ପକ୍ୟାତାକା 13:6 - New Testament in Pengo Parja Language

⁶ ହେୱାର୍ ୱିଜାକାର୍ ସାଇପ୍ରସ୍ ଦ୍ୱିପନି ସହର୍‌ତାକେ ହାଚି ପାଚେ, ପାଫ ସହର୍‌ତାକେ ୱାତାର୍। ହେବେ ହେୱାର୍ ବର୍ଯିଶୁ ତର୍‌ଦାକାନିଙ୍ଗ୍ ଗୁଣିଆ କାମାୟ୍ କିନି ର ମିଚ୍‌ୱା ଭବିଷ୍ଯତବକ୍ତାଙ୍ଗ୍ ଗିଟାଆତାର୍। ହେୱାନ୍ ରକାନ୍ ଯିହୁଦି ଜାତିନି ମାନାୟ୍ ମାଚାନ୍।

ସତ୍‌ ବଚନ୍‌ ପୁନି ନିୟମ୍‌

⁶ ଆରେ, ହେୱାର୍‌ ୱିଜ଼ୁ ଏସ୍‍କୁପ୍‍ଲି ବୁଲା ଆଜ଼ି ପାପତ ୱାଜ଼ି ରୱାନ୍‌ ଚୁଟ୍‍କି ଚାକ୍ରାୟ୍‌ ବେଣ୍‌ବାକ୍‌ଣାୟ୍‌କିନାନ୍‌ନିଂ ହୁଡ଼୍‌ତାର୍‌; ହେୱାନ୍‌ ରୱାନ୍‌ ଜିହୁଦି, ଆରେ ତା ତର୍‌ ବର୍ଜିସୁ ।

ପକ୍ୟାତାକା 13:6 ပူးပေါင်းရင်းမြစ်များ

ମାତିଉ 16:17

ହେବେତାଙ୍ଗ୍ ଯୀଶୁ ଶିମୋନ ପିତରତିଙ୍ଗ୍ ୱେଚ୍‌ଚାନ୍, “ଏ ଯୁନସ୍‌ ମେହି ଶିମୋନ, ଏନେଙ୍ଗ୍ ଦନ୍ୟ, ଇନେସ୍‌କି ମାନାୟ୍‌ନି କଚଣ୍‌ତ ଇ କାତା ୱେଚ୍‌ୱାତାର୍‌ନା। ମାତର୍ ନା ସରଗ୍‌ନି ଆବା ଇ କାତା ୱେଚ୍‌ଚାତାନ୍‌ନା।

ମାତିଉ 24:24

ମିଚ୍‌ୱା ଖ୍ରୀଷ୍ଟ ଆରେ ମିଚ୍‌ୱା ଭବିଷ୍ଯତବକ୍ତାର୍ ଚଞ୍ଜିଆଆଦ୍‌ନାର୍। ଆରେ ହେୱାର୍ ଗାଜାଗାଜା କାମାୟ୍ କିନାର୍ ଆରେ ଚାନିଆ କାମାୟ୍ କିଜି ଈଶ୍ୱର ବାଚିକିତି ମାନାୟାରିଙ୍ଗ୍ ପା ବୁଲ୍‌କାଇ କିନାର୍।

ମାତିଉ 7:15

ମିଚ୍‌ୱା ଭବିଷ୍ଯତବକ୍ତାତାଙ୍ଗ୍ ସାବ୍‌ଦାନ୍ ଆଜି ମାନାଟ୍, ଇନେର୍‌କି ଦରମ୍ ମେଣ୍ଢାଲେକେ ଦରମ୍‌ଆଜି ୱାନାର୍। ମାତର୍ ହେୱାର୍ ହାତ୍‌ପା ହୁଣ୍ଡେର୍ ଲେକେ ନଷ୍ଟ କିଦ୍‌ନାର୍।

ମାର୍କ 10:46

ଯୀଶୁ ଆରେ ତା ଚେଲାହିର୍ ଯିରିହୋ ସହର୍‌ତାକେ ୱାତାର୍, ହେୱାର୍ ହେ ସହର୍‌ତାଙ୍ଗ୍ ହାନିହିଙ୍ଗ୍ ବେସିହେନି ମାନାୟ୍ ତାପାଚେ ପାଚେ ର କାଣା ବିକାରିଙ୍ଗ୍ ଆସ୍ତି ହାଚାର୍, ଇନେର୍‌କି ଟିମାୟର୍ ମେହି ବାର୍ଟିମୟ୍ ତର୍‍ଦାକାନ୍ ରକାନ୍ କାଣା ବିକାରି ହାଜି ଲାଗାୟ୍ କୁଚ୍‌ଚି ମାଚାନ୍।

ପକ୍ୟାତାକା 13:13

ପାଉଲ ଆରେ ତା ହାଙ୍ଗ୍‌ଦାକାର୍ ପାଫ ସହର୍‌ତାଙ୍ଗ୍ ଏଜ୍ ଜାଜ୍‌ତାକେ ହାଲ୍‌ଜି ପପୁଲିଆ ଜିଲ୍ଲାନି ପର୍ଗି ସହର୍‌ତାକେ ୱାତାର୍। ମାତର୍ ଯୋହନ ହେୱାରିଙ୍ଗ୍ ପିସ୍ତି ଯିରୁଶାଲାମ ସହର୍‌ତାକେ ଲେଉଟା ଆଜି ହାଚାନ୍।

