୨ ତିମଥି 1:4 - New Testament in Pengo Parja Language

⁴ ଆନେଙ୍ଗ୍ ମିବେତାଙ୍ଗ୍ ଜେକ ଆତିହିଙ୍ଗ୍ ଏପେଙ୍ଗ୍ ବେସି ଆଡ଼୍‌ବାତାଦେର୍‌। ଲାଗିଙ୍ଗ୍ ଆନେଙ୍ଗ୍ ଇନେସ୍ ବେସି ୱାରି ଆଦେଙ୍ଗ୍ ଆଡ୍‌ନାଙ୍ଗ୍, ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ନିଙ୍ଗେଙ୍ଗ୍ ହୁଡ଼୍‌ଦେଦେଙ୍ଗ୍ ବେସି ଇଚା କିନାଙ୍ଗା।

୨ ତିମଥି 1:4 ပူးပေါင်းရင်းမြစ်များ

ଜହନ୍‌ 16:22

ହେଲେକେ ଏପେଙ୍ଗ୍ ନଙ୍ଗୟ୍ ଦୁକ୍ ପାୟା ଆତାଦେର୍‌ନା। ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ଆରେ ଗିଟା ଆଦ୍‌ନାଙ୍ଗ୍‌, ଆରେ ଏପେଙ୍ଗ୍ ୱାରିଆ ଆନାଦେର୍। ଆରେ ମି ୱାରି ଆନାକାଦିଙ୍ଗ୍ ଇନେର୍ କିସ୍ତି ଅଦେଙ୍ଗ୍ ଆଡୁର୍।

ଜହନ୍‌ 16:24

ନଙ୍ଗୟ୍ ପାତେକ୍ ଏପେଙ୍ଗ୍ ନା ତର୍‍ଦାଙ୍ଗ୍ ଇନାକା ଏନୁଦେରେ। ଲାଗିଙ୍ଗ୍ ଆବା ଈଶ୍ୱରତିଙ୍ଗ୍ ଏନାଟ୍, ଏପେଙ୍ଗ୍ ପାୟାଆନାଦେର୍, ଆରେ ଏପେଙ୍ଗ୍ ୱାରି ଆନାଦେର୍।”

ପକ୍ୟାତାକା 20:19

ଯିହୁଦି ନେତାର୍ ନାଙ୍ଗେଙ୍ଗ୍ ଅସ୍ତେଦେଙ୍ଗ୍ ଉପାୟ୍ କିତିଲେ ଆନେଙ୍ଗ୍ ବେସି ଦୁକ୍‌କଷ୍ଟ ପାୟାଆତାଙ୍ଗ୍‌ନା, ମାତର୍ ଆନେଙ୍ଗ୍ ଆଡ଼୍‌ବିସ୍‌-ଆଡ଼୍‌ବିସ୍‌ ନିଜେତିଙ୍ଗ୍ ହିରୁ କିଜି ମାପୃତିଙ୍ଗ୍ ହେବା କିତାଙ୍ଗ୍‌ନା।

ପକ୍ୟାତାକା 20:31

ଲାଗିଙ୍ଗ୍ ଏପେଙ୍ଗ୍ ଜାଗ୍ରତ୍ ଆଜି ମାନାଟ୍! ଆରେ ଆନେଙ୍ଗ୍ ତିନ୍ ବାର୍ହୁ ପାତେକ୍ ୱେଡ଼ା ନାଣା ଆଡ଼୍‌ବିସ୍‌-ଆଡ଼୍‌ବିସ୍‌ ମିଙ୍ଗେଙ୍ଗ୍ ହିକ୍ଷାହିଜି ମାନ୍‌ଞ୍ଚାଙ୍ଗ୍ ହେଦାଙ୍ଗ୍ ଏପେଙ୍ଗ୍ ମାନ୍ତ ଏତୁକିୟାଟ୍।

ରୋମିୟ 1:11

ଇନେସ୍‌କି ଆନେଙ୍ଗ୍ ମିଙ୍ଗେଙ୍ଗ୍ ହୁଡ଼୍‌ଦେଦେଙ୍ଗ୍ ବେସି ଦିନ୍‌ତାଙ୍ଗ୍ ମାନ୍ କିନାଙ୍ଗା, ଆରେ ଆନେଙ୍ଗ୍ ମିଙ୍ଗେଙ୍ଗ୍ ସାସ୍ ହିଦ୍‌ନି ଆଶ୍ରିବାଦ୍ ହିଦ୍‌ଦେଙ୍ଗ୍ ଆଡ୍‌ନାଙ୍ଗ୍, ଲାଗିଙ୍ଗ୍ ଏପେଙ୍ଗ୍ ଆରେ ଆଦିକ୍ ଯୀଶୁଙ୍ଗ୍ ପାର୍ତି କିନାଦେର୍।

ପିଲିପିୟ 1:8

ଯୀଶୁ ଖ୍ରୀଷ୍ଟନି ଲାଡ୍‌ତାଙ୍ଗ୍ ମିଙ୍ଗେଙ୍ଗ୍ ମାହା ଆଦ୍‌ଦେଙ୍ଗ୍ ବେସି ଇଚା କିଦ୍‌ନାଙ୍ଗା ଇ ବିଷୟରେ ଈଶ୍ୱର ନେ ସାକି ଆନାନ୍।

