୨ କରନ୍ତିୟ 9:13 - New Testament in Pengo Parja Language

¹³ ଆରେ ଏପେଙ୍ଗ୍ ପା ମାନାୟାରିଙ୍ଗ୍ ସାଇଜ କିନି କାଜିଙ୍ଗ୍ ଡାବୁଙ୍ଗ୍ ହିଜି ଈଶ୍ୱରତିଙ୍ଗ୍ ଗୌରବ କିନାଦେର୍, ଇନେସ୍‌କି ଏପେଙ୍ଗ୍ ଖ୍ରୀଷ୍ଟତି ହାର୍ଦିକାବୁର୍‌ତିଙ୍ଗ୍ ସତ୍ ଇଞ୍ଜି ଇନାଦେରା ଆରେ ଏପେଙ୍ଗ୍ ନିଜେ ୱେଚ୍‌ଚି କାତାତିଙ୍ଗ୍ ମାନି କିନାଦେରା।

ସତ୍‌ ବଚନ୍‌ ପୁନି ନିୟମ୍‌

¹³ ଇଚିସ୍‌ ଇ ହେବା କାମାୟ୍‌ନି ପାର୍ମାଣ୍‌ ପାୟାଜ଼ି ଲକୁ ମି ମାନି କାଜିଂ କ୍ରିସ୍ଟତି ନେକ୍ରିକାବୁର୍‌ କାଜିଂ ଟାଟାୟ୍‌, ଆରେ ସାଦୁର୍‌ତି ଆରି ୱିଜ଼ାର୍‌ କାଜିଂ ମି ମେହାଣ୍‌ତ ହୁଦାର୍‌ କାଜିଂ ଇସ୍ୱର୍ତି ପାଣ୍‌ ପାର୍ତାନା କିନାରା,

୨ କରନ୍ତିୟ 9:13 ပူးပေါင်းရင်းမြစ်များ

ମାତିଉ 5:16

ହେଲେକେ ମି ବଇଟାନି ଅଜଡ଼୍ ମାନାୟ୍ ମୁମ୍‌ଦ ଚଞ୍ଜିଆ ଆୟେତ୍, ଇନେସ୍‌କି ହେୱାର୍ ମି ହାର୍ଦି କାମାୟ୍ ହୁଡ଼୍‌ଜି ସରଗ୍‌ନି ଆବାଙ୍ଗ୍‌ ଜୟ୍-ଜୟ୍ କିନାର୍।

ମାତିଉ 9:8

ହେବେ ରୁଣ୍ଡାଆତି ମାନାୟାର୍ ହେଦାଙ୍ଗ୍ ହୁଡ଼୍‌ଜି କାବା ଆତାର୍। ଈଶ୍ୱର ମାନାୟ୍ ହିମ୍‌ଣାତିଙ୍ଗ୍ ଇୱିଜୁ ରଗ୍‌ଦାକାରିଙ୍ଗ୍ ହାର୍‌କିନି ଆଦିକାର୍ ହିତାନ୍‌ନା। ହେଦାଙ୍ଗ୍ କାଜିଙ୍ଗ୍ ମାନାୟାର୍ ଈଶ୍ୱରତିଙ୍ଗ୍ ଜୟ୍-ଜୟ୍ କିତାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 6:46

ଯୀଶୁ ଆରେରଗ ୱେଚ୍‌ଚାନ୍, “ଏପେଙ୍ଗ୍ ନାଙ୍ଗେଙ୍ଗ୍ ଇନା କିଦେଙ୍ଗ୍ ମାପୃ-ମାପୃ ଇଞ୍ଜି କୁକ୍ତାନାଦେରା? ମାତର୍ ଆନେଙ୍ଗ୍ ଇନାକା ୱେଚ୍‌ଚାନାଙ୍ଗା, ଏପେଙ୍ଗ୍ ତ ହେଦାଙ୍ଗ୍‌ତିଙ୍ଗ୍ ମାନି କିଉଦେରା।

