୨ ଯୋହନ 1:9 - New Testament in Pengo Parja Language

⁹ ଯଦି ଇମ୍‌ଣି ମାନାୟ୍ ଖ୍ରୀଷ୍ଟ ହିକ୍ଷାତିଙ୍ଗ୍ ଆରେ ତା ହିକ୍ଷାତିଙ୍ଗ୍ ମାହାୟ୍ କିନାନ୍, ଆରେ ଖ୍ରୀଷ୍ଟ ହିକ୍ଷାତିଙ୍ଗ୍ ପାର୍ତି କିଉନ୍। ଲାଗିଙ୍ଗ୍ ହେୱାନ୍ ଈଶ୍ୱରତିଙ୍ଗ୍ ମାହା ବିଡ଼ା ଆଜି ମାନୁନା। ମାତର୍ ଇମ୍‌ଣି ମାନାୟ୍ ହେ ହିକ୍ଷାତିଙ୍ଗ୍ ପାର୍ତିକିନାନ୍, ହେୱାନ୍ ଆବା ଈଶ୍ୱରତିଙ୍ଗ୍ ଆରେ ତା ମେହି ଯୀଶୁଙ୍ଗ୍ ମାହାଆଜି ମାନାନ୍।

ସତ୍‌ ବଚନ୍‌ ପୁନି ନିୟମ୍‌

⁹ ଇନେନ୍‌ କ୍ରିସ୍ଟତି ହିକ୍ୟାନି ହାନ୍ଦି ବିତ୍ରେ ମାନ୍‌ୱାଦାଂ ହେଦାଂ ନାତିସ୍‌, ହେୱାନ୍ ଇସ୍ୱର୍‌ତିଂ ଗାଟାୱାତାନ୍‍ନା; ଇନେନ୍‌ ହିକ୍ୟାନି ହାନ୍ଦି ବିତ୍ରେ ମାନାନ୍‌, ହେୱାନ୍ ଆବା ଆରି ମାଜ଼ିଙ୍ଗ୍‌ ରିଆରିଂ ଗାଟାତାନ୍ନା ।

୨ ଯୋହନ 1:9 ပူးပေါင်းရင်းမြစ်များ

ମାତିଉ 11:27

ନା ଆବା ସରଗ୍ ଆରେ ପୁର୍ତିନି ଆଦିକାର୍ ୱିଜୁ ବିଷୟ ନାଙ୍ଗେଙ୍ଗ୍ ହିତ୍‌ତାନ୍‌ନା। ହେଦାଙ୍ଗ୍ କାଜିଙ୍ଗ୍ ହିମ୍‌ଣା ବିଷୟରେ ଆବାଙ୍ଗ୍ ପିସ୍ତି ଇନେର୍ ପା ପୁନୁର୍। ଆରେ ଆବା ବିଷୟରେ ହିମ୍‌ଣାଙ୍ଗ୍ ପିସ୍ତି ଇନେର୍ ପୁଞ୍ଜେଙ୍ଗ୍ ଆଡୁର୍। ଆରେ ହିମ୍‌ଣା ଇନେରିଙ୍ଗ୍ ବାଚିକିଜି ୱେଚ୍‌ଚାଙ୍ଗ୍‌ନା ହେୱାର୍ ନେ ଆବାଙ୍ଗ୍ ପୁନାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 10:22

ନା ଆବାନି ଆଦିକାର୍ ୱିଜୁ ବିଷୟ ନାଙ୍ଗେଙ୍ଗ୍ ହିତ୍‌ତାନ୍‌ନା। ହିମ୍‌ଣା ବିଷୟରେ ଆବାଙ୍ଗ୍ ପିସ୍ତି ଇଦାଙ୍ଗ୍ ଇନେର୍ ପା ପୁନୁର୍, ଆରେ ଆବା ବିଷୟରେ ଇନେର୍, ହିମ୍‌ଣାଙ୍ଗ୍ ପିସ୍ତି ଇନେର୍ ପୁଞ୍ଜେଙ୍ଗ୍ ଆଡୁର୍, ଆରେ ହିମ୍‌ଣା ଇନେରିଙ୍ଗ୍ ହେଦାଙ୍ଗ୍ ପୁନିକିଦେଙ୍ଗ୍ ଇଚାକିନାନ୍ ହେୱାନିଙ୍ଗ୍‌ନେ ଆବା ବିଷୟରେ ପୁନିକିନାଙ୍ଗ୍‌।”

