୨ ଥେସଲନୀକିୟ 2:13 - New Testament in Pengo Parja Language

¹³ ଏ ପାର୍ତିକିନି ଟଣ୍ଡାର୍‌କାଦେର୍, ଆସେଙ୍ଗ୍ ୱିଜୁଦିନ୍ ଈଶ୍ୱରତିଙ୍ଗ୍ ଦନ୍ଯବାଦ୍ ହିନି ଦର୍‌କାର୍, ଇନେସ୍‌କି ମାପୃ ମାଙ୍ଗେଙ୍ଗ୍ ଲାଡ୍ କିଦ୍‌ନାନା। ଈଶ୍ୱର ପୁର୍ତି ଉବ୍‌ଜାୟ୍ କିତି ଆଗେ ମାଙ୍ଗେଙ୍ଗ୍ ଉଦାର୍ କିଦ୍‌ଦେଙ୍ଗ୍ ବାଚି କିତ୍‌ତାନ୍‌ନା, ଈଶ୍ୱର ଆତ୍ମା ସାଇଜତାଙ୍ଗ୍ ଆସେଙ୍ଗ୍ ପବିତ୍ର ଆୟା ଆନାତ୍, ଇନେସ୍‌କି ଆସେଙ୍ଗ୍ ମାପୃ ଯୀଶୁ ସତ୍ ବିଷୟତିଙ୍ଗ୍ ପାର୍ତି କିନାସା।

ସତ୍‌ ବଚନ୍‌ ପୁନି ନିୟମ୍‌

¹³ ମତର୍‌, ଏ ମାପ୍ରୁତି ଜିଉନନି ଟଣ୍ଡାର୍‌, ଆରି ତଣ୍‌ଦେକ୍‌ ମି କାଜିଂ ସବୁୱେଡ଼ାଙ୍ଗ୍‌ ଇସ୍ୱର୍‌ତିଂ ଜୁୱାର୍‌ ହିନାକା ମା ଲଡ଼ା, ଇନାକିଦେଂକି ଇସ୍ୱର୍‌ ଜିବୁନ୍‌ତିଂ ପୁଇପୁୟା ଆରି ହାତ୍‌ପାତ ପାର୍ତି କିନାକା କାଜିଂ ମୁକ୍‌ଡ଼ା ଆଦେଂ କାଜିଂ ମିଙ୍ଗେଙ୍ଗ୍‌ ପର୍ତୁମ୍‌ ବାଚି କିତ୍‌ତାନ୍‌ନା;

୨ ଥେସଲନୀକିୟ 2:13 ပူးပေါင်းရင်းမြစ်များ

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 1:75

ହେୱାନ୍ ମାଙ୍ଗେଙ୍ଗ୍ ଈଶ୍ୱରତାକେ ଅସାହାଞ୍ଜ୍‌ନାନ୍ ଆରେ ୱିଜୁଦିନ୍ ମାଙ୍ଗେଙ୍ଗ୍ ଦରମ୍ ଜିବୁନ୍ କାଟି କିଦେଙ୍ଗ୍ ସାଇଜ କିଦ୍‌ନାନ୍।

ଜହନ୍‌ 1:1

ଇ ପୁର୍ତିନି ୱିଜୁ ଉବ୍‌ଜା ଆୱି ଆଗେ ର ମାନାୟ୍ ମାଚାନ୍। ହେ ମାନାୟ୍‌ତିଙ୍ଗ୍ ବେଣ୍ ଇଞ୍ଜି ୱେଚ୍‌ଚି ମାଚାର୍। ହେ ମାନାୟ୍ ଈଶ୍ୱର ଲାହାଙ୍ଗ୍ ମାଚାନ୍। ଆରେ ହେ ମାନାୟ୍ ଈଶ୍ୱର ମାଚାନ୍।

ଜହନ୍‌ 14:6

ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ହାଜି। ଆନେଙ୍ଗ୍ ସତ୍। ଆରେ ଆନେଙ୍ଗ୍ ଜିବୁନ୍। ଆବା ଈଶ୍ୱରତାକେ ହାଞ୍ଜେଙ୍ଗ୍ ଆନେଙ୍ଗ୍ ନେ ରୱାଙ୍ଗ୍ ହାଜି।

