ପକ୍ୟାତାକା 14:5 - New Testament in Pengo Parja Language

⁵ ଏଚେପାଦ୍ନା ବିନ୍‌ଜାତିର୍ ଆରେ ପାର୍ତିକିୱି ଯିହୁଦିର୍, ହେୱାର୍ ନେତାର୍ ହୁଦାଙ୍ଗ୍ ମେହାଆଜି ହେୱାର୍ ବିରଦ୍‌ତାଙ୍ଗ୍ ଇନସ୍ତାକିଜି କାଲ୍‌କୁ ହୁଦାଙ୍ଗ୍ ଇଡ଼୍‌ଦେଙ୍ଗ୍ ଉପାୟ୍ କିତାର୍।

ସତ୍‌ ବଚନ୍‌ ପୁନି ନିୟମ୍‌

⁵ ଏଚେକାଡ଼୍‌ଦ ପାର୍ତିକିୱି ଜିହୁଦିର୍‌ ଆରି ଜିହୁଦିର୍‌ ହେୱାର୍‌ତି ମୁଣିକା ହୁଦାଂ ହେୱାର୍ତି ଉତ୍‍ପାତ୍ କିଦେଙ୍ଗ୍‌ ଆରି କାଲ୍‌କୁ ଇଡ୍‌ଦେଂ ତିର୍‌ କିତାର୍‌,

ପକ୍ୟାତାକା 14:5 ပူးပေါင်းရင်းမြစ်များ

ମାତିଉ 5:44

ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା, ଏପେଙ୍ଗ୍ ମି ଶାତ୍ରୁରିଙ୍ଗ୍ ଲାଡ୍ କିୟାଟ୍। ଆରେ ଇମ୍‌ଣାକାର୍ ମିଙ୍ଗେଙ୍ଗ୍ ଦୁଃକ୍ କଷ୍ଟ ହିଦ୍‌ନାର୍ ହେୱାର୍ କାଜିଙ୍ଗ୍ ଏପେଙ୍ଗ୍ ପାର୍ତାନା କିୟାଟ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 6:28

ଆରେ ଇମ୍‌ଣାକାର୍ ମିଙ୍ଗେଙ୍ଗ୍ ଅବିଶାପ୍ ହିଦ୍‌ନାରା, ହେୱାରିଙ୍ଗ୍ ଆଶ୍ରିବାଦ୍ କିୟାଟ୍। ଇମ୍‌ଣାକାନ୍ ମିଙ୍ଗେଙ୍ଗ୍ ଅପ୍‌ମାନ୍ ହିଦ୍‌ନାରା, ଏପେଙ୍ଗ୍ ହେୱାର୍ କାଜିଙ୍ଗ୍ ଈଶ୍ୱରତାକେ ପାର୍ତାନା କିୟାଟ୍।

ପକ୍ୟାତାକା 13:45

ମାତର୍ ଯିହୁଦି ନେତାର୍ ବିନ୍‌ଜାତିର୍ ମାନାୟାରିଙ୍ଗ୍ ହୁଡ଼୍‌ଜି ରିସାଆତାର୍। ଆରେ ହେୱାର୍ ପାଉଲ ୱେଚ୍‌ଚି କାତାତିଙ୍ଗ୍ ବିରଦ୍ କିଜି ନିନ୍ଦା କିଦେଙ୍ଗ୍ ଲାଗାତାର୍।

ପକ୍ୟାତାକା 13:50

ମାତର୍ ଯିହୁଦି ନେତାର୍ ଯିହୁଦି ଦରମ୍ ମାନିକିନି ବିନ୍‌ଜାତି ଜଣାସୁଣା କଗ୍‍ଲେକାଙ୍ଗ୍ ଆରେ ସହର୍‌ନି ମୁଡ଼୍‌ଦାକାରିଙ୍ଗ୍, ପାଉଲ ଆରେ ବର୍ଣ୍ଣବା ବିରଦ୍‌ତାକେ ଟିଉଲାୟ୍ କିତାର୍। ଲାଗିଙ୍ଗ୍ ହେୱାର୍ ପାଉଲ ଆରେ ବର୍ଣବାଙ୍ଗ୍ ଦୁକ୍‌କଷ୍ଟ ହିତାର୍। ଆରେ ହେୱାର୍ ଏରିଆତାଙ୍ଗ୍ ହପ୍ତାର୍।

