୨ ଥେସଲନୀକିୟ 3:8 - New Testament in Pengo Parja Language

⁸ ଆରେ ଡାବୁଙ୍ଗ୍ ହିୱାଦାଙ୍ଗ୍ ଆପେଙ୍ଗ୍ ଇନେର୍ ଇଞ୍ଜ ପା ଉଣ୍‌ୱାଦାଙ୍ଗ୍ ମାଚାପ୍, ମାତର୍ ମା ଦର୍‌କାର୍‌ନି ଜିନିଷ୍ କାଜିଙ୍ଗ୍ ମିଙ୍ଗେଙ୍ଗ୍ ହରିଆଣ୍ କିଦ୍‌ୱେଦେଙ୍ଗ୍ ୱେଡ଼ା ନାଣା କଷ୍ଟକିଜି ମାଚାପ୍।

ସତ୍‌ ବଚନ୍‌ ପୁନି ନିୟମ୍‌

⁸ କି ମଲ୍‍ହିଲ୍‍ୱାଦାଂ ଇନେର୍‌ତି ଆରାଣ୍‌ ତିନ୍‌ୱାଦାଂ ମାଚାପ୍‍ ଲାଗିଂ ମି ବିତ୍ରେ ଇନେର୍‌ତି ବଜ୍‍ଲାକେ ଆୱିକାଜିଂ ବେସିକସ୍ଟ ଆରି ଦୁକ୍‌ ହୁଦାଂ ୱେଡ଼ାନାଣା କାମାୟ୍‌ କିଜ଼ି ମାଚାପ୍‍;

୨ ଥେସଲନୀକିୟ 3:8 ပူးပေါင်းရင်းမြစ်များ

ମାତିଉ 6:11

ନେଞ୍ଜେଙ୍ଗ୍ ମାଙ୍ଗେଙ୍ଗ୍ ଦର୍‌କାର୍‌ଆନି କାଦି ହିଦା।

ପକ୍ୟାତାକା 18:3

ପାଉଲ ଲେକେ ହେୱାର୍ ପା ତମ୍ୱୁ ବେପାର୍ କିଜି ମାଚାର୍। ଲାଗିଙ୍ଗ୍ ହେୱାନ୍ ହେୱାର୍ ହୁଦାଙ୍ଗ୍ ମାନ୍‌ଞ୍ଜି କାମାୟ୍ କିତାନ୍।

ପକ୍ୟାତାକା 20:34

ଏପେଙ୍ଗ୍ ପୁଚାଦେର୍‌ନା, ନାଙ୍ଗେଙ୍ଗ୍ ଆରେ ନା ହାଙ୍ଗ୍‌ଦାକାରିଙ୍ଗ୍ ଦର୍‌କାର୍‌ଆନି ଜିନିଷ୍‌ତିଙ୍ଗ୍ ଆନେଙ୍ଗ୍ କାମାୟ୍ କିଜି ପୁରା କିତାଙ୍ଗ୍‌ନା।

୧ କରନ୍ତିୟ 4:12

ଆପେଙ୍ଗ୍ ଜିଦେଙ୍ଗ୍ ଜାର୍‌ତିଙ୍ଗ୍ ଜାର୍ କଷ୍ଟକିଜି ଆର୍ଜାଆନାପା। ମାଙ୍ଗେଙ୍ଗ୍ ମାନାୟାର୍ ଅବିଶାପ୍ ହିତ୍‌ତିସ୍‌ ପା ଆପେଙ୍ଗ୍ ହେୱାରିଙ୍ଗ୍ ଆଶ୍ରିବାଦ୍ କିନାପା, ଆରେ ମାନାୟାର୍ ମାଙ୍ଗେଙ୍ଗ୍ ଦୁଃକ୍ କଷ୍ଟ ହିତ୍‌ତିସ୍‌ ପା ଆପେଙ୍ଗ୍ ସମ୍ବାଲି କିନାପା।

୧ କରନ୍ତିୟ 9:4

ଆନେଙ୍ଗ୍ ଆରେ ନା ହୁଦାଙ୍ଗ୍ ମାନି ବର୍ଣ୍ଣବା, ଆପେଙ୍ଗ୍ ମିଞ୍ଜ ମାନ୍‌ଞ୍ଜି କାଦି ପିଦି ଚିଞ୍ଜେଙ୍ଗ୍ ଅଦିକାର୍ ମାନାତ୍।

୨ କରନ୍ତିୟ 11:27

ଆନେଙ୍ଗ୍ କେତ୍‌ହଟ୍ ନାଣାଲିଙ୍ଗ୍ ହୁଞ୍ଜ୍‌ୱାଦାଙ୍ଗ୍ ବେସି ସମୟ୍ ପାତେକ୍ କଷ୍ଟ କାମାୟ୍ କିଜି ମାଚାଙ୍ଗ୍। ଆନେଙ୍ଗ୍ ନାସ୍‌କି ଆରେ ଏସ୍‌କି ପାୟାଆଜି ମାଚାଙ୍ଗ୍ ଆରେ ଆନେଙ୍ଗ୍ କେତ୍‌ହଟ୍ କାଦି ତିନ୍‌ୱାଦାଙ୍ଗ୍ ହାଲ୍‌ଜି ମାଚାଙ୍ଗ୍। ଆନେଙ୍ଗ୍ ପିନିତିଙ୍ଗ୍ ବେସି ତ୍ରିଗ୍‍ଜି ମାଚାଙ୍ଗ୍, ଇନେସ୍‌କି ନାବେ ହେନ୍ଦ୍ରାଙ୍ଗ୍ ହିଲିତିକ୍।

