ପକ୍ୟାତାକା 14:1 - New Testament in Pengo Parja Language

¹ ଇକନିୟ ସହର୍‌ତାକେ ପା ହେଲେକେ ଗଟାଆତାତ୍, ପାଉଲ ଆରେ ବର୍ଣ୍ଣବା ଯିହୁଦିର୍ ପାର୍ତାନା ଇଞ୍ଜ ହଣ୍‌ଜି ଯୀଶୁ ବିଷୟରେ ହିକ୍ଷା ହିତାର୍, ଯିହୁଦିର୍ ଆରେ ବିନ୍‌ଜାତିନି ମାନାୟାର୍ ବିତ୍ରେତାଙ୍ଗ୍ ବେସିହେନି ଯୀଶୁତାକେ ପାର୍ତି କିତାର୍।

ସତ୍‌ ବଚନ୍‌ ପୁନି ନିୟମ୍‌

¹ ଇକନିୟତ ପା ହେ ଲାକେ ଗିଟାତାତ୍; ପାଉଲ୍‌ ଆରି ବର୍ଣ୍ଣବା ଜିହୁଦିର୍‌ ପାର୍ତାନା ଇଞ୍ଜ ହଣ୍‌ଜି ଏଲେଙ୍ଗ୍‌ ପର୍‌ଚାର୍‌ କିତାର୍‌ ଜେ, ଜିହୁଦି ଆରି ଗ୍ରିକ୍‌ତି ବିତ୍ରେ ବେସି ଲକୁ ପାର୍ତି କିତାର୍‌ ।

ପକ୍ୟାତାକା 14:1 ပူးပေါင်းရင်းမြစ်များ

ମାର୍କ 7:26

ହେଦେଲ୍ ଗ୍ରୀକ୍ ଜାତିନି କଗ୍‌ଲେ ମାଚାତ୍। ହେଦେଲ୍ ସିରିୟା ଜିଲ୍ଲାନି ଫଇନିସିୟା ବାହାତାକେ ଜନମ୍ ଆଜି ମାଚାତ୍। ତା ଗାଡ଼୍‍ହିଙ୍ଗ୍ ବୁତ୍ଆତ୍ମା ପିହିକିନି କାଜିଙ୍ଗ୍ ହେ କଗ୍‌ଲେ ଯୀଶୁଙ୍ଗ୍ ଗୁୱାରି କିତାତ୍।

ଜହନ୍‌ 12:20

ନିସ୍ତାର୍ ପାର୍ବୁ ତିନିହିଙ୍ଗ୍ ପୁଜା କିଦେଙ୍ଗ୍ ଯିରୁଶାଲାମ ସହର୍‌ତାଙ୍ଗ୍ ହାଲ୍‌ଜି ମାଚି ମାନାୟାର୍ ବିତ୍ରେତାଙ୍ଗ୍ କେତ୍‌ଜାଣ୍ ବିନ୍‌ଜାତିନି ମାନାୟ୍ ମାଚାର୍।

ଜହନ୍‌ 7:35

ଯିହୁଦିର୍ ଜାର୍-ଜାର୍ ୱେଚ୍‌ପା ୱେଚ୍‌ପି ଆତାର୍, “ଇୱାନ୍ ଇମେତାକେ ହାନାନ୍ ଆସେଙ୍ଗ୍ ଇୱାନିଙ୍ଗ୍ ଗାଟାଆଉସ୍? ଇୱାନ୍ ଇନାକା ବିନ୍‌ଜାତିନି ନାସ୍‌କୁକାଙ୍ଗ୍ ହାଲ୍‌ଜି ହିକ୍ଷାହିଦେଙ୍ଗ୍ ହତାନ୍‌ନା କି? ଇମେତାକେ ମା ବିଚାଆତି ଲକ୍‌ବାକ୍ ମାନାର୍।

ପକ୍ୟାତାକା 11:21

ଆରେ ହେୱାର୍ ହୁଦାଙ୍ଗ୍ ଈଶ୍ୱର ଶାକ୍ତି ମାନାତ୍, ହେଦାଙ୍ଗ୍ କାଜିଙ୍ଗ୍ ହେୱାର୍ ୱେଚ୍‌ଚି କାବୁର୍ ୱେନ୍‌ଞ୍ଜି ବିନ୍‌ଜାତିର୍ ବେସିହେନି ମାନାୟାର୍ ଯୀଶୁତାକେ ପାର୍ତି କିତାର୍।