ଜହନ୍‌ 15:8

ଏପେଙ୍ଗ୍ ବେସି ପାଡ଼୍‌ ଉବ୍‌ଜାଇ କିୟାଟ୍, ଆରେ ନା ଚେଲାଇଞ୍ଜି ଚଚିୟା ଆଡ। ଇଦାଙ୍ଗ୍ କାଜିଙ୍ଗ୍ ନା ଆବା ଈଶ୍ୱର ଜୟ୍-ଜୟ୍ ପାୟା ଆନାନ୍।

ପକ୍ୟାତାକା 11:18

ଯିହୁଦି ଜାତିର୍ ପାର୍ତି କିନାକାର୍ ଇ ୱିଜୁବେଣ୍ ୱେଚାର୍ ହେୱାର୍ ଚିମ୍ରା ଆଜି ମାଚାର୍। ଆରେ ଈଶ୍ୱରତିଙ୍ଗ୍ ଜୟ୍-ଜୟ୍ କିଜି ୱେଚ୍‌ଚାର୍, “ଲାଗିଙ୍ଗ୍ ଈଶ୍ୱର ବିନ୍‌ଜାତିରିଙ୍ଗ୍ ପା ୱିଜ୍‌ୱି ଜିବୁନ୍ ପାୟାଆନି କାଜିଙ୍ଗ୍ ପାପ୍ କାମାୟ୍ ପିସ୍ତି ମାପୃତାକେ ୱାଦେଙ୍ଗ୍ ଦାନ୍ କିତାନ୍‌ନା।”

ପକ୍ୟାତାକା 4:21

ହେବେତାଙ୍ଗ୍ ହେ ମିଟିଙ୍ଗ୍ ଇଲ୍‌ନି ମାନାୟାର୍ ହେୱାରିଙ୍ଗ୍ ଦଣ୍ଡ୍ ହିଦେଙ୍ଗ୍ ଇମ୍‌ଣି ଉପାୟ୍ ପା ଗାଟା ଆୱିତିଲେ, ହେୱାରିଙ୍ଗ୍ ପାଣ୍ଡ୍ରୁକିଜି ପିସ୍ତାର୍, ଲାଗିଙ୍ଗ୍ ଇନାକା ଗଟାଆଜି ମାଚିସ୍, ହେଦାଙ୍ଗ୍ କାଜିଙ୍ଗ୍ ମାନାୟ୍ ୱିଜାକାର୍ ଈଶ୍ୱରତିଙ୍ଗ୍ ଜୟ୍-ଜୟ୍ କିଦେଙ୍ଗ୍ ଲାଗାତାର୍।

ରୋମିୟ 10:16

ମାତର୍ ୱିଜାର୍ ମାନାୟ୍ ଈଶ୍ୱରତି ହାର୍ଦିକାବୁର୍‌ତିଙ୍ଗ୍ ଆହୁର୍, ଇନେସ୍‌କି ଯିଶାୟ ଭବିଷ୍ଯତବକ୍ତା ତା ଦରମ୍ ସାସ୍ତର୍‌ତାକେ ଲେକିକିତାନ୍‌ନା, “ଏ ମାପୃ ଇନେର୍ ପା ଆପେଙ୍ଗ୍ ଶୁଣାଇକିତି ହାର୍ଦିକାବୁର୍‌ତିଙ୍ଗ୍ ପାର୍ତି କିୱାତାର୍।