୨ କରନ୍ତିୟ 11:9

ଆନେଙ୍ଗ୍ ମିହୁଦାଙ୍ଗ୍ ମାନିହିଙ୍ଗ୍ ନାଙ୍ଗେଙ୍ଗ୍ ଦର୍‌କାର୍ ଆଦ୍‌ନି ଜିନିଷ୍‌ତିଙ୍ଗ୍ ପୁରା କିୟାଟ୍ ଇଞ୍ଜି ଆନେଙ୍ଗ୍ ମିଙ୍ଗେଙ୍ଗ୍ ବଜ୍ ହିଦ୍‌ୱାଦାଙ୍ଗ୍ ମାନ୍‌ଞ୍ଚାଙ୍ଗ୍। ଇନେସ୍‌କି ମାକଦନିଆ ସହର୍‌ତାଙ୍ଗ୍ ୱାଜିମାଚି ପାର୍ତିକିନି ଟଣ୍ଡାର୍ ନାଙ୍ଗେଙ୍ଗ୍ ଦର୍‌କାର୍ ଆଦ୍‌ନି ୱିଜୁ ଜିନିଷ୍‌ତିଙ୍ଗ୍ ହିଜି ମାନ୍‌ଞ୍ଚାର୍। ନାଙ୍ଗେଙ୍ଗ୍ ଦର୍‌କାର୍ ଆଦ୍‌ନି ଜିନିଷ୍ ପୁରାୟ୍ କିନି କାଜିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ବଜ୍ ହିଦ୍‌ୱାତାଙ୍ଗ୍‌ନା କି ପାଚେ ପା ହିଦୁଙ୍ଗ୍।

ଏପିସିୟ 4:28

ଚର୍ କାମାୟ୍ କିନାକାନ୍ ଆରେ ଚର୍ କାମାୟ୍ କିମେନ୍, ମାତର୍ ହେୱାନ୍ ନିଜେ କେଇଦାଙ୍ଗ୍ କାମାୟ୍ କିୟେନ୍। ଲାଗିଙ୍ଗ୍ ହେୱାନ୍ ଅବାବ୍ ମାନି ମାନାୟାରିଙ୍ଗ୍ ସାଇଜ କିଦେଙ୍ଗ୍ ଆଡ୍‌ନାନ୍।

୧ ଥେସଲନୀକିୟ 2:9

ଏ ଟଣ୍ଡାର୍‌କାଦେର୍, ଆପେଙ୍ଗ୍ କିଜିମାଚି କଷ୍ଟ କାମାୟ୍ ୱିଜୁ ମିଙ୍ଗେଙ୍ଗ୍ ମାନ୍ତ ମାନାତ୍, ଆପେଙ୍ଗ୍ ମି ବିତ୍ରେ ଇନେରିଙ୍ଗ୍ ହରିଆଣ୍ କିଦ୍‌ୱେଦେଙ୍ଗ୍, ମାଙ୍ଗେଙ୍ଗ୍ ଦର୍‌କାର୍ ଆଦ୍‌ନି ଜିନିଷ୍ କାଜିଙ୍ଗ୍ ୱେଡ଼ା ନାଣା କଷ୍ଟକିଜି ମାଚାପ୍। ଆରେ ଈଶ୍ୱରତି ହାର୍ଦିକାବୁର୍ ମିଙ୍ଗେଙ୍ଗ୍ ଶୁଣାୟ୍ କିତ୍‌ତାପ୍।

୧ ଥେସଲନୀକିୟ 4:11

ଆପେଙ୍ଗ୍ ମିଙ୍ଗେଙ୍ଗ୍ ଆଗେ ଗୁୱାରି କିଜି ୱେଚ୍‌ଚି ମାନ୍‌ଞ୍ଚାପ୍ ଯେ, ଏପେଙ୍ଗ୍ ଜାର୍-ଜାର୍‌ବିତ୍ରେ ଗଣ୍ଡ୍‍ଗଲ୍ ଆମାଟ୍। ଆରେ ଶାନ୍ତିତାଙ୍ଗ୍ ମାନ୍‌ଞ୍ଜି ଜାର୍-ଜାର୍ କାମାୟ୍ କିୟାଟ୍, ଆରେ ଜାର୍ କାମାୟ୍ ଜାର୍ କେଇଦାଙ୍ଗ୍ କିନାକା ହାର୍ ଇଞ୍ଜି ବାବି କିୟାଟ୍।

୨ ଥେସଲନୀକିୟ 3:12

ଇଲେଗ୍‌ଦି ମାନାୟାର୍ କାଜିଙ୍ଗ୍ ମାପୃ ଯୀଶୁ ଖ୍ରୀଷ୍ଟ ତର୍‍ଦାଙ୍ଗ୍ ଆଦେସ୍ ଆରେ ହିକ୍ଷା ହିନାପା, ଏପେଙ୍ଗ୍ ଜାର୍-ଜାର୍ କାମାୟ୍ କିଜି ଜିନି କାଜିଙ୍ଗ୍ ଡାବୁଙ୍ଗ୍ କମାୟ୍ କିୟାଟ୍।