୨ ତିମଥି 2:5 - New Testament in Pengo Parja Language

⁵ ହେଲେକେ ରକାନ୍ ମାନାୟ୍ କେଲ୍‌ତାକେ ତର୍‌ ଲେକାଇ କିତାନ୍, କେଲ୍ କାଜ୍‌ନି ନିୟମ୍‌ତାଙ୍ଗ୍ କାଜ୍‌ୱିତିସ୍, ହେୱାନ୍ ଇନାୱେଡ଼ାଙ୍ଗ୍ ପା ପୁରଷ୍କାର୍ ପାୟା ଆଉନ୍।

୨ ତିମଥି 2:5 ပူးပေါင်းရင်းမြစ်များ

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 13:24

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ଚିପା ହାଜି ନିପଣ୍ ଆଜି ସରଗ୍ ରାଜିତାକେ ହାଞ୍ଜେଙ୍ଗ୍ ଉପାୟ୍ କିୟାଟ୍। କେତେକ୍ ହେନି ହେବେ ହାଞ୍ଜେଙ୍ଗ୍ ଉପାୟ୍ କିନାର୍। ମାତର୍ ହେୱାର୍ ହାଞ୍ଜେଙ୍ଗ୍ ଆଡୁର୍।

ପିଲିପିୟ 1:15

କେତେକ୍ ମାନାୟାର୍ ନାଙ୍ଗେଙ୍ଗ୍ ଆକାର୍ ଆରେ ବିରଦ୍ ମାନ୍ କିଜି ଖ୍ରୀଷ୍ଟ ବିଷୟରେ ଶୁଣାୟ୍ କିନାରା, ମାତର୍ କେତେକ୍ ହେନି ନାଙ୍ଗେଙ୍ଗ୍ ସାଇଜ କିଦ୍‌ଦେଙ୍ଗ୍ ହାର୍ଦିକାବୁର୍ ଶୁଣାୟ୍ କିନାରା।

କଲସିୟ 1:29

ଇଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ବେସି କଷ୍ଟ କିନାଙ୍ଗା। ଲାଗିଙ୍ଗ୍ ଖ୍ରୀଷ୍ଟ ନାଙ୍ଗେଙ୍ଗ୍ କାମାୟ୍ କିଦେଙ୍ଗ୍ ଶାକ୍ତି ହିତ୍‌ତାନ୍‌ନା, ଆରେ ହେ ବେସି ଶାକ୍ତି ସାଇଜତାଙ୍ଗ୍ ଆନେଙ୍ଗ୍ ହାର୍ଦିକାବୁର୍ ଶୁଣାୟ୍ କିନାଙ୍ଗା।

ଏବ୍ରି 12:4

ଏପେଙ୍ଗ୍ ପାପ୍ ବିରଦ୍‌ତାକେ ଯୁଜ୍ କିଜି, ଏପେଙ୍ଗ୍ ହାଃନି ପାତେକ୍ ଯୁଜ୍ କିୱାତାଦେର୍‍ନା।

ଏବ୍ରି 2:7

ଅଲପ୍ ସମୟ୍ କାଜିଙ୍ଗ୍ ଏପେଙ୍ଗ୍ ହେୱାନିଙ୍ଗ୍ ଦୁତ୍‌କୁତାଙ୍ଗ୍ ହିରୁ କିତାଦେର୍‌ନା। ମାତର୍ ଏପେଙ୍ଗ୍ ହେୱାନିଙ୍ଗ୍ ରାଜା ଲେକେ ଗୌରବ ଆରେ ସନ୍‌ମାନ୍ ହିତାଦେର୍‌ନା।

ଏବ୍ରି 2:9

ମାତର୍ ଆସେଙ୍ଗ୍ ଯୀଶୁଙ୍ଗ୍ ହୁଡ଼୍‌ନାସା! ଈଶ୍ୱର ଦୟାତାଙ୍ଗ୍ ଯୀଶୁ ଇନେସ୍ ୱିଜୁ ମାନାୟାର୍ କାଜିଙ୍ଗ୍ ହାଃନାନ୍, ଇଦାଙ୍ଗ୍ କାଜିଙ୍ଗ୍ ହେୱାନ୍ ଅଲପ୍ ସମୟ୍ କାଜିଙ୍ଗ୍ ଦୁତ୍‌କୁତାଙ୍ଗ୍ ହିରୁ ଆଜି ମାଚାନ୍। ହେୱାନ୍ ଦୁକ୍‌କଷ୍ଟ ଆରେ ହାଃତି କାଜିଙ୍ଗ୍, ଈଶ୍ୱର ହେୱାନିଙ୍ଗ୍ ଗୌରବ ଆରେ ସନ୍‌ମାନ୍‌ନି ମୁକୁଟ୍ ହିତାନ୍‌ନା।

ଜାକ୍‌ବ 1:12

ଇମ୍‌ଣି ମାନାୟ୍ ପରିକ୍ଷା ଆତିହିଙ୍ଗ୍ ପା ଈଶ୍ୱରତାକେ ପାର୍ତି କିଜି ମାନାନ୍, ହେୱାନ୍ ଆଶ୍ରିବାଦ୍‌ନି ମାନାୟ୍। ଇନେସ୍‌କି ଈଶ୍ୱରତିଙ୍ଗ୍ ଲାଡ୍‌କିନି ମାନାୟ୍‌ରିଙ୍ଗ୍ ଇମ୍‌ଣି ୱିଜ୍‌ୱି ଜିବୁନ୍‌ନି ମୁକୁଟ୍ ହିଦେଙ୍ଗ୍ ଈଶ୍ୱର ପାର୍ମାଣ୍ କିତାନ୍‌ନା। ପରିକ୍ଷାତାଙ୍ଗ୍ ଜିତାଆତି ପାଚେ ହେ ମାନାୟାରିଙ୍ଗ୍ ହେ ମୁକୁଟ୍ ଈଶ୍ୱର ହିନାନ୍।

