୨ ଯୋହନ 1:2 - New Testament in Pengo Parja Language

² ଆନେଙ୍ଗ୍ ମିଙ୍ଗେଙ୍ଗ୍ ଲାଡ୍ କିଦ୍‌ନାଙ୍ଗା, ଆରେ ହେ ସତ୍ ମା ଗରବ୍‌ତାକେ ମାଞ୍ଜେଙ୍ଗ୍ ହିତ୍‌ତାନ୍‌ନା, ଲାଗିଙ୍ଗ୍ ଆପେଙ୍ଗ୍ ଜାର୍-ଜାର୍‌ବିତ୍ରେ ଲାଡ୍ କିନାପା। ଆରେ ହେ ସତ୍ ମା ଗରବ୍‌ତାକେ ୱିଜୁଦିନ୍ କାଜିଙ୍ଗ୍ ମାନ୍‌ଙ୍ଗାନାତ୍।

ସତ୍‌ ବଚନ୍‌ ପୁନି ନିୟମ୍‌

² ଇମ୍‌ଣି ହାତ୍‌ପା ମା ୱାସ୍କିତ ମାନାତା ଆରି ଜୁଗ୍‌ ଜୁଗ୍‌ ମା ଲାହାଙ୍ଗ୍‌ ମାନ୍‌ଗାନାତ୍‌ ।

୨ ଯୋହନ 1:2 ပူးပေါင်းရင်းမြစ်များ

ଜହନ୍‌ 14:16

ଆନେଙ୍ଗ୍ ଆବା ଈଶ୍ୱରତିଙ୍ଗ୍ ପାର୍ତାନା କିଜି ଏନ୍‍ନାଙ୍ଗ୍, ଆରେ ହେୱାନ୍ ମିଙ୍ଗେଙ୍ଗ୍ ଆରେ ରକାନ୍ କାମାୟ୍‌ତିଙ୍ଗ୍ ସାଇଜ କିଦ୍‌ଦେଙ୍ଗ୍ ପକ୍ତାନାନ୍। ଆରେ ହେୱାନ୍ କାମାୟ୍ କିନାକାନିଙ୍ଗ୍ ମି ଲାଗାୟ୍ ୱିଜୁଦିନ୍ ମାନ୍‌ଗେଦେଙ୍ଗ୍ ୱେଚ୍‌ନାନ୍।

ଜହନ୍‌ 15:7

ନାବେ ମାନାଟ୍ ଆରେ ନା ହିକ୍ଷାତିଙ୍ଗ୍ ମାନି କିୟାଟ୍। ଏପେଙ୍ଗ୍ ଯଦି ଏଲେଙ୍ଗ୍ କିନାଦେର୍, ଲାଗିଙ୍ଗ୍ ଇନାକା ଇଚା କିନାଦେର୍ ହେଦାଙ୍ଗ୍ ଏନାଟ୍ ହେଦାଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ହିଦ୍‌ନାଙ୍ଗ୍।

୧ କରନ୍ତିୟ 9:23

ଆନେଙ୍ଗ୍ ହାର୍ଦିକାବୁର୍ ଶୁଣାୟ୍ କିନି କାଜିଙ୍ଗ୍ ଆରେ ଆଶ୍ରିବାଦ୍ ପାୟାଆନି କାଜିଙ୍ଗ୍ ଇ ୱିଜୁ କାମାୟ୍ କିନାଙ୍ଗା।

୨ କରନ୍ତିୟ 4:5

ଆପେଙ୍ଗ୍ ଜାର୍ ବିଷୟରେ ଶୁଣାୟ୍ କିଉପା। ମାତର୍ ଆପେଙ୍ଗ୍ ଯୀଶୁ ଖ୍ରୀଷ୍ଟ ନେ ମାପୃ ଇଞ୍ଜି ଶୁଣାୟ୍ କିନାପା। ଆପେଙ୍ଗ୍ ଜାର୍ ବିଷୟରେ ଇଦାଙ୍ଗ୍ କାଜିଙ୍ଗ୍ କିନାଙ୍ଗା ଯେ, ହେୱାନ୍ ମା କାଜିଙ୍ଗ୍ ଇନାକା କିତାନ୍‌ନା, ହେଦାଙ୍ଗ୍ ଆପେଙ୍ଗ୍ ମି ଚାକର୍ ଆତାପ୍‌ନା।

କଲସିୟ 3:16

ଖ୍ରୀଷ୍ଟ ବିଷୟନି ହିକ୍ଷାତିଙ୍ଗ୍ ୱିଜୁଦିନ୍ ଚିନ୍ତା କିୟାଟ୍, ତା ପୁରା ଜ୍ଞାନ୍‌ତାଙ୍ଗ୍ ଏପେଙ୍ଗ୍ ଜାର୍-ଜାର୍‌ବିତ୍ରେ ହିକାଇ କିବା ଆଡ ଆରେ ଜାଗ୍ରତ୍ କିବା ଆଡ। ଗିତସଙ୍ଗିତାନି କେର୍‌କଣ୍, ଈଶ୍ୱର ଭଜନ୍ କେର୍‌କଣ୍ କେର୍‌ଜି, ଖ୍ରୀଷ୍ଟାନ୍ କେର୍‌କଣ୍ କେର୍‌ଜି ଈଶ୍ୱରତିଙ୍ଗ୍ ଦନ୍ଯବାଦ୍ ହିୟାଟ୍।

