ପକ୍ୟାତାକା 13:26 - New Testament in Pengo Parja Language

²⁶ ଅବ୍ରାହାମ ଲାତ୍ରାନି ହିମ୍‌ଣାୱାକ୍‌ଡ଼ା ଆରେ ଈଶ୍ୱରତିଙ୍ଗ୍ ପାଣ୍ଡ୍ରାଆନି ବିନ୍‌ଜାତିର୍ ଟଣ୍ଡାର୍‌କାଦେର୍, ଈଶ୍ୱର ମି କାଜିଙ୍ଗ୍ ଉଦାର୍ ପାୟାଆନି କାବୁର୍ ପକ୍ତାତାନ୍‌ନା।

ସତ୍‌ ବଚନ୍‌ ପୁନି ନିୟମ୍‌

²⁶ “ଏ ଟଣ୍ଡାର୍‌, ଅବ୍ରାହାମ୍‌ତି ଲାତ୍ରାନି ହିମ୍‍ଣାୱାକ୍‍ଡ଼ା ଆରି ମି ବିତ୍ରେତାଂ ଇସ୍ୱର୍‌ତିଂ ପାଣ୍ଡ୍ରା ଆନାକାର୍‌ ମା ଲାଗେ ଇ ମୁକ୍ତିନି ବଚନ୍‌ ପକ୍ୟା ଆତାତ୍‌ନ୍ନା ।

ପକ୍ୟାତାକା 13:26 ပူးပေါင်းရင်းမြစ်များ

ମାତିଉ 10:6

ମାତର୍ ଇସ୍ରାଏଲନି ଲାତ୍ରା ଈଶ୍ୱରତାଙ୍ଗ୍ ଦେହାଆଜିମାଚି ମେଣ୍ଢାଙ୍ଗ୍ ଲାଗାୟ୍ ହାଲାଟ୍।

ମାତିଉ 3:9

ଈଶ୍ୱର ମାଙ୍ଗେଙ୍ଗ୍ ଦଣ୍ଡ୍ ହିଦୁନ୍ ଆପେଙ୍ଗ୍ ଅବ୍ରାହାମ୍‌ ମେହି ଇଞ୍ଜି, ଏଲେଙ୍ଗ୍ ଏପେଙ୍ଗ୍ ମାନ୍ତ ବାବିକିମାଟ୍। ଇନେସ୍‌କି ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା ଈଶ୍ୱର ଅବ୍ରାହାମ୍‌ କାଜିଙ୍ଗ୍ ଇ କାଲ୍‌କୁକାଙ୍ଗ୍ ପା ତା ହିମ୍‌ଣାୱାକ୍‌ଡ଼ା ଉବ୍‌ଜାଇ କିଦେଙ୍ଗ୍ ଆଡ୍‌ନାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 1:69

ଈଶ୍ୱର ମାଙ୍ଗେଙ୍ଗ୍ ଉଦାର୍ କିଦ୍‌ଦେଙ୍ଗ୍ ଦାଉଦ ରାଜା ଲାତ୍ରାତାଙ୍ଗ୍ ରକାନିଙ୍ଗ୍ ସାକ୍ତିକାଟି ଉଦାର୍ କିଦ୍‌ନାକାନିଙ୍ଗ୍ ପକ୍ତାତାନ୍‌ନା।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 1:77

ମାନାୟାର୍ ପାପ୍ କେମା ଇନେସ୍‌କିଜି ଆନାତ୍, ଆରେ ଈଶ୍ୱର ଦଣ୍ଡ୍‌ତାଙ୍ଗ୍ ଇନେସ୍ ଉଦାର୍ ଗାଟାଆଦ୍‍ନାତ୍ ହେ ବିଷୟରେ ମାନାୟାରିଙ୍ଗ୍ ବୁଜାଇକିନାଇ।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 24:47