ପକ୍ୟାତାକା 13:48

ବିନ୍‌ଜାତିନି ମାନାୟାର୍ ଇଦାଙ୍ଗ୍ ୱେନ୍‌ଞ୍ଜି ୱାରି ଆତାର୍। ଆରେ ଈଶ୍ୱର କାତାତିଙ୍ଗ୍ ଜୟ୍-ଜୟ୍ କିଦେଙ୍ଗ୍ ଲାଗାତାର୍। ଈଶ୍ୱର ଇମ୍‌ଣାକାରିଙ୍ଗ୍ ୱିଜ୍‌ୱି ଜିବୁନ୍ ପାୟାଆନି କାଜିଙ୍ଗ୍ ବାଚିକିଜି ମାଚାନ୍ ହେୱାର୍ ପାର୍ତି କିତାର୍।

ପକ୍ୟାତାକା 15:9

ହେୱାନ୍ ମାଙ୍ଗେଙ୍ଗ୍ କି ହେୱାରିଙ୍ଗ୍ ଜେକ-ଜେକ ଇଞ୍ଜି ବାବି କିୱାତାନ୍‌ନା। ହେୱାର୍ ପାର୍ତିକିତି କାଜିଙ୍ଗ୍ ହେୱାନ୍ ହେୱାରିଙ୍ଗ୍ ପାପ୍ କେମା କିତାନ୍‌ନା।

ରୋମିୟ 6:17

ମାତର୍ ଆନେଙ୍ଗ୍ ଈଶ୍ୱରତିଙ୍ଗ୍‌ ଦନ୍ୟବାଦ ହିନାଙ୍ଗା ଯେ, ଏପେଙ୍ଗ୍ ଆଗେ ପାପ୍‌ନି ଚାକର୍ ଆଜି ମାଚାଦେର୍। ମାତର୍ ନଙ୍ଗୟ୍ ଏପେଙ୍ଗ୍ ଈଶ୍ୱର ହିତ୍‌ତି ହିକ୍ଷାତିଙ୍ଗ୍ ଗରବ୍‌ତାଙ୍ଗ୍ ମାନି କିନାଦେରା।

ରୋମିୟ 8:33

ଇନେର୍ ପା ମାଙ୍ଗେଙ୍ଗ୍ ଈଶ୍ୱର ମୁମ୍‌ଦ ଦସି ଇଞ୍ଜି ଇଞ୍ଜେଙ୍ଗ୍ ଆଡୁର୍, ଇନେସ୍‌କି ହେୱାନ୍ ନେ ହେ ମାନାୟ୍ ଇନେର୍ ମାଙ୍ଗେଙ୍ଗ୍ ଦରମ୍ ମାନାୟ୍ କିତ୍‌ତାନ୍‌ନା।

ରୋମିୟ 9:11

ମାତର୍ ହେୱାର୍ ଜନମ୍ ଆୱି ଆଗେ, ହାର୍ କି କରାପ୍ ଗଟାଆୱି ଆଗେ ହେ କଗ୍‌ଲେ ଈଶ୍ୱରତାଙ୍ଗ୍ ର କାବୁର୍ ୱେନ୍‌ଞ୍ଜି ମାଚାତ୍ ହେ କାବୁର୍ ପୁନିକିନାତା ଯେ, ମାଦି ହାର୍ କି କରାପ୍ କାମାୟ୍ କାଜିଙ୍ଗ୍ ଆକାୟ୍, ମାତର୍ ଈଶ୍ୱର ଜାର୍ ଇଚା ଆନୁସାରେ ବାଚିକିନାନ୍।

