ପକ୍ୟାତାକା 14:20 - New Testament in Pengo Parja Language

²⁰ ମାତର୍ ହେ ନିର୍‌ଚି ଅଜି ପିସ୍ତି ବାହାତାକେ ପାର୍ତିକିନି ଚେଲାହିର୍ ୱାଜି ତା ଚାରିବେଣ୍‌ତାଙ୍ଗ୍ ନିଲ୍‌ତାର୍। ହେବେତାଙ୍ଗ୍ ପାଉଲ ନିଙ୍ଗ୍‌ଞ୍ଜି ସହର୍ ବିତ୍ରେ ହାଚାନ୍। ଆର୍‌କାତ୍ ନାଞ୍ଜିଙ୍ଗ୍ ହେୱାନ୍ ବର୍ଣ୍ଣବା ହୁଦାଙ୍ଗ୍ ଦର୍ବି ସହର୍‌ତାକେ ହାଚାର୍।

ସତ୍‌ ବଚନ୍‌ ପୁନି ନିୟମ୍‌

²⁰ ମତର୍‌ ଚେଲାର୍‌ ହେୱାନିଂ ଚାର୍‍ବେଣ୍‍ତାଂ ନିଲ୍‍ତିଲେ ହେୱାନ୍‌ ନିଂଜି ଗାଡ଼୍‌ଦ ହଟାନ୍ । ଆର୍କାତ୍‌ ନାଜିଂ ବର୍ଣ୍ଣବାତି ହୁଦାଂ ଦର୍ବିତ ହସି ହାଚାର୍ ।

ପକ୍ୟାତାକା 14:20 ပူးပေါင်းရင်းမြစ်များ

ପକ୍ୟାତାକା 11:26

ହେୱାନ୍ ହେବେ ଶାଉଲତିଙ୍ଗ୍ ଗିଟାଆତାନ୍। ଆରେ ବର୍ଣ୍ଣବା ହେୱାନିଙ୍ଗ୍ ଆନ୍ତିୟକିଆ ସହର୍‌ତାକେ କୁକ୍‌ଚି ତାତାନ୍‌। ଲାଗିଙ୍ଗ୍ ଶାଉଲ ଆରେ ବର୍ଣ୍ଣବା ହେ ମଣ୍ଡ୍‌ଲି ହୁଦାଙ୍ଗ୍ ର ବାର୍ହୁ ପାତେକ୍ ମାଚାର୍, ବେସିହେନି ମାନାୟାରିଙ୍ଗ୍ ହିକ୍ଷା ହିତାର୍। ଆରେ ଆନ୍ତିୟକିଆ ସହର୍‌ତାକେ ପାର୍ତିକିନି ଚେଲାହିରିଙ୍ଗ୍ ପାର୍ତୁମ୍ ଖ୍ରୀଷ୍ଟାନ୍ ଇଞ୍ଜି ୱେଚ୍‌ଚାର୍।

ପକ୍ୟାତାକା 11:29

ଲାଗିଙ୍ଗ୍ ଚେଲାର୍ ଆନ୍ତିୟକିଆ ସହର୍‌ନି ମଣ୍ଡ୍‌ଲିନି ପାର୍ତି କିନାକାର୍ ଜାର୍ ଶାକ୍ତି ହୁଡ଼୍‌ଜି, ଯିହୁଦା ଜିଲ୍ଲାତାକେ ମାନି ପାର୍ତିକିନି ଟଣ୍ଡାରିଙ୍ଗ୍ ସାଇଜ ପକ୍ତେଙ୍ଗ୍ ଇଚାକିତାର୍।

ପକ୍ୟାତାକା 12:17

ମାତର୍ ହେୱାନ୍ ହେୱାରିଙ୍ଗ୍ କେଇ ଚଚ୍‌ଚି ଚିମ୍ରା ଆଦେଙ୍ଗ୍ ୱେଚ୍‌ଚାନ୍। ଆରେ ହେୱାନିଙ୍ଗ୍ ମାପୃ ଇନେସ୍ ଜଇଲ୍ ଇଞ୍ଜାଙ୍ଗ୍ ବାର୍ତ ହପ୍ତାନ୍‌, ହେ ୱିଜୁ କାତା ହେୱାରିଙ୍ଗ୍ ୱେଚ୍‌ଚାନ୍। ଆରେ ହେୱାନ୍ ୱେଚ୍‌ଚାନ୍, “ଇୱିଜୁ କାତା ଯାକୁବ ଆରେ ଟଣ୍ଡାରିଙ୍ଗ୍ ୱେଚାଟ୍।” ତାପାଚେ ହେୱାନ୍ ହେବେତାଙ୍ଗ୍ ଜେକନି ବାହାତାକେ ହସିହାଚାନ୍।