ରୋମିୟ 12:8

ଯଦି ଈଶ୍ୱର ମିଙ୍ଗେଙ୍ଗ୍ ଜେକନିକାରିଙ୍ଗ୍ ହାର୍ କିଜି ଜିଦେଙ୍ଗ୍ ସାସ୍ ହିନି ଦାନ୍ ହିତ୍‌ତାନ୍‌ନା, ଲାଗିଙ୍ଗ୍ ସାସ୍ ହିୟାଟ୍। ଯଦି ଈଶ୍ୱର ମିଙ୍ଗେଙ୍ଗ୍ ଡାବୁଙ୍ଗ୍ ହିଜି ସାଇଜ କିନି ଦାନ୍ ହିତ୍‌ତାନ୍‌ନା, ଲାଗିଙ୍ଗ୍ ଡାବୁଙ୍ଗ୍ ହିଜି ସାଇଜ କିୟାଟ୍। ଆରେ ଯଦି ଈଶ୍ୱର ମିଙ୍ଗେଙ୍ଗ୍ ମାନାୟାର୍ ନେତା ଆନି ଦାନ୍ ହିତ୍‌ତାନ୍‌ନା, ଲାଗିଙ୍ଗ୍ ଏପେଙ୍ଗ୍ ହେ କାମାୟ୍‌ତିଙ୍ଗ୍ ହାର୍ କିଜି କିୟାଟ୍। ଆରେ ଯଦି ଈଶ୍ୱର ମିଙ୍ଗେଙ୍ଗ୍ ମାନାୟାରିଙ୍ଗ୍ ଦୟାକିନି ଦାନ୍ ହିତ୍‌ତାନ୍‌ନା, ଲାଗିଙ୍ଗ୍ ଏପେଙ୍ଗ୍ ହେ କାମାୟ୍‌ତିଙ୍ଗ୍ ନେ ୱାରିୟା ଆଜି କିୟାଟ୍।

ରୋମିୟ 15:31

ଏପେଙ୍ଗ୍ ନା କାଜିଙ୍ଗ୍ ପାର୍ତାନା କିୟାଟ୍ ଯେ, ଈଶ୍ୱର କାତାତିଙ୍ଗ୍ ମାନିକିୱି ଯିହୁଦା ଦେସ୍‌ନି ମାନାୟାର୍‌ତାଙ୍ଗ୍ ନାଙ୍ଗେଙ୍ଗ୍ ରକ୍ଷା କିଦେନ୍। ଆରେ ପା ପାର୍ତାନା କିୟାଟ୍ ଯେ, ଯିରୁଶାଲାମ ସହର୍‌ତାକେ ମାନି ଖ୍ରୀଷ୍ଟାନ୍ ଟଣ୍ଡାର୍ ଆନେଙ୍ଗ୍ ଅନି ଚାନ୍ଦା ଡାବୁକାଙ୍ଗ୍ ଆସ୍ତେଙ୍ଗ୍ ଇଚା କିନାର୍।

ରୋମିୟ 16:26

ମାତର୍ ନଙ୍ଗୟ୍ ୱିଜୁ ବିନ୍‌ଜାତିନି ମାନାୟାର୍ ପୁନାର୍, ଆରେ ଈଶ୍ୱରତିଙ୍ଗ୍ ପାର୍ତି କିଜି ମାନିକିନାର୍। ହେଦାଙ୍ଗ୍ କାଜିଙ୍ଗ୍ ଭବିଷ୍ଯତବକ୍ତାର୍, ୱିଜୁଦିନ୍ ଜିବୁନ୍ ମାନି ଈଶ୍ୱର ସାସ୍ତର୍‌ତାକେ ଲେକାଆଜି ମାଚି ୱିଜୁ ବିଷୟ ପୁନି କିତାତ୍।

୨ କରନ୍ତିୟ 10:5

ଆସେଙ୍ଗ୍ ହେ ଅସ୍ତର୍ ଶସ୍ତର୍‌ତିଙ୍ଗ୍ ବ୍ୟବହାର୍ କିଜି ଈଶ୍ୱରତିଙ୍ଗ୍ ପୁନ୍‌ୱି ବାଟ୍‌ପାଣିୟାର୍‌ ଜିକାଟାଣା ଆନି ବିଷୟତିଙ୍ଗ୍ ଆପେଙ୍ଗ୍ ନଷ୍ଟ କିନାପା। ଆପେଙ୍ଗ୍ ହେ ଅସ୍ତର୍ ଶସ୍ତର୍‌ତିଙ୍ଗ୍ ବ୍ୟବହାର୍ କିଜି ହେୱାର୍ ମାନ୍‌ତିଙ୍ଗ୍ କଣ୍ଟ୍ରୁଲ୍ କିନାପା, ଆରେ ଆପେଙ୍ଗ୍ ଖ୍ରୀଷ୍ଟଙ୍ଗ୍ ମାନି କିଦେଙ୍ଗ୍ ହିକ୍ଷା ହିନାପା।