୧ କରନ୍ତିୟ 1:21

ହେଦାଙ୍ଗ୍ କାଜିଙ୍ଗ୍ ଈଶ୍ୱର ତା ଜ୍ଞାନ୍‌ତାଙ୍ଗ୍ ପୁଞ୍ଜେଙ୍ଗ୍ ଆଡ଼୍‌ତାନ୍ ଯେ, ପୁର୍ତିନି ମାନାୟାର୍ ଜାର୍ ବୁଦିତାଙ୍ଗ୍ ଈଶ୍ୱରତିଙ୍ଗ୍ ଦାସ୍ତେଙ୍ଗ୍ ଆଡୁର୍। ଏଚେଜାଣ୍ ମା ହାର୍ଦିକାବୁର୍‌ତିଙ୍ଗ୍ ୱେନ୍‌ଞ୍ଜି ପାର୍ତି କିତାର୍, ଲାଗିଙ୍ଗ୍ ହେୱାର୍ ମା ବକୁୱା ଇଞ୍ଜି ବାବିକିଜି ଶୁଣାୟ୍ କିନି କାତା ୱେନ୍‌ଞ୍ଜି ପାର୍ତିକିନି ମାନାୟାରିଙ୍ଗ୍ ଉଦାର୍ କିତାନ୍।

ଗାଲାତିୟ 3:1

ଗାଲାତିୟ ସହର୍‌ତାକେ ମାନି ପାର୍ତିକିନି ମାନାୟ୍ କାଦେର୍ ଏପେଙ୍ଗ୍ ବକୁୱା କାଦେର୍ କି? ଯୀଶୁ ଖ୍ରୀଷ୍ଟ ଇନାକିଦେଙ୍ଗ୍ କୃଶକାଟ୍‌ତାକେ ହାଃଜି ମାଚାନ୍ ହେଦାଙ୍ଗ୍ ମିଙ୍ଗେଙ୍ଗ୍ କିଲେର୍ କିଜି ବୁଜାଇକିଜି ମାନ୍‌ଞ୍ଚାଙ୍ଗ୍। ଲାଗିଙ୍ଗ୍ ଇନେର୍ କାତା ଆସ୍ତି ଏପେଙ୍ଗ୍ ବୁଲ୍‌କା ଆତାଦେର୍‌ନା?

ଏପିସିୟ 2:8

ଲାଗିଙ୍ଗ୍ ପାର୍ତିକିନି କାଜିଙ୍ଗ୍ ଈଶ୍ୱର ତା ଦୟାତାଙ୍ଗ୍ ମିଙ୍ଗେଙ୍ଗ୍ ଉଦାର୍ କିତ୍‌ତାନ୍‌ନା। ଏପେଙ୍ଗ୍ ନିଜେ ଜାର୍‌ତିଙ୍ଗ୍ ରକ୍ଷା କିମାଟ୍, ମାତର୍ ଇଦାଙ୍ଗ୍ ଈଶ୍ୱର ଦାନ୍ କିତ୍‌ତାକା।

କଲସିୟ 1:5

ମି କାଜିଙ୍ଗ୍ ଈଶ୍ୱର ସରଗ୍‌ତାକେ ଇଡ଼୍‌ଜି ମାଚି ପୁରଷ୍କାର୍‌ତାକେ ଆହା ଇଡ଼୍‌ଜି ମାଚି କାଜିଙ୍ଗ୍ ଏପେଙ୍ଗ୍ ଇ ଲେକେ ପାର୍ତି ଆରେ ଲାଡ୍ କିନାଦେରା। ଏଚେପାଦ୍ନା ମାନାୟାର୍ ମିଙ୍ଗେଙ୍ଗ୍ ପାର୍ତୁମ୍ ଈଶ୍ୱରତି ସତ୍ କାତା ଯୀଶୁ ଖ୍ରୀଷ୍ଟ ବିଷୟନି ହାର୍ଦିକାବୁର୍ ୱେଚ୍‌ଚି ମାଚାର୍, ହେପାଦ୍ନା ଏପେଙ୍ଗ୍ ଇ ବିଷୟରେ ୱେଚାଦେର୍‌ନା।

କଲସିୟ 3:12

ଈଶ୍ୱର ମିଙ୍ଗେଙ୍ଗ୍ ପବିତ୍ର ମାନାୟ୍ କିଜି ବାଚି କିତ୍‌ତାନ୍‌ନା ଆରେ ଲାଡ୍ କିତ୍‌ତାନ୍‌ନା। ଲାଗିଙ୍ଗ୍ ଏପେଙ୍ଗ୍ ଜେକନିକାରିଙ୍ଗ୍ ସାଇଜ କିୟାଟ୍, ଦୟା କିୟାଟ୍ ଜାର୍‌ତିଙ୍ଗ୍ ହିରୁ କିୟାଟ୍, ମି ଆଦିକାର୍ ଚଚ୍‌ମାଟ୍ ଆରେ ସାହାସ୍ ଆସ୍ତି ମାନାଟ୍।

