ପକ୍ୟାତାକା 12:5 - New Testament in Pengo Parja Language

⁵ ଲାଗିଙ୍ଗ୍ ପିତର ଜଇଲ୍ ଇଞ୍ଜ କେତେକ୍ ଦିନ୍ ମାଚାନ୍। ମାତର୍ ଯିରୁଶାଲାମ୍ ସହର୍ ମଣ୍ଡ୍‌ଲିନି ପାର୍ତିକିନି ମାନାୟାର୍ ପିତର କାଜିଙ୍ଗ୍ ର ମାନ୍‌ଆଜି ଈଶ୍ୱରତାକେ ପାର୍ତାନା କିଜି ମାଚାର୍।

ସତ୍‌ ବଚନ୍‌ ପୁନି ନିୟମ୍‌

⁵ ଲାଗିଂ, ପିତର୍‌ ଜଇଲ୍‍ତ ଗେହ୍ୟା ଆଜ଼ି ମାଚାନ୍‌, ମତର୍‌ ତା କାଜିଂ ମଣ୍ଡ୍‌ଲି ହୁଦାଂ ରମାନ୍ତ ଇସ୍ୱର୍‌ତି ଲାଗେ ପାର୍ତାନା କିଜ଼ି ମାଚାର୍‌ ।

ପକ୍ୟାତାକା 12:5 ပူးပေါင်းရင်းမြစ်များ

ମାତିଉ 18:19

ଆରେରଗ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ଏଚେପାଦ୍ନା ମି ବିତ୍ରେତାଙ୍ଗ୍ ରିକାର୍ ଇମ୍‌ଣି ବିଷୟରେ ର ମାନ୍ କିଜି ପାର୍ତାନା କିତିସ୍, ନା ସରଗ୍‌ନି ଆବା ମିଙ୍ଗେଙ୍ଗ୍ ବୁଦି ହିଦ୍‌ନାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 18:1

ଯୀଶୁ ତା ଚେଲାହିରିଙ୍ଗ୍ ହିକ୍ଷାହିଜି ମାଚାନ୍ ଯେ, ହେୱାର୍ ୱିଜୁଦିନ୍ ଆହା ଆରାଇ କିୱିଲେକେ ପାର୍ତାନା କିନି ଦର୍‌କାର୍। ଯୀଶୁ ହେୱାରିଙ୍ଗ୍ ହିକାଇ କିଦେଙ୍ଗ୍ ଇ କାତା ୱେଚ୍‌ଚାନ୍,

ପକ୍ୟାତାକା 12:12

ମାପୃ ହେୱାନିଙ୍ଗ୍ ରକ୍ଷା କିତାନ୍‌ନା ଇଞ୍ଜି ପୁଚି ପାଚେ, ହେୱାନ୍ ମାର୍କ ତେହି ମରିୟମ ଇଞ୍ଜ ହାଚାନ୍। ମାର୍କଙ୍ଗ୍ ଜେକନି ତର୍‌ ଯୋହନ ଇଞ୍ଜି ୱେଚ୍‌ଚି ମାଚାର୍। ହେ ଇଞ୍ଜ ପାର୍ତି କିନାକାର୍ ରୁଣ୍ଡାଆଜି ପାର୍ତାନା କିଜି ମାଚାର୍।

ପକ୍ୟାତାକା 12:4

ପାଚେ ହେୱାନ୍ ହେୱାନିଙ୍ଗ୍ ଆସ୍ତି ଜଇଲ୍ ଇଞ୍ଜ ବନ୍ଦି କିତାନ୍। ଆରେରଗ ଦଳ୍‌ତାକେ ଚାରି ଜାଣ୍ ଲାକା ମାନି ଚାରିଗଟା ସେନାଦଳ୍ ହେୱାନିଙ୍ଗ୍ କାୟିକିତାନ୍‌। ହେ ନିସ୍ତାର୍ ପାର୍ବୁ ୱିସ୍ତି ପାଚେ ହେୱାନ୍ ପିତରତିଙ୍ଗ୍ ମାନାୟାର୍ ଲାଗାୟ୍ ଦଣ୍ଡ୍ ହିଦେଙ୍ଗ୍ ଇଚା କିତାନ୍।

