୩ ଯୋହନ 1:6 - New Testament in Pengo Parja Language

⁶ ଏନେଙ୍ଗ୍ ହେୱାରିଙ୍ଗ୍ ଲାଡ୍‌କିନି ବିଷୟ, ଆରେ ହାର୍ ବ୍ଯବହାର୍ କିତି ବିଷୟ ମଣ୍ଡ୍‌ଲିତାକେ ୱାଜି ୱେଚ୍‌ନାରା, ନଙ୍ଗୟ୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା। ଏନେଙ୍ଗ୍ ଇନେସ୍ ହେୱାରିଙ୍ଗ୍ ସାଇଜ କିଜି ମାଚାୟ୍ ହେଲେକେ ସାଇଜ କିଜି ମାନା, ଲାଗିଙ୍ଗ୍ ଈଶ୍ୱର ୱାରିୟା ଆନାନ୍।

ସତ୍‌ ବଚନ୍‌ ପୁନି ନିୟମ୍‌

⁶ ହେୱାର୍‌ ମଣ୍ଡ୍‌ଲି ଲାଗେ ମି ଜିଉନନାକା ବିସ୍ରେ ସାକି ହିନାରା; ଏପ୍‌ ଜଦି ହେୱାରିଂ ଇସ୍ୱର୍‌ତି ଜଗ୍‌ ଉପ୍‌କାର୍‌ ହିଜ଼ି ହାଜ଼ି ବାଦ୍‌ଲାୟ୍‌ କିୟାଟ୍‌, ବାଟିଙ୍ଗ୍‌ ହାର୍ଦି କାମାୟ୍‌ କିନାଦେର୍‌,

୩ ଯୋହନ 1:6 ပူးပေါင်းရင်းမြစ်များ

ପକ୍ୟାତାକା 15:29

ଯଦି ଏପେଙ୍ଗ୍ ଇୱିଜୁ ହାର୍‌ଦାଙ୍ଗ୍ ମାନିକିତିସ୍, ମି କାଜିଙ୍ଗ୍ ହାର୍ ଆନାତ୍। ଏପେଙ୍ଗ୍ ହାର୍‌ଦାଙ୍ଗ୍ ମାନାଟ୍।

ପକ୍ୟାତାକା 15:3

ଲାଗିଙ୍ଗ୍ ମଣ୍ଡ୍‌ଲିନି ମାନାୟାର୍ ହେୱାରିଙ୍ଗ୍ କେତେକ୍ ଡାବୁଙ୍ଗ୍ କର୍ଚ ହିଜି ପକ୍ତାର୍। ହେୱାର୍ ପୈନିକିଆ ସହର୍ ଆରେ ଶମିରଣିୟ ଜିଲ୍ଲା ନିପଣ୍ ଆଜି ହାନିହିଙ୍ଗ୍ ମଣ୍ଡ୍‌ଲିକାଙ୍ଗ୍ ବିନ୍‌ଜାତିନି ମାନାୟାର୍ ଇନେସ୍ ପାର୍ତି କିତାର୍ ହେ ବିଷୟରେ ୱେଚ୍‌ଚାର୍। ଇ କାତା ୱେନ୍‌ଞ୍ଜି ହେ ମଣ୍ଡ୍‌ଲିନି ଟଣ୍ଡାର୍ ୱାରି କିତାର୍।

ପକ୍ୟାତାକା 21:5

ହେବେ ସାତ୍‌ଦିନ୍ ମାଚି ପାଚେ ହେବେତାଙ୍ଗ୍ ମା ହାଜ୍‌ଦିଙ୍ଗ୍ ଆପେଙ୍ଗ୍ ହାଚାପ୍। ହେୱାର୍ ୱିଜାକାର୍ କଗ୍‍ଲେକ୍ ଆରେ ହିମ୍‌ଣାୱାକ୍‌ଡ଼ା ହୁଦାଙ୍ଗ୍ ସହର୍‌ନି ହାମ୍‌ଦୁର୍ କାଣ୍ଡିତାକେ ଇଡ୍‌ଗି ୱାତାର୍। ହେବେ ଆପେଙ୍ଗ୍ ମେଣ୍ଡାକୁନ୍ଦିକିଜି ପାର୍ତାନା କିତାପ୍।

ରୋମିୟ 15:24

ଆନେଙ୍ଗ୍ ସ୍ପେନ୍ ଦେସ୍‌ତାକେ ହାନି କାଜିଙ୍ଗ୍ ଉପାୟ୍ କିନାଙ୍ଗା, ଆରେ ଆନେଙ୍ଗ୍ ଏଚେପାଦ୍ନା ହାନାଙ୍ଗ୍, ରମ ସହର୍‌ତାକେ ୱାଜି ମିଙ୍ଗେଙ୍ଗ୍ ହୁଡ଼୍‌ଦେଦେଙ୍ଗ୍ ଆହା କିନାଙ୍ଗା। ଆରେ ମିହୁଦାଙ୍ଗ୍ ମାହାଆଜି ୱାରିକିତି ପାଚେ, ଆନେଙ୍ଗ୍ ସ୍ପେନ୍ ସହର୍‌ତାକେ ହାନାଙ୍ଗ୍।