୧ ଥେସଲନୀକିୟ 1:4

ଈଶ୍ୱରତିଙ୍ଗ୍ ପାର୍ତିକିନି ଟଣ୍ଡାର୍‌କାଦେର୍ ଏପେଙ୍ଗ୍ ପୁନାଟ୍ ଯେ, ମିଙ୍ଗେଙ୍ଗ୍ ଈଶ୍ୱର ଲାଡ୍ କିଦ୍‌ନାନା, ଆରେ ମିଙ୍ଗେଙ୍ଗ୍ ତା ଲକ୍ କିଦ୍‌ଦେଙ୍ଗ୍ ବାଚି କିତ୍‌ତାନ୍‌ନା।

୧ ଥେସଲନୀକିୟ 2:12

ଆପେଙ୍ଗ୍ ମିଙ୍ଗେଙ୍ଗ୍ ଗୁୱାରି କିଦ୍‌ନାପା, ଆରେ ସାସ୍ ହିଦ୍‌ନାପା। ଇନେସ୍‌କି ଈଶ୍ୱର ମିଙ୍ଗେଙ୍ଗ୍ ତା ରାଜିତାକେ ଗୌରବ ମାନାୟ୍ ଆନି କାଜିଙ୍ଗ୍ ବାଚି କିତ୍‌ତାନ୍‌ନା, ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ହେୱାନ୍ ଇଚା କିତିଲେକେ ଯିବୁନ୍ କାଟିକିୟାଟ୍।

୧ ଥେସଲନୀକିୟ 4:7

ଈଶ୍ୱର ମାଙ୍ଗେଙ୍ଗ୍ ପାପ୍ କାମାୟ୍ କିଜି ଯିବୁନ୍ କାଡିକିଦେଙ୍ଗ୍ ବାଚି କିଦ୍‌ୱାତାନ୍‌ନା, ମାତର୍ ଦରମ୍ କାମାୟ୍ କିଜି ପବିତ୍ର ଆଜି ଯିବୁନ୍ କାଡିକିଦେଙ୍ଗ୍ ମାଙ୍ଗେଙ୍ଗ୍ ବାଚି କିତ୍‌ତାନ୍‌ନା।

୧ ଥେସଲନୀକିୟ 5:9

ଇନେସ୍‌କି ଈଶ୍ୱର ମାଙ୍ଗେଙ୍ଗ୍ ଦଣ୍ଡ୍ ହିଦ୍‌ଦେଙ୍ଗ୍ ବାଚି କିଦ୍‌ୱାତାନ୍‌ନା, ମାତର୍ ମା ମାପୃ ଯୀଶୁ ଖ୍ରୀଷ୍ଟ କାଜିଙ୍ଗ୍ ଉଦାର୍ ପାୟା ଆଦେଙ୍ଗ୍ ବାଚି କିତ୍‌ତାନ୍‌ନା

୨ ଥେସଲନୀକିୟ 1:3

ଏ ପାର୍ତିକିନି ଟଣ୍ଡାର୍‌କାଦେର୍, ମି କାଜିଙ୍ଗ୍ ଆପେଙ୍ଗ୍ ଈଶ୍ୱରତିଙ୍ଗ୍ ଦନ୍ଯବାଦ୍ ହିନାପା। ହେଲେକେ କିନି ଦର୍‌କାର୍ ଯେ, ଏପେଙ୍ଗ୍ ଯୀଶୁଙ୍ଗ୍ ବେସିହେନି ପାର୍ତି କିନାଦେରା, ଆରେ ଏପେଙ୍ଗ୍ ଜାର୍-ଜାର୍‌ବିତ୍ରେ ବେସି ଲାଡ୍ କିନାଦେରା।

