ପକ୍ୟାତାକା 10:38 - New Testament in Pengo Parja Language

³⁸ ଈଶ୍ୱର ନାଜରିତ ସହର୍‌ତାଙ୍ଗ୍ ୱାତି ଯୀଶୁଙ୍ଗ୍ ପବିତ୍ର ଆତ୍ମା ଆରେ ଶାକ୍ତି ହିତାନ୍। ଈଶ୍ୱର ତା ହୁଦାଙ୍ଗ୍ ମାନି କାଜିଙ୍ଗ୍ ହେୱାନ୍ ୱିଜୁ ନିପଣ୍ ବୁଲାଆଜି ମାନାୟାରିଙ୍ଗ୍ ହାର୍ ଆଦେଙ୍ଗ୍ ସାଇଜ କିତାନ୍, ଆରେ ଶୟତାନ ଆଦିକାର୍‌ତାକେ ରଗ୍ ଆହିଆତାକାରିଙ୍ଗ୍ ହାର୍‍କିତାନ୍।

ସତ୍‌ ବଚନ୍‌ ପୁନି ନିୟମ୍‌

³⁸ ନାଜରିତିୟ ଜିସୁତି କାତା, ଇନେସ୍‌ ଇସ୍ୱର୍‌ ହେୱାନିଂ ପୁଇପୁୟା ଜିବୁନ୍‌ ଆରି ସାକ୍ତିତ ସିଗ୍‌ କିତାର୍‌, ଆରେ ହେୱାନ୍‌ ହାର୍‌ କିଉ କିଉ ଆରି ସୟ୍‌ତାନ୍‌ କିତି ବେମାର୍‌ ୱିଜ଼ୁ ଲୁଗାଂ ଉଜ୍‌ କିଉ କିଉ ୱିଜ଼େ ବୁଲାତାନ୍, ଇନାକିଦେଂକି ଇସ୍ୱର୍‌ ହେୱାନିଂ ଆଡାଜ଼ି ମାଚାନ୍‌ ।

ପକ୍ୟାତାକା 10:38 ပူးပေါင်းရင်းမြစ်များ

ମାତିଉ 12:15

ଯୀଶୁ ହେଦାଙ୍ଗ୍ ପୁନ୍‌ଞ୍ଜି ହେବେତାଙ୍ଗ୍ ଏଡ଼ାଆଜି ହସିହାଚାନ୍। ହେବେତାଙ୍ଗ୍ ବେସିହେନି ମାନାୟ୍ ତାପାଚେ ହାଚାର୍। ଆରେ ହେୱାନ୍ ୱିଜାରିଙ୍ଗ୍ ହାର୍‍କିତାନ୍।

ମାତିଉ 12:28

ମାତର୍ ଆନେଙ୍ଗ୍ ଯଦି ପବିତ୍ର ଆତ୍ମା ସାଇଜତାଙ୍ଗ୍ ବୁତ୍ଆତ୍ମାତିଙ୍ଗ୍ ପିହିକିନାଙ୍ଗ୍, ଲାଗିଙ୍ଗ୍ ତ ଈଶ୍ୱର ସାସନ୍ କିନି ରାଜି ମି କଚଣ୍‌ତ ଇକାୱାତାତେ।”

ମାତିଉ 9:19

ହେବେତାଙ୍ଗ୍ ଯୀଶୁ ନିଙ୍ଗ୍‌ତାନ୍, ଆରେ ଚେଲାହିର୍ ହୁଦାଙ୍ଗ୍ ଯିହୁଦିର୍ ପାର୍ତାନା ଇଞ୍ଜି ମୁକ୍ୟା ଯାଇରସ୍‌ ପା ତାପାଚେ ପାଚେ ହାଚାନ୍।

ମାତିଉ 9:35

ତାପାଚେ ଯୀଶୁ ସହର୍ ଆରେ ନାସ୍‌କୁ ନାସ୍‌କୁକାଙ୍ଗ୍ ବୁଲାଆଜି ଯିହୁଦିର୍ ପାର୍ତାନା ଇଲ୍‌କୁକାଙ୍ଗ୍ ହାଲ୍‌ଜି ହିକ୍ଷାହିଜି ଈଶ୍ୱର ସାସନ୍ କିନି ରାଜିନି ହାର୍ଦିକାବୁର୍ ଶୁଣାୟ୍ କିଜି ମାଚାନ୍। ଆରେ ବାରବିନି ରଗ୍ ଆରେ ୱିଜୁ ପର୍‌କାର୍ ଦୁକ୍ କଷ୍ଟନିକାରିଙ୍ଗ୍ ହାର୍‍କିତାନ୍।