୧ ପିତର 5:4

ଆରେ ଏଚେପାଦ୍ନା ଯୀଶୁ ଖ୍ରୀଷ୍ଟ ଆରେରଗ ୱାନାନ୍ ହେୱାନ୍ ମା ମୁକ୍ୟ କଡିଙ୍ଗ୍ ଗଡ଼ିୟାଲେକେ ହେୱାନ୍ ମିଙ୍ଗେଙ୍ଗ୍ ହଲ୍‌ନି ପୁରଷ୍କାର୍‌ଲେକେ ର ମୁକୁଟ୍ ହିଦ୍‌ନାନ୍, ଆରେ ତା ହଲ୍‌ନାକା ଇନାୱେଡ଼ାଙ୍ଗ୍ ପା ୱିଜୁତ୍। ଆରେ ହେୱାନ୍ ମିଙ୍ଗେଙ୍ଗ୍ ସନ୍‌ମାନ୍ ହିଦ୍‌ନାନ୍।

ହତ୍‌ତି 2:10

ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଦୁଃକ୍ କଷ୍ଟ ପାୟାଆନାପା ଇଞ୍ଜି ପାଣ୍ଡ୍ରା ଆମାଟ୍। ମି ବିତ୍ରେତାଙ୍ଗ୍ କେତ୍‌ଜାଣ୍‌ତିଙ୍ଗ୍ ଶୟତାନ୍ ବନ୍ଦିକିଜି ଜଇଲ୍ ଇଞ୍ଜ ଇଡ଼୍‌ଦାନାତ୍ ଆରେ ମିଙ୍ଗେଙ୍ଗ୍ ପରିକ୍ଷା କିଦ୍‌ନାତ୍। ଏପେଙ୍ଗ୍ ଦଶ୍‌ଦିନ୍ ପାତେକ୍ ବେସି ଦୁଃକ୍ କଷ୍ଟ ପାୟାଆନାଦେର୍। ମାତର୍ ଯଦି ହେୱାନ୍ ମିଙ୍ଗେଙ୍ଗ୍ ମାର୍ନେ ଅସ୍ତିତିସ୍ ପା ନାଙ୍ଗେଙ୍ଗ୍ ପାର୍ତି କିଦ୍‌ନାକା ବନ୍ଦ୍ କିମାଟ୍, ଇନେସ୍‌କି ଏପେଙ୍ଗ୍ ଜିତାଆତି କାଜିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ୱିଜୁଦିନ୍ ମାନି ଜିବୁନ୍ ପୁରଷ୍କାର୍ ହିଦ୍‌ନାଙ୍ଗ୍।”

ହତ୍‌ତି 3:11

ହୁଡ଼ାଟ୍ ଆନେଙ୍ଗ୍ ବେଗି ୱାନାଙ୍ଗା, ଲାଗିଙ୍ଗ୍ ଏପେଙ୍ଗ୍ ନାଙ୍ଗେଙ୍ଗ୍ ଆଦିକ୍ ପାର୍ତି କିଜି ମାଞ୍ଜାଟ୍, ଆରେ ଇନେର୍ ପା ମି ପୁରଷ୍କାର୍‌ନି ମୁକୁଟ୍ ଜେଲ୍‌ଜି ଅଦେଙ୍ଗ୍ ଆଡୁର୍।

ହତ୍‌ତି 4:10

ଆରେ ହେପାଦ୍ନା ହେ ଚବିଶ୍ ଜାଣ୍ ପ୍ରାଚିନାର୍ ଇନେର୍ ୱିଜୁଦିନ୍ ସିଙ୍ଗାସନ୍‌ତାକେ କୁଚ୍‌ଚାନ୍‌ନା, ହେୱାନିଙ୍ଗ୍ ହେୱାର୍ ମେଣ୍ଢାକୁନ୍ଦିକିଜି ପୁଜାକିଜି ମାଚାର୍। ଆରେ ହେୱାର୍ କାପ୍‌ଡ଼ାନି ମୁକୁଟ୍ କୁତ୍‌ତି ହେ ସିଙ୍ଗାସନ ଆଗେ ଇଡ଼୍‌ଜି ୱେଚ୍‌ଚି ମାଚାର୍,

ହତ୍‌ତି 4:4

ହେ ସିଙ୍ଗାସନ ଚାରିବେଣ୍‌ତାଙ୍ଗ୍ ଚବିଶ୍ ଗଟା ସିଙ୍ଗାସନ ମାଚିକ୍, ଆରେ ହେ ଚବିଶ୍ ଗଟା ସିଙ୍ଗାସନ୍‌ତାକେ ଚବିଶ୍ ଜାଣ୍ ପ୍ରାଚିନାର୍ ଡ଼ିଞ୍ଜ୍‌ନି ହେନ୍ଦ୍ରାଙ୍ଗ୍ ଉସ୍‍ପି କୁଚ୍‌ଚି ମାଚାର୍। ହେୱାର୍ କାପ୍‌ଡ଼ାତ ହନାତାଙ୍ଗ୍ ରସ୍ତି ମୁକୁଟ୍ ମାଚାତ୍।