ପକ୍ୟାତାକା 14:15 - New Testament in Pengo Parja Language

¹⁵ “ଏ ଆଜ୍ଞା କାଦେର୍, ଇନା କିଦେଙ୍ଗ୍ ଇୱିଜୁ କିନାଦେରା? ଆପେଙ୍ଗ୍ ପା ମି ଲେକେ ଦୁକ୍‌ସୁକ୍‌ ପାୟାଆନି ମାନାୟ୍। ଇନେସ୍‌କି ଏପେଙ୍ଗ୍ ଇ ମୁର୍ତି ପୁଜା କିନାକା ପିସ୍ତି ଜିବୁନ୍ ମାନି ଈଶ୍ୱରତାକେ ୱାନାଦେର୍, ହେଦାଙ୍ଗ୍ କାଜିଙ୍ଗ୍ ଆପେଙ୍ଗ୍ ମି ଲାଗାୟ୍ ଇ ହାର୍ଦିକାବୁର୍ ଶୁଣାୟ୍ କିଦ୍‌ନାପା। ହେ ଈଶ୍ୱର ବାଦାଡ଼୍, ପୁର୍ତି, ହାମ୍‌ଦୁର୍ ଆରେ ହେବେ ମାନି ୱିଜୁ ଜିନିଷ୍‌ତିଙ୍ଗ୍ ରସ୍ତାନ୍‌ନା।

ସତ୍‌ ବଚନ୍‌ ପୁନି ନିୟମ୍‌

¹⁵ “ଏ ଗାଜାକାଦେର୍, ଇନାକିଦେଂ ଇ ୱିଜ଼ୁ କିନାଦେରା ? ଆପେଂ ପା ମି ଲାକେ ମାନାୟ୍‌କାପ୍, ମି ଲାଗାଂ ଇ ନେକ୍ରିକାବୁର୍‌ ପର୍‌ଚାର୍ କିତାପ୍ନା, ଇନେସ୍‌ ଏପେଙ୍ଗ୍‌ ଇ ସବୁ ଆହାର୍ ଆଡ଼୍‍ମାଡ଼୍‍ତାଂ ମାସ୍‌ଦି ଜିଜ଼ି ମାନାକା ଇସ୍ୱର୍‌ତି କାଜିଂ ମାସ୍‍ଦାନାର୍ । ହେୱାନ୍‌ ବାଦାଡ଼୍‌ତ ସବୁ, ପୁର୍ତି, ହାମ୍‌ଦୁର୍‌ ଆରି ହେ ସବୁତ ମାନି ୱିଜ଼ୁ ଉବ୍‌ଜାଣ୍‌ କିତାନ୍‌ନ୍ନା;

ପକ୍ୟାତାକା 14:15 ပူးပေါင်းရင်းမြစ်များ

ମାତିଉ 16:16

ଶିମୋନ ପିତର ୱେଚ୍‌ଚାନ୍, “ଏନେଙ୍ଗ୍ ଆନାୟା ଖ୍ରୀଷ୍ଟ। ଯିବୁନ୍ ମାନି ଈଶ୍ୱର ମେହିତି।”

ଜହନ୍‌ 5:26

ମାତର୍ ସରଗ୍‌ନି ଆବା ଆନାନା ଜିବୁନ୍‌ନି ଆଦିକାର୍ ମାନାତ୍। ହେୱାନ୍ ତା ମେହିଙ୍ଗ୍ ପା ଜିବୁନ୍‌ନି ଆଦିକାର୍ ହିତାନ୍‌ନା।

ଜହନ୍‌ 7:18

ଇମ୍‌ଣାକାନ୍ ତା ଜାର୍ କାତା ୱେଚ୍‌ନାନ୍, ହେୱାନ୍ ଜାର୍ କାଜିଙ୍ଗ୍ ସନ୍‌ମାନ୍ ଡେକ୍‌ନାନ୍। ମାତର୍ ଇନେର୍ ନାଙ୍ଗେଙ୍ଗ୍ ପକ୍ତିତି ଆବା ଈଶ୍ୱରତିଙ୍ଗ୍ ସନ୍‌ମାନ୍ ହିଦେଙ୍ଗ୍ ଇଚାକିନାନ୍, ହେୱାନ୍‌ନେ ଦରମ୍ ମାନାୟ୍ ହେୱାନ୍‌ତାକେ ଇନାକାପା ଅଦରମ୍‌ ବେଣ୍ ହିଲୁତ୍।

