ପକ୍ୟାତାକା 11:29 - New Testament in Pengo Parja Language

²⁹ ଲାଗିଙ୍ଗ୍ ଚେଲାର୍ ଆନ୍ତିୟକିଆ ସହର୍‌ନି ମଣ୍ଡ୍‌ଲିନି ପାର୍ତି କିନାକାର୍ ଜାର୍ ଶାକ୍ତି ହୁଡ଼୍‌ଜି, ଯିହୁଦା ଜିଲ୍ଲାତାକେ ମାନି ପାର୍ତିକିନି ଟଣ୍ଡାରିଙ୍ଗ୍ ସାଇଜ ପକ୍ତେଙ୍ଗ୍ ଇଚାକିତାର୍।

ସତ୍‌ ବଚନ୍‌ ପୁନି ନିୟମ୍‌

²⁹ ହେବେ ଚେଲାର୍‌ ସବୁ ଜାଣ୍‌ ଜାର୍‌ ସାକ୍ତି ହୁଦାଂ ଜିହୁଦା ରାଜି ନିକାର୍‌ ପାର୍ତି କିନି ଟଣ୍ଡାର୍‌ କାଜିଂ ହେବା ପକ୍ତେଙ୍ଗ୍ ତିର୍‌ କିତାର୍‌,

ପକ୍ୟାତାକା 11:29 ပူးပေါင်းရင်းမြစ်များ

ମାତିଉ 25:17

ହେଲେକେ ଇମ୍‌ଣି ହଲିଆହି ଦୁଇହାଜାର୍ ରୁପାଡାବୁ ଅଜି ମାଚାନ୍, ହେୱାନ୍ ପା ଡାବୁଙ୍ଗ୍ ବେପାର୍‌ବାଟ୍‌ କିନି କାମାୟ୍‌ତାକେ ଲାଗାୟ୍ କିତାନ୍ ଆରେ ଦୁଇହାଜାର୍ ରୁପାଡାବୁ ଆର୍ଜା ଆତାନ୍।

ପକ୍ୟାତାକା 1:15

ହେବେ ପାକାପାକି ଶହେ କଡ଼େ ଜାଣ୍ ମାଚାର୍। ହେପାଦ୍ନା ପିତର ହେୱାର୍ ବିତ୍ରେ ନିଲ୍‌ଚି ୱେଚ୍‌ଚାନ୍,

ପକ୍ୟାତାକା 11:1

ବାଚିକିତି ଚେଲାହିର୍ ଆରେ ଯିହୁଦା ଜିଲ୍ଲାତାକେ ମାନି ଜେକନି ଚେଲାର୍ ବିନ୍‌ଜାତିନି ମାନାୟାର୍ ପା ଈଶ୍ୱର କାତା ୱେଚାର୍‌ନା ଇଞ୍ଜି ହେଦାଙ୍ଗ୍ ୱେଚାର୍।

ପକ୍ୟାତାକା 11:26

ହେୱାନ୍ ହେବେ ଶାଉଲତିଙ୍ଗ୍ ଗିଟାଆତାନ୍। ଆରେ ବର୍ଣ୍ଣବା ହେୱାନିଙ୍ଗ୍ ଆନ୍ତିୟକିଆ ସହର୍‌ତାକେ କୁକ୍‌ଚି ତାତାନ୍‌। ଲାଗିଙ୍ଗ୍ ଶାଉଲ ଆରେ ବର୍ଣ୍ଣବା ହେ ମଣ୍ଡ୍‌ଲି ହୁଦାଙ୍ଗ୍ ର ବାର୍ହୁ ପାତେକ୍ ମାଚାର୍, ବେସିହେନି ମାନାୟାରିଙ୍ଗ୍ ହିକ୍ଷା ହିତାର୍। ଆରେ ଆନ୍ତିୟକିଆ ସହର୍‌ତାକେ ପାର୍ତିକିନି ଚେଲାହିରିଙ୍ଗ୍ ପାର୍ତୁମ୍ ଖ୍ରୀଷ୍ଟାନ୍ ଇଞ୍ଜି ୱେଚ୍‌ଚାର୍।