ପକ୍ୟାତାକା 13:43

ପାର୍ତାନା ଇଲ୍‌ନି ମିଟିଙ୍ଗ୍ ୱିସ୍ତି ପାଚେ ଯିହୁଦି ଦରମ୍ ମାନିକିନି ବିନ୍‌ଜାତିନି ମାନାୟାର୍ ବିତ୍ରେତାଙ୍ଗ୍ କେତେକ୍ ମାନାୟାର୍ ପାଉଲ ଆରେ ବର୍ଣ୍ଣବା ପାଚେ-ପାଚେ ହାଚାର୍। ହେୱାର୍ ହେୱାରିଙ୍ଗ୍ କେତେକ୍ କାତା ୱେଚ୍‌ଚି ସାହାସ୍ କିୟିକିତାର୍, ଆରେ ଈଶ୍ୱର ଦୟାତାଙ୍ଗ୍ ତିର୍‌ଆଜି ମାଞ୍ଜେଙ୍ଗ୍ ୱେଚ୍‌ଚାର୍।

ପକ୍ୟାତାକା 13:46

ପାଉଲ ଆରେ ବର୍ଣ୍ଣବା ହେୱାରିଙ୍ଗ୍ ସାହାସ୍‌ଆଜି ୱେଚ୍‌ଚାର୍, “ପାର୍ତୁମ୍ ମିଙ୍ଗେଙ୍ଗ୍ ଈଶ୍ୱର କାତା ୱେଚ୍‌ନାକା ମାଚାତ୍। ମାତର୍ ଏପେଙ୍ଗ୍ ହେଦାଙ୍ଗ୍‌ତିଙ୍ଗ୍ ମାନି କିଉଦେରା, ଆରେ ଏପେଙ୍ଗ୍ ୱିଜ୍‌ୱି ଜିବୁନ୍ ପାୟା ଆଦେଙ୍ଗ୍ ଇଚା କିଉଦେରା। ଲାଗିଙ୍ଗ୍ ଆପେଙ୍ଗ୍ ବିନ୍‌ଜାତିର୍‌ତାକେ ହାନାପା।

ପକ୍ୟାତାକା 13:5

ହେୱାର୍ ସାଲାମି ସହର୍‌ତାକେ ଏକିତି ପାଚେ, ଯିହୁଦିର୍ ପାର୍ତାନା ଇଲ୍‌କୁକାଙ୍ଗ୍ ହାଲ୍‌ଜି ଈଶ୍ୱର କାତା ଶୁଣାୟ୍ କିଦେଙ୍ଗ୍ ଲାଗାତାର୍। ଆରେ ଯୋହନ ହେୱାରିଙ୍ଗ୍ ସାଇଜ କିଜି ମାଚାନ୍।

ପକ୍ୟାତାକା 13:51

ଲାଗିଙ୍ଗ୍ ଈଶ୍ୱର ହେୱାରିଙ୍ଗ୍ ଦଣ୍ଡ୍ ହିୟେନ୍ ଇଞ୍ଜି ପାଉଲ ଆରେ ବର୍ଣ୍ଣବା ଜାର୍ କାଲ୍ ପାନାନି ଦୁଡ଼ି ଡ଼ାତ୍‌ତାର୍। ପାଚେ ହେୱାର୍ ଇକନିୟ ସହର୍‌ତାକେ ହାଚାର୍।

ପକ୍ୟାତାକା 14:19

ଆନ୍ତିୟକିଆ ସହର୍ ଆରେ ଇକନିୟ ସହର୍‌ତାଙ୍ଗ୍ କେତେକ୍ ଯିହୁଦିର୍ ହେବେ ୱାଜି ମାନାୟାରିଙ୍ଗ୍ ତାପଣ୍ କିତାର୍। ହେୱାର୍ ପାଉଲତିଙ୍ଗ୍ କାଲ୍‌କୁ ଇଡ଼୍‌ତାର୍, ଆରେ ହେୱାର୍ ପାଉଲ ହାଃତାନ୍ ଇଞ୍ଜି ବାବିକିଜି ବାର୍ତ ନିର୍‌ଚି ଅତାର୍।