୨ କରନ୍ତିୟ 2:12

ଆରେ ଏଚେପାଦ୍ନା ଆନେଙ୍ଗ୍ ଖ୍ରୀଷ୍ଟ ହାର୍ଦିକାବୁର୍ ଶୁଣାୟ୍ କିଦେଙ୍ଗ୍ ତ୍ରୋୟା ସହର୍‌ତାକେ ହାଚାଙ୍ଗ୍, ମାପୃ ନାଙ୍ଗେଙ୍ଗ୍ ହାର୍ଦିକାବୁର୍ ଶୁଣାୟ୍ କିଦେଙ୍ଗ୍ ବେସି ଗାଜା ସୁଯଗ୍ ହିଜିମାନ୍‌ଞ୍ଚାନ୍।

୨ କରନ୍ତିୟ 8:4

ଯିରୁଶାଲାମ୍ ସହର୍‌ନି ପାର୍ତିକିନି ମାନାୟାରିଙ୍ଗ୍ ଡାବୁଙ୍ଗ୍ ହିଜି ସାଇଜ କିନି ମାନାୟାର୍ ହୁଦାଙ୍ଗ୍ ମାହାଆଜି ଡାବୁଙ୍ଗ୍ ହିଜି ସାଇଜ କିନି କାଜିଙ୍ଗ୍ ହେୱାର୍ ମାଙ୍ଗେଙ୍ଗ୍ ବାରମ୍-ବାରମ୍ ଗୁୱାରି କିଜି ମାନ୍‌ଞ୍ଚାର୍।

୨ କରନ୍ତିୟ 9:14

ଆରେ, ଈଶ୍ୱରତି ଚାନିଆଆନି ଦୟା ମି କାଜିଙ୍ଗ୍ ହେୱାରିଙ୍ଗ୍ କିଜିମାଚି କାଜିଙ୍ଗ୍, ହେୱାର୍ ମି କାଜିଙ୍ଗ୍ ବେସି ଲାଡ୍‌ତାଙ୍ଗ୍ ପାର୍ତାନା କିନାର୍।

ଗାଲାତିୟ 1:24

ଆରେ ଈଶ୍ୱର ଇନାକା ନା କାଜିଙ୍ଗ୍ କିତାନ୍, ହେଦାଙ୍ଗ୍ କାଜିଙ୍ଗ୍ ହେୱାର୍ ଈଶ୍ୱରତିଙ୍ଗ୍ ଜୟ୍-ଜୟ୍ କିତାର୍।

୧ ତିମତି 6:12

ଯୁଜ୍ କିଦେଙ୍ଗ୍ ହାଚି ସେନା ଇନେସ୍ ଯୁଜ୍‌ତିଙ୍ଗ୍ ପିହୁନ୍, ହେଲେକେ ଏନେଙ୍ଗ୍ ପା ଈଶ୍ୱରତିଙ୍ଗ୍ ପାର୍ତି କିନାକା ପିହ୍‌ମା ଆରେ ହେୱାନିଙ୍ଗ୍ ମାନିକିଜି ମାନା। ଆରେ ୱିଜ୍‌ୱି ଜିବୁନ୍‌ତିଙ୍ଗ୍ ଆରାଇ କିମା, ଇଦାଙ୍ଗ୍ କାଜିଙ୍ଗ୍ ଈଶ୍ୱର ନିଙ୍ଗେଙ୍ଗ୍ ବାଚି କିତ୍‌ତାନ୍‌ନା, ଆରେ ବେସିହେନି ମାନାୟାର୍ ମୁମ୍‌ଦ ଯୀଶୁତାକେ ପାର୍ତି କିନାଙ୍ଗା ଇଞ୍ଜି ସାହାସ୍‌ତାଙ୍ଗ୍ ୱେଚ୍‌ଚାଇନା।