ମାର୍କ 6:6

ହେୱାର୍ ହେୱାନିଙ୍ଗ୍ ପାର୍ତି କିୱିତିଲେ, ଯୀଶୁ ଚାନିଆ ଆତାନ୍। ତାପାଚେ, ଯୀଶୁ ପାଡ଼୍‌ହା ପାଡ଼୍‌ହି ନାସ୍‌କୁକାଙ୍ଗ୍ ହାଲ୍‌ଜି ଈଶ୍ୱର କାତା ମାନାୟାରିଙ୍ଗ୍ ୱେଚ୍‌ଚାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 3:22

ପବିତ୍ର ଆତ୍ମା ସରଗ୍‌ତାଙ୍ଗ୍ ପାର୍‌ୱା ଲେକେ ତା ଜପି ୱାତାତ୍। ଆରେ ଈଶ୍ୱର ସରଗ୍‌ତାଙ୍ଗ୍ ଯୀଶୁଙ୍ଗ୍ ୱେଚ୍‌ଚାନ୍, “ଏନେଙ୍ଗ୍ ନା ଲାଡ୍ ମାଜି, ଆନେଙ୍ଗ୍ ନିତାକେ ବେସି ୱାରି।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 4:18

“ପବିତ୍ର ଆତ୍ମା ନାବେ ମାନାତ୍। ଗରିବ୍ ନିକାର୍‌ତାକେ ହାର୍ଦିକାବୁର୍ ଶୁଣାୟ୍ କିଦେଙ୍ଗ୍ ଈଶ୍ୱର ନାଙ୍ଗେଙ୍ଗ୍ ବାଚିକିତ୍‌ନ୍‌ନା। ଆରେ ଶୟତାନ ଜାଲ୍‌ଦ ମାନାକାରିଙ୍ଗ୍ ରକ୍ଷା କିଦେଙ୍ଗ୍, ଆରେ କାଣାର୍ ମାନାୟାରିଙ୍ଗ୍ ହୁଡ଼୍‌ଦେଙ୍ଗ୍ ସାଇଜ କିଦେଙ୍ଗ୍, ଆରେ ଦୁକ୍‌କଷ୍ଟ ପାୟାଆନାକାରିଙ୍ଗ୍ ରକ୍ଷା କିଦେଙ୍ଗ୍ ଈଶ୍ୱର ନାଙ୍ଗେଙ୍ଗ୍ ପକ୍ତାତାନ୍‌ନା।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 9:42

ହେୱାନ୍ ୱାଉ-ୱାଉ ବୁତ୍ ହେୱାନିଙ୍ଗ୍ ତାରେନ୍ ଗୁତ୍‍ତି ଅପ୍ରାବଲ୍ ମଡ଼ିକିତାତ୍। ମାତର୍ ଯୀଶୁ ବୁତ୍ଆତ୍ମାକାଙ୍ଗ୍ ଦମ୍‌କାଇ କିତାନ୍। ଆରେ ହିମ୍‌ଣାଙ୍ଗ୍ ହାର୍ କିଜି ହେୱାନିଙ୍ଗ୍ ଲାତ୍ରାହି କେଇଦ ଆହିକିତାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 9:56

ତାପାଚେ ଯୀଶୁ ଆରେ ତା ଚେଲାହିର୍ ଜେକନି ନାସ୍ ହାଚାର୍।

ଜହନ୍‌ 10:32

ମାତର୍ ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ନା ଆବା ଈଶ୍ୱରତାଙ୍ଗ୍ ବେସି ଚାନିଆଆନି କାମାୟ୍ କିତାଙ୍ଗ୍‌ନା। ଏପେଙ୍ଗ୍ ହେ ୱିଜୁ ହୁଡ଼୍‌ତାଦେର୍‌ନା। ଲାଗିଙ୍ଗ୍ ହେ ହାର୍ଦି କାମାୟ୍ କାଜିଙ୍ଗ୍ ଏପେଙ୍ଗ୍ ନାଙ୍ଗେଙ୍ଗ୍ ଅସ୍ତେଦେଙ୍ଗ୍ ଉପାୟ୍ କିନାଦେରା କି?”