ପକ୍ୟାତାକା 14:2

ମାତର୍ ଇମ୍‌ଣି ଯିହୁଦି ମାନାୟାର୍ ପାର୍ତି କିୱାତାର୍, ହେୱାର୍ ବିନ୍‌ଜାତିନି ମାନାୟାରିଙ୍ଗ୍ ପାର୍ତି କିନାକାର୍ ମାନାୟାର୍ ବିରୁଦ୍‌ତାକେ ଉସ୍‌କାଇ କିତାର୍। ଲାଗିଙ୍ଗ୍ ବିନ୍‌ଜାତିନି ଟଣ୍ଡାରିଙ୍ଗ୍ ରିସାଆତାର୍।

ପକ୍ୟାତାକା 14:21

ହେୱାର୍ ହେ ସହର୍‌ତାକେ ହାର୍ଦିକାବୁର୍ ଶୁଣାୟ୍ କିତାର୍, ଆରେ କେତେକ୍ ମାନାୟାରିଙ୍ଗ୍ ଚେଲା ରସ୍ତାର୍। ତାପାଚେ ହେୱାର୍ ଆରେରଗ ଲୁସ୍ତ୍ରା ସହର୍‌ତାକେ ହାଚାର୍। ହେବେତାଙ୍ଗ୍ ଇକନିୟ ସହର୍‌ତାକେ ହାଚାର୍, ଆରେ ହେବେତାଙ୍ଗ୍ ଆନ୍ତିୟକିଆ ସହର୍‌ତାକେ ହାଚାର୍।

ପକ୍ୟାତାକା 16:1

ତାପାଚେ ପାଉଲ ଆରେ ଶିଲା ଦର୍ବି ସହର୍‌ତାକେ ହାଚାର୍। ପାଚେ ହେୱାର୍ ଲୁସ୍ତ୍ରା ସହର୍‌ତାକେ ହାଚାର୍। ହେବେ ତିମତି ତର୍‍ଦାକାନ୍ ରକାନ୍ ପାର୍ତିକିନି ଚେଲାହି ମାଚାନ୍। ତା ତେହି ରଞ୍ଜେଲ୍ ପାର୍ତି କିନାକାଦେଲ୍ ମାଚାତ୍, ହେଦେଲ୍ ଯିହୁଦି ଜାତି ନିକାଦେଲ୍ ମାଚାତ୍। ଲାତ୍ରାହି ରକାନ୍ ବିନ୍‌ଜାତିନି ମାନାୟ୍ ମାଚାନ୍।

ପକ୍ୟାତାକା 16:2

ଲୁସ୍ତ୍ରା ସହର୍ ଆରେ ଇକନିୟ ସହର୍‌ତାକେ ମାନି ପାର୍ତିକିନି ଟଣ୍ଡାର୍ ତିମତି ବିଷୟରେ ହାର୍ ଇଞ୍ଜି ୱେଚ୍‌ଚି ମାଚାର୍।

ପକ୍ୟାତାକା 17:12

ଲାଗିଙ୍ଗ୍ ବେସିହେନି ଯିହୁଦି ମାନାୟାର୍ ଆରେ ଜଣାସୁଣା ଗ୍ରୀକ୍ ଜାତିନି କଗ୍‌ଲେ ଆରେ ଆଣ୍ଡ୍ରାଙ୍ଗ୍ ପାର୍ତି କିତାର୍।

ପକ୍ୟାତାକା 17:17

ଲାଗିଙ୍ଗ୍ ପାଉଲ ପାର୍ତାନା ଇଞ୍ଜ ଯିହୁଦିରିଙ୍ଗ୍ ଆରେ ଯିହୁଦି ଦରମ୍‌ତିଙ୍ଗ୍ ମାନିକିନି ବିନ୍‌ଜାତିରିଙ୍ଗ୍ ଆରେ ସହର୍ ଚକ୍‌ତାକେ ଇମ୍‌ଣାକାର୍ ତା ହୁଦାଙ୍ଗ୍ ଗିଟାଆଜି ମାଚାର୍, ହେୱାର୍ ହୁଦାଙ୍ଗ୍ ଯୀଶୁ ବିଷୟରେ ଆଲ୍‌ଚାନା କିଜି ମାଚାନ୍।