ପକ୍ୟାତାକା 10:26

ମାତର୍ ପିତର ହେୱାନିଙ୍ଗ୍ ନିକ୍‌ଚି ୱେଚ୍‌ଚାନ୍, “ନିଙ୍ଗା, ଆନେଙ୍ଗ୍ ପା ରକାଙ୍ଗ୍ ମାନାୟ୍ ନେ।”

ପକ୍ୟାତାକା 13:32

ମା ଆକଦାଦିରିଙ୍ଗ୍ ଈଶ୍ୱର ଇମ୍‌ଣି ଶପତ୍ କିଜି ମାଚାନ୍, ହେ ବିଷୟରେ ଆପେଙ୍ଗ୍ ମିଙ୍ଗେଙ୍ଗ୍ ଇ ହାର୍ଦିକାବୁର୍ ୱେଚ୍‌ଚାନାପା।

ପକ୍ୟାତାକା 14:21

ହେୱାର୍ ହେ ସହର୍‌ତାକେ ହାର୍ଦିକାବୁର୍ ଶୁଣାୟ୍ କିତାର୍, ଆରେ କେତେକ୍ ମାନାୟାରିଙ୍ଗ୍ ଚେଲା ରସ୍ତାର୍। ତାପାଚେ ହେୱାର୍ ଆରେରଗ ଲୁସ୍ତ୍ରା ସହର୍‌ତାକେ ହାଚାର୍। ହେବେତାଙ୍ଗ୍ ଇକନିୟ ସହର୍‌ତାକେ ହାଚାର୍, ଆରେ ହେବେତାଙ୍ଗ୍ ଆନ୍ତିୟକିଆ ସହର୍‌ତାକେ ହାଚାର୍।

ପକ୍ୟାତାକା 14:7

ଆରେ ହେୱାର୍ ହେବେ ହାର୍ଦିକାବୁର୍ ଶୁଣାୟ୍ କିଦେଙ୍ଗ୍ ଲାଗାତାର୍।

ପକ୍ୟାତାକା 16:30

ତାପାଚେ ହେୱାରିଙ୍ଗ୍ ବାର୍ତ ତାହିୱାଜି ୱେଚ୍‌ଚାନ୍, “ଆଜ୍ଞା କାଦେର୍, ରକ୍ଷା ପାୟା ଆଦେଙ୍ଗ୍ ନାଙ୍ଗେଙ୍ଗ୍ ଇନାକା କିନାକା ଆନାତ୍?”

ପକ୍ୟାତାକା 27:10

“ଆଜ୍ଞା କାଦେର୍, ଆନେଙ୍ଗ୍ ପୁନାଙ୍ଗ୍ ଯେ ଆସେଙ୍ଗ୍ ଯଦି ଜାଜ୍‌ତାକେ ଆଗେ ହାଚିସ୍ ବେସି ବିପତ୍ ଗିଟାଆଦ୍‌ନାତ୍, ଇନେସ୍‌କି ଜାଜ୍ ଆରେ ହେବେ ମାନି ଜିନିଷ୍ ଆରେ ଆସେଙ୍ଗ୍ ପା ହାନାସ୍। ଲାଗିଙ୍ଗ୍ ଆନେଙ୍ଗ୍ ବାବିକିନାଙ୍ଗା ଯେ ବିପତ୍‌ନି ସମୟ୍ ହାନିପାତେକ୍ ଇବେ ମାନ୍‌ଗାନାସ୍।”

ପକ୍ୟାତାକା 27:21

ୱିଜାକାର୍ କେତେକ୍ ଦିନ୍ ପାତେକ୍ ନାସ୍‌କି ମାଚାର୍। ଲାଗିଙ୍ଗ୍ ପାଉଲ ହେୱାର୍‌ତାକେ ନିଲ୍‌ଚି ୱେଚ୍‌ଚାନ୍, “ଆଜ୍ଞା କାଦେର୍, ନା କାତା ମାନିକିଜି କ୍ରୀତି ଦ୍ୱିପ୍‌ତାଙ୍ଗ୍ ଜାଜ୍ ରିକ୍‌ୱାଦାଙ୍ଗ୍ ମାଚିସ୍, ଏଚେକ୍ ଜିନିଷ୍ ବୁଡା ଆୱାତାତ୍‌ମା।

ପକ୍ୟାତାକା 27:25

ଲାଗିଙ୍ଗ୍ ଆଜ୍ଞା କାଦେର୍, ଶାସ୍ ଆହାଟ୍, ଈଶ୍ୱର ଇନେସ୍ ନାଙ୍ଗେଙ୍ଗ୍ ୱେଚ୍‌ଚାତାନ୍‌ନା ହେଲେକେ ନେ ଗଟାଆନାତ୍ ଇଞ୍ଜି ଆନେଙ୍ଗ୍ ଈଶ୍ୱରତାକେ ପାର୍ତି କିନାଙ୍ଗା।