ଯିରୁଶାଲାମ ସହର୍‌ତାଙ୍ଗ୍ ଆରମ୍ କିଜି ୱିଜୁ ଜାତିର୍‌ତାକେ ପାପ୍ କାମାୟ୍ ପିସ୍ତି ମାପୃ ୱାତିସ୍ ଈଶ୍ୱର ପାପ୍ କେମା କିନି ବିଷୟରେ ମାନାୟାରିଙ୍ଗ୍ ଶୁଣାୟ୍ କିନାର୍।

ଜହନ୍‌ 6:68

ଶିମୋନ ପିତର ହେୱାନିଙ୍ଗ୍ ୱେଚ୍‌ଚାନ୍, “ମାପୃ, ଆପେଙ୍ଗ୍ ଇନେର୍‌ତାକେ ହାନାପ୍? ନିବେ ତ ୱିଜ୍‌ୱି ଜିବୁନ୍ ମାନାତ୍।

ପକ୍ୟାତାକା 10:2

ହେୱାନ୍ ରକାନ୍ ଈଶ୍ୱରତିଙ୍ଗ୍ ହେବାକିନାକାନ୍ ମାଚାନ୍। ହେୱାନ୍ ଆରେ ତା ପରିବାର୍ ନିକାର୍ ଈଶ୍ୱରତିଙ୍ଗ୍ ପାଣ୍ଡ୍ରାଆଜି ମାଚାର୍। ହେୱାନ୍ ଯିହୁଦିନି ଗରିବ୍ ମାନାୟାରିଙ୍ଗ୍ ଆଦିକ୍ ଦାନ୍ ହିଜିମାଚାନ୍, ଆରେ ୱିଜୁଦିନ୍ ଈଶ୍ୱରତାକେ ପାର୍ତାନା କିଜି ମାଚାନ୍।

ପକ୍ୟାତାକା 10:35

ଇଦାଙ୍ଗ୍ ନଙ୍ଗୟ୍ ଆନେଙ୍ଗ୍ ହାର୍‌ଦାଙ୍ଗ୍ ପୁଚାଙ୍ଗ୍‌ନା, ଈଶ୍ୱରତିଙ୍ଗ୍ ଇମ୍‌ଣି ଜାତିନି ମାନାୟାର୍ ପା ପାଣ୍ଡ୍ରାଆଜି ଦରମ୍ କାମାୟ୍ କିନାର୍, ହେୱାନିଙ୍ଗ୍ ଈଶ୍ୱର ଆହ୍‌ନାନ୍।

ପକ୍ୟାତାକା 13:43

ପାର୍ତାନା ଇଲ୍‌ନି ମିଟିଙ୍ଗ୍ ୱିସ୍ତି ପାଚେ ଯିହୁଦି ଦରମ୍ ମାନିକିନି ବିନ୍‌ଜାତିନି ମାନାୟାର୍ ବିତ୍ରେତାଙ୍ଗ୍ କେତେକ୍ ମାନାୟାର୍ ପାଉଲ ଆରେ ବର୍ଣ୍ଣବା ପାଚେ-ପାଚେ ହାଚାର୍। ହେୱାର୍ ହେୱାରିଙ୍ଗ୍ କେତେକ୍ କାତା ୱେଚ୍‌ଚି ସାହାସ୍ କିୟିକିତାର୍, ଆରେ ଈଶ୍ୱର ଦୟାତାଙ୍ଗ୍ ତିର୍‌ଆଜି ମାଞ୍ଜେଙ୍ଗ୍ ୱେଚ୍‌ଚାର୍।

ପକ୍ୟାତାକା 13:46

ପାଉଲ ଆରେ ବର୍ଣ୍ଣବା ହେୱାରିଙ୍ଗ୍ ସାହାସ୍‌ଆଜି ୱେଚ୍‌ଚାର୍, “ପାର୍ତୁମ୍ ମିଙ୍ଗେଙ୍ଗ୍ ଈଶ୍ୱର କାତା ୱେଚ୍‌ନାକା ମାଚାତ୍। ମାତର୍ ଏପେଙ୍ଗ୍ ହେଦାଙ୍ଗ୍‌ତିଙ୍ଗ୍ ମାନି କିଉଦେରା, ଆରେ ଏପେଙ୍ଗ୍ ୱିଜ୍‌ୱି ଜିବୁନ୍ ପାୟା ଆଦେଙ୍ଗ୍ ଇଚା କିଉଦେରା। ଲାଗିଙ୍ଗ୍ ଆପେଙ୍ଗ୍ ବିନ୍‌ଜାତିର୍‌ତାକେ ହାନାପା।