ପକ୍ୟାତାକା 17:4

ଲାଗିଙ୍ଗ୍ ହେୱାର୍ ବିତ୍ରେତାଙ୍ଗ୍ କେତ୍‌ଜାଣ୍ ଯିହୁଦି ମାନାୟାର୍ ପାର୍ତି କିଜି ପାଉଲ ଆରେ ଶିଲା ହୁଦାଙ୍ଗ୍ ମେହାଆତାର୍। ଆରେ ଯିହୁଦି ଦରମ୍‌ତିଙ୍ଗ୍ ମାନିକିନି ବିନ୍‌ଜାତିନି କେତେକ୍ ମାନାୟାର୍ ଆରେ ଈଶ୍ୱରତିଙ୍ଗ୍ ପାଣ୍ଡ୍ରାଆନି କେତେକ୍ କଗ୍‍ଲେକ୍ ପାର୍ତି କିଜି ହେୱାର୍ ହୁଦାଙ୍ଗ୍ ମେହାଆତାର୍।

ପକ୍ୟାତାକା 18:4

ପାଉଲ ୱିଜୁ ଜମ୍‌ନିଦିନ୍‌ ପାର୍ତାନା ଇଞ୍ଜ ହାଲ୍‌ଜି ମାଚାନ୍। ଆରେ ହେୱାନ୍ ଯିହୁଦି ଆରେ ବିନ୍‌ଜାତିନି ମାନାୟାର୍ ହୁଦାଙ୍ଗ୍ ଆଲ୍‌ଚାନା କିଜି ଯୀଶୁତାକେ ପାର୍ତିକିନି କାଜିଙ୍ଗ୍ ଉପାୟ୍ କିଜି ମାଚାନ୍।

ପକ୍ୟାତାକା 18:8

ତାପାଚେ ପାର୍ତାନା ଇଲ୍‌ନି ମୁକ୍ୟା କ୍ରିଷ୍ପ ଆରେ ତା ପରିବାର୍‌ନି ମାନାୟାର୍‌ ମାପୃତାକେ ପାର୍ତି କିତାର୍। ଆରେ ପାଉଲ କାତା କରନ୍ତିୟ ସହର୍‌ତାକେ ମାନି କେତେକ୍ ମାନାୟ୍ ପାର୍ତି କିତାର୍, ଆରେ ଡୁବନ୍ ଅତାର୍।

ପକ୍ୟାତାକା 19:10

ଦୁଇ ବାର୍ହୁ ପାତେକ୍ ହେୱାନ୍ ହେ ସ୍କୁଲ୍‌ତାକେ ହିକ୍ଷା ହିତାନ୍। ଲାଗିଙ୍ଗ୍ ଏସିଆ ଜିଲ୍ଲାନି କେତେକ୍ ଯିହୁଦି ଆରେ ବିନ୍‌ଜାତିନି ମାନାୟାର୍ ମାପୃ କାତା ୱେଚାର୍।

ପକ୍ୟାତାକା 19:17

ଏପିସ ସହର୍‌ତାକେ ମାନି ଯିହୁଦି ଆରେ ବିନ୍‌ଜାତିନି ମାନାୟାର୍ ଇବେଣ୍ ୱେଚାର୍। ଲାଗିଙ୍ଗ୍ ହେୱାର୍ ପାଣ୍ଡ୍ରା ଆତାର୍, ଆରେ ମାପୃ ଯୀଶୁ ତର୍‌ଦିଙ୍ଗ୍ ଜୟ୍-ଜୟ୍ କିତାର୍।

ପକ୍ୟାତାକା 19:8

ପାଚେ ପାଉଲ ପାକାପାକି ତିନ୍‌ମାସ୍‌ ପାତେକ୍ ପାର୍ତାନା ଇଞ୍ଜ ହାଲ୍‌ଜି ମାଚାନ୍। ହେୱାର୍ ଇନେସ୍ ଈଶ୍ୱର ସାସନ୍ କିନି ରାଜି ବିଷୟରେ ପାର୍ତିକିନାର୍ ହେଦାଙ୍ଗ୍ କାଜିଙ୍ଗ୍ ହେୱାର୍ ହୁଦାଙ୍ଗ୍ ଆଲ୍‌ଚାନା କିଜି ମାଚାନ୍।

