ପକ୍ୟାତାକା 13:33 - New Testament in Pengo Parja Language

³³ ଆପେଙ୍ଗ୍ ହେୱାର୍ ହିମ୍‌ଣା ଆତିଲେ ଈଶ୍ୱର ଯୀଶୁଙ୍ଗ୍ ହାଃତିତାଙ୍ଗ୍ ଆରେରଗ ଜିବୁନ୍ କିଜି, ହେୱାନ୍ କିଜିମାଚି ଶପତ୍‌ତିଙ୍ଗ୍ ପୁରା କିତାନ୍‌ନା। ଇନେସ୍‌କି କେର୍‌କଣ୍ ବହିନି ଦୁଇ ନମ୍ବର୍ କେର୍‌କଣ୍‌ତାକେ ଲେକାଆତାତ୍‌ନା, ‘ନେଞ୍ଜେଙ୍ଗ୍‌ତାଙ୍ଗ୍ ଆନେଙ୍ଗ୍ ମିଞ୍ଜ୍‌ବା ଆତାଙ୍ଗ୍ ଆରେ ଏନେଙ୍ଗ୍ ନା ମାଜି ଆତାୟ୍।’

ସତ୍‌ ବଚନ୍‌ ପୁନି ନିୟମ୍‌

³³ ଇସ୍ୱର୍‌ ଜିସୁଙ୍ଗ୍‌ ନିକ୍‌ଚି ହେୱାର୍‌ତି ହିମ୍‌ଣାଂ ଜେ ଆସେଙ୍ଗ୍‌, ମା କାଜିଂ ହେ ପାର୍ମାଣ୍‌ ପୁରା କିତାନ୍‌ନ୍ନା, ଇନେସ୍‌ ଗିତ ସଂଗିତା ଦୁଇ ବାଗ୍‌ତ ନାନ୍ଦ୍‍ତ ପା ଲେକାମାନାତ୍‌, ଏନ୍‌ ନା ମାଜ଼ି, ନେଞ୍ଜେଙ୍ଗ୍‌ ଆନ୍‌ ନିଂ ଆବା ଆତାଂନା ।”

ପକ୍ୟାତାକା 13:33 ပူးပေါင်းရင်းမြစ်များ

ଜହନ୍‌ 2:22

ଯୀଶୁ ହାଃତିତାଙ୍ଗ୍ ଆରେରଗ ଜିବୁନ୍‌ଆଜି ନିଙ୍ଗ୍‌ତି ପାଚେ ତା ଚେଲାହିର୍ ଯୀଶୁ ୱେଚ୍‌ଚି କାତାତିଙ୍ଗ୍ ମାନ୍ତ ଏତୁକିତାର୍। ଲାଗିଙ୍ଗ୍ ତା ଚେଲାହିର୍ ହେୱାନ୍ ବିଷୟରେ ଇନାକା ଦରମ୍ ସାସ୍ତର୍‌ତାକେ ଲେକାଆଜି ମାଚାତ୍ ଆରେ ଯୀଶୁ ଇନାକା ୱେଚ୍‌ଚି ମାନ୍‌ଞ୍ଚାନ୍, ହେ ୱିଜୁ କାତାତିଙ୍ଗ୍ ପାର୍ତି କିତାର୍।