ଜହନ୍‌ 14:6

ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ହାଜି। ଆନେଙ୍ଗ୍ ସତ୍। ଆରେ ଆନେଙ୍ଗ୍ ଜିବୁନ୍। ଆବା ଈଶ୍ୱରତାକେ ହାଞ୍ଜେଙ୍ଗ୍ ଆନେଙ୍ଗ୍ ନେ ରୱାଙ୍ଗ୍ ହାଜି।

ଜହନ୍‌ 15:6

ଇନେର୍ ଯଦି ନାବେ ମାନ୍‌ଗୁନ୍, ଲାଗିଙ୍ଗ୍ ହେୱାନିଙ୍ଗ୍ କେନ୍ଦାଲେକେ ହଣ୍‌ଜି ବାର୍ତ ତୁସିହିନାର୍। ଆରେ ହେ ତୁସିହିତି କେନ୍ଦା ୱାଚ୍‌ନାତ୍। ମାନାୟାର୍ ୱାଚ୍‌ଚି କେନ୍ଦାତିଙ୍ଗ୍ ଅଜି ନାଣିତାକେ ଦେହ୍‌ନାର୍। ହେଦାଙ୍ଗ୍ କାଡ୍‌ନାତ୍।

ଜହନ୍‌ 5:23

ଇମ୍‌ଣାକାନ୍ ମେହିଙ୍ଗ୍ ସନ୍‌ମାନ୍ କିଉନ୍, ତାଙ୍ଗେଙ୍ଗ୍ ପକ୍ତି ଆବାଙ୍ଗ୍ ପା ସନ୍‌ମାନ୍ କିଉଦେର୍।”

ଜହନ୍‌ 8:31

ଯୀଶୁ ପାର୍ତିକିନି ଯିହୁଦିରିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ଯଦି ନା ହିକ୍ଷାତିଙ୍ଗ୍ ମାନିକିନାଦେର୍, ଲାଗିଙ୍ଗ୍ ଏପେଙ୍ଗ୍ ନା ଚେଲାଆନାଦେର୍।

ପକ୍ୟାତାକା 2:42

ହେଦିନ୍‌ତାଙ୍ଗ୍ ବାଚିକିତି ଚେଲାହିର୍ ହିକ୍ଷାତିଙ୍ଗ୍ ୱେଞ୍ଜେଙ୍ଗ୍ ମେହାଆତାର୍। ଆରେ ରୁଟି ଡିକ୍‍ତେଙ୍ଗ୍ ଆରେ ପାର୍ତାନା କିଦେଙ୍ଗ୍ ରୁଣ୍ଡାଆଜି ମାଚାର୍।

କଲସିୟ 3:16

ଖ୍ରୀଷ୍ଟ ବିଷୟନି ହିକ୍ଷାତିଙ୍ଗ୍ ୱିଜୁଦିନ୍ ଚିନ୍ତା କିୟାଟ୍, ତା ପୁରା ଜ୍ଞାନ୍‌ତାଙ୍ଗ୍ ଏପେଙ୍ଗ୍ ଜାର୍-ଜାର୍‌ବିତ୍ରେ ହିକାଇ କିବା ଆଡ ଆରେ ଜାଗ୍ରତ୍ କିବା ଆଡ। ଗିତସଙ୍ଗିତାନି କେର୍‌କଣ୍, ଈଶ୍ୱର ଭଜନ୍ କେର୍‌କଣ୍ କେର୍‌ଜି, ଖ୍ରୀଷ୍ଟାନ୍ କେର୍‌କଣ୍ କେର୍‌ଜି ଈଶ୍ୱରତିଙ୍ଗ୍ ଦନ୍ଯବାଦ୍ ହିୟାଟ୍।

