ପକ୍ୟାତାକା 11:14 - New Testament in Pengo Parja Language

¹⁴ ଈଶ୍ୱର ମିଙ୍ଗେଙ୍ଗ୍ ଆରେ ମି ୱିଜୁ ପରିବାର୍ ୱିଜାକାରିଙ୍ଗ୍ ରକ୍ଷା କିନାନ୍, ହେ ୱିଜୁ ବିଷୟରେ ହେୱାନ୍ ମିଙ୍ଗେଙ୍ଗ୍ ୱେଚ୍‌ଚାନାନ୍।

ସତ୍‌ ବଚନ୍‌ ପୁନି ନିୟମ୍‌

¹⁴ ଇନେର୍‌ ୱିଜ଼ାର୍‌ ବଚନ୍‌ ହୁଦାଂ ଏପେଙ୍ଗ୍‌ ଆରି ମି ୱିଜ଼ାର୍‌ ଇଲ୍‌ନିକାର୍ ରାକ୍ୟା ଆନାର୍‌, ହେୱାନ୍‌ ମିଙ୍ଗେଙ୍ଗ୍‌ ହେ ସବୁ ୱେଚ୍‍ଚାନାନ୍ ।

ପକ୍ୟାତାକା 11:14 ပူးပေါင်းရင်းမြစ်များ

ମାର୍କ 16:16

ଇନେର୍ ନା ହାର୍ଦିକାବୁର୍‌ତିଙ୍ଗ୍ ପାର୍ତିକିନାର୍ ଆରେ ଡୁବନ୍ ଆନାର୍। ହେୱାନ୍ ରକ୍ଷା ପାୟା ଆନାନ୍, ମାତର୍ ଇନେର୍ ପାର୍ତି କିଉନ୍, ହେୱାନିଙ୍ଗ୍ ଈଶ୍ୱର ଦଣ୍ଡ୍ ହିନାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 19:10

ଆନେଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା, ଜାଙ୍ଗ୍‌ତି ମାନାୟାରିଙ୍ଗ୍ ଡେକ୍‌ଚି ହେୱାରିଙ୍ଗ୍ ଉଦାର୍ କିଦେଙ୍ଗ୍ ୱାତାନ୍‌ନା।”

ଜହନ୍‌ 12:50

ଆନେଙ୍ଗ୍ ପୁନାଙ୍ଗ୍, ନା ଆବା ଈଶ୍ୱର ଇନାକା ଆଦେସ୍ ହିଦ୍‌ନାନ୍, ହେ ଆଦେସ୍‌ତାଙ୍ଗ୍ ୱିଜ୍‌ୱି ଜିବୁନ୍ ୱାନାତ୍। ଲାଗିଙ୍ଗ୍ ଆନେଙ୍ଗ୍ ଇନାକା ୱେଚ୍‌ତାଙ୍ଗ୍‌ନା, ହେଦାଙ୍ଗ୍ ୱେଚ୍‌ନି କାଜିଙ୍ଗ୍ ନାଙ୍ଗେଙ୍ଗ୍ ନା ଆବା ଈଶ୍ୱର ୱେଚ୍‌ଚାତାନ୍‌ନା।”

ଜହନ୍‌ 20:31

ମାତର୍ ଇ ବହିତାକେ ଇୱିଜୁ ଲେକାଆତାତ୍‌ନା, ଇନେସ୍‌କି ଏପେଙ୍ଗ୍ ପାର୍ତି କିନାଦେର୍, ଯୀଶୁ ଆନାନା ଖ୍ରୀଷ୍ଟ ଆରେ ଈଶ୍ୱର ମେହି, ଏପେଙ୍ଗ୍ ତା ତର୍‍ଦାଙ୍ଗ୍ ଜିବୁନ୍ ପାୟାଆନାଦେର୍, ଇଦାଙ୍ଗ୍ କାଜିଙ୍ଗ୍ ଇୱିଜୁ ଲେକାଆତାତ୍‌ନା।

ଜହନ୍‌ 4:53

ଯୀଶୁ ୱେଚ୍‌ଚି କାତାତିଙ୍ଗ୍ ରାଜା ଇଞ୍ଜ କାମାୟ୍ କିନାକାନ୍ ମାନ୍ତ ଏତୁ କିତାନ୍, “ନି ମାଜି ଜିନାନ୍।” ଟିକ୍ ହେପାଦ୍ନା ନେ ତା ମେହି ହାର୍ ଆଜି ମାଚାନ୍। ଲାଗିଙ୍ଗ୍ ହେୱାନ୍ ଆରେ ତା ୱିଜୁ ପରିବାର୍ ଯୀଶୁଙ୍ଗ୍ ପାର୍ତି କିତାର୍।