୨ କରନ୍ତିୟ 1:16

ଆନେଙ୍ଗ୍ ଇଲେକେ ଇଚା କିଜି ମାଚାଙ୍ଗ୍ ଯେ, ମାକଦନିଆତାକେ ହାନିହିଙ୍ଗ୍ ମିଙ୍ଗେଙ୍ଗ୍ ବେଟା ଆଦ୍‌ନାଙ୍ଗ୍‌ ଆରେ ମାକଦନିଆ ହାଲ୍‌ଜି ଆରେରଗ ମି ଲାଗେ ଲେଉଟା ଆଜି ୱାନାଙ୍ଗ୍। ଲାଗିଙ୍ଗ୍ ଏପେଙ୍ଗ୍ ନାଙ୍ଗେଙ୍ଗ୍ ଯିହୁଦା ସହର୍‌ତାକେ ହାଞ୍ଜେଙ୍ଗ୍ ଦର୍‌କାର୍ ଆଦ୍‌ନି ଜିନିଷ୍ ସାଇଜ କିଦ୍‌ନାଦେର୍।

ପିଲିପିୟ 4:14

ଏପେଙ୍ଗ୍ ନା ବିପତ୍ ସମୟରେ ଡାବୁଙ୍ଗ୍ ହିଜି ସାଇଜ କିଜି ହାର୍ କିତାଦେର୍‌ନା।

କଲସିୟ 1:10

ଆରେ ଏପେଙ୍ଗ୍ ଇନେସ୍‌କି ମାପୃଙ୍ଗ୍ ୱିଜୁଦିନ୍ ସନ୍‌ମାନ୍ ଆରେ ୱାରି କିତିଲେକେ ଜିବୁନ୍ କାଟିକିନାଦେର୍। ଏପେଙ୍ଗ୍ ୱିଜୁଦିନ୍ ହାର୍ଦି କାମାୟ୍ କିନାଦେର୍, ଆରେ ଈଶ୍ୱରତିଙ୍ଗ୍ ଆଦିକ୍‌ତାଙ୍ଗ୍ ଆଦିକ୍ ହାର୍‌ଦାଙ୍ଗ୍ ପୁଞ୍ଜେଙ୍ଗ୍ ଆଡ୍‌ନାଦେର୍।

୧ ଥେସଲନୀକିୟ 2:12

ଆପେଙ୍ଗ୍ ମିଙ୍ଗେଙ୍ଗ୍ ଗୁୱାରି କିଦ୍‌ନାପା, ଆରେ ସାସ୍ ହିଦ୍‌ନାପା। ଇନେସ୍‌କି ଈଶ୍ୱର ମିଙ୍ଗେଙ୍ଗ୍ ତା ରାଜିତାକେ ଗୌରବ ମାନାୟ୍ ଆନି କାଜିଙ୍ଗ୍ ବାଚି କିତ୍‌ତାନ୍‌ନା, ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ହେୱାନ୍ ଇଚା କିତିଲେକେ ଯିବୁନ୍ କାଟିକିୟାଟ୍।

ତୀତସ 3:13

ଓକିଲ ଜିନା ଆରେ ଆପୋଲ ହେୱାର୍ ହାଜ୍‌ଦିଙ୍ଗ୍ ହାନି ୱେଡ଼ାଲିଙ୍ଗ୍, ଏପେଙ୍ଗ୍ ଇନାକା ପା ସାଇଜ କିଦେଙ୍ଗ୍ ଆଡ୍‌ନାଦେର୍ ହେୱାରିଙ୍ଗ୍ ହିୟାଟ୍, ଇନେସ୍‌କି ହେୱାରିଙ୍ଗ୍ ଇନା ଅବାବ୍ ଆମେତ୍।

୧ ପିତର 2:20

ମାତର୍ ଯଦି ମି ବୁଲ୍ କାମାୟ୍ କାଜିଙ୍ଗ୍ ମାଡ୍ ତିନାଦେର୍‌, ଆରେ ଦଣ୍ଡ୍ ପାୟାଆନାକା ସମ୍ବାଲି କିନାଦେରା, ଲାଗିଙ୍ଗ୍ ଏପେଙ୍ଗ୍ ଜୟ୍-ଜୟ୍ ପାୟାଆନି କାଜିଙ୍ଗ୍ ଦର୍‌କାର୍ ଆକାୟ୍। ମାତର୍ ଏପେଙ୍ଗ୍ ହାର୍ କାମାୟ୍ କିତି କାଜିଙ୍ଗ୍ ଦୁଃକ୍ କଷ୍ଟ ପାୟାଆନାଦେରା ଆରେ ସମ୍ବାଲି କିନାଦେରା ଲାଗିଙ୍ଗ୍ ଈଶ୍ୱର ମି କାଜିଙ୍ଗ୍ ୱାରିୟା ଆନାନ୍।

୩ ଯୋହନ 1:12

ୱିଜାର୍ ମାନାୟାର୍ ଇନାରା ଯେ, ଦିମିତ୍ରିୟ ରୱାନ୍ ହାର୍‌ଦାକାନ୍, ଇନେସ୍‌କି ହେୱାନ୍ ସତ୍ ଯିବୁନ୍ କାଟି କିନାନା, ହେଦାଙ୍ଗ୍ କାଜିଙ୍ଗ୍ ହେୱାନିଙ୍ଗ୍ ହାର୍‌ଦାକାନ୍ ଇଞ୍ଜି ଇନାର୍। ଆପେଙ୍ଗ୍ ପା ହେୱାନ୍ ହାର୍‌ଦାକାନ୍ ଇଞ୍ଜି ଇନାପା, ଆରେ ଏପେଙ୍ଗ୍ ପୁଚାଦେର୍‌ନା ଯେ ଆପେଙ୍ଗ୍ ୱେଚ୍‌ଚାକା ୱିଜୁ ସତ୍।