ପକ୍ୟାତାକା 14:22

ଆରେ ହେୱାର୍ ୱିଜୁ ସହର୍‌ତାକେ ମାନି ପାର୍ତିକିନି ଚେଲାହିର୍ ମେହାଆଜି ହେୱାରିଙ୍ଗ୍ ଶାନ୍ତି କିଜି ମାଚାର୍। ଆରେ ହେୱାର୍ ହେୱାରିଙ୍ଗ୍ ପାର୍ତି କିଜି ମାଞ୍ଜେଙ୍ଗ୍ ସାହାସ୍‌ନି କାତା ୱେଚ୍‌ଚାର୍। ଆରେ ହେୱାର୍ ୱେଚ୍‌ଚାର୍, “ଈଶ୍ୱର ସାସନ୍ କିନି ରାଜିତାକେ ହାଞ୍ଜେଙ୍ଗ୍ ମାଙ୍ଗେଙ୍ଗ୍ ବେସି ଦୁକ୍‌କଷ୍ଟ ପାୟାଆନାକା ଆନାତ୍।”

ପକ୍ୟାତାକା 14:28

ପାଉଲ ଆରେ ବର୍ଣ୍ଣବା ହେ ପାର୍ତିକିନି ଚେଲାହିର୍ ହୁଦାଙ୍ଗ୍ କେତେକ୍ ଦିନ୍ ପାତେକ୍ ମାଚାର୍।

ପକ୍ୟାତାକା 14:6

ମାତର୍ ପାଉଲ ଆରେ ବର୍ଣ୍ଣବା ଇ ବିଷୟରେ ପୁଚାର୍। ଆରେ ହେୱାର୍ ଲୁକାୟନିଆ ଜିଲ୍ଲାନି ଲୁସ୍ତ୍ରା ଆରେ ଦର୍ବି ସହର୍‌ତାକେ ହାଚାର୍। ଆରେ ହେ ସହର୍‌ନି କଚଣ୍‌ନି ନାସ୍‌କୁକାଙ୍ଗ୍ ହାଚାର୍।

ପକ୍ୟାତାକା 16:1

ତାପାଚେ ପାଉଲ ଆରେ ଶିଲା ଦର୍ବି ସହର୍‌ତାକେ ହାଚାର୍। ପାଚେ ହେୱାର୍ ଲୁସ୍ତ୍ରା ସହର୍‌ତାକେ ହାଚାର୍। ହେବେ ତିମତି ତର୍‍ଦାକାନ୍ ରକାନ୍ ପାର୍ତିକିନି ଚେଲାହି ମାଚାନ୍। ତା ତେହି ରଞ୍ଜେଲ୍ ପାର୍ତି କିନାକାଦେଲ୍ ମାଚାତ୍, ହେଦେଲ୍ ଯିହୁଦି ଜାତି ନିକାଦେଲ୍ ମାଚାତ୍। ଲାତ୍ରାହି ରକାନ୍ ବିନ୍‌ଜାତିନି ମାନାୟ୍ ମାଚାନ୍।

ପକ୍ୟାତାକା 16:40

ଲାଗିଙ୍ଗ୍ ପାଉଲ ଆରେ ଶିଲା ଜଇଲ୍ ଇଞ୍ଜାଙ୍ଗ୍ ହସି ୱାଜି ଲୁଦିଆ ଇଞ୍ଜ ହାଚାର୍। ଆରେ ପାର୍ତିକିନି ଟଣ୍ଡାରିଙ୍ଗ୍ ମେହାଆଜି ହେୱାରିଙ୍ଗ୍ ସାହାସ୍ ହିନି କାତା ୱେଚ୍‌ଚି ହେବେତାଙ୍ଗ୍ ହସିହାଚାର୍।

ପକ୍ୟାତାକା 20:1

ଏପିସ ସହର୍‌ନି ମାନାୟାର୍ ଗଣ୍ଡ୍‍ଗଲ୍ କିନାକା ବନ୍ଦ୍ କିତି ପାଚେ, ପାଉଲ ଚେଲାହିରିଙ୍ଗ୍ କୁକ୍‌ଚି ସାହାସ୍ କିତାନ୍। ତାପାଚେ ହେୱାନ୍ ହେୱାର୍‌ତାଙ୍ଗ୍ ହସି ମାକଦନିଆ ଜିଲ୍ଲାତାକେ ହାଚାନ୍।

୨ କରନ୍ତିୟ 6:9

କେତ୍‌ଜାଣ୍ ମାଙ୍ଗେଙ୍ଗ୍ ହାର୍ କିଜି ପୁନ୍‌ଞ୍ଚାର୍‌ନା, ମାତର୍ କେତ୍‌ଜାଣ୍ ମାଙ୍ଗେଙ୍ଗ୍ ପୁଞ୍ଜ୍‌ୱିତିଲେକେ ବ୍ୟବହାର୍ କିଦ୍‌ନାରା। ମାନାୟାର୍ ମାଙ୍ଗେଙ୍ଗ୍ ୱିଜୁଦିନ୍ ମାର୍ନେ ଅସ୍ତେଦେଙ୍ଗ୍ ଉପାୟ୍ କିନାରା, ମାତର୍ ଆପେଙ୍ଗ୍ ନଙ୍ଗୟ୍ ପାତେକ୍ ଜିବୁନ୍ ମାନାପ୍। ମାଙ୍ଗେଙ୍ଗ୍ କେତ୍‌ହଟ୍ ମାନାୟାର୍ ଟ୍ରାକ୍ତାତାର୍‌ନା, ମାତର୍ ମାର୍ନେ ଅସ୍ତାୱାତାର୍‌ନା।