ଜହନ୍‌ 6:63

ଗାଗାଡ଼୍ ମାନାୟ୍‌ତିଙ୍ଗ୍ ଜିବୁନ୍ କିଦୁତ୍। ମାତର୍ ଈଶ୍ୱରଆତ୍ମା ଜିବୁନ୍ ହିଦ୍‌ନାତ୍। ଆନେଙ୍ଗ୍ ମିଙ୍ଗେଙ୍ଗ୍ ଇନାକା ୱେଚ୍‌ଚାତାଙ୍ଗ୍ ହେଦାଙ୍ଗ୍ ଆତ୍ମା, ଲାଗିଙ୍ଗ୍ ଇୱିଜୁ ବିଷୟ ଜିବୁନ୍ ହିଦ୍‌ନାତ୍।

ଜହନ୍‌ 6:68

ଶିମୋନ ପିତର ହେୱାନିଙ୍ଗ୍ ୱେଚ୍‌ଚାନ୍, “ମାପୃ, ଆପେଙ୍ଗ୍ ଇନେର୍‌ତାକେ ହାନାପ୍? ନିବେ ତ ୱିଜ୍‌ୱି ଜିବୁନ୍ ମାନାତ୍।

ପକ୍ୟାତାକା 10:2

ହେୱାନ୍ ରକାନ୍ ଈଶ୍ୱରତିଙ୍ଗ୍ ହେବାକିନାକାନ୍ ମାଚାନ୍। ହେୱାନ୍ ଆରେ ତା ପରିବାର୍ ନିକାର୍ ଈଶ୍ୱରତିଙ୍ଗ୍ ପାଣ୍ଡ୍ରାଆଜି ମାଚାର୍। ହେୱାନ୍ ଯିହୁଦିନି ଗରିବ୍ ମାନାୟାରିଙ୍ଗ୍ ଆଦିକ୍ ଦାନ୍ ହିଜିମାଚାନ୍, ଆରେ ୱିଜୁଦିନ୍ ଈଶ୍ୱରତାକେ ପାର୍ତାନା କିଜି ମାଚାନ୍।

ପକ୍ୟାତାକା 10:22

ହେୱାର୍ ୱେଚ୍‌ଚାର୍, “କର୍ଣିଲିୟ ତର୍‍ଦାକାନ୍ ରକାନ୍ ଶହେ ସେନାର୍ ମୁକ୍ୟା। ହେୱାନ୍ ଦରମ୍ ମାନାୟ୍ ଆରେ ଈଶ୍ୱରତିଙ୍ଗ୍ ପାଣ୍ଡ୍ରାଆନି ମାନାୟ୍। ଆରେ ୱିଜୁ ଯିହୁଦି ଜାତିର୍‌ତାକେ ହେୱାନ୍ ସନ୍‌ମାନ୍ ପାୟା ଆନାନ୍। ନି କାତା ୱେଞ୍ଜେଙ୍ଗ୍ ଇଞ୍ଜ କୁକ୍‌ଚି ଅଦେଙ୍ଗ୍, ପବିତ୍ର ଦୁତ୍ ହେୱାନିଙ୍ଗ୍ କେଚ୍‌କଣ୍‌ତାକେ ଚଞ୍ଜିଆଆଜି ୱେଚ୍‌ଚାତ୍‌ନା।”

ପକ୍ୟାତାକା 10:43

ହେଦାଙ୍ଗ୍ କାଜିଙ୍ଗ୍ ଇମ୍‌ଣାକାନ୍ ହେୱାନ୍‌ତାକେ ପାର୍ତିକିନାର୍, ହେୱାନ୍ ତା ତର୍‍ଦାଙ୍ଗ୍ ପାପ୍ କେମା ପାୟା ଆନାନ୍, ଇ କାତା ୱିଜୁ ଭବିଷ୍ଯତବକ୍ତାର୍ ହେୱାନ୍ ବିଷୟରେ ଶୁଣାୟ୍ କିତାର୍‌ନା।”

ପକ୍ୟାତାକା 10:6

ପିତର ତଲ୍ କାମାୟ୍ କିନି ଶିମୋନ ଇଞ୍ଜ ଗତେନ୍‌ଲେକେ ଆଜି ମାନାନ୍। ତା ଇଲ୍ ହାମ୍‌ଦୁର୍ କାଣ୍ଡିତ ମାନାତ୍।”

