ପକ୍ୟାତାକା 1:24 - New Testament in Pengo Parja Language

^24-25 ହେୱାର୍ ଇଲେକେ ପାର୍ତାନା କିତାର୍, “ଏ ମାନ୍ତି କାତା ପୁନି ମାପୃ, ଯିହୁଦା ବାଚିକିତି ଚେଲା ପାଦ୍ ପିସ୍ତି, ଇମ୍‌ଣି ବାହାତାକେ ହାନିକାତା ହେୱାନ୍ ହାଲ୍‌ୱାଦାଙ୍ଗ୍ ହାଃତାନ୍ ହେ ବାହାତାକେ ହାଞ୍ଜେଙ୍ଗ୍, ତା ବାଦୁଲ୍‌ରେ ଇ ରିୟାର୍ ବିତ୍ରେତାଙ୍ଗ୍ ଇନେରିଙ୍ଗ୍ ବାଚିକିତାୟ୍‌ନା, ମାଙ୍ଗେଙ୍ଗ୍ ୱେଚ୍‌ଚା।”

ସତ୍‌ ବଚନ୍‌ ପୁନି ନିୟମ୍‌

²⁴ ଇ ପାର୍ତାନା କିତାର୍‌, “ମାପ୍ରୁ ସବୁ ଲକାର୍‌ତି ଚିନ୍ତା ପୁନି ମାପ୍ରୁ ଇ ରିୟାର୍‌ ବିତ୍ରେତାଂ ମି ହୁକେ ଇନେର୍‌ ବାଚି କିୟାତାନ୍‌ ମାଙ୍ଗେଙ୍ଗ୍‌ ୱେଚ୍‌ଚାଟ୍‌,

ପକ୍ୟାତାକା 1:24 ပူးပေါင်းရင်းမြစ်များ

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 16:15

ଯୀଶୁ ପାରୁସିଦଳ୍‍‌ତିଙ୍ଗ୍ ୱେଚ୍‌ଚାନ୍, “ମାନାୟାର୍ ମୁମ୍‌ଦ ଏପେଙ୍ଗ୍ ଜାର୍‌ତିଙ୍ଗ୍ ବଲ୍‍ବଲାୟ୍ ଆନାଦେରା। ମାତର୍ ମି ଗରବ୍‌ତାକେ ଇନାକା ୱିଜୁ ମାନାତ୍ ଈଶ୍ୱରନେ ପୁନାନ୍। ଇମ୍‌ଣିୱିଜୁ ବିଷୟତିଙ୍ଗ୍ ମାନାୟାର୍ ବେସି ସନ୍‌ମାନ୍ କିନାର୍, ହେଦାଙ୍ଗ୍ ଈଶ୍ୱର କାଣ୍‍କୁକାଙ୍ଗ୍ ଗିଣ୍‌ନି ବିଷୟ।

ଜହନ୍‌ 21:17

ଆରେ ତିନ୍‌ହଟ୍ ହେୱାନ୍ ହେୱାନିଙ୍ଗ୍ ୱେନ୍‌ବାତାନ୍, “ଯୋହନ ମେହି ଶିମୋନ, ଏନେଙ୍ଗ୍ ନାଙ୍ଗେଙ୍ଗ୍ ଲାଡ୍ କିଦ୍‌ନାୟା କି?” ପିତର ଦୁକ୍ ଆତାନ୍, ଇନେସ୍‌କି ଯୀଶୁ ହେୱାନିଙ୍ଗ୍ ତିନ୍‌ହଟ୍ ହେ ବେଣ୍ ୱେନ୍‌ବାତାନ୍, “ନାଙ୍ଗେଙ୍ଗ୍ ଲାଡ୍ କିଦ୍‌ନାୟା କି?” ପିତର ୱେଚ୍‌ଚାନ୍, “ମାପୃ, ଏନେଙ୍ଗ୍ ୱିଜୁ ବିଷୟ ପୁଚାଇନା। ଆନେଙ୍ଗ୍ ନିଙ୍ଗେଙ୍ଗ୍ ଲାଡ୍ କିଦ୍‌ନାନ୍ ଇଞ୍ଜି ଏନେଙ୍ଗ୍ ପୁଚାଇନା।” ଯୀଶୁ ପିତରତିଙ୍ଗ୍ ୱେଚ୍‌ଚାନ୍, “ନା ମେଣ୍ଢାକାଙ୍ଗ୍ ଚିଚ୍‌ପା।