୨ ତିମଥି 1:5

ଏପେଙ୍ଗ୍ ହାର୍ଦି ମାନ୍‌ତାଙ୍ଗ୍ ଖ୍ରୀଷ୍ଟତାକେ ପାର୍ତି କିନାଦେରା ଇଞ୍ଜି ଆନେଙ୍ଗ୍ କାବୁର୍ ପାୟାଆତାଙ୍ଗ୍‌ନା। ଏପେଙ୍ଗ୍ ପାର୍ତିକିନି ଆଗେ ମି ବୁଡିଆୟା ଲୋହି ଆରେ ମି ଆୟା ଇଉନିକିତାକେ ମାଚାତ୍। ଆରେ ମିବେ ପା ମାନାତ୍ ଇଞ୍ଜି ନା ପୁରା ପାର୍ତି ମାନାତ୍।

୨ ପିତର 1:12

ଏପେଙ୍ଗ୍ ଇ ୱିଜୁ ବିଷୟ ସତ୍ ଇଞ୍ଜି ପୁଚାଦେର୍‌ନା ଆରେ ପୁରାପୁରି ପାର୍ତି କିନାଦେରା, ଆତିସ୍‌ପା ଇ ୱିଜୁ ବିଷୟରେ ମିଙ୍ଗେଙ୍ଗ୍ ୱିଜୁଦିନ୍ ମାନ୍ତ ଏତୁ କିୟିକିଦ୍‌ଦେଙ୍ଗ୍ ଆନେଙ୍ଗ୍ ଇଚା କିନାଙ୍ଗା।

୧ ଯୋହନ 1:8

ଆସେଙ୍ଗ୍ ଯଦି ଇନାସ୍ ଆସେଙ୍ଗ୍ ଇନା ପାପ୍ କିୱାତାପ୍‌ନା, ଲାଗିଙ୍ଗ୍ ଆସେଙ୍ଗ୍ ନିଜେ ଟକାୟ୍ କିନାସା, ଆରେ ଆସେଙ୍ଗ୍ ସତ୍ ଯିବୁନ୍‌ତାଙ୍ଗ୍ କାଟି କିଉସା।

୧ ଯୋହନ 2:14

ଏ କାଡ଼୍‌ଦେର୍, ଆନେଙ୍ଗ୍ ମି କାଜିଙ୍ଗ୍ ଲେକିକିନାଙ୍ଗା ଯେ, ଏପେଙ୍ଗ୍ ଆବା ଈଶ୍ୱରତିଙ୍ଗ୍ ପୁଚାଦେର୍‌ନା। ଏ ନା ଆବା କାଦେର୍, ଆନେଙ୍ଗ୍ ମି କାଜିଙ୍ଗ୍ ଲେକିକିନାଙ୍ଗା। ଏପେଙ୍ଗ୍ ପୁଚାଦେର୍‌ନା ଯେ, ହେୱାନ୍ ଆଗେତାଙ୍ଗ୍ ମାନାନ୍। ଏ ଦାଙ୍ଗ୍‌ଣା ହିମ୍‌ଣା କାଦେର୍, ଆନେଙ୍ଗ୍ ମି କାଜିଙ୍ଗ୍ ଲେକିକିନାଙ୍ଗା ଯେ, ଏପେଙ୍ଗ୍ ବାଡ଼୍‌କାସ୍, ଆରେ ଈଶ୍ୱର କାତା ମି ଗରବ୍‌ତାକେ ମାନାତ୍, ଆରେ ଈଶ୍ୱର ଶୟତାନ୍‌ତିଙ୍ଗ୍ ଆରାୟ୍ କିଦେଙ୍ଗ୍ ମିଙ୍ଗେଙ୍ଗ୍ ଶାକ୍ତି ହିତ୍‌ତାନ୍‌ନା।

୧ ଯୋହନ 2:17

ପୁର୍ତି ଆରେ ଜଗତ୍‌ନି ଜିନିଷ୍ ପାୟାଆନି ଆହା ଅଲପ୍‌ଦିନ୍ କାଜିଙ୍ଗ୍। ମାତର୍ ଇମ୍‌ଣି ମାନାୟ୍ ଆବା ଈଶ୍ୱର କାତାତିଙ୍ଗ୍ ମାନି କିନାନ୍, ହେୱାନ୍ ୱିଜୁଦିନ୍ ଜିଜି ମାନାନ୍।