ପକ୍ୟାତାକା 16:17

ହେଦେଲ୍ ପାଉଲ ଆରେ ମା ପାଚେ-ପାଚେ ୱାଜି ଚେରାଆଜି ୱେଚ୍‌ଚେଙ୍ଗ୍ ଲାଗାତାତ୍, “ଇ ମାନାୟାର୍ ୱିଜୁତାଙ୍ଗ୍ ଶାକ୍ତିକାଟି ଈଶ୍ୱରତିଙ୍ଗ୍ ହେବାକିନି ମାନାୟାର୍, ଇୱାର୍ ମିଙ୍ଗେଙ୍ଗ୍ ଉଦାର୍ ପାୟାଆନି ବିଷୟରେ ଚଚ୍‌ଚାନାରା।”

ପକ୍ୟାତାକା 22:5

ଇ ବିଷୟରେ ଈଶ୍ୱର ହେବାକିନି ପ୍ରଦାନ୍ ମୁଡ଼୍‌ଦି ପୁଜାରି ଆରେ ବିଚାର୍ ସବାନି ପ୍ରାଚିନ୍‌ନାର୍ ପା ସାକି ମାନାର୍। ପାର୍ତି କିନାକାରିଙ୍ଗ୍ ଗାଚ୍‌ଚି ଯିରୁଶାଲାମ ସହର୍‌ତାକେ ତାହିୱାଜି ଦଣ୍ଡ୍ ହିଦେଙ୍ଗ୍, ଇ ଟଣ୍ଡାର୍‌ତାଙ୍ଗ୍‌ ଚିଟି ପାୟାଆଜି ଦମେସକ ସହର୍‌ତାକେ ମାନି ଯିହୁଦିର୍ ଲାଗାୟ୍ ହାଲ୍‌ଜି ମାଚାଙ୍ଗ୍।

ପକ୍ୟାତାକା 28:28

“ଇଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ପୁନାଟ୍ ଯେ ଈଶ୍ୱର ମାନାୟାରିଙ୍ଗ୍ ଉଦାର୍ କିତି ବିଷୟ ବିନ୍‌ଜାତିନି ମାନାୟାର୍‌ତାକେ ହାଚାତ୍‌ନା, ଆରେ ହେୱାର୍ ହେଦାଙ୍ଗ୍‌ତିଙ୍ଗ୍ ମାନିକିନାର୍।”

ପକ୍ୟାତାକା 3:26

ଈଶ୍ୱର ତା ଦାସ୍ ଯୀଶୁଙ୍ଗ୍ ହାଃତିତାଙ୍ଗ୍ ଆରେରଗ ଜିବୁନ୍ କିଜି ମି ଲାଗାୟ୍ ପକ୍ତାତାନ୍‌ନା। ଇନେସ୍ ହେୱାନ୍ ମିଙ୍ଗେଙ୍ଗ୍ ଜାର୍-ଜାର୍ କରାପ୍ କାମାୟ୍‌ତାଙ୍ଗ୍ ରକ୍ଷା କିଜି ଆଶ୍ରିବାଦ୍ କିଦ୍‌ନାନ୍।”

ପକ୍ୟାତାକା 4:12

ଯୀଶୁଙ୍ଗ୍ ପିସ୍ତି ଆରେ ଇନେର୍‌ତାକେ ପା ଉଦାର୍ ଗାଟାଆଦୁତ୍। ଇନେସ୍‌କି ବାଦାଡ଼୍ ତାରେନ୍ ମାନାୟାର୍ ବିତ୍ରେତାଙ୍ଗ୍ ହେଲେକେ ଇନେର୍ ତର୍‌ ହିଲୁତ୍, ତା ତର୍‍ଦାଙ୍ଗ୍ ରକ୍ଷା ପାୟାଆନାସ୍।”