ପକ୍ୟାତାକା 13:30

ମାତର୍ ଈଶ୍ୱର ହେୱାନିଙ୍ଗ୍ ହାଃତାକାର୍‌ତାଙ୍ଗ୍ ଜିବୁନ୍ କିଜି ନିକ୍ତାନ୍।

ପକ୍ୟାତାକା 13:34

ଈଶ୍ୱର ହେୱାନିଙ୍ଗ୍ ହାଃତାକାର୍‌ତାଙ୍ଗ୍ ଆରେରଗ ଜିବୁନ୍ କିତାନ୍‌ନା, ଲାଗିଙ୍ଗ୍ ହେୱାନ୍ ଆରେ ଇନାୱେଡ଼ାଙ୍ଗ୍ ପା ହାଃଉନ୍। ଇ ବିଷୟରେ ହେବେ ଲେକାଆତାତ୍‌ନା, ‘ଆନେଙ୍ଗ୍ ଦାଉଦତିଙ୍ଗ୍ ଶପତ୍ କିଜି ମାଚିଲେ ହେଲେକେ ନେ ମିଙ୍ଗେଙ୍ଗ୍ ଆଶ୍ରିବାଦ୍ କିଦ୍‌ନାଙ୍ଗ୍।

ପକ୍ୟାତାକା 13:37

ମାତର୍ ହେୱାନ୍ ଯୀଶୁ ବିଷୟରେ ୱେଚ୍‌ଚି ମାଚାନ୍, ଇନେରିଙ୍ଗ୍ ଈଶ୍ୱର ହାଃତିତାଙ୍ଗ୍ ଆରେରଗ ଜିବୁନ୍ କିତାନ୍‌ନା, ଆରେ ହେୱାନ୍ ନଷ୍ଟ ଆୱାତାନ୍‌ନା।”

ପକ୍ୟାତାକା 2:24

ମାତର୍ ଈଶ୍ୱର ଯୀଶୁଙ୍ଗ୍ ହାଃନିତାଙ୍ଗ୍ ରକ୍ଷା କିଜି ହେୱାନିଙ୍ଗ୍ ଆରେରଗ ଜିବୁନ୍ କିତାନ୍‌ନା। ଇନେସ୍‌କି ହାଃନି ଶାକ୍ତି ହେୱାନିଙ୍ଗ୍ ଆସ୍ତେଙ୍ଗ୍ ଆଡ୍‌ୱାତାତ୍।

ପକ୍ୟାତାକା 2:32

ଇ ଯୀଶୁଙ୍ଗ୍ ନେ ଈଶ୍ୱର ହାଃତିତାଙ୍ଗ୍ ଆରେରଗ ଜିବୁନ୍ କିତାନ୍‌ନା, ହେ ବିଷୟରେ ଆସେଙ୍ଗ୍ ୱିଜାକାସ୍ ସାକି।

ପକ୍ୟାତାକା 9:20

ଶାଉଲ ଦମେସକ ସହର୍‌ତାକେ ମାନିହିଙ୍ଗ୍ ନେ ପାର୍ତାନା ଇଲ୍‌କୁକାଙ୍ଗ୍ ହାଲ୍‌ଜି ଯୀଶୁ ନେ ଈଶ୍ୱର ମେହି ଇଞ୍ଜି ଶୁଣାୟ୍ କିଦେଙ୍ଗ୍ ଲାଗାତାନ୍।

ଏବ୍ରି 5:5

ହେଦାଙ୍ଗ୍ କାଜିଙ୍ଗ୍ ଖ୍ରୀଷ୍ଟ ପ୍ରଦାନ୍ ମୁଡ଼୍‌ଦି ପୁଜାରି ପାଦ୍‌ନି ସନ୍‌ମାନ୍ ନିଜେ ଡେକ୍‌ୱାଦାଙ୍ଗ୍ ମାଚାନ୍, ମାତର୍ ଈଶ୍ୱର ହେୱାନିଙ୍ଗ୍ ହେ ସନ୍‌ମାନ୍‌ନି ପାଦ୍ ହିଜିମାଚାନ୍। ଆରେ ଈଶ୍ୱର ଖ୍ରୀଷ୍ଟଙ୍ଗ୍ ୱେଚ୍‌ଚାନ୍, “ଏନେଙ୍ଗ୍ ନା ମାଜି, ନେଞ୍ଜେଙ୍ଗ୍ ଆନେଙ୍ଗ୍ ନି ଆବା ଆତାଙ୍ଗ୍।”