ପକ୍ୟାତାକା 11:13

ଲାଗିଙ୍ଗ୍ ହେୱାନ୍ ମାଙ୍ଗେଙ୍ଗ୍ ୱେଚ୍‌ଚାତାନ୍, ହେୱାନ୍ ରଞ୍ଜାଙ୍ଗ୍ ସରଗ୍ ଦୁତ୍‌ତିଙ୍ଗ୍ ତାଞ୍ଜ ହୁଡ଼୍‌ତାଙ୍ଗ୍ ଇଞ୍ଜି ୱେଚ୍‌ଚାତାନ୍। ଆରେ ହେ ସରଗ୍‌ଦୁତ୍ ହେୱାନିଙ୍ଗ୍ ୱେଚ୍‌ଚାତ୍, ‘ଯାପା ସହର୍‌ତାକେ ମାନାୟ୍ ପକ୍‌ଚି ପିତରତିଙ୍ଗ୍ କୁକ୍‌ଚି ତାଡ, ଇନେସ୍‌କି ଶିମୋନ ଇଞ୍ଜି କୁକ୍‌ନାର୍।

ପକ୍ୟାତାକା 16:15

ତାପାଚେ ହେଦେଲ୍ ଆରେ ତା ପରିବାର୍ ଡୁବନ୍ ଅତାର୍। ପାଚେ ହେଦେଲ୍ ମାଙ୍ଗେଙ୍ଗ୍ ଗୁୱାରି କିଜି ୱେଚ୍‌ଚାତ୍, “ଏପେଙ୍ଗ୍ ଯଦି ନାଙ୍ଗେଙ୍ଗ୍ ମାପୃ ଲାଗାୟ୍ ପାର୍ତିକିନାପ୍ ଇଞ୍ଜି ବାବିକିନାଦେରା, ଲାଗିଙ୍ଗ୍ ମାଞ୍ଜ ୱାଜି ବାହା କିୟାଟ୍।” ଆରେ ହେଦେଲ୍ ମାଙ୍ଗେଙ୍ଗ୍ ତାଞ୍ଜାଙ୍ଗ୍ ହାଞ୍ଜେଙ୍ଗ୍ ହିଦ୍‌ୱାତାତ୍।

ପକ୍ୟାତାକା 18:8

ତାପାଚେ ପାର୍ତାନା ଇଲ୍‌ନି ମୁକ୍ୟା କ୍ରିଷ୍ପ ଆରେ ତା ପରିବାର୍‌ନି ମାନାୟାର୍‌ ମାପୃତାକେ ପାର୍ତି କିତାର୍। ଆରେ ପାଉଲ କାତା କରନ୍ତିୟ ସହର୍‌ତାକେ ମାନି କେତେକ୍ ମାନାୟ୍ ପାର୍ତି କିତାର୍, ଆରେ ଡୁବନ୍ ଅତାର୍।

ପକ୍ୟାତାକା 2:39

ଇ କାତା ମି କାଜିଙ୍ଗ୍, ମି ହିମ୍‌ଣାୱାକ୍‌ଡ଼ା କାଜିଙ୍ଗ୍ ଆରେ ବେସି ଦେହା ମାନାର୍ ହେୱାର୍ କାଜିଙ୍ଗ୍ ହିତ୍‌ତାନ୍‌ନା। ଆରେ ପା ଏଚେଜାଣ୍‌ତିଙ୍ଗ୍ ମାପୃ ମା ଈଶ୍ୱର ଜାର୍ ଲାଗାୟ୍ କୁକ୍ତାନାର୍‌, ହେ ୱିଜାକାରିଙ୍ଗ୍ ହିଦ୍‌ନାନ୍।”

୧ କରନ୍ତିୟ 1:16

ଆଁ ନଙ୍ଗୟ୍ ଏତ୍‌ୱାତାତ୍ ଯେ, ସ୍ତିପାନ କୁଟୁମ୍‌ତିଙ୍ଗ୍ ଆନେଙ୍ଗ୍ ଡୁବନ୍ ହିତାଙ୍ଗ୍‌ନା। ହେୱାରିଙ୍ଗ୍ ପିସ୍ତି ଆରେ ଜେକନିକାରିଙ୍ଗ୍ ଡୁବନ୍ ହିତାକା ମାନ୍ତ ୱାଉତା।