୧ ତିମତି 6:13

ୱିଜାକାରିଙ୍ଗ୍ ଜିବୁନ୍ ହିଦ୍‌ନି ଈଶ୍ୱର ମୁମ୍‌ଦ ଆରେ ଯୀଶୁ ଖ୍ରୀଷ୍ଟ ଇନେର୍ ପନ୍ତିୟ ପିଲାତ ରାଜା ମୁମ୍‌ଦ ହାର୍ଦି ସାକି ହିଜିମାଚାନ୍। ହେୱାର୍ ଆଗେ ଆନେଙ୍ଗ୍ ନିଙ୍ଗେଙ୍ଗ୍ ଆଦେସ୍ ହିଦ୍‌ନାଙ୍ଗା,

ଏବ୍ରି 10:23

ଆସେଙ୍ଗ୍ ଇମ୍‌ଣି ଆହା ବିଷୟରେ ୱେଚ୍‌ନାସା, ହେଦାଙ୍ଗ୍ ବେସି ଷ୍ଟ୍ରଙ୍ଗ୍ ବାବ୍‌ରେ ଆସ୍ତି ମାନାଟ୍, ଇନେସ୍‌କି ଈଶ୍ୱର ଇନାକା ପାର୍ମାଣ୍ କିନାନ୍ ହେଦାଙ୍ଗ୍ କିନାନ୍ ଇଞ୍ଜି ଆସେଙ୍ଗ୍ ପାର୍ତି କିନାସା।

ଏବ୍ରି 13:16

ହାର୍ଦି କାମାୟ୍ କିନାସ୍ ଆରେ ନାସ୍‌କିନି ମାନାୟାରିଙ୍ଗ୍ ଦାନ୍ କିନାକା ଏପେଙ୍ଗ୍ ବାଣା ଆମାଟ୍। ଇନେସ୍‌କି ଇଲେକେ ବିଲିପୁଜାତିଙ୍ଗ୍ ଈଶ୍ୱର ବେସି ୱାରି ଆନାନ୍।

ଏବ୍ରି 3:1

ଇଦାଙ୍ଗ୍ କାଜିଙ୍ଗ୍ ଏ ଈଶ୍ୱର ମାନାୟାର୍ ଆରେ ତା ହୁଦାଙ୍ଗ୍ ସରଗ୍‌ତାକେ ମାହାଆଜି ମାଞ୍ଜେଙ୍ଗ୍ ବାଚିକିତି ମାନାୟାର୍, ଆସେଙ୍ଗ୍ ଯୀଶୁଙ୍ଗ୍ ଈଶ୍ୱର ଦୁତ୍ ଆରେ ପ୍ରଦାନ୍ ମୁଡ଼୍‌ଦି ପୁଜାରି ଇଞ୍ଜି ଶୁଣାୟ୍ କିନାସା ହେ ଯୀଶୁ ବିଷୟରେ ବାବିକିଜି ହୁଡ଼ାଟ୍।

ଏବ୍ରି 4:14

ଇମ୍‌ଣି ଯୀଶୁ ସରଗ୍‌ଜପି ହାଚାନ୍‌ନା, ହେୱାନ୍ ଈଶ୍ୱର ମେହି। ହେୱାନ୍ ମା ଈଶ୍ୱର ହେବାକିନି ପ୍ରଦାନ୍ ମୁଡ଼୍‌ଦି ପୁଜାରି। ଲାଗିଙ୍ଗ୍ ଆସେଙ୍ଗ୍ ଇନାକା ପାର୍ତି କିତାସ୍‌ନା, ହେଦାଙ୍ଗ୍ ଷ୍ଟ୍ରଙ୍ଗ୍‌କିଜି ଆସ୍ତି ମାନାସ୍।

