ପକ୍ୟାତାକା 11:18 - New Testament in Pengo Parja Language

¹⁸ ଯିହୁଦି ଜାତିର୍ ପାର୍ତି କିନାକାର୍ ଇ ୱିଜୁବେଣ୍ ୱେଚାର୍ ହେୱାର୍ ଚିମ୍ରା ଆଜି ମାଚାର୍। ଆରେ ଈଶ୍ୱରତିଙ୍ଗ୍ ଜୟ୍-ଜୟ୍ କିଜି ୱେଚ୍‌ଚାର୍, “ଲାଗିଙ୍ଗ୍ ଈଶ୍ୱର ବିନ୍‌ଜାତିରିଙ୍ଗ୍ ପା ୱିଜ୍‌ୱି ଜିବୁନ୍ ପାୟାଆନି କାଜିଙ୍ଗ୍ ପାପ୍ କାମାୟ୍ ପିସ୍ତି ମାପୃତାକେ ୱାଦେଙ୍ଗ୍ ଦାନ୍ କିତାନ୍‌ନା।”

ସତ୍‌ ବଚନ୍‌ ପୁନି ନିୟମ୍‌

¹⁸ ଇ ସବୁ କାତା ୱେଚିଲେ ହେୱାର୍‌ ଚିମ୍‌ରା ଆତାର୍‌ ଆରି ଇସ୍ୱର୍‌ତିଂ ଜାଜ୍‌ମାଲ୍‌ କିଜ଼ି ଇଚାର୍‌, “ୱାଟିଙ୍ଗ୍‌” ଇସ୍ୱର୍‌ ପାର୍ତିକିୱି ଜିହୁଦିର୍‌ ପା ପୁଇପୁୟା ଜିବୁନ୍‌ ପାୟାନି କାଜିଂ ମାନ୍‌ବାଦ୍‌ଲାୟ୍‌ ଦାନ୍‌ କିତାନ୍‌ନ୍ନା ।

ପକ୍ୟାତାକା 11:18 ပူးပေါင်းရင်းမြစ်များ

ମାତିଉ 9:8

ହେବେ ରୁଣ୍ଡାଆତି ମାନାୟାର୍ ହେଦାଙ୍ଗ୍ ହୁଡ଼୍‌ଜି କାବା ଆତାର୍। ଈଶ୍ୱର ମାନାୟ୍ ହିମ୍‌ଣାତିଙ୍ଗ୍ ଇୱିଜୁ ରଗ୍‌ଦାକାରିଙ୍ଗ୍ ହାର୍‌କିନି ଆଦିକାର୍ ହିତାନ୍‌ନା। ହେଦାଙ୍ଗ୍ କାଜିଙ୍ଗ୍ ମାନାୟାର୍ ଈଶ୍ୱରତିଙ୍ଗ୍ ଜୟ୍-ଜୟ୍ କିତାର୍।

ପକ୍ୟାତାକା 11:1

ବାଚିକିତି ଚେଲାହିର୍ ଆରେ ଯିହୁଦା ଜିଲ୍ଲାତାକେ ମାନି ଜେକନି ଚେଲାର୍ ବିନ୍‌ଜାତିନି ମାନାୟାର୍ ପା ଈଶ୍ୱର କାତା ୱେଚାର୍‌ନା ଇଞ୍ଜି ହେଦାଙ୍ଗ୍ ୱେଚାର୍।

ପକ୍ୟାତାକା 14:27

ହେୱାର୍ ହେ ସହର୍‌ତାକେ ଇକାତାର୍, ଆରେ ମଣ୍ଡ୍‌ଲିନି ମାନାୟାରିଙ୍ଗ୍ ରବେ କୁକ୍‌ତାର୍‌। ହେୱାର୍ ଈଶ୍ୱର ସାଇଜତାଙ୍ଗ୍ ଇନା-ଇନା କାମାୟ୍ କିତାର୍, ଆରେ ଈଶ୍ୱର ବିନ୍‌ଜାତିନି ମାନାୟାରିଙ୍ଗ୍ ଯୀଶୁତାକେ ପାର୍ତି କିଦେଙ୍ଗ୍ ସୁଯଗ୍ ହିତି ୱିଜୁ ବିଷୟ ହେୱାରିଙ୍ଗ୍ ୱେଚ୍‌ଚାର୍।

