୨ ତିମଥି 2:13 - New Testament in Pengo Parja Language

¹³ ଆସେଙ୍ଗ୍ ଖ୍ରୀଷ୍ଟତାକେ ବିଶ୍ୱସ୍ତ ଆୱିତିସ୍‌ପା, ହେୱାନ୍ ମା ଲାଗାୟ୍ ୱିଜୁଦିନ୍ ବିଶ୍ୱସ୍ତ ଆଜି ମାନ୍‌ଗାନାନ୍। ଇନେସ୍‌କି ହେୱାନ୍ ନିଜେ ମିଚ୍ ଇଞ୍ଜି ୱେଚୁନ୍।

୨ ତିମଥି 2:13 ပူးပေါင်းရင်းမြစ်များ

ମାତିଉ 24:35

ବାଦାଡ଼୍ ଆରେ ପୁର୍ତି ବୁଡାଆନାତ୍ ହିନା, ମାତର୍ ନା କାତା ଅଲପ୍‌ପା ବୁଡା ଆଉତ୍।”

ରୋମିୟ 3:3

ସତ୍‌ନେ, କେତ୍‌ଜାଣ୍ ଯିହୁଦି ଜାତିନି ମାନାୟ୍ ମାନାର୍, ହେୱାର୍ ଈଶ୍ୱର ପାର୍ମାଣ୍‌ତିଙ୍ଗ୍ ବାଙ୍ଗାୟ୍ କିନାରା। ଲାଗିଙ୍ଗ୍ ହେୱାର୍ ଈଶ୍ୱର ପାର୍ମାଣ୍ ବାଙ୍ଗାୟ୍ କିତିଲେକେ ଈଶ୍ୱର ତା ପାର୍ମାଣ୍‌ତିଙ୍ଗ୍ ବାଙ୍ଗାୟ୍ କିଉନ୍।

ରୋମିୟ 9:6

ଆନେଙ୍ଗ୍ ୱେଚ୍‌ଚୁଙ୍ଗା ଯେ, ଇସ୍ରାଏଲନି ମାନାୟାରିଙ୍ଗ୍ ଈଶ୍ୱର ହିତି ପାର୍ମାଣ୍ ପୁରା କିଦେଙ୍ଗ୍ ଆଡ୍‌ୱାତାତ୍, ଇନେସ୍‌କି ୱିଜାର୍ ମାନାୟାର୍ ଯିହୁଦି ଜାତିନି କୁଟୁମ୍‌ତାକେ ଜନମ୍ ଆଜି ମାଚିସ୍ ପା ସତ୍ ଯିହୁଦି ଆକାୟ୍।

୧ କରନ୍ତିୟ 1:9

ଈଶ୍ୱର ମିଙ୍ଗେଙ୍ଗ୍ ତା ମେହି ମା ଯୀଶୁ ଖ୍ରୀଷ୍ଟ ହୁଦାଙ୍ଗ୍ ଏକ୍ ଆଦେଙ୍ଗ୍ ବାଚି କିତାନ୍‌ନା, ଆରେ ଈଶ୍ୱର ଇମ୍‌ଣାକା କିନାଙ୍ଗ୍ ଇଞ୍ଜି ୱେଚ୍‌ନାନ୍ ହେଦାଙ୍ଗ୍ ପୁରା କିନାନ୍। ଲାଗିଙ୍ଗ୍ ଏପେଙ୍ଗ୍ ହାର୍ କିଜି ପୁନ୍‌ଞ୍ଜି ମାନାଟ୍ ଯେ, ଈଶ୍ୱର ହେ କାମାୟ୍ କିନାନ୍।

୧ ଥେସଲନୀକିୟ 5:24

ଈଶ୍ୱର ମିଙ୍ଗେଙ୍ଗ୍ ପବିତ୍ର ଆଦେଙ୍ଗ୍ ବାଚି କିତ୍‌ତାନ୍‌ନା, ହେୱାନ୍ ମିଙ୍ଗେଙ୍ଗ୍ ପବିତ୍ର ଆଦେଙ୍ଗ୍ ସାଇଜ କିଦ୍‌ନାନ୍।

୨ ଥେସଲନୀକିୟ 3:3

ଏପେଙ୍ଗ୍ ମାପୃ ଯୀଶୁଙ୍ଗ୍ ଆହା କିୟାଟ୍ ଯେ, ହେୱାନ୍ ମିଙ୍ଗେଙ୍ଗ୍ ସାସ୍ କିଦ୍‌ନାନ୍ ଆରେ ରକ୍ଷା କିଦ୍‌ନାନ୍, ଲାଗିଙ୍ଗ୍ ହେ କରାପ୍ ଶୟତାନ୍ ମିଙ୍ଗେଙ୍ଗ୍ ହରିଆଣ୍ କିଦ୍‌ଦେଙ୍ଗ୍ ଆଡ଼୍‌ଦୁତ୍।

ତୀତସ 1:2

ଇ ଲେକେ ଆତିସ୍ ହେୱାର୍ ଈଶ୍ୱର ହୁଦାଙ୍ଗ୍ ୱିଜ୍‌ୱି ଜିବୁନ୍ ମାଞ୍ଜେଙ୍ଗ୍ ଆହା କିତାର୍‌ନା। ଇନେସ୍‌କି ଈଶ୍ୱର ଇନାୱେଡ଼ାଙ୍ଗ୍ ପା ମିଚ୍ ୱେଚୁନ୍, ହେୱାନ୍ ପୁର୍ତିତିଙ୍ଗ୍ ରହ୍‌ନି ଆଗେ ଇଦାଙ୍ଗ୍ ପାର୍ମାଣ୍ କିତାନ୍‌ନା ଯେ ତା ମାନାୟାର୍ ୱିଜ୍‌ୱି ଜିବୁନ୍ ପାତେକ୍ ମାନ୍‌ଗାନାର୍।

ଏବ୍ରି 6:18

ଲାଗିଙ୍ଗ୍ ଈଶ୍ୱର ରଞ୍ଜାଙ୍ଗ୍ ପାର୍ମାଣ୍ ହିତ୍‌ତାନ୍‌ନା ଆରେ ହେୱାନ୍ ରଞ୍ଜାଙ୍ଗ୍ ଶପତ୍ କିତାନ୍‌ନା। ଇ ରିଣ୍ଡାଙ୍ଗ୍ ବିଷୟ ଚେଞ୍ଚ୍ ଆଉତ୍, ଇନେସ୍‌କି ଈଶ୍ୱର ଇନାୱେଡ଼ାଙ୍ଗ୍ ପା ମିଚ୍ କାତା ୱେଚୁନ୍। ଆସେଙ୍ଗ୍ ତା ଲାଗାୟ୍ ରକ୍ଷା ପାୟାଆନି କାଜିଙ୍ଗ୍ ୱାତାସ୍‌ନା, ଲାଗିଙ୍ଗ୍ ମା ମୁମ୍‌ଦ ମାନି ଆହାତିଙ୍ଗ୍ ଆହ୍‌ନି କାଜିଙ୍ଗ୍ ସାହାସ୍ ଆଡ।