୨ ଥେସଲନୀକିୟ 2:10

ହେୱାନ୍ ୱିଜୁ ପର୍‌କାର୍ କରାପ୍ କାମାୟ୍ କିନାନ୍, ଆରେ ଈଶ୍ୱର ଇନେରିଙ୍ଗ୍ ବିନାସ୍ କିଦେଙ୍ଗ୍ ବାଚି କିତାନ୍‌ନା ହେୱାରିଙ୍ଗ୍ ଟକାୟ୍ କିନାନ୍। ଇନେସ୍‌କି ହେୱାର୍ ଯୀଶୁ ମାପୃ ସତ୍ ବିଷୟତିଙ୍ଗ୍ ମାନି କିୱାତାର୍, ହେଦାଙ୍ଗ୍ କାଜିଙ୍ଗ୍ ଈଶ୍ୱର ହେୱାରିଙ୍ଗ୍ ରକ୍ଷା କିଉନ୍‌।

୨ ଥେସଲନୀକିୟ 2:12

ଈଶ୍ୱର ହେୱାରିଙ୍ଗ୍ ଦଣ୍ଡ୍ ହିନାନ୍, ଇମ୍‌ଣି ମାନାୟ୍ ସତ୍‌ତିଙ୍ଗ୍ ପାର୍ତି କିଉନ୍ ଆରେ ପାପ୍ କିଦେଙ୍ଗ୍ ୱାରିୟା ଆନାର୍।

୨ ଥେସଲନୀକିୟ 2:16

ଆସେଙ୍ଗ୍ ପାର୍ତାନା କିନାସା ଯେ, ମା ମାପୃ ଯୀଶୁ ଖ୍ରୀଷ୍ଟ, ଆରେ ମା ଆବା ଈଶ୍ୱର ମାଙ୍ଗେଙ୍ଗ୍ ଲାଡ୍ କିଦ୍‌ନାର୍, ଆରେ ହେୱାର୍ ମାଙ୍ଗେଙ୍ଗ୍ ଦୟାକିଜି ୱିଜ୍‌ୱିଦିନ୍‌ନି ସାସ୍, ଆରେ ହାର୍ ଆହା ହିଦେନ୍।

୨ ତିମଥି 1:9

ହେୱାନ୍ ମାଙ୍ଗେଙ୍ଗ୍ ଉଦାର୍ କିତ୍‌ତାନ୍‌ନା ଆରେ ପବିତ୍ର ଜିବୁନ୍ କାଟିକିନି କାଜିଙ୍ଗ୍ ମାଙ୍ଗେଙ୍ଗ୍ କୁକ୍ତାତାନ୍‌ନା। ଆସେଙ୍ଗ୍ ହାର୍ଦି କାମାୟ୍ କିନି କାଜିଙ୍ଗ୍ ହେୱାନ୍ ମାଙ୍ଗେଙ୍ଗ୍ ବାଚି କିଦ୍‌ୱାତାନ୍‌ନା, ମାତର୍ ତା ଜାର୍ ଜଜ୍‌ନା ଆରେ ଦୟା କାଜିଙ୍ଗ୍ କିତ୍‌ତାନ୍‌ନା। ଈଶ୍ୱର ଇ ପୁର୍ତିତିଙ୍ଗ୍ ରହ୍‌ନି ଆଗେ ନେ, ଯୀଶୁ ଖ୍ରୀଷ୍ଟ ମା କାଜିଙ୍ଗ୍ ଇ ପୁର୍ତିତାକେ ହାଃନି କାଜିଙ୍ଗ୍ ହେୱାନ୍ ଜଜ୍‌ନା କିଜି ଦୟା ଚଚ୍‌ଚାତାନ୍‌ନା।

୨ ତିମଥି 2:15

ବେସି କଷ୍ଟ କାମାୟ୍ କିନି ମାନାୟ୍ ଇନେସ୍ ତା ଜାର୍ କାମାୟ୍ ବିଷୟରେ ଲାଜ୍‌ ପାୟା ଆତିଲେକେ କାମାୟ୍ କିଉନ୍, ଆରେ ଈଶ୍ୱର ସତ୍ କାତା ଇନେସ୍ ରକାନ୍ ମାନାୟ୍ ଟିକ୍ ବାବ୍‌ରେ ହିକ୍ଷା ହିନାନ୍। ହେଲେକେ ଏପେଙ୍ଗ୍ ପା ଈଶ୍ୱର ଆସ୍ତିତି ଲେକେ କାମାୟ୍ କିୟାଟ୍।