ପକ୍ୟାତାକା 12:6

ଇମ୍‌ଣିଦିନ୍ ହେରୋଦ ରାଜା ପିତରତିଙ୍ଗ୍ ବାର୍ତ ହପ୍‌ଚି ମାନାୟାର୍ ଲାଗାୟ୍ ଦଣ୍ଡ୍ ହିଦେଙ୍ଗ୍ ଇଚାକିଜି ମାଚାନ୍, ହେନାଞ୍ଜ୍ ମିକା ପିତର ରିକାର୍ ସେନାର୍ ମାଦି ହୁନ୍‌ଞ୍ଜି ମାଚାନ୍। ହେୱାନିଙ୍ଗ୍ ରିଣ୍ଡାଙ୍ଗ୍ ହିକ୍‌ଡ଼ିଙ୍ଗ୍‌ତାଙ୍ଗ୍ ଗାଚ୍‌ଚି ମାଚାର୍। ରିକାର୍ ହୁନ୍‌ଞ୍ଜି ମାଚାର୍ ଆରେ ରିକାର୍ ଜଇଲ୍‌ନି ଗେଟ୍ ଲାଗାୟ୍ କାସି ମାଚାର୍।

୧ କରନ୍ତିୟ 12:26

ଯଦି ଗାଗାଡ଼୍‌ନି ର ଜିନିଷ୍ ଦୁଃକ୍ ପାୟା ଆନାତା, ଲାଗିଙ୍ଗ୍ ଗାଗାଡ଼୍‌ନି ୱିଜୁ ଜିନିଷ୍ ପା ଦୁଃକ୍ ପାୟାଆନାତ୍। ଆରେ ଯଦି ଗାଗାଡ଼୍‌ନି ର ଜିନିଷ୍ ସନ୍‌ମାନ୍ ପାୟାଆନାତ୍, ଲାଗିଙ୍ଗ୍ ଗାଗାଡ଼୍‌ନି ୱିଜୁ ଜିନିଷ୍ ପା ୱାରିୟା ଆନିକ୍।

୨ କରନ୍ତିୟ 1:11

ଏପେଙ୍ଗ୍ ମା କାଜିଙ୍ଗ୍ ପାର୍ତାନା କିଜି ସାଇଜ କିଦ୍‍ନାଦେରା ହେଦାଙ୍ଗ୍ କାଜିଙ୍ଗ୍ ହେୱାନ୍ ମିଙ୍ଗେଙ୍ଗ୍ ଉଦାର୍ କିଦ୍‌ନାତ୍। ଇନେସ୍‌କି ଈଶ୍ୱର ମାଙ୍ଗେଙ୍ଗ୍ ଦୟାକିଜି ଉଦାର୍ କିଦେନ୍ ଇଞ୍ଜି ପାର୍ତାନା କିନାରା।

୧ ଥେସଲନୀକିୟ 5:17

ଆରେ ୱିଜୁଦିନ୍ ପାର୍ତାନା କିଜି ମାନାଟ୍,

ଏବ୍ରି 13:3

ଯୀଶୁତାକେ ପାର୍ତିକିତି କାଜିଙ୍ଗ୍ ଇମ୍‌ଣାକାର୍ ଜଇଲ୍ ଇଞ୍ଜ ମାନାର୍, ହେୱାରିଙ୍ଗ୍ ବାଣା ଆମାଟ୍। ହେୱାର୍ ହୁଦାଙ୍ଗ୍ ହେବେ ମାନ୍‌ଞ୍ଜି ଦୁକ୍‌କଷ୍ଟ ପାୟାଆନାଦେରା ଇଞ୍ଜି ମାନ୍ତ ବାବିକିଜି ଏପେଙ୍ଗ୍ ପା କଷ୍ଟ ପାୟାଆନାଙ୍ଗା ଇଞ୍ଜି ମାନ୍ତ ବାବି କିୟାଟ୍। ଇମ୍‌ଣାକାର୍ ଅପ୍‌ମାନ୍ ପାୟାଆନାର୍‌, ହେୱାର୍ କଷ୍ଟ ପାୟାଆନାକା ମି ଗାଗାଡ଼୍‌ତ ପା ବାବି କିୟାଟ୍।

ଜାକ୍‌ବ 5:16

ଲାଗିଙ୍ଗ୍ ଜାର୍-ଜାର୍‌ବିତ୍ରେ କିତି ପାପ୍‌ତିଙ୍ଗ୍ ୱେଚ୍‌ପାଆଡ, ଆରେ ବେମାର୍‌ତାଙ୍ଗ୍ ହାର୍‌ଆନି କାଜିଙ୍ଗ୍ ଜାର୍-ଜାର୍ କାଜିଙ୍ଗ୍ ପାର୍ତାନା କିବା ଆଡ। ଦରମ୍ ମାନାୟ୍‌ନି ପାର୍ତାନା କିତାକା ୱିଜୁ କାମାୟ୍ ପୁରାଆନାତ୍।