ପକ୍ୟାତାକା 15:3

ଲାଗିଙ୍ଗ୍ ମଣ୍ଡ୍‌ଲିନି ମାନାୟାର୍ ହେୱାରିଙ୍ଗ୍ କେତେକ୍ ଡାବୁଙ୍ଗ୍ କର୍ଚ ହିଜି ପକ୍ତାର୍। ହେୱାର୍ ପୈନିକିଆ ସହର୍ ଆରେ ଶମିରଣିୟ ଜିଲ୍ଲା ନିପଣ୍ ଆଜି ହାନିହିଙ୍ଗ୍ ମଣ୍ଡ୍‌ଲିକାଙ୍ଗ୍ ବିନ୍‌ଜାତିନି ମାନାୟାର୍ ଇନେସ୍ ପାର୍ତି କିତାର୍ ହେ ବିଷୟରେ ୱେଚ୍‌ଚାର୍। ଇ କାତା ୱେନ୍‌ଞ୍ଜି ହେ ମଣ୍ଡ୍‌ଲିନି ଟଣ୍ଡାର୍ ୱାରି କିତାର୍।

ପକ୍ୟାତାକା 20:21

ପାପ୍ କାମାୟ୍ ପିସ୍ତି ଈଶ୍ୱରତାକେ ୱାଦେଙ୍ଗ୍ ଆରେ ମା ମାପୃ ଯୀଶୁତାକେ ପାର୍ତିକିନି କାଜିଙ୍ଗ୍, ଯିହୁଦି ଆରେ ବିନ୍‌ଜାତିନି ମାନାୟାରିଙ୍ଗ୍ ଶୁଣାୟ୍ କିତ୍‌ତାଙ୍ଗ୍‌ନା।

ପକ୍ୟାତାକା 21:20

ହେୱାର୍ ହେଦାଙ୍ଗ୍ ୱେନ୍‌ଞ୍ଜି ଈଶ୍ୱରତିଙ୍ଗ୍ ଜୟ୍-ଜୟ୍ କିତାର୍। ପାଚେ ହେୱାର୍ ପାଉଲତିଙ୍ଗ୍ ୱେଚ୍‌ଚାର୍, “ଏ ଟଣ୍ଡେନ୍ ଯିହୁଦିର୍ ବିତ୍ରେ କେତେକ୍ ହାଜାର୍ ମାନାୟ୍ ପାର୍ତି କିତାର୍‌ନା ହେଦାଙ୍ଗ୍ ଏନେଙ୍ଗ୍ ପୁଚାଇନା। ହେୱାର୍ ୱିଜାକାର୍ ମୋଶା ହିତି ନିୟମ୍ ସାସ୍ତର୍‌ତିଙ୍ଗ୍ ବେସି ଦିୟାନ୍ କିଜି ମାନି କିନାରା।

ପକ୍ୟାତାକା 3:19

ଇଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ମି ପାପ୍ କାମାୟ୍ ପିସ୍ତି ମାପୃତାକେ ୱାତିସ୍, ଈଶ୍ୱର ମି ପାପ୍ ୱିଜୁ କେମା କିଦ୍‌ନାନ୍।

ପକ୍ୟାତାକା 3:26

ଈଶ୍ୱର ତା ଦାସ୍ ଯୀଶୁଙ୍ଗ୍ ହାଃତିତାଙ୍ଗ୍ ଆରେରଗ ଜିବୁନ୍ କିଜି ମି ଲାଗାୟ୍ ପକ୍ତାତାନ୍‌ନା। ଇନେସ୍ ହେୱାନ୍ ମିଙ୍ଗେଙ୍ଗ୍ ଜାର୍-ଜାର୍ କରାପ୍ କାମାୟ୍‌ତାଙ୍ଗ୍ ରକ୍ଷା କିଜି ଆଶ୍ରିବାଦ୍ କିଦ୍‌ନାନ୍।”