ଏବ୍ରି 5:9

ଇଦାଙ୍ଗ୍ କାଜିଙ୍ଗ୍ ଈଶ୍ୱର ହେୱାନିଙ୍ଗ୍ ପୁରାପୁରି ଟିକ୍ ପ୍ରଦାନ୍ ମୁଡ଼୍‌ଦି ପୁଜାରି ଇଞ୍ଜି ଯଗ୍ୟ କିତାନ୍, ଆରେ ହେୱାନ୍‌ତାକେ ପାର୍ତିକିନି ମାନାୟାରିଙ୍ଗ୍ ହେୱାନ୍ ଯୁଗ୍-ଯୁଗ୍ କାଜିଙ୍ଗ୍ ଉଦାର୍ କିନାନ୍।

୧ ପିତର 2:9

ମାତର୍ ଏପେଙ୍ଗ୍ ହେୱାର୍ ଲେକେ ଆକାୟ୍, ଈଶ୍ୱର ମିଙ୍ଗେଙ୍ଗ୍ ତା ଲକ୍ ଆଦେଙ୍ଗ୍ ବାଚି କିତ୍‌ତାନ୍‌ନା। ହେୱାନ୍ ମିଙ୍ଗେଙ୍ଗ୍ ରାଜା ଈଶ୍ୱର ହେବା କିଦେଙ୍ଗ୍ ପୁଜାରି କିତ୍‌ତାନା। ହେୱାନ୍ ମିଙ୍ଗେଙ୍ଗ୍ ଜାର୍ ଦନ୍‌ଲେକେ ତା ହେବା କିଦେଙ୍ଗ୍ ବାଚି କିତ୍‌ତାନା। ହେୱାନ୍ ମିଙ୍ଗେଙ୍ଗ୍ ମାଜ୍‌ଗା ଲେଗ୍‌ଦି ପାପ୍‌ତାଙ୍ଗ୍ ବିନେ କିତାନ୍‌ନା ଆରେ ଚାନିଆଆନି କାମାୟ୍‌ତିଙ୍ଗ୍ ଶୁଣାୟ୍ କିଦେଙ୍ଗ୍ ତା ଚାନିଆଆନି ଅଜଡ଼୍‌ତାକେ ତାହି ୱାତ୍‌ତାନ୍‌ନା।

୧ ପିତର 4:11

ହେଦାଙ୍ଗ୍ ଇଲେକେ, ଯଦି ଈଶ୍ୱର ମିଙ୍ଗେଙ୍ଗ୍ ଶୁଣାୟ୍ କିନି ଦାନ୍ ହିତ୍‌ତାନ୍‌ନା, ଲାଗିଙ୍ଗ୍ ଏପେଙ୍ଗ୍ ଈଶ୍ୱର ହାର୍ଦିକାବୁର୍‌ତିଙ୍ଗ୍ ଶୁଣାୟ୍ କିନି ଦର୍‌କାର୍। ଯଦି ଈଶ୍ୱର ମିଙ୍ଗେଙ୍ଗ୍ ଜେକନିକାରିଙ୍ଗ୍ ସାଇଜ କିଦେଙ୍ଗ୍ ଦାନ୍ ହିତ୍‌ତାନ୍‌ନା, ଲାଗିଙ୍ଗ୍ ଏପେଙ୍ଗ୍ ଯୀଶୁ ଖ୍ରୀଷ୍ଟ କାଜିଙ୍ଗ୍ ଈଶ୍ୱର ମିଙ୍ଗେଙ୍ଗ୍ ହିତ୍‌ତି ୱିଜୁ ଶାକ୍ତିତାଙ୍ଗ୍ ହେଦାଙ୍ଗ୍ କିୟାଟ୍। ଆରେ ଏପେଙ୍ଗ୍ ୱିଜୁ ଜିନିଷ୍ କିତିସ୍ ଖ୍ରୀଷ୍ଟ କାଜିଙ୍ଗ୍ ଈଶ୍ୱର ଗୌରବ ପାୟା ଆନାନ୍, ଇନେସ୍‌କି ୱିଜୁ ଗୌରବ ଆରେ ଶାକ୍ତି ଈଶ୍ୱରତି ଇମ୍‌ଣାକା କି ୱିଜୁଦିନ୍ କାଜିଙ୍ଗ୍ ମାନ୍‌ଗାନାତ୍। ଆମେନ୍।