୨ ତିମଥି 3:15

ଏପେଙ୍ଗ୍ ହିରୁ ୱାଡ଼ାତାଙ୍ଗ୍ ସାସ୍ତର୍ ବିଷୟରେ ପୁଚାଦେର୍‌ନା ଯେ ଯୀଶୁ ଖ୍ରୀଷ୍ଟତାକେ ପାର୍ତି କିନାସ୍ ଆରେ ଉଦାର୍ ପାୟାଆନି କାଜିଙ୍ଗ୍ ହେଦାଙ୍ଗ୍ ବୁଦି ହିଦେଙ୍ଗ୍ ଆଡ୍‌ନାଦେର୍ ଇଞ୍ଜି।

ଏବ୍ରି 1:10

ଆରେ ଈଶ୍ୱର ୱେଚ୍‌ନାନ୍, “ଏ ମାପୃ, ଏନେଙ୍ଗ୍ ଆରମ୍‌ତାଙ୍ଗ୍ ନେ ପୁର୍ତିତିଙ୍ଗ୍ ରସ୍ତାଇନା, ଆରେ ସରଗ୍‌ତିଙ୍ଗ୍ ନି କେଇଦାଙ୍ଗ୍ ରସ୍ତାୟ୍‌।”

ଜାକ୍‌ବ 1:18

ତାସ୍‌ନି ପାର୍ତୁମ୍ ପାଡ଼୍‌ଲେକେ ହେୱାନ୍ ରସ୍ତି ୱିଜୁ ଜିନିଷ୍‌ତାଙ୍ଗ୍ ମାଙ୍ଗେଙ୍ଗ୍ ପାର୍ତୁମ୍ ମାନାୟ୍ କିଦ୍‌ନି କାଜିଙ୍ଗ୍, ଆସେଙ୍ଗ୍ ତା ସତ୍ ହାର୍ଦିକାବୁର୍‌ତିଙ୍ଗ୍ ପାର୍ତି କିତିସ୍, ହେୱାନ୍ ମାଙ୍ଗେଙ୍ଗ୍ ପୁନି ଜିବୁନ୍ ହିଦ୍‌ନି କାଜିଙ୍ଗ୍ ଇଚା କିତାନ୍‌ନା।

୧ ଯୋହନ 4:10

ଆସେଙ୍ଗ୍ ଈଶ୍ୱରତିଙ୍ଗ୍ ଲାଡ୍ କିନାସା, ହେଦାଙ୍ଗ୍ ଆକାୟ୍, ମାତର୍ ହେୱାନ୍ ମାଙ୍ଗେଙ୍ଗ୍ ଲାଡ୍ କିତ୍‌ତାନ୍। ଆରେ ତା ମେହିଙ୍ଗ୍ ମା ପାପ୍‌ନି ଦଣ୍ଡ୍‌ତିଙ୍ଗ୍ ପିଣ୍‌ଜି ଅନି କାଜିଙ୍ଗ୍ କୃଶକାଟ୍‌ତାକେ ହାଃଦେଙ୍ଗ୍ ପକ୍ତାତାନ୍, ଏଲେଙ୍ଗ୍ କିଜି ହେୱାନ୍ ତା ଲାଡ୍‌ତିଙ୍ଗ୍ ଚଚ୍‌ଚାତାନ୍।

୧ ଯୋହନ 4:19

ଈଶ୍ୱର ପାର୍ତୁମ୍ ମାଙ୍ଗେଙ୍ଗ୍ ଲାଡ୍ କିତ୍‌ତାନ୍, ହେଦାଙ୍ଗ୍ କାଜିଙ୍ଗ୍ ଆପେଙ୍ଗ୍ ଜାର୍-ଜାର୍‌ବିତ୍ରେ ଲାଡ୍ କିନାପା।