ପକ୍ୟାତାକା 13:52

ମାତର୍ ଆନ୍ତିୟକିଆ ସହର୍‌ତାକେ ମାନି ପାର୍ତିକିନି ଚେଲାହିର୍ ୱାରିତାଙ୍ଗ୍ ଆରେ ପବିତ୍ର ଆତ୍ମାତାଙ୍ଗ୍ ପୁରା ଆଦେଙ୍ଗ୍ ଲାଗାତାର୍।

ପକ୍ୟାତାକା 14:20

ମାତର୍ ହେ ନିର୍‌ଚି ଅଜି ପିସ୍ତି ବାହାତାକେ ପାର୍ତିକିନି ଚେଲାହିର୍ ୱାଜି ତା ଚାରିବେଣ୍‌ତାଙ୍ଗ୍ ନିଲ୍‌ତାର୍। ହେବେତାଙ୍ଗ୍ ପାଉଲ ନିଙ୍ଗ୍‌ଞ୍ଜି ସହର୍ ବିତ୍ରେ ହାଚାନ୍। ଆର୍‌କାତ୍ ନାଞ୍ଜିଙ୍ଗ୍ ହେୱାନ୍ ବର୍ଣ୍ଣବା ହୁଦାଙ୍ଗ୍ ଦର୍ବି ସହର୍‌ତାକେ ହାଚାର୍।

ପକ୍ୟାତାକା 14:22

ଆରେ ହେୱାର୍ ୱିଜୁ ସହର୍‌ତାକେ ମାନି ପାର୍ତିକିନି ଚେଲାହିର୍ ମେହାଆଜି ହେୱାରିଙ୍ଗ୍ ଶାନ୍ତି କିଜି ମାଚାର୍। ଆରେ ହେୱାର୍ ହେୱାରିଙ୍ଗ୍ ପାର୍ତି କିଜି ମାଞ୍ଜେଙ୍ଗ୍ ସାହାସ୍‌ନି କାତା ୱେଚ୍‌ଚାର୍। ଆରେ ହେୱାର୍ ୱେଚ୍‌ଚାର୍, “ଈଶ୍ୱର ସାସନ୍ କିନି ରାଜିତାକେ ହାଞ୍ଜେଙ୍ଗ୍ ମାଙ୍ଗେଙ୍ଗ୍ ବେସି ଦୁକ୍‌କଷ୍ଟ ପାୟାଆନାକା ଆନାତ୍।”

ପକ୍ୟାତାକା 24:17

ଆନେଙ୍ଗ୍ କେତେକ୍ ବାର୍ହୁ ପାଚେ ନା ଜାତିନି ଗରିବ୍ ଲକାଙ୍ଗ୍ ଦାନ୍ ହିଦେଙ୍ଗ୍, ଆରେ ଈଶ୍ୱରତାକେ ପୁଜା କିଦେଙ୍ଗ୍ ଯିରୁଶାଲାମ ସହର୍‌ତାକେ ୱାଜି ମାଚାଙ୍ଗ୍।

ପକ୍ୟାତାକା 4:34

ଏଚେଜାଣ୍‌ତିଙ୍ଗ୍ ଜମି କି ଇଲ୍ ମାଚାତ୍, ହେୱାର୍ ହେଦାଙ୍ଗ୍ ପସି ହେ ଡାବୁଙ୍ଗ୍ ତାସି ବାଚିକିତି ଚେଲାହିର୍ କାଲ୍‌ପାନା ତାରେନ୍ ଇଡ଼୍‌ଜି ମାଚାର୍। ହେଦାଙ୍ଗ୍ କାଜିଙ୍ଗ୍ ହେୱାର୍ ବିତ୍ରେତାଙ୍ଗ୍ ଇନେରିଙ୍ଗ୍ ପା ଅବାବ୍ ଆୱାତାତ୍।