ପକ୍ୟାତାକା 4:24

ହେୱାର୍ ହେ ବେଣ୍ ୱେନ୍‌ଞ୍ଜି ର ମାନ୍‌ତାଙ୍ଗ୍ ଈଶ୍ୱରତିଙ୍ଗ୍ ଗାଜାକାଟ୍ କିଜି ପାର୍ତାନା କିଜି ୱେଚ୍‌ଚାର୍, “ଏ ମାପୃ, ଏନେଙ୍ଗ୍ ବାଦାଡ଼୍, ପୁର୍ତି, ହାମ୍‌ଦୁର୍ ଆରେ ହେବେ ମାନି ୱିଜୁ ବିଷୟତିଙ୍ଗ୍ ରସ୍ତାଇନା।

ପକ୍ୟାତାକା 7:26

ତା ଆର୍‌କାତ୍ ନାଞ୍ଜିଙ୍ଗ୍ ହେୱାର୍ ଇସ୍ରାଏଲ ଜାତିନି ମାନାୟାର୍ ନେ ରିକାର୍ ମାଡ୍‌ଗଲ୍ ଆନିହିଙ୍ଗ୍ ହେୱାନ୍ ହୁଡ଼୍‌ତାନ୍। ଆରେ ହେ ରିକାରିଙ୍ଗ୍ ମେହାଇ କିଦେଙ୍ଗ୍ ଇଚାକିଜି ୱେଚ୍‌ଚାନ୍, ‘ଏପେଙ୍ଗ୍ ତ ଟଣ୍ଡ୍ରିୟାଦେର୍, ଇନା କିଦେଙ୍ଗ୍ ଜାର୍-ଜାର୍‌ବିତ୍ରେ ମାଡ୍‌ଗଲ୍ ଆନାଦେରା?’

୧ କରନ୍ତିୟ 8:4

ଲାଗିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ମୁର୍ତିକାଙ୍ଗ୍ ପୁଜାକିତି କାଦି ତିନି ବିଷୟରେ ପୁନି କିଦ୍‌ଦେଙ୍ଗ୍ ଇଚା କିଦ୍‌ନାଙ୍ଗା। ଆପେଙ୍ଗ୍ ପୁଚାପ୍‌ନା ଯେ, ଚିକ୍‌ଲାତାଙ୍ଗ୍ ରସ୍ତି ମୁର୍ତିଙ୍ଗ୍ ୱିଜୁ ସତ୍ ଈଶ୍ୱର ଆକାୟ୍ ଆରେ ହେୱିକିୟାଙ୍ଗ୍‌ ଜିବୁନ୍ ହିଲୁତ୍ ମାତର୍ ରଞ୍ଜାଙ୍ଗ୍ ନେ ସତ୍ ଈଶ୍ୱର ମାନାତ୍।

ଏପିସିୟ 4:17

ଲାଗିଙ୍ଗ୍ ଆନେଙ୍ଗ୍ ମାପୃ ଆଦିକାର୍‌ତାକେ ବିଷେସ୍‌କିଜି ଗୁୱାରି କିନାଙ୍ଗା, ପାର୍ତିକିୱାକାର୍ ଇନେସ୍ ଜାର୍-ଜାର୍ ଚିନ୍ତାତାକେ ଲାବ୍ ଆୱି ଜିବୁନ୍‌ତିଙ୍ଗ୍ କାଟିକିନାର୍, ଏପେଙ୍ଗ୍ ହେଲେକେ ଜିବୁନ୍ କାଟି କିମାଟ୍।

୧ ଥେସଲନୀକିୟ 1:9

ମାନାୟାର୍ ନିଜେ ମା ବିଷୟରେ ଇଞ୍ଜ୍‌ନାରା ଯେ, ଏଚେପାଦ୍ନା ଆପେଙ୍ଗ୍ ମିତାକେ ୱାତାପ୍ ହେପାଦ୍ନା ଇନାକା ଗଟାଆଜି ମାଚାତ୍। ଆରେ ଏପେଙ୍ଗ୍ ମୁର୍ତି ପୁଜା କିନାକା ପିସ୍ତି, ସତ୍ ଆରେ ଯିବୁନ୍ ମାନି ଈଶ୍ୱରତିଙ୍ଗ୍ ପୁଜା କିତାଦେର୍,

