୨ ତିମଥି 4:3 - New Testament in Pengo Parja Language

³ ଇନେସ୍‌କି ସମୟ୍ ୱାନାତ୍, ମାନାୟାର୍ ସତ୍ ହିକ୍ଷାତିଙ୍ଗ୍ ୱେଞ୍ଜେଙ୍ଗ୍ ଇଚା କିଉର୍। ମାତର୍ ହେୱାର୍ କିତୁଲିକାଙ୍ଗ୍ ହୱାଦ୍ ଆନିଲେକେ ବେଣ୍ ୱେଚ୍‌ନି ମାଷ୍ଟେରାରିଙ୍ଗ୍ ଡେକ୍‌ନାର୍ ଆରେ ହେୱାର୍ ଜାର୍ ଇଚାତାଙ୍ଗ୍ ଜିବୁନ୍ କାଟିକିନାର୍।

୨ ତିମଥି 4:3 ပူးပေါင်းရင်းမြစ်များ

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 20:19

ଈଶ୍ୱର ହେବାକିନି ମୁଡ଼୍‌ଦି ପୁଜାରିର୍ ଆରେ ପଣ୍ଡିତାରିଙ୍ଗ୍ ଯୀଶୁ ର କାତା ୱେଚ୍‌ନିଲେକେ କିଜି ୱେଚ୍‌ନାକା ପୁଚାର୍। ହେଦାଙ୍ଗ୍ କାଜିଙ୍ଗ୍ ଯୀଶୁଙ୍ଗ୍ ହେବେ ଆସ୍ତେଙ୍ଗ୍ ଉପାୟ୍ କିତାର୍। ମାତର୍ ହେୱାର୍ ମାନାୟାରିଙ୍ଗ୍ ପାଣ୍ଡ୍ରାଆଜି ଆହ୍‌ୱାତାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 6:26

ଏଚେପାଦ୍ନା ମାନାୟାର୍ ମିଙ୍ଗେଙ୍ଗ୍ ହାର୍ ଇଞ୍ଜି ୱେଚ୍‌ଚାନାର୍। ହେପାଦ୍ନା ଏପେଙ୍ଗ୍ ପୁନାଟ୍ କି ମିଙ୍ଗେଙ୍ଗ୍ ବେସିଦୁକ୍ ୱାନାତ୍। ଇନେସ୍‌କି ମି ଆକଦାଦିର୍ ମିଚ୍ ଭବିଷ୍ଯତବକ୍ତାରିଙ୍ଗ୍ ପା ହାର୍ ଇଞ୍ଜି ୱେଚ୍‌ଚି ମାଚାର୍।”

ଜହନ୍‌ 8:45

ଆନେଙ୍ଗ୍ ସତ୍ ୱେଚ୍‌ଚିତିଲେ ଏପେଙ୍ଗ୍ ନାଙ୍ଗେଙ୍ଗ୍ ପାର୍ତି କିଦୁଦେରା।

ପକ୍ୟାତାକା 17:21

ଆଥିନୀୟ୍‌ ସହର୍‌ନି ମାନାୟାର୍ ଆରେ ଜେକନି ଦେସ୍ତି ଏଥେନ୍‌ସ୍ ସହର୍‌ତାକେ ହାଲ୍‌ଜି ମାନାକାର୍, ପୁନି-ପୁନି କାତା ୱେଚ୍‌ଚେଙ୍ଗ୍ ଆରେ ୱେଞ୍ଜେଙ୍ଗ୍ ନେ ହେୱାର୍ ଇଚା ଜିଜି ମାଚାର୍।

୧ କରନ୍ତିୟ 2:1

ହେ ଲାଡ୍‌ନି ପାର୍ତିକିନି ଟଣ୍ଡାର୍‌କାଦେର୍, ଆନେଙ୍ଗ୍ ମିତାକେ ଏଚେକାଡ଼୍‌ଦ ୱାଜି ମାଚାଙ୍ଗ୍, ହେପାଦ୍ନା ଆନେଙ୍ଗ୍ ଈଶ୍ୱରତି ହାର୍ଦିକାବୁର୍ ମିଙ୍ଗେଙ୍ଗ୍ ୱେଚ୍‌ଚି ମାନ୍‌ଞ୍ଚାଙ୍ଗ୍। ମାତର୍ ଆନେଙ୍ଗ୍ ଜାର୍‌ତିଙ୍ଗ୍ ବେସି ବୁଦିକାଟାକାଙ୍ଗ୍ ଇଞ୍ଜି ଚଚିୟାଆଦେଙ୍ଗ୍ ବାଟ୍‌ପାଣ୍ ଆଜି ଗାଜା-ଗାଜା କାତା ୱେଚ୍‌ଚାୱାଦାଙ୍ଗ୍ ମାନ୍‌ଞ୍ଚାଙ୍ଗ୍।