ପକ୍ୟାତାକା 5:20

“ହାଲାଟ୍, ଈଶ୍ୱର ମାନି ମନ୍ଦିର୍‌ତାକେ ନିଲ୍‌ତି ମାନାୟାରିଙ୍ଗ୍ ଇ ୱିଜ୍‌ୱି ଜିବୁନ୍ ବିଷୟରେ ୱିଜୁବେଣ୍ ୱେଚାଟ୍।”

ରୋମିୟ 1:16

ଆନେଙ୍ଗ୍ ପୁରାପୁରି ବାବ୍‌ରେ ଖ୍ରୀଷ୍ଟତି ହାର୍ଦିକାବୁର୍‌ତିଙ୍ଗ୍ ପାର୍ତି କିନାଙ୍ଗା। ଇନେସ୍‌କି ହେଦାଙ୍ଗ୍ ୱିଜୁ ମାନାୟ୍‌ତିଙ୍ଗ୍ ଉଦାର୍ କିନି ଈଶ୍ୱରତି ଶାକ୍ତି, ଏଚେଜାଣ୍ ହାର୍ଦିକାବୁର୍‌ତିଙ୍ଗ୍ ପାର୍ତିକିନାର୍। ପାର୍ତୁମ୍ ଯିହୁଦି ମାନାୟ୍‌ତିଙ୍ଗ୍ ଉଦାର୍ କିଦେଙ୍ଗ୍ ଆରେ ପାଚେ ବିନ୍‌ଜାତିରିଙ୍ଗ୍ ଉଦାର୍ କିନାତ୍।

ଏପିସିୟ 1:13

ଏପେଙ୍ଗ୍ ପା ସତ୍ କାତା, କି ଉଦାର୍ କିଦ୍‌ନି ହାର୍ଦିକାବୁର୍ ୱେନ୍‌ଞ୍ଜି ପାର୍ତିକିନି କାଜିଙ୍ଗ୍ ଖ୍ରୀଷ୍ଟତାକେ ରବେ ଆତାଦେର୍‌ନା। ଆରେ ଈଶ୍ୱର ମିଙ୍ଗେଙ୍ଗ୍ ସିଲ୍ କିତ୍‌ତାନ୍‌ନା, ଇ ସିଲ୍ ଆନାତା ପବିତ୍ର ଆତ୍ମା ଇନାକା ହେୱାନ୍ ହିଦ୍‌ନି କାଜିଙ୍ଗ୍ ପାର୍ମାଣ୍ କିଜି ମାଚାନ୍।

କଲସିୟ 1:5

ମି କାଜିଙ୍ଗ୍ ଈଶ୍ୱର ସରଗ୍‌ତାକେ ଇଡ଼୍‌ଜି ମାଚି ପୁରଷ୍କାର୍‌ତାକେ ଆହା ଇଡ଼୍‌ଜି ମାଚି କାଜିଙ୍ଗ୍ ଏପେଙ୍ଗ୍ ଇ ଲେକେ ପାର୍ତି ଆରେ ଲାଡ୍ କିନାଦେରା। ଏଚେପାଦ୍ନା ମାନାୟାର୍ ମିଙ୍ଗେଙ୍ଗ୍ ପାର୍ତୁମ୍ ଈଶ୍ୱରତି ସତ୍ କାତା ଯୀଶୁ ଖ୍ରୀଷ୍ଟ ବିଷୟନି ହାର୍ଦିକାବୁର୍ ୱେଚ୍‌ଚି ମାଚାର୍, ହେପାଦ୍ନା ଏପେଙ୍ଗ୍ ଇ ବିଷୟରେ ୱେଚାଦେର୍‌ନା।