୧ ତିମତି 3:15

ମାତର୍ ଇନାୱେଡ଼ାଙ୍ଗ୍ ଆନେଙ୍ଗ୍ ୱାନାକା ଲେଟ୍ ଆନାତ୍, ଲାଗିଙ୍ଗ୍ ଆସେଙ୍ଗ୍ ଈଶ୍ୱର ପରିବାର୍‌ନି ମାନାୟ୍ ଆନି କାଜିଙ୍ଗ୍ ଇନେସ୍‌ଆଜି ମାନାକା ମାନାତ୍ ହେ ବିଷୟରେ ପୁନି ଦର୍‌କାର୍, ହେଦାଙ୍ଗ୍ କାଜିଙ୍ଗ୍ ଇ ଚିଟି ଲେକିକିତାଙ୍ଗ୍‌ନା। ଜିବୁନ୍ ମାନି ଈଶ୍ୱରନି ମଣ୍ଡ୍‌ଲି ଆନାତା ଈଶ୍ୱରନି ପରିବାର୍। ର ଇଲ୍‌ତିଙ୍ଗ୍ ପାଉଣ୍ଡେସେନ୍ ଆରେ ପିଲେର୍ ଇନେସ୍ ସପଟ୍ ଆରେ ବାଡ଼୍‌କାସ୍ କିନାତ୍, ହେଲେକେ ଈଶ୍ୱରତିଙ୍ଗ୍ ପାର୍ତିକିନି ମାନାୟାର୍ ପା ସତ୍ ହିକ୍ଷାତିଙ୍ଗ୍ ସପଟ୍ ଆରେ ପାର୍ତି କିଜି ମାନି ଦର୍‌କାର୍।

ଏବ୍ରି 3:12

ଲାଗିଙ୍ଗ୍ ଏ ପାର୍ତିକିନି ଟଣ୍ଡାର୍‌କାଦେର୍, ଜାଗ୍ରତ୍ ଆଜି ମାନାଟ୍, ମି ଗରବ୍ ଜିବୁନ୍ ମାନି ଈଶ୍ୱରତିଙ୍ଗ୍ ଆହ୍‌ୱାଦାଙ୍ଗ୍, କରାପ୍ ଆରେ ପାର୍ତିକିୱି ମାନାୟ୍ ଲେକେ ଆମେତ୍।

ଜାକ୍‌ବ 5:17

ଏଲିୟ ଭବିଷ୍ଯତବକ୍ତା ବିଷୟରେ ବାବିକିଜି ହୁଡ଼ାଟ୍, ହେୱାନ୍ ପା ମା ଲେକେ ର ମାନାୟ୍ ମାଚାନ୍। ମାତର୍ ହେୱାନ୍ ଏଚେପାଦ୍ନା ର ମାନ୍‌ଆଜି ବାର୍ହା ଆୱି କାଜିଙ୍ଗ୍ ପାର୍ତାନା କିତାନ୍, ଲାଗିଙ୍ଗ୍ ତିନ୍ ବାର୍ହୁ ଚଅ ମାସ୍ ପାତେକ୍ ଇସ୍ରାଏଲ ଦେସ୍‌ତ ବାର୍ହା ଆୱାତାତ୍।

ହତ୍‌ତି 14:7

ହେୱାନ୍ ଇଲେକେ ଗାଜାକାଟ୍ କିଜି ୱେଚ୍‌ଚାନ୍ “ଏପେଙ୍ଗ୍ ଈଶ୍ୱରତିଙ୍ଗ୍ ପାଣ୍ଡ୍ରାଆଡ ଆରେ ହେୱାନିଙ୍ଗ୍ ଗୌରବ କିୟାଟ୍। ଇନେସ୍‌କି ହେୱାନ୍ ବିଚାର୍‌କିନି ବାହାତାକେ କୁଚ୍‌ଚି ବିଚାର୍‌କିନି ଦିନ୍ ୱାତାତେ। ଏପେଙ୍ଗ୍ ତାଙ୍ଗେଙ୍ଗ୍ ପୁଜା କିୟାଟ୍, ଇନେସ୍‌କି ହେୱାନ୍ ବାଦାଡ଼୍, ପୁର୍ତି, ହାମ୍‌ଦୁର୍ ଆରେ ଜାରିଆ ଏଜୁଙ୍ଗ୍ ଉବ୍‌ଜାଇ କିତାନ୍‌ନା।”