ପକ୍ୟାତାକା 14:23

ପାଉଲ ଆରେ ବର୍ଣ୍ଣବା ୱିଜୁ ମଣ୍ଡ୍‌ଲିତାକେ ପ୍ରାଚିନାରିଙ୍ଗ୍ ବାଚିକିତାର୍ ଆରେ ଉପାସ୍ କିଜି ପାର୍ତାନା କିତାର୍। ହେୱାର୍ ପାର୍ତିକିନି ମାପୃ ଲାଗାୟ୍ ପ୍ରାଚିନ୍‌ ଆରେ ପାର୍ତିକିନି ମାନାୟାରିଙ୍ଗ୍ ହାର୍‌ପି କିଜି ହିତାର୍।

ପକ୍ୟାତାକା 15:8

ୱିଜୁ ବିଷୟରେ ପୁନି ଈଶ୍ୱର ମାଙ୍ଗେଙ୍ଗ୍ ଇନେସ୍ ପବିତ୍ର ଆତ୍ମା ଦାନ୍ ହିତ୍‌ତାନ୍‌ନା, ହେଲେକେ ନେ ବିନ୍‌ଜାତିରିଙ୍ଗ୍ ପା ଦାନ୍ ହିନାନ୍। ଆରେ ହେୱାନ୍ ହେୱାରିଙ୍ଗ୍ ତା ଜାର୍ ମାନାୟ୍ ଇଞ୍ଜି ୱେଚ୍‌ଚାନ୍‌ନା।

ପକ୍ୟାତାକା 6:6

ଜେକନି ଚେଲାର୍ ବାଚିକିତି ଚେଲାହିର୍ ଲାଗାୟ୍ ତାତାର୍। ଲାଗିଙ୍ଗ୍ ବାଚିକିତି ଚେଲାର୍ ପାର୍ତାନା କିଜି ହେ କାମାୟ୍ କିଦେଙ୍ଗ୍ ଦାଇତ୍ ହିତାର୍।

ରୋମିୟ 8:27

ଆରେ, ଆବା ଈଶ୍ୱର ୱିଜାକାର୍ ଗରବ୍‌ତିଙ୍ଗ୍ ପୁଚାନ୍‌ନା, ଲାଗିଙ୍ଗ୍ ହେ ପବିତ୍ର ଆତ୍ମାନି କାତାତିଙ୍ଗ୍ ବୁଜା ଆନାନା, ଇନେସ୍‌କି ଈଶ୍ୱର ଜାର୍ ଇଚା ଅନୁସାରେ ହାମାନ୍ ଆଜି ମାନି କାଜିଙ୍ଗ୍ ପବିତ୍ର ଆତ୍ମା ମା କାଜିଙ୍ଗ୍ ତାତାକେ ଗୁୱାରି କିନାତା।

ଏବ୍ରି 4:13

ଈଶ୍ୱର କାଣ୍‍କୁକାଙ୍ଗ୍ ଇମ୍‌ଣି ମାନାୟ୍ ପା ଡ଼ୁଗ୍‌ୱାତାର୍‌ନା। ଇନେସ୍‌କି ତା କାଣ୍‍କୁକାଙ୍ଗ୍ ୱିଜୁ ବିଷୟ ଚଞ୍ଜି ଆନାତ୍। ଆରେ ତା ମୁମ୍‌ଦ ମାଙ୍ଗେଙ୍ଗ୍ ୱିଜୁ କାତା ୱେଚ୍‌ଚେଙ୍ଗ୍ ଆନାତ୍ ଇନାକା ମା ଜିବୁନ୍ ମାନିହିଙ୍ଗ୍ କିତାସ୍‌ନା।

ହତ୍‌ତି 2:23

ଆନେଙ୍ଗ୍ ତା ହିକ୍ଷାତିଙ୍ଗ୍ ମାନି କିନାକାରିଙ୍ଗ୍ ମାର୍ନେ ଅହ୍‌ନାଙ୍ଗ୍, ଲାଗିଙ୍ଗ୍ ୱିଜୁ ମଣ୍ଡ୍‌ଲିନି ମାନାୟାର୍ ପୁନାର୍ ଯେ, ଆନେଙ୍ଗ୍ ନେ ହେ ମାନାୟ୍‌ତଙ୍ଗ୍‌ ଇନେର୍ ୱିଜାର୍ ମାନ୍ତି ବାବ୍‌ନାତିଙ୍ଗ୍ ଆରେ ଚିନ୍ତାତିଙ୍ଗ୍ ପୁନି ମାନାୟ୍। ଆରେ ଆନେଙ୍ଗ୍ ମି ଜାର୍-ଜାର୍ କାମାୟ୍ ଅନୁସାରେ ମିଙ୍ଗେଙ୍ଗ୍ ପୁରଷ୍କାର୍ ହିଦ୍‌ନାଙ୍ଗ୍।