ପକ୍ୟାତାକା 14:19

ଆନ୍ତିୟକିଆ ସହର୍ ଆରେ ଇକନିୟ ସହର୍‌ତାଙ୍ଗ୍ କେତେକ୍ ଯିହୁଦିର୍ ହେବେ ୱାଜି ମାନାୟାରିଙ୍ଗ୍ ତାପଣ୍ କିତାର୍। ହେୱାର୍ ପାଉଲତିଙ୍ଗ୍ କାଲ୍‌କୁ ଇଡ଼୍‌ତାର୍, ଆରେ ହେୱାର୍ ପାଉଲ ହାଃତାନ୍ ଇଞ୍ଜି ବାବିକିଜି ବାର୍ତ ନିର୍‌ଚି ଅତାର୍।

ପକ୍ୟାତାକା 14:2

ମାତର୍ ଇମ୍‌ଣି ଯିହୁଦି ମାନାୟାର୍ ପାର୍ତି କିୱାତାର୍, ହେୱାର୍ ବିନ୍‌ଜାତିନି ମାନାୟାରିଙ୍ଗ୍ ପାର୍ତି କିନାକାର୍ ମାନାୟାର୍ ବିରୁଦ୍‌ତାକେ ଉସ୍‌କାଇ କିତାର୍। ଲାଗିଙ୍ଗ୍ ବିନ୍‌ଜାତିନି ଟଣ୍ଡାରିଙ୍ଗ୍ ରିସାଆତାର୍।

ପକ୍ୟାତାକା 14:4

ମାତର୍ ସହର୍‌ନି ମାନାୟାର୍ ରିବାଗ୍ ଆତାର୍। ର ବାଗ୍ ପାର୍ତିକିୱି ଯିହୁଦିର୍ ନିପଣ୍ ଆତାର୍, ଆରେ ର ବାଗ୍ ବାଚିକିତି ଚେଲା ପାଉଲ ଆରେ ବର୍ଣ୍ଣବା ନିପଣ୍ ଆତାର୍।

ପକ୍ୟାତାକା 17:5

ମାତର୍ ଯିହୁଦି ମାନାୟାର୍ ଆକାର୍ ଆଜି ସହର୍‌ତାଙ୍ଗ୍ କେତେକ୍ କରାପ୍ ମାନାୟାରିଙ୍ଗ୍ ରୁଣ୍ଡାଇ କିତାର୍, ଆରେ ହେୱାର୍ ରବେଆଜି ସହର୍‌ତାକେ ଗଣ୍ଡ୍‍ଗଲ୍ କିୟିକିତାର୍। ଆରେ ହେୱାର୍ ଯାସୋନ ଇଲ୍‌ତିଙ୍ଗ୍ ଡ୍ରିକ୍‌ଚି ପାଉଲ ଆରେ ଶିଲାଙ୍ଗ୍ ମାନାୟାର୍ ଲାଗାୟ୍ ତାତେଙ୍ଗ୍ ଉପାୟ୍ କିତାର୍।

୨ କରନ୍ତିୟ 11:26

ଆନେଙ୍ଗ୍ କେତ୍‌ହଟ୍ ବେସି ଦେହା ଖ୍ରୀଷ୍ଟ ହେବା କିଦେଙ୍ଗ୍ ହାଲ୍‌ଜି ମାଚାଙ୍ଗ୍। ଆନେଙ୍ଗ୍ ହାମ୍‌ଦୁର୍‌ତାକେ ହାନିହିଙ୍ଗ୍ ବିପତ୍‌ତାକେ ପଡ଼ାଆଜି ମାଚାଙ୍ଗ୍, ଆରେ କେତ୍‌ହଟ୍ ଆନେଙ୍ଗ୍ ଡାକୁର୍‌ତାକେ ଦରା ପଡ଼ାଆଜି ମାଚାଙ୍ଗ୍। ନା ଜାର୍ ଯିହୁଦି ଜାତିନି ମାନାୟାର୍ ଆରେ ବିନ୍‌ଜାତିନି ମାନାୟାର୍ ପା ନାଙ୍ଗେଙ୍ଗ୍ ମାର୍ନେ ଅସ୍ତେଦେଙ୍ଗ୍ ଉପାୟ୍ କିଜି ମାଚାର୍। ନାଙ୍ଗେଙ୍ଗ୍ ସହର୍‌ତାକେ, ଟାଙ୍ଗ୍ରାବାହାତାକେ ଆରେ ହାମ୍‌ଦୁର୍‌ତାକେ ବିପତ୍ ୱାଜି ମାଚାତ୍ ଆରେ ଇମ୍‌ଣାକାର୍ ଜାର୍‌ତିଙ୍ଗ୍ ପାର୍ତି କିନାକାପ୍ ଇଞ୍ଜି ୱେଚ୍‌ନାରା ମାତର୍ ସତ୍ ପାର୍ତି କିନାକାର୍ ଆକାୟ୍, ହେୱାର୍ ପା ନାଙ୍ଗେଙ୍ଗ୍ ବିପତ୍‌ତାକେ ପକାୟ୍ କିଜି ମାନ୍‌ଞ୍ଚାର୍।