ହତ୍‌ତି 19:10

ତାପାଚେ ଆନେଙ୍ଗ୍ ହେ ଦୁତ୍ କାଲ୍‌ପାନାତାକେ ମୁଣ୍ଡିଆ ଇଡ଼୍‌ଜି ପୁଜା କିତାଙ୍ଗ୍, ମାତର୍ ହେୱାନ୍ ନାଙ୍ଗେଙ୍ଗ୍ ୱେଚ୍‌ଚାତାତ୍, “ଆକାୟ୍ ନାଙ୍ଗେଙ୍ଗ୍ ମୁଣ୍ଡିଆ ଇଡ଼୍‌ଦାମା। ଇନେସ୍‌କି ଆନେଙ୍ଗ୍ ପା ନିଲେକେ ଆରେ ଜେକନି ଟଣ୍ଡାର୍‌ଲେକେ ଈଶ୍ୱର ଦାସ୍ ଇମ୍‌ଣି ମାନାୟାର୍ ଯୀଶୁଙ୍ଗ୍ ପାର୍ତିକିନାରା ଇଞ୍ଜି ପୁନାରା ଲାଗିଙ୍ଗ୍ ଏନେଙ୍ଗ୍ ଈଶ୍ୱରତିଙ୍ଗ୍ ପୁଜାକିୟା। ଇନେସ୍‌କି ପବିତ୍ର ଆତ୍ମା ହେ ମାନାୟ୍ ଇନେର୍ ମାନାୟାରିଙ୍ଗ୍ ଯୀଶୁ ଖ୍ରୀଷ୍ଟ ସତ୍ ବିଷୟ ଶୁଣାୟ୍ କିଦେଙ୍ଗ୍ ସାଇଜ କିନାତା।”

ହତ୍‌ତି 19:19

ତାପାଚେ ହେ ପଶୁତିଙ୍ଗ୍ ହାମ୍‌ଦୁର୍‌ତାଙ୍ଗ୍ ହସି ୱାନାକା ଆନେଙ୍ଗ୍ ହୁଡ଼୍‌ତାଙ୍ଗ୍। ଆରେ ହେ ପଶୁ ଡ଼ିଞ୍ଜ୍‌ନି ଗଡ଼ା ଜପି କୁଚ୍‌ଚି ମାନାୟ୍ ବିରଦ୍‌ତାକେ ଆରେ ତା ସେନାର୍ ବିରଦ୍‌ତାକେ ଯୁଜ୍ କିନି କାଜିଙ୍ଗ୍ ପୁର୍ତିନି ୱିଜୁ ରାଜାରିଙ୍ଗ୍ ଆରେ ରାଜାର୍ ସେନାରିଙ୍ଗ୍ ରବେ ରୁଣ୍ଡାୟ୍ କିତାତ୍।

ହତ୍‌ତି 22:9

ମାତର୍ ହେ ଦୁତ୍ ନାଙ୍ଗେଙ୍ଗ୍ ଆରେରଗ ୱେଚ୍‌ଚାତାତ୍, “ଆକାୟ୍, ନାଙ୍ଗେଙ୍ଗ୍ ମୁଣ୍ଡିଆ ଇଡ଼୍‌ଦାମା। ଇନେସ୍‌କି ଆନେଙ୍ଗ୍ ପା ନିଲେକେ ଆରେ ଜେକନି ଟଣ୍ଡାର୍‌ଲେକେ ଇ ଈଶ୍ୱର ସାସ୍ତର୍‌ତିଙ୍ଗ୍ ମାନିକିଜି ଭବିଷ୍ଯତବକ୍ତା ଇମ୍‌ଣି ମାନାୟାର୍ ଯୀଶୁଙ୍ଗ୍ ପାର୍ତିକିନାରା ଇଞ୍ଜି ପୁନିକିନାତା ଲାଗିଙ୍ଗ୍ ଏନେଙ୍ଗ୍ ଈଶ୍ୱରତିଙ୍ଗ୍ ପୁଜାକିୟା।”

ହତ୍‌ତି 4:11

“ମା ମାପୃ, ଈଶ୍ୱର, ଏନେଙ୍ଗ୍ ଜୟ୍-ଜୟ୍ ପାୟାଆନି ଦର୍‌କାର୍। ଏନେଙ୍ଗ୍ ସନ୍‌ମାନ୍ ପାୟାଆନି ଦର୍‌କାର୍ ଆରେ ନିଙ୍ଗେଙ୍ଗ୍ ଶାକ୍ତି ମାଚି କାଜିଙ୍ଗ୍ ୱିଜୁ ଜିନିଷ୍ ଉବ୍‌ଜାଇ କିତାୟ୍‍ନା। ଏନେଙ୍ଗ୍ ଇଚାକିତି କାଜିଙ୍ଗ୍ ହେ ୱିଜୁ ଜିନିଷ୍‌ତିଙ୍ଗ୍ ଉବ୍‌ଜା ଆତାତ୍‌ନା ଆରେ ମାନାତା।”