଙ୍ଗ୍ ଏପେଙ୍ଗ୍ ଖ୍ରୀଷ୍ଟତାଙ୍ଗ୍ ଜେକ ଆତାଦେର୍‌ନା ଆରେ ଏପେଙ୍ଗ୍ ଈଶ୍ୱର ଦୟାତିଙ୍ଗ୍ ଆହୁଦେରା।

୨ ତିମଥି 2:14

ଆନେଙ୍ଗ୍ ୱେଚ୍‌ଚି ମାନ୍‌ଞ୍ଚି ଇୱିଜୁ କାତା ପାର୍ତି କିନାକାରିଙ୍ଗ୍ ବାଣା ଆମାଟ୍ ଇଞ୍ଜି ୱେଚା। ର କାତାତିଙ୍ଗ୍ ଅଜି ଯୁକ୍ତି କିୱେଦେଙ୍ଗ୍, ମାପୃତିଙ୍ଗ୍ ସାକି ଇଡ଼୍‌ଜି ହେୱାରିଙ୍ଗ୍ ଜାଗ୍ରତ୍ କିୟିକିୟା। ଇନେସ୍‌କି ଇଲେକେ ଯୁକ୍ତି କିବା ଆନାକା ଇନା ମୁଲ୍ଯ ଆକାୟ୍, ମାତର୍ ଇଦାଙ୍ଗ୍ ୱେଚି ମାନାୟାରିଙ୍ଗ୍ ଗାଜା କଷ୍ଟ ହିନାତ୍।

୧ ଯୋହନ 2:19

ହେୱାର୍ ମା ମଣ୍ଡ୍‌ଲିତାଙ୍ଗ୍ ହୋସି ହାଚାର୍, ଇନେସ୍‌କି ହେୱାର୍ ମା ମଣ୍ଡ୍‌ଲିନିକାର୍ ଆୱାଦାଙ୍ଗ୍ ମାଚାର୍, ଯଦି ହେୱାର୍ ମା ମଣ୍ଡ୍‌ଲିନିକାର୍ ଆତାର୍‌ମା, ଲାଗିଙ୍ଗ୍ ହେୱାର୍ ମା ହୁଦାଙ୍ଗ୍ ମାଚାର୍‌ମା। ମାତର୍ ଏଚେପାଦ୍ନା ମା ମଣ୍ଡ୍‌ଲିତିଙ୍ଗ୍ ପିସ୍ତି ହାଚାର୍, ହେପାଦ୍ନା ଆପେଙ୍ଗ୍ ପୁଚାପ୍ ଯେ, ହେୱାର୍ ମା ମଣ୍ଡ୍‌ଲିନିକାର୍ ଆକାୟ୍।