୧ ଥେସଲନୀକିୟ 2:14

ହେ ଟଣ୍ଡାର୍‌କାଦେର୍, ଯିହୁଦା ଜିଲ୍ଲାତାକେ ମାନି ଈଶ୍ୱର ମଣ୍ଡ୍‌ଲିନି ପାର୍ତିକିନି ମାନୟାର୍ ଯୀଶୁ ଖ୍ରୀଷ୍ଟତାକେ ପାର୍ତିକିନି କାଜିଙ୍ଗ୍। ଇନେସ୍ ହେୱାର୍ ତା ଜାର୍ ଯିହୁଦି ଜାତିନି ମାନାୟାର୍‌ତାଙ୍ଗ୍ ଦୁଃକ୍ କଷ୍ଟ ପାୟାଆଜି ମାଚାର୍, ହେଲେକେ ଏପେଙ୍ଗ୍ ପା ଜାର୍ ଜାତିନି ମାନାୟାର୍‌ତାଙ୍ଗ୍ ଦୁଃକ୍ କଷ୍ଟ ପାୟା ଆତାଦେର୍‌ନା।

୧ ଥେସଲନୀକିୟ 2:16

ଇନେସ୍‌କି ବିନ୍‌ଜାତିନି ମାନାୟାର୍ ରକ୍ଷା ପାୟାଆମେର୍ ଇଞ୍ଜି ହାର୍ଦିକାବୁର୍ ଶୁଣାୟ୍ କିତିଲେ, ହେୱାର୍ ମାଙ୍ଗେଙ୍ଗ୍ ଦୁଃକ୍ କଷ୍ଟ ହିଦ୍‌ନାରା। ହେଲେକେ ହେୱାର୍ ପାପ୍ କିଜି ମାଚାର୍, ସେସ୍ ୱେଡ଼ାଙ୍ଗ୍ ଈଶ୍ୱର ହେୱାରିଙ୍ଗ୍ ଦଣ୍ଡ୍ ହିଦେଙ୍ଗ୍ କାତାନ୍‌ନା।

୧ ଥେସଲନୀକିୟ 2:2

ମାତର୍ ଆପେଙ୍ଗ୍ ମିତାକେ ୱାନି ଆଗେ ଫିଲିପ ସହର୍‌ତାକେ ଦୁଃକ୍ ଆରେ କଷ୍ଟ ପାୟାଆଜି ମାଚିସ୍ ପା, ଈଶ୍ୱର ମାଙ୍ଗେଙ୍ଗ୍ ହାର୍ଦିକାବୁର୍ ଶୁଣାୟ୍ କିଦେଙ୍ଗ୍ ସାସ୍ ହିତ୍‌ତାନ୍। ହେଦାଙ୍ଗ୍ କାଜିଙ୍ଗ୍ ଆପେଙ୍ଗ୍ ମିଙ୍ଗେଙ୍ଗ୍ ହାର୍ଦିକାବୁର୍ ଶୁଣାୟ୍ କିଦେଙ୍ଗ୍ ସାସ୍ କିତାପ୍।

୨ ତିମଥି 3:11

ମାନାୟାର୍ ନାଙ୍ଗେଙ୍ଗ୍ ଦୁକ୍‌କଷ୍ଟ ଆରେ ବେସିଦୁକ୍ ହିତାର୍‌ନା। ଆନ୍ତିୟକିଆ, ଇକନିୟ ଆରେ ଲୁସ୍ତ୍ରା ସହର୍‌କୁକାଙ୍ଗ୍ ନା ହୁଦାଙ୍ଗ୍ ଇନାକା ୱିଜୁ ଗଟାଆତାତ୍‌ନା ହେ ବିଷୟରେ ଏପେଙ୍ଗ୍ ପୁଚାଦେର୍‌ନା। ଆନେଙ୍ଗ୍ ହେ ୱିଜୁ ମାନିକିଜି ମାଚାଙ୍ଗ୍, ଆରେ ମାପୃ ନାଙ୍ଗେଙ୍ଗ୍ ହେ ୱିଜୁତାଙ୍ଗ୍ ଉଦାର୍ କିଜି ମାନ୍‌ଞ୍ଚାନ୍।