ପକ୍ୟାତାକା 2:47

ମାତର୍ ୱିଜାକାରିଙ୍ଗ୍ ସାଙ୍ଗ ଆଜି ମାଚାର୍, ଆରେ ଈଶ୍ୱର ରକ୍ଷା କିନି ମାନାୟାରିଙ୍ଗ୍, ୱିଜୁଦିନ୍ ମଣ୍ଡ୍‌ଲି ହୁଦାଙ୍ଗ୍ ମେହାଇ କିଦେଙ୍ଗ୍ ଲାଗାତାର୍।

ପକ୍ୟାତାକା 20:21

ପାପ୍ କାମାୟ୍ ପିସ୍ତି ଈଶ୍ୱରତାକେ ୱାଦେଙ୍ଗ୍ ଆରେ ମା ମାପୃ ଯୀଶୁତାକେ ପାର୍ତିକିନି କାଜିଙ୍ଗ୍, ଯିହୁଦି ଆରେ ବିନ୍‌ଜାତିନି ମାନାୟାରିଙ୍ଗ୍ ଶୁଣାୟ୍ କିତ୍‌ତାଙ୍ଗ୍‌ନା।

ପକ୍ୟାତାକା 21:28

“ଏ ଇସ୍ରାଏଲ ଜାତିନି ମାନାୟ୍ କାଦେର୍! ମାଙ୍ଗେଙ୍ଗ୍ ସାଇଜ କିଦାଟ୍! ଇୱାନ୍‌ନେ ମା ଜାତି, ମା ନିୟମ୍ ସାସ୍ତର୍ ଆରେ ଇ ମନ୍ଦିର୍‌ ବିରୁଦ୍‌ରେ ୱିଜାକାରିଙ୍ଗ୍ ହିକ୍ଷା ହିଜିମାନ୍‌ଞ୍ଚାନ୍। ଆରେ ହେୱାନ୍ ବିନ୍‌ଜାତିନି ମାନାୟାରିଙ୍ଗ୍ ଈଶ୍ୱର ମାନି ମନ୍ଦିର୍‌ ବିତ୍ରେ ତାସି ଇ ପବିତ୍ର ବାହାତିଙ୍ଗ୍ ଅପବିତ୍ର କିତାନ୍‌ନା।”

ପକ୍ୟାତାକା 9:20

ଶାଉଲ ଦମେସକ ସହର୍‌ତାକେ ମାନିହିଙ୍ଗ୍ ନେ ପାର୍ତାନା ଇଲ୍‌କୁକାଙ୍ଗ୍ ହାଲ୍‌ଜି ଯୀଶୁ ନେ ଈଶ୍ୱର ମେହି ଇଞ୍ଜି ଶୁଣାୟ୍ କିଦେଙ୍ଗ୍ ଲାଗାତାନ୍।

ରୋମିୟ 1:16

ଆନେଙ୍ଗ୍ ପୁରାପୁରି ବାବ୍‌ରେ ଖ୍ରୀଷ୍ଟତି ହାର୍ଦିକାବୁର୍‌ତିଙ୍ଗ୍ ପାର୍ତି କିନାଙ୍ଗା। ଇନେସ୍‌କି ହେଦାଙ୍ଗ୍ ୱିଜୁ ମାନାୟ୍‌ତିଙ୍ଗ୍ ଉଦାର୍ କିନି ଈଶ୍ୱରତି ଶାକ୍ତି, ଏଚେଜାଣ୍ ହାର୍ଦିକାବୁର୍‌ତିଙ୍ଗ୍ ପାର୍ତିକିନାର୍। ପାର୍ତୁମ୍ ଯିହୁଦି ମାନାୟ୍‌ତିଙ୍ଗ୍ ଉଦାର୍ କିଦେଙ୍ଗ୍ ଆରେ ପାଚେ ବିନ୍‌ଜାତିରିଙ୍ଗ୍ ଉଦାର୍ କିନାତ୍।