ପକ୍ୟାତାକା 6:1

ହେପାଦ୍ନା ଚେଲାହିର୍ ବେସି ବାଡା ଆଜି ମାଚାର୍‌। ଲାଗିଙ୍ଗ୍ ଗ୍ରୀକ୍ ବାଷା ୱେଚ୍‌ନି ଯିହୁଦି ଚେଲାର୍, ଏବ୍ରୀ ବାଷା କିନି ଯିହୁଦି ଚେଲାରିଙ୍ଗ୍ ବିରଦ୍ କିଜି ୱେଚ୍‌ଚେଙ୍ଗ୍ ଲାଗାତାର୍। ଇନେସ୍‌କି ଏବ୍ରୀ ବାଷାନି ଯିହୁଦି ଚେଲାର୍ ରାଣ୍ଡି କଗ୍‍ଲେକାଙ୍ଗ୍ କାଦି କି ଡାବୁଙ୍ଗ୍ ହିନିହିଙ୍ଗ୍ ଗ୍ରୀକ୍ ବାଷା ୱେଚ୍‌ନି ଯିହୁଦି ଚେଲାର୍ ରାଣ୍ଡି କଗ୍‍ଲେକାଙ୍ଗ୍ ହାର୍‌ଦାଙ୍ଗ୍ ହିୱାଦାଙ୍ଗ୍ ମାଚାର୍।

ପକ୍ୟାତାକା 9:19

ଆରେ ହେୱାନ୍ ଇଚ୍‍କେ କାଦି ତିନ୍‌ଞ୍ଜି ଶାକ୍ତି ଆତାନ୍। ଆରେ ହେୱାନ୍ ଦମେସକ ସହର୍‌ତାକେ ମାନି ଚେଲାହିର୍ ହୁଦାଙ୍ଗ୍ କେତେକ୍ ଦିନ୍ ମାଚାନ୍।

ପକ୍ୟାତାକା 9:25

ମାତର୍ ତା ଚେଲାହିର୍ ମିକାଲିଙ୍ଗ୍ ହେୱାନିଙ୍ଗ୍ ଅଜି ର ଟପାତାକେ ମେତ୍‌ତାର୍, ଆରେ ଟପାତାକେ ଡରି ଗାଚ୍‌ଚି ବାଉଣ୍ଡେରି ନିପଣ୍ କିଜି ତାରେନ୍ ଜୁତ୍‍ତାର୍। ଆରେ ଶାଉଲ ଦମେସକ ସହର୍‌ତାଙ୍ଗ୍ ହାଚାନ୍।

୧ କରନ୍ତିୟ 13:5

ହେୱାର୍ ଲବ୍ରା ଆଉର୍, ରିସା ଆଉର୍ ଆରେ ଆଗେ କିତି କରାପ୍ କାମାୟ୍‌ନି ଇସାବ୍ ଇଟୁର୍। ହେୱାର୍ ବିରଦ୍‌ତାକେ ଇନେର୍ ପା ପାପ୍ କିତିସ୍ ହେୱାର୍ ବେଗି କେମା କିନାର୍।

ଗାଲାତିୟ 2:10

ଯିରୁଶାଲାମ ସହର୍‌ତାକେ ମାନି ଗରିବ୍ ପାର୍ତିକିନି ଟଣ୍ଡାରିଙ୍ଗ୍ ସାଇଜ କିନି ବିଷୟରେ ନେ ହେୱାର୍ ମାଙ୍ଗେଙ୍ଗ୍ ଗୁୱାରି କିଜି ୱେଚ୍‌ଚାତାର୍, ହେଦାଙ୍ଗ୍ କିନି କାଜିଙ୍ଗ୍ ଆନେଙ୍ଗ୍ ପା ବେସି ଇଚା କିଜି ମାଚାଙ୍ଗ୍।