ତୀତସ 2:10

ହେୱାର୍ ମାଲିକ୍‌ତାଙ୍ଗ୍ ଇନାକା ପା ଚର୍ କିମେର୍, ମାତର୍ ହେୱାର୍ ୱିଜୁଦିନ୍ ବିଶ୍ୱସ୍ତ ମାନାର୍ ଇଞ୍ଜି ଚଚେର୍। ମା ଇମ୍‌ଣି ଈଶ୍ୱର ମାଙ୍ଗେଙ୍ଗ୍ ଉଦାର୍ କିଦ୍‌ନାକାନ୍ ବିଷୟରେ ହିକ୍ଷା ହିୟେର୍, ହେୱାର୍ ଇଲେକେ ବ୍ଯବହାର୍ କିନି ଦର୍‌କାର୍, ହେୱାରିଙ୍ଗ୍ ମାନାୟାର୍ ସନ୍‌ମାନ୍ କିନାର୍।

ଏବ୍ରି 3:14

ଇନେସ୍‌କି ଆଗେତାଙ୍ଗ୍ ମା ପାର୍ତି ଇନେସ୍ ଈଶ୍ୱର ଜପି ମାଚାତ୍, ହେଲେକେ ପାର୍ତି ଯଦି ଆସେଙ୍ଗ୍ ଜିଜି ମାନି ପାତେକ୍ ଷ୍ଟ୍ରଙ୍ଗ୍‌କିଜି ଆସ୍ତି ମାନାସ୍, ଲାଗିଙ୍ଗ୍ ଖ୍ରୀଷ୍ଟନି ୱିଜୁ ବିଷୟନି ବାଗ୍ ପାୟାଆନାସ୍।

ଏବ୍ରି 6:1

ଲାଗିଙ୍ଗ୍ ଖ୍ରୀଷ୍ଟ ବିଷୟରେ ଆସେଙ୍ଗ୍ ପାର୍ତୁମ୍ ହିକାଆତି ବିଷୟତିଙ୍ଗ୍ ବାର୍‌ମ୍-ବାରମ୍ ହିକାଆୱାଦାଙ୍ଗ୍, ପାର୍ତିତାଙ୍ଗ୍ ବାଡାଆନି ହିକ୍ଷାତିଙ୍ଗ୍ ହିକାଆନି ଦର୍‌କାର୍। ପାପ୍ କାମାୟ୍ ପିସ୍ତି ଈଶ୍ୱର ଲାଗାୟ୍ ୱାନି ହିକ୍ଷା, ଈଶ୍ୱରତାକେ ପାର୍ତିକିନି ହିକ୍ଷା,

୧ ଯୋହନ 1:3

ଆପେଙ୍ଗ୍ ଇମ୍‌ଣାକା ହୁଡ଼୍‌ତାପ୍‌ନା ଆରେ ୱେଚାପ୍‌ନା ହେଦାଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାପା, ଲାଗିଙ୍ଗ୍ ଏପେଙ୍ଗ୍ ମା ହୁଦାଙ୍ଗ୍ ମାହାଆଦ୍ନାଦେର୍। ଆରେ ଆପେଙ୍ଗ୍ ଆବା ଈଶ୍ୱର ଆରେ ତା ମେହି ଯୀଶୁ ଖ୍ରୀଷ୍ଟ ହୁଦାଙ୍ଗ୍ ମାହାଆତାପ୍‌ନା।

୩ ଯୋହନ 1:9

ଆନେଙ୍ଗ୍ ଆଗେନି ଚିଟିତାକେ ମି କାଜିଙ୍ଗ୍ ଇ ୱିଜୁ ଲେକିକିଜି ମାଚାଙ୍ଗ୍, ମାତର୍ ଦୀୟତ୍ରଫା ନା ହିକ୍ଷାତିଙ୍ଗ୍ ୱେନ୍‌ୱାଦାଙ୍ଗ୍ ମାଚାନ୍। ଇନେସ୍‌କି ହେୱାନ୍ ମଣ୍ଡ୍‌ଲିନି ପ୍ରାଚିନ୍‌ ଆଦେଙ୍ଗ୍ ୱିଜୁଦିନ୍ ଇଚା କିଜି ମାଚାନ୍।