ପିଲିପିୟ 2:26

ହେୱାନ୍ ମିଙ୍ଗେଙ୍ଗ୍ ବେସି ହୁଡ଼୍‌ଦେଙ୍ଗ୍ ଇଚା କିନାନା। ହେୱାନ୍ ରଗ୍‌ତାକେ ମାନାନ୍ ଇଞ୍ଜି ଏପେଙ୍ଗ୍ ୱେଚି କାଜିଙ୍ଗ୍ ଆରେ ହେୱାନ୍ ବେସି ଚିନ୍ତାତାକେ ମାନାନ୍।

୧ ଥେସଲନୀକିୟ 2:17

ଏ ଟଣ୍ଡାର୍‌କାଦେର୍, ଆପେଙ୍ଗ୍ ମିବେତାଙ୍ଗ୍ ଦେହା ମାଚିସ୍ ପା ମିଙ୍ଗେଙ୍ଗ୍ ଆପେଙ୍ଗ୍ ଏତ୍‌କିଜି ମାଞ୍ଜ୍‌ନାପ୍, ଆରେ ମି ଲାଗାୟ୍ ଆରେରଗ ୱାଦେଙ୍ଗ୍ ଉପାୟ୍ କିନାଙ୍ଗା। ଇନେସ୍‌କି ଆପେଙ୍ଗ୍ ମିଙ୍ଗେଙ୍ଗ୍ ହୁଡ଼୍‌ଦେଙ୍ଗ୍ ଇଚା କିନାପା।

୨ ତିମଥି 4:21

ଏପେଙ୍ଗ୍ ପିନିମାସ୍ ଆଗେ ୱାଦେଙ୍ଗ୍ ଉପାୟ୍ କିୟାଟ୍। ଇଉବୁଲ୍, ପୁଦେନସ୍, ଲିନ୍, କ୍ଲାଉଦିୟା ଆରେ ଜେକିନି ପାର୍ତିକିନି ଟଣ୍ଡାର୍ ୱିଜାକାପ୍ ମିଙ୍ଗେଙ୍ଗ୍ ଜୱାର୍ କିଦ୍‌ନାପା।

୨ ତିମଥି 4:9

ନାବେ ବେଗି ୱାଦେଙ୍ଗ୍ ଉପାୟ୍ କିୟାଟ୍।

୧ ଯୋହନ 1:4

ଆପେଙ୍ଗ୍ ଇ ବିଷୟରେ ଲେକିକିନାପା ଯେ, ଏପେଙ୍ଗ୍ ମା ହୁଦାଙ୍ଗ୍ ପୁରା ୱାରି କିୟାଟ୍।

ହତ୍‌ତି 21:4

ହେୱାନ୍ ତା ମାନାୟାର୍ ୱିଜୁ ଦୁଃକ୍‌ତିଙ୍ଗ୍ ଦେହା କିନାନ୍, ଆରେ ହେୱାରିଙ୍ଗ୍ ଇନାୱେଡ଼ାଙ୍ଗ୍ ପା ମାରାଣ୍ ୱାଉତ୍, କି ଦୁଃକ୍ ପାୟା ଆଉର୍, କି ଆଡ଼୍‌ବୁର୍ କି ଇନାକା ନନାକା ପା ୱାଉତ୍। ଇନେସ୍‌କି ହେ ପାନି ପୁର୍ତି ଆରେ ହେବେନି ୱିଜୁ ଜିନିଷ୍ ୱିଜୁଦିନ୍ କାଜିଙ୍ଗ୍ ଡ଼ୁକ୍‌ତାତ୍‌ ଆରେ ଚନ୍‌ଞ୍ଜୁତ୍‌।”

ହତ୍‌ତି 7:17

ଇନେସ୍‌କି ମେଣ୍ଢା ଗଡ଼ିୟା ଇନେସ୍ ତା ମେଣ୍ଢାକାଙ୍ଗ୍ ଉଦାର୍ କିନାନ୍ ହେଲେକେ ହେ ସିଙ୍ଗାସନ ଆଗେ ନିଲ୍‌ତି ମେଣ୍ଢା ଇନେର୍‌କି ଯୀଶୁ ହେୱାରିଙ୍ଗ୍ ଉଦାର୍ କିନାନ୍‌। ହେୱାନ୍ ହେୱାରିଙ୍ଗ୍ କିଲେର୍ ଏଜୁଙ୍ଗ୍ ଉଣ୍ଡେଙ୍ଗ୍ ହିନାନ୍ ଇମ୍‌ଣି ଏଜୁଙ୍ଗ୍ ମାନାୟାରିଙ୍ଗ୍ ଜିବୁନ୍ ହିନାତ୍। ଆରେ ଈଶ୍ୱର ହେୱାର୍ କାଣ୍‌କୁନି ୱିଜୁ କାଣେଲିଙ୍ଗ୍ ନେନ୍ଦ୍‌ନାନ୍।”