ପକ୍ୟାତାକା 1:3 - New Testament in Pengo Parja Language

³ ଯୀଶୁ ନିଜେ ଦୁକ୍‌କଷ୍ଟ ପାୟାଆଜି କୃଶକାଟ୍‌ତାକେ ହାଃତି ପାଚେ, ହେୱାନ୍ ଆରେରଗ ଜିବୁନ୍ ପାୟାଆତାନ୍‌। ଆରେ ତା ବାଚିକିତି ଚେଲାହିରିଙ୍ଗ୍ ଜାର୍‌ତିଙ୍ଗ୍ ଜିବୁନ୍ ଆତାଙ୍ଗ୍‌ନା ଇଞ୍ଜି ଚଚିୟାଆତାନ୍। ହେୱାନ୍ ଚାଲିଶ୍ ଦିନ୍ ପାତେକ୍ ବାରମ୍-ବାରମ୍ ହେୱାରିଙ୍ଗ୍ ଚଚିୟାଆତାନ୍। ଆରେ ହେୱାନ୍ ଈଶ୍ୱର ସାସନ୍ ରାଜିନି ବିଷୟରେ ହେୱାରିଙ୍ଗ୍ ୱେଚ୍‌ଚି ମାଚାନ୍।

ସତ୍‌ ବଚନ୍‌ ପୁନି ନିୟମ୍‌

³ ଜିସୁ ପା ଜାର୍‌ ଦୁକ୍‍ବଗ୍‍ ପାଚେ ଆଦେକ୍‌ ପାର୍ମାଣ୍‍ ହୁକେ ହେୱାର୍‌ ତାକେ ଜାର୍‌ତିଂ ଜିଜ଼ି ମାନାକା ଚଚ୍‍ଚାନ୍, ଆରେ ରିକଡ଼ି ଦିନ୍‌ ପାତେକ୍‌ ତାଇନାତ୍‌ ହେୱାରିଂ ଚଞ୍ଜ୍ୟା ଆଜ଼ି ଇସ୍ୱର୍‌ତି ରାଜିନି ବିସ୍ରେ ଇଚାନ୍‌ ।

ପକ୍ୟାତାକା 1:3 ပူးပေါင်းရင်းမြစ်များ

ମାତିଉ 21:43

ଲାଗିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା, ‘ଈଶ୍ୱର ସାସନ୍ କିନି ରାଜି ମି ତାକେତାଙ୍ଗ୍ କିସ୍ତି ଅନାର୍। ଆରେ ଈଶ୍ୱର ତା ରାଜିତାକେ ଇନାକା ହିଦେଙ୍ଗ୍ ଇଚା କିନାନା। ଇମ୍‌ଣି ଜାତିର୍‌ତାକେ ହେଲେକେ କିନାର୍ ହେୱାରିଙ୍ଗ୍ ଈଶ୍ୱର ତା ସାସନ୍ କିନି ରାଜି ହିନାନ୍।’

ମାତିଉ 28:9

ହେଦାପ୍ରେ ହେୱାର୍ ହୁଡ଼୍‌ତାର୍, ଯୀଶୁ ତା ଆଗ୍‌ବାଗାୟ୍ ନିଲ୍‌ତାନ୍‌ନା, ହେୱାନ୍ ୱେଚ୍‌ଚାନ୍, “ମି ଶାନ୍ତି ଆୟେତ୍!” କଗ୍‌ଲେ ହିମ୍‌ଣାକ୍ ଯୀଶୁ ଲାଗାୟ୍ ହାଚିକ୍। ହେୱେକ୍ ତା କାଲ୍‌କୁ ଆସ୍ତି ପୁଜା କିତିକ୍।

ମାତିଉ 3:2

“ପାପ୍ କାମାୟ୍ ପିସ୍ତି ମାପୃତାକେ ୱାଡ। ଇନେସ୍‌କି ଈଶ୍ୱର ସାସନ୍ କିନି ରାଜି ଲାଗେ ଇକାୱାତାତେ।”

ମାତିଉ 4:2

ଆରେ ଯୀଶୁ ଚାଲିଶ୍ ଦିନ୍ ଚାଲିଶ୍ ରାତି ଇନାକାପା ତିନ୍‌ୱାଦାଙ୍ଗ୍ ଉଣ୍‌ୱାଦାଙ୍ଗ୍ ଉପାସ୍ କିତି ପାଚେ ନାସ୍‌କି ଆତାନ୍।

ମାର୍କ 16:19

ମାପୃ ଯୀଶୁ ଇ ୱିଜୁବେଣ୍ ତା ଚେଲାହିରିଙ୍ଗ୍ ୱେଚ୍‌ଚି ପାଚେ ଈଶ୍ୱର ଯୀଶୁଙ୍ଗ୍ ସରଗ୍‌ତାକେ ଅସିହାଚାନ୍, ଆରେ ହେୱାନ୍ ଈଶ୍ୱର ହୁଦାଙ୍ଗ୍ ସାସନ୍ କିଦେଙ୍ଗ୍ ତା ତିନାବାଗାୟ୍ କୁଚ୍‌ଚାନ୍।