ପକ୍ୟାତାକା 5:31

ଈଶ୍ୱର ହେୱାନିଙ୍ଗ୍ ସରଗ୍‌ଜପି ଅଜି ଆଦିକାର୍ ହିତାନ୍‌ନା, ଆରେ ହେୱାନ୍ ଯୀଶୁଙ୍ଗ୍ ଉଦାର୍ କିଦ୍‌ନାକାନ୍ ଲେକେ ରସ୍ତାନ୍‌ନା। ଇନେସ୍‌କି ହେୱାନ୍ ଇସ୍ରାଏଲ ଜାତିନି ମାନାୟାରିଙ୍ଗ୍ ତା ପାପ୍ କାମାୟ୍ ପିସ୍ତି ଈଶ୍ୱରତାକେ ୱାଦେଙ୍ଗ୍ ସାଇଜ କିନାନ୍। ଆରେ ହେୱାର୍ ପାପ୍‌ତିଙ୍ଗ୍ କେମା କିନାନ୍।

ରୋମିୟ 9:30

ବିନ୍‌ଜାତିନି ମାନାୟାର୍ ନିଜେ ଈଶ୍ୱର ଆଗେ ଦରମ୍ ମାନାୟ୍ ଆଦେଙ୍ଗ୍ ଉପାୟ୍ କିଉରା, ମାତର୍ ଈଶ୍ୱର ହେୱାରିଙ୍ଗ୍ ତା ଆଗେ ଦରମ୍ ମାନାୟ୍ କିତାନ୍‌ନା, ଇନେସ୍‌କି ହେୱାର୍ ତାଙ୍ଗେଙ୍ଗ୍ ପାର୍ତିକିନାରା।

୨ କରନ୍ତିୟ 3:18

ଆପେଙ୍ଗ୍ ୱିଜାକାପ୍ ଦାର୍‌ପାଣ୍ ଲେକେ ମାପୃ ମୁମ୍‌ଦ ପାର୍‌ଦା ହିଲ୍‌ୱି ଗୌରବ ଲେକେ ଚଞ୍ଜ୍‌ନାଦେର୍। ଈଶ୍ୱର ମାଙ୍ଗେଙ୍ଗ୍ ତା ଲେକେ ଆନି କାଜିଙ୍ଗ୍ ଆଦିକ୍‌ତାଙ୍ଗ୍ ଆଦିକ୍ ଗୌରବ ବାଡାୟ୍‌ କିନାନା, ହେଦାଙ୍ଗ୍ ମାପୃ ପବିତ୍ର ଆତ୍ମା କିନାନା।

୨ କରନ୍ତିୟ 7:10

ଇନେସ୍‌କି ଈଶ୍ୱର ଇଚା ଅନୁସାରେ ଯଦି ଆସେଙ୍ଗ୍ ଇ ଦୁଃକ୍ ପାୟାଆନାସ୍, ଲାଗିଙ୍ଗ୍ ଆସେଙ୍ଗ୍ ପାପ୍ କାମାୟ୍ ପିସ୍ତି ମାନ୍‌ବାଦ୍‌ଲାୟ୍ କିଜି ଉଦାର୍ ପାୟାଆନି କାଜିଙ୍ଗ୍ ଉପାୟ୍ କିନାସ୍। ଆରେ ଇଲେକେ ଦୁଃକ୍ କାଜିଙ୍ଗ୍ ଆସେଙ୍ଗ୍ ମାନ୍ ଦୁଃକ୍ ଆଉସ୍। ମାତର୍ ଇ ପୁର୍ତିନି ମାନାୟାର୍ ପାପ୍ କାମାୟ୍ ପିହ୍‌ୱାଦାଙ୍ଗ୍‌ ମାନ୍‌ବାଦ୍‌ଲାୟ୍ କିୱିତିସ୍, ହେୱାର୍ ପାୟାଆନି ଦୁଃକ୍ କଷ୍ଟ ୱିଜୁଦିନ୍ ଦଣ୍ଡ୍ ହିନାତ୍।

ଗାଲାତିୟ 1:24

ଆରେ ଈଶ୍ୱର ଇନାକା ନା କାଜିଙ୍ଗ୍ କିତାନ୍, ହେଦାଙ୍ଗ୍ କାଜିଙ୍ଗ୍ ହେୱାର୍ ଈଶ୍ୱରତିଙ୍ଗ୍ ଜୟ୍-ଜୟ୍ କିତାର୍।