ଜହନ୍‌ 16:32

ୱେନାଟ୍! ସମୟ୍ ୱାନାତା, ଏଚେପାଦ୍ନା ଏପେଙ୍ଗ୍ ଚିନ୍-ବିନ୍ ଆନାଦେର୍। ମି ବିତ୍ରେତାଙ୍ଗ୍ ୱିଜାକାର୍ ଜାର୍-ଜାର୍ ଇଲ୍ ବିତ୍ରେ ଚିନ୍-ବିନ୍ ଆଜି ହନ୍‌ନାଦେର୍। ହେ ସମୟ୍ ୱାଜି ଏକାୱାତାତେ। ଏପେଙ୍ଗ୍ ରକାଙ୍ଗ୍ ନାଙ୍ଗେଙ୍ଗ୍ ପିସ୍ତାନାଦେର୍। ଆନେଙ୍ଗ୍ ରକାଙ୍ଗ୍ ମାନ୍‌ଗାନାଙ୍ଗ୍। ମାତର୍ ଆନେଙ୍ଗ୍ ରକାଙ୍ଗ୍ ଆକାୟ୍, ଇନେସ୍‌କି ଆବା ଈଶ୍ୱର ନା ହୁଦାଙ୍ଗ୍ ମାନାନ୍।

ଜହନ୍‌ 3:2

ହେୱାନ୍ ଦିନେକ୍ ମିକାଲିଙ୍ଗ୍ ଯୀଶୁ ଲାଗାୟ୍ ୱାଜି ୱେଚ୍‌ଚାନ୍, “ଏ ଗୁରୁ, ଆପେଙ୍ଗ୍ ପୁଚାପ୍‌ନା ଯେ, ଏନେଙ୍ଗ୍ ରକାଇ ଈଶ୍ୱରତାଙ୍ଗ୍ ୱାତି ଗୁରୁ। ଏନେଙ୍ଗ୍ ଇମ୍‌ଣିୱିଜୁ ଚାନିଆଆନି କାମାୟ୍ କିନାୟା। ଈଶ୍ୱର ସାଇଜ କିୱିତିସ୍‌ ଇୱିଜୁ କାମାୟ୍ ଇନେର୍ ପା କିଦେଙ୍ଗ୍ ଆଡୁର୍।”

ଜହନ୍‌ 3:34

ଇନେସ୍‌କି ଈଶ୍ୱର ଇନେରିଙ୍ଗ୍ ପକ୍ତାନ୍‌ନା। ଈଶ୍ୱର ଇନାକା ୱେଚ୍‌ଚି ମାନାନ୍, ହେୱାନ୍ ହେଦାଙ୍ଗ୍ ୱେଚ୍‌ନାନ୍। ଈଶ୍ୱରଆତ୍ମା ପୁରାପୁରି ହିନାନ୍।

ଜହନ୍‌ 6:27

ନଷ୍ଟ ଆନି କାଦିତିଙ୍ଗ୍ ଏପେଙ୍ଗ୍ କଷ୍ଟ କିମାଟ୍। ମାତର୍ ଇମ୍‌ଣି କାଦି ନଷ୍ଟ ଆୱାଦାଙ୍ଗ୍ ୱିଜ୍‌ୱି ଜିବୁନ୍ କାଜିଙ୍ଗ୍ ମାନ୍‌ଗାନାତ୍, ହେ କାଦି କାଜିଙ୍ଗ୍ କଷ୍ଟ କିୟାଟ୍। ହେ କାଦି ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ହିଦ୍‌ନାନ୍। ଇନେସ୍‌କି ଆବା ଈଶ୍ୱର ନାଙ୍ଗେଙ୍ଗ୍ ହେ ଆଦିକାର୍ ହିତ୍‌ତାନ୍‌ନା।”

ପକ୍ୟାତାକା 10:37

ଡୁବନ୍‌ହିନି ଯୋହନ ଡୁବନ୍‌ହିନି ବିଷୟରେ ହିକ୍ଷା ହିତି ପାଚେ, ଗାଲିଲୀ ଜିଲ୍ଲାତାଙ୍ଗ୍ ଆରମ୍ କିଜି ଯିହୁଦା ଜିଲ୍ଲାତାକେ ଗଟାଆତି ୱିଜୁ ଗଟ୍‌ନାତିଙ୍ଗ୍ ଏପେଙ୍ଗ୍ ପୁଚାଦେର୍‌ନା।