ଜହନ୍‌ 20:26

ଆଡ଼୍‌ଦିନ୍ ପାଚେ ତା ଚେଲାହିର୍ ଆରେରଗ ଇଲ୍ ବିତ୍ରେ ମାଚାର୍। ଥୋମା ହେୱାର୍ ହୁଦାଙ୍ଗ୍ ମାଚାନ୍। କାପାଟ୍‌ତାକେ କୁଚି ଆହିଆଜି ମାଚାତ୍। ମାତର୍ ଯୀଶୁ ୱାଜି ହେୱାର୍‌ତାକେ ନିଲ୍‌ତାନ୍। ହେୱାନ୍ ୱେଚ୍‌ଚାନ୍, “ଈଶ୍ୱର ମିଙ୍ଗେଙ୍ଗ୍ ଶାନ୍ତି ହିଦେନ୍।”

ଜହନ୍‌ 21:1

ଗାଲିଲୀ ଜିଲ୍ଲାନି ତିବିରିଆ ହାମ୍‌ଦୁର୍ କାଣ୍ଡିତାକେ ଯୀଶୁ ଚେଲାହିର୍ ମୁମ୍‌ଦ ଚଞ୍ଜିଆତାନ୍। ହେୱାନ୍ ହେଲେକେ ଚଞ୍ଜିଆତାନ୍।

ଜହନ୍‌ 21:14

ଯୀଶୁ ହାଃତିତାଙ୍ଗ୍ ଜିବୁନ୍‌ଆଜି ନିଙ୍ଗ୍‌ତି ପାଚେ ଚେଲାହିରିଙ୍ଗ୍ ଇ ତିନ୍‌ହଟ୍ ଚଞ୍ଜିଆତାନ୍।

ପକ୍ୟାତାକା 13:31

ଆରେ ଇମ୍‌ଣାକାର୍ ତା ହୁଦାଙ୍ଗ୍ ଗାଲିଲୀ ଜିଲ୍ଲାତାଙ୍ଗ୍ ଯିରୁଶାଲାମ ସହର୍‌ତାକେ ୱାଜିମାଚାର୍, ହେ ଚେଲାହିରିଙ୍ଗ୍ କେତେକ୍ ଦିନ୍ ପାତେକ୍ ହେୱାନ୍ ଚଞ୍ଜିଆତାନ୍। ଇମ୍‌ଣାକାର୍ ହୁଡ଼୍‌ତାର୍‌ନା ହେୱାର୍ ଇସ୍ରାଏଲନି ମାନାୟାର୍ ଲାଗାୟ୍ ସାକି ମାନାର୍।

ପକ୍ୟାତାକା 19:8

ପାଚେ ପାଉଲ ପାକାପାକି ତିନ୍‌ମାସ୍‌ ପାତେକ୍ ପାର୍ତାନା ଇଞ୍ଜ ହାଲ୍‌ଜି ମାଚାନ୍। ହେୱାର୍ ଇନେସ୍ ଈଶ୍ୱର ସାସନ୍ କିନି ରାଜି ବିଷୟରେ ପାର୍ତିକିନାର୍ ହେଦାଙ୍ଗ୍ କାଜିଙ୍ଗ୍ ହେୱାର୍ ହୁଦାଙ୍ଗ୍ ଆଲ୍‌ଚାନା କିଜି ମାଚାନ୍।

ପକ୍ୟାତାକା 28:23

ହେ ମୁଡ଼୍‌ଦାକାର୍ ପାଉଲ ହୁଦାଙ୍ଗ୍ ମେହାଆଦେଙ୍ଗ୍ ରଦିନ୍ ଟିକ୍ କିତାର୍, ଆରେ ମାନାୟାର୍ ଅଜି ତାଞ୍ଜ ହାଚାର୍। ଲାଗିଙ୍ଗ୍ ପାଉଲ ନାଡ଼ିସ୍‌ତାଙ୍ଗ୍ ମିକାହାରେସ୍ ପାତେକ୍ ହେୱାରିଙ୍ଗ୍ ଈଶ୍ୱର ସାସନ୍ କିନି ରାଜି ବିଷୟରେ ହିକ୍ଷା ହିତାନ୍। ଆରେ ମୋଶା ଲେକିକିତି ନିୟମ୍‌ନି ସାସ୍ତର୍ ଆରେ ଭବିଷ୍ଯତବକ୍ତାର୍ ସାସ୍ତର୍‌ତାଙ୍ଗ୍ ଯୀଶୁ ବିଷୟରେ ହେୱାରିଙ୍ଗ୍ ବୁଜାଇ କିଦେଙ୍ଗ୍ ଉପାୟ୍ କିତାନ୍।