ପକ୍ୟାତାକା 13:8

ମାତର୍ ବର୍ଯିଶୁ ବର୍ଣ୍ଣବା ଆରେ ଶାଉଲତିଙ୍ଗ୍ ବିରଦ୍ କିଜି ମାଚାନ୍। ଗ୍ରୀକ୍ ବାଷାତାକେ ହେୱାନିଙ୍ଗ୍ ଅଲ୍ଲିମା ଇଞ୍ଜି ୱେଚ୍‌ଚି ମାଚାର୍। ହେ ରାଜାଙ୍ଗ୍ ଯୀଶୁତାକେ ପାର୍ତି କିମେନ୍ ଇଞ୍ଜି ବୁଲ୍‌କାଇ କିଜି ମାଚାନ୍।

୨ କରନ୍ତିୟ 11:13

ଇଲେଗ୍‌ଦି ମାନାୟାର୍ ହାତ୍‌ପା ବାଚିକିତି ଚେଲା ହିଲୁର୍। ହେୱାର୍ ଜାର୍‌ତିଙ୍ଗ୍ ଖ୍ରୀଷ୍ଟର୍ ବାଚିକିତି ଚେଲାଇଞ୍ଜି ୱେଚ୍‌ନାରା, ଆରେ ହେୱାର୍ ମାନାୟାରିଙ୍ଗ୍ ଟକାୟ୍ କିନାରା।

୨ ତିମଥି 3:8

ଆରେ ଇନେସ୍ ଯନ୍ନିସ୍ ଆରେ ଯମ୍ୱ୍ରସ୍ ମୋଶାଙ୍ଗ୍ ବିରଦ୍ କିଜି ମାଚାର୍, ହେଲେକେ ମିଚ୍‌ୱା ମାଷ୍ଟେରାର୍ ପା ସତ୍‌ତିଙ୍ଗ୍ ବିରଦ୍ କିନାର୍। ହେୱାର୍ ମାନ୍ ବିତ୍ରେ କରାପ୍ ଚିନ୍ତା ମାନାତ୍ ଆରେ ପାର୍ତିକିନି ବିଷୟରେ ପିସ୍ତାର୍‌ନା।

୧ ଯୋହନ 4:1

ଏ ନା ଲାଡ୍‌ନି ସାଙ୍ଗକାଦେର୍‌, ୱିଜାର୍ ମାନାୟ୍ ଆନେଙ୍ଗ୍ ପବିତ୍ର ଆତ୍ମାତାଙ୍ଗ୍‌ ପାୟାଆତାଙ୍ଗ୍‌ନା ଇଞ୍ଜି ୱେଚ୍‌ଚିନି ମାନାୟାର୍ କାତାତିଙ୍ଗ୍ ପାର୍ତି କିମାଟ୍। ମାତର୍ ହେୱାର୍ ଈଶ୍ୱରତାଙ୍ଗ୍ ପବିତ୍ର ଆତ୍ମା ପାୟାଆତାର୍ କି ଆକାୟ୍ ଏପେଙ୍ଗ୍ ପରିକ୍ଷା କିଜି ହୁଡ଼ାଟ୍। ଇନେସ୍‌କି ଇ ପୁର୍ତିତାକେ ମିଚ୍‌ୱା ଭବିଷ୍ଯତବକ୍ତାର୍‌ ମାନାର୍।

ହତ୍‌ତି 19:20

ହେ ଯୁଜ୍‌ତାକେ ପାର୍ତୁମ୍ ପଶୁ ଆରେ ହେ ଦୁଇ ନମ୍ବର୍ ପଶୁ, ଇନେର୍‌କି ମିଚ୍ ଭବିଷ୍ଯତବକ୍ତା। ଇନେର୍ ପାର୍ତୁମ୍ ପଶୁ ବାଦୁଲ୍‌ରେ ଚାନିଆ କାମାୟ୍ କିଜି ହେ ପଶୁ ଚିନ୍ ଅତି ମାନାୟାରିଙ୍ଗ୍ ଟକାୟ୍ କିଜି ମାଚାନ୍, ଆରେ ଇନେର୍ ତା ମୁର୍ତିତିଙ୍ଗ୍ ପୁଜାକିଜି ମାଚି ମାନାୟାରିଙ୍ଗ୍ ବନ୍ଦିକିତାର୍‌। ଆରେ ଇମ୍‌ଣି ମାନାୟାର୍ ହେ ପଶୁ ଚିନ୍ ଅତାକାର୍ ଆରେ ତା ୱିଜୁ ମିଚ୍ ୱେଚ୍‌ନି ଭବିଷ୍ଯତବକ୍ତାରିଙ୍ଗ୍ ଜିବୁନ୍-ଜିବୁନ୍ ବାସ୍ନା ମାନି ନାଣି କୁଣ୍ଡ୍‌ତାକେ ପକାୟ୍ କିତାର୍।