ରୋମିୟ 10:12

ଯିହୁଦି ଜାତିନି ମାନାୟାର୍ ଆୟେର୍ କି ବିନ୍‌ଜାତିନି ମାନାୟାର୍ ଆଏର୍ ହାମାନ୍ ସନ୍‌ମାନ୍ ପାୟାଆନାର୍‌। ହେୱାର୍ ୱିଜାର୍ ର ଈଶ୍ୱରତିଙ୍ଗ୍ ନେ ପାର୍ତିକିନାରା, ଏଚେପାଦ୍ନା ହେୱାର୍ ଈଶ୍ୱରତିଙ୍ଗ୍ ପାର୍ତାନା କିଜି ଇନାକା ଏନ୍‌ନାର୍। ଲାଗିଙ୍ଗ୍ ହେୱାନ୍ ହେୱାରିଙ୍ଗ୍ ଦୟା କିନାନ୍‌।

ଗାଲାତିୟ 2:3

ତିତସ ରକାନ୍ ବିନ୍‌ଜାତିନି ମାନାୟ୍, ହେୱାନ୍ ନା ହୁଦାଙ୍ଗ୍ ମାଚାନ୍। ମାତର୍ ନେତାର୍ ହେୱାନିଙ୍ଗ୍ ସୁନତ ବିଦି ମାନି କିଦେଙ୍ଗ୍ ଜବର୍‌ଦସ୍ତି କିୱାତାର୍।

ଗାଲାତିୟ 3:28

ଲାଗିଙ୍ଗ୍ ଯିହୁଦି ଜାତି କି ବିନ୍‌ଜାତି, ଦାସ୍ କି ଦାସ୍ ଆୱିତି ମାନାୟ୍, ଆଣ୍ଡ୍ରା କି କଗ୍‌ଲେ ବିତ୍ରେ ଇନାକା ପା ଜେକ ଆକାୟ୍। ଇନେସ୍‌କି ଏପେଙ୍ଗ୍ ଯୀଶୁ ଖ୍ରୀଷ୍ଟତାକେ ରବେ ଆତାଦେର୍‌ନା।

କଲସିୟ 3:11

ଇଦାଙ୍ଗ୍ କାଜିଙ୍ଗ୍ ବିନ୍‌ଜାତି କି ଯିହୁଦି ଜାତିର୍ ବିତ୍ରେ, ସୁନତ ବିଦି ମାନିକିନାକାର୍ କି ମାନିକିୱାକାର୍, ବାର୍ ଦେସ୍‌ତାକାର୍‌ କି ଆଦିବାସିନି ମାନାୟାର୍, ଦାସ୍ କି ଦାସ୍ ଆୱି ମାନାୟାର୍ ବିତ୍ରେ ଇନା ବେଦ୍‌ବାବ୍ ଆକାୟ୍। ମାତର୍ ଖ୍ରୀଷ୍ଟ ନେ ୱିଜୁତାଙ୍ଗ୍ ମୁକ୍ଯା ଆରେ ହେୱାନ୍ ତାଙ୍ଗେଙ୍ଗ୍ ପାର୍ତିକିନି ମାନାୟାର୍‌ତାକେ ବାହା କିନାନ୍।

୨ ତିମଥି 3:11

ମାନାୟାର୍ ନାଙ୍ଗେଙ୍ଗ୍ ଦୁକ୍‌କଷ୍ଟ ଆରେ ବେସିଦୁକ୍ ହିତାର୍‌ନା। ଆନ୍ତିୟକିଆ, ଇକନିୟ ଆରେ ଲୁସ୍ତ୍ରା ସହର୍‌କୁକାଙ୍ଗ୍ ନା ହୁଦାଙ୍ଗ୍ ଇନାକା ୱିଜୁ ଗଟାଆତାତ୍‌ନା ହେ ବିଷୟରେ ଏପେଙ୍ଗ୍ ପୁଚାଦେର୍‌ନା। ଆନେଙ୍ଗ୍ ହେ ୱିଜୁ ମାନିକିଜି ମାଚାଙ୍ଗ୍, ଆରେ ମାପୃ ନାଙ୍ଗେଙ୍ଗ୍ ହେ ୱିଜୁତାଙ୍ଗ୍ ଉଦାର୍ କିଜି ମାନ୍‌ଞ୍ଚାନ୍।