ପକ୍ୟାତାକା 2:22

ଏ ଇସ୍ରାଏଲ ଜାତିନି ମାନାୟାର୍, “ୱେନାଟ୍! ନାଜରିତିୟ ସହର୍‌ନି ଯୀଶୁ ଇନା-ଇନା ଶାକ୍ତିନି କାମାୟ୍, ଚାନିଆଆନି କାମାୟ୍ ଆରେ ଚିନାତାଙ୍ଗ୍ ମି ଲାଗାୟ୍ ଈଶ୍ୱର ପକିଆତି ମାନାୟ୍ ଇଞ୍ଜି ଚଚିୟା ଆନାନ୍। ହେଦାଙ୍ଗ୍ କାଜିଙ୍ଗ୍ ହେୱାନ୍‌ତାଙ୍ଗ୍ ଈଶ୍ୱର ମିବେ ଇୱିଜୁ କାମାୟ୍ କିତାନ୍‌ନା। ଇଦାଙ୍ଗ୍ ଏପେଙ୍ଗ୍ ନିଜେ ପୁଚାଦେର୍‌ନା।

ଏବ୍ରି 1:9

“ଇନାକା ଟିକ୍ ଏପେଙ୍ଗ୍ ହେଦାଙ୍ଗ୍‌ତିଙ୍ଗ୍ ଲାଡ୍‌କିଜି ମାନାଟ୍ ଆରେ ଇନାକା ଅଦରମ୍‌ ହେଦାଙ୍ଗ୍‌ତିଙ୍ଗ୍ ଗିଣ୍‌କିଜି ମାନାଟ୍। ଲାଗିଙ୍ଗ୍ ଆନେଙ୍ଗ୍ ଈଶ୍ୱର, ମି ଈଶ୍ୱର, ମି ହାଙ୍ଗ୍‌ଦାକାର୍‌ତାଙ୍ଗ୍, ମିଙ୍ଗେଙ୍ଗ୍ ବାଚି କିତ୍‌ତାଙ୍ଗ୍‌ନା ଆରେ ମିଙ୍ଗେଙ୍ଗ୍ ବେସି ସନ୍‌ମାନ୍ ଆରେ ୱାରି ହିତ୍‌ତାଙ୍ଗ୍‌ନା।”

୧ ପିତର 5:8

ଏପେଙ୍ଗ୍ ମି ମାନ୍‌ତିଙ୍ଗ୍ କିଲେର୍ କିୟାଟ୍ ଆରେ ଜାଗ୍ରତ୍ ଆଜି ମାନାଟ୍, ଇନେସ୍‌କି ମି ଶାତୃ ଶୟତାନ ନି ସିଂହ ବୁର୍‌କା ଲେକେ ମାନାୟାରିଙ୍ଗ୍ ବିନାସ୍ କିଦେଙ୍ଗ୍ ଚାରିବେଣ୍‌ତାଙ୍ଗ୍ ଡେକ୍‌ଚି ବୁଲା ଆନାତା।

୧ ଯୋହନ 2:20

ମାତର୍ ଏପେଙ୍ଗ୍ ହେୱାର୍ ଲେକେ ଆକାୟ୍। ଇନେସ୍‌କି ଯୀଶୁ ଖ୍ରୀଷ୍ଟ ମିଙ୍ଗେଙ୍ଗ୍ ପବିତ୍ର ଆତ୍ମା ହିତ୍‌ତାନ୍‌ନା, ଆରେ ଏପେଙ୍ଗ୍ ସତ୍‌ତିଙ୍ଗ୍ ପୁଚାଦେର୍‌ନା।

୧ ଯୋହନ 3:8

ଇନେର୍ ପାପ୍ କାମାୟ୍ କିଜି ମାନାନ୍, ହେୱାନ୍ ଶୟତାନ ମେହି, ଇନେସ୍‌କି ଶୟତାନ ଆରମ୍‌ତାଙ୍ଗ୍ ପାପ୍ କାମାୟ୍ କିତାତ୍‌ନା। ମାତର୍ ଶୟତାନ କିତି କାମାୟ୍‌ତିଙ୍ଗ୍ ସେସ୍ କିଦେଙ୍ଗ୍ ଈଶ୍ୱର ମେହି ଯୀଶୁ ଖ୍ରୀଷ୍ଟ ପୁର୍ତିତାକେ ୱାତାନ୍।