ପକ୍ୟାତାକା 28:31

ଆରେ ତା ଲାଗାୟ୍ ୱାଜିମାଚାର୍ ହେ ୱିଜାକାରିଙ୍ଗ୍ ଶାସ୍ ହୁଦାଙ୍ଗ୍ ଆରେ ପାଣ୍ଡ୍ରା ଆୱାଦାଙ୍ଗ୍ ଈଶ୍ୱର ସାସନ୍ କିନି ରାଜି ବିଷୟରେ ଶୁଣାୟ୍ କିଜି ମାଚାନ୍, ଆରେ ମାପୃ ଯୀଶୁ ଖ୍ରୀଷ୍ଟ ବିଷୟରେ ହିକ୍ଷା କିଜି ମାଚାନ୍।

ପକ୍ୟାତାକା 8:12

ମାତର୍ ପିଲିପତାଙ୍ଗ୍ ଏଚେପାଦ୍ନା ଈଶ୍ୱର ରାଜି ଆରେ ଯୀଶୁ ଖ୍ରୀଷ୍ଟ ତା ତର୍‌ ବିଷୟରେ ହାର୍ଦିକାବୁର୍ ଶୁଣାୟ୍ କିତାକା ହେୱାର୍ ୱେଚାର୍, ଆରେ ହେୱାର୍ ଯୀଶୁଙ୍ଗ୍ ପାର୍ତି କିତାର୍। ହେପାଦ୍ନା ଆଣ୍ଡ୍ରା ଆରେ କଗ୍‌ଲେ ଡୁବନ୍ ଆଦେଙ୍ଗ୍ ଲାଗାତାର୍।

ରୋମିୟ 14:17

ଇନେସ୍‌କି ଈଶ୍ୱର ସାସନ୍ କିନି ରାଜି ତିନି ଉଣି ବିଷୟରେ ଆକାୟ୍, ମାତର୍ ଦରମ୍ ଲକ୍ ଆନି ବିଷୟ, ଶାନ୍ତିରେ ମାନି ବିଷୟ ଆରେ ପବିତ୍ର ଆତ୍ମା ହୁଦାଙ୍ଗ୍ ୱାରିୟାଆନି ବିଷୟ ନେ ମୁକ୍ୟ।

କଲସିୟ 1:13

ଇନେସ୍‌କି ହେୱାନ୍ ମାଙ୍ଗେଙ୍ଗ୍ ମାଜ୍‌ଗାନି ରାଜିତାଙ୍ଗ୍ ଉଦାର୍ କିତ୍‌ତାନ୍‌ନା। ଆରେ ତା ଲାଡ୍‌ନି ମେହି ସାସନ୍ କିନି ରାଜିତାକେ ମାଙ୍ଗେଙ୍ଗ୍ ଅତ୍‌ତାନ୍‌ନା।

୧ ଥେସଲନୀକିୟ 2:12

ଆପେଙ୍ଗ୍ ମିଙ୍ଗେଙ୍ଗ୍ ଗୁୱାରି କିଦ୍‌ନାପା, ଆରେ ସାସ୍ ହିଦ୍‌ନାପା। ଇନେସ୍‌କି ଈଶ୍ୱର ମିଙ୍ଗେଙ୍ଗ୍ ତା ରାଜିତାକେ ଗୌରବ ମାନାୟ୍ ଆନି କାଜିଙ୍ଗ୍ ବାଚି କିତ୍‌ତାନ୍‌ନା, ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ହେୱାନ୍ ଇଚା କିତିଲେକେ ଯିବୁନ୍ କାଟିକିୟାଟ୍।

୧ ଯୋହନ 1:1

ଆଗେତାଙ୍ଗ୍ ଇନେର୍ ମାଚାନ୍, ତା ବିଷୟରେ ଆପେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାପା। ହେୱାନିଙ୍ଗ୍ ଆପେଙ୍ଗ୍ ହୁଡ଼୍‌ତାପ୍‌ନା, ଆରେ ତା କାତା ୱେଚାପ୍‌ନା। ଆପେଙ୍ଗ୍ ତାଙ୍ଗେଙ୍ଗ୍ ଜାର୍ କାଣ୍‌କୁତାଙ୍ଗ୍ ହୁଡ଼୍‌ତାପ୍‌ନା ଆରେ ଜାର୍ କେଇଦାଙ୍ଗ୍ ଆସ୍‌ପାତାପ୍‌ନା, ହେୱାନ୍ ଯୀଶୁ ଖ୍ରୀଷ୍ଟ ଆରେ ଜିବୁନ୍ ହିଦ୍‌ନି କାତା।