୧ କରନ୍ତିୟ 2:4

ଆନେଙ୍ଗ୍ ମିଙ୍ଗେଙ୍ଗ୍ ଏଚେପାଦ୍ନା ଖ୍ରୀଷ୍ଟତି ହାର୍ଦିକାବୁର୍ ଶୁଣାୟ୍ କିଜି ମାନ୍‌ଞ୍ଚାଙ୍ଗ୍, ଆନେଙ୍ଗ୍ ଜେକନିକାର୍ ଲେକେ ମାନାୟାର୍ ବୁଦିନି ହିକ୍ଷା ଆରେ ଚାଲାକି ହୁଦାଙ୍ଗ୍ କାତା ୱେଚ୍‌ୱାଦାଙ୍ଗ୍ ମାଚାଙ୍ଗ୍। ମାତର୍ ପବିତ୍ର ଆତ୍ମା ମି ବିତ୍ରେ ମାନ୍‌ଞ୍ଜି ଶାକ୍ତିତାଙ୍ଗ୍ ପୁନି କିତ୍‌ତାତ୍ ଯେ, ଆନେଙ୍ଗ୍ ୱେଚ୍‌ଚି ହାର୍ଦିକାବୁର୍ ସତ୍।

ଗାଲାତିୟ 4:16

ଲାଗିଙ୍ଗ୍ ନଙ୍ଗୟ୍ ଆନେଙ୍ଗ୍ ସତ୍ ୱେଚ୍‌ଚିତିଲେ କି, ମି ଶତ୍ରୁ ଆତାଙ୍ଗ୍‌ନା?

୧ ତିମତି 1:10

ଇଦାଙ୍ଗ୍ ପୁନ୍‌ଞ୍ଜି ଯଦି ଇନେର୍ ମଶା ଲେକିକିତି ସାସ୍ତର୍‌ତିଙ୍ଗ୍ ଟିକ୍‌କିଜି ମାନିକିନାର୍, ଲାଗିଙ୍ଗ୍ ହେଦାଙ୍ଗ୍ ହାର୍ ଇଦାଙ୍ଗ୍ ଆପେଙ୍ଗ୍ ପୁଚାପ୍‌ନା।

୨ ତିମଥି 1:13

ଏପେଙ୍ଗ୍ ନାବେତାଙ୍ଗ୍ ଇମ୍‌ଣି ୱିଜୁ ସତ୍ ହିକ୍ଷା ୱେଚାଦେର୍‌ନା, ହେଦାଙ୍ଗ୍‌ତିଙ୍ଗ୍ ଆସ୍ତି ଏପେଙ୍ଗ୍ ହେ ଅନୁସାରେ କିୟାଟ୍। ଯୀଶୁ ଖ୍ରୀଷ୍ଟତାକେ ରବେଆଜି ମାନି କାଜିଙ୍ଗ୍ ପାର୍ତି ଆରେ ଲାଡ୍‌ତିଙ୍ଗ୍ ଆସ୍ତି ମାନାଟ୍।

ଜିହୁଦା 1:18

ବାଚିକିତି ଚେଲାର୍ ମିଙ୍ଗେଙ୍ଗ୍ ୱେଚ୍‌ଚି ମାନ୍‌ଞ୍ଚାର୍ ଯେ, ମା ମାପୃ ଯୀଶୁ ଖ୍ରୀଷ୍ଟ ଆରେରଗ ପୁର୍ତିତାକେ ୱାନି ଆଗେ, ମାନାୟାର୍ ମାପୃ ଆରେ ତା ମାନାୟାରିଙ୍ଗ୍ ନିନ୍ଦା କିନାର୍। ଇ ମାନାୟାର୍ କରାପ୍ ଇଚାରେ ଜିବୁନ୍ କାଟିକିନାର୍।