୨ କରନ୍ତିୟ 8:3 - New Testament in Pengo Parja Language

³ ଆନେଙ୍ଗ୍ ହେୱାର୍ ବିଷୟରେ ସାକି ହିଦ୍‌ନାଙ୍ଗା ଯେ, ହେୱାର୍ ଜାର୍ ଇଚାତାଙ୍ଗ୍ ହିନାରା। ହେୱାର୍ ଏଚେକ୍ ହିଦେଙ୍ଗ୍ ଶାକ୍ତି ମାନାତ୍ ତାବେ ଆଦିକ୍ ହିଜି ପାର୍ତିକିନି ମାନାୟାରିଙ୍ଗ୍ ସାଇଜ କିନାରା।

ସତ୍‌ ବଚନ୍‌ ପୁନି ନିୟମ୍‌

³ ଇନାକିଦେଂକି ଆନ୍‌ ସାକି ହିନାଙ୍ଗା ଜେ, ହେୱାର୍‌ତି ସାକ୍ତି ଇସାବ୍‌ରେ, ଇଚିସ୍‌ ହେୱାର୍‌ତି ସାକ୍ତିନି ବେସି ବାବ୍ରେ ହେୱାର୍‌ ଦାନ୍‌ କିତାର୍‌;

୨ କରନ୍ତିୟ 8:3 ပူးပေါင်းရင်းမြစ်များ

ମାର୍କ 14:8

ହେ କଗ୍‌ଲେ ଏଚେକ୍ ଆଡ଼୍‍ତାତ୍ ନା କାଜିଙ୍ଗ୍ ହେ ଏଚେକ୍ କିତାତ୍, ଆରେ ଆନେଙ୍ଗ୍ ହାଃନିଆଗେ ନା ଗାଗାଡ଼୍‌ତିଙ୍ଗ୍ ଚିକାଣ୍ ୱାକ୍‌ଚି ଇ କଗ୍‌ଲେ ନା କାଜିଙ୍ଗ୍ ଦୁଗେର୍ ରହ୍‍ନାତା।

ପକ୍ୟାତାକା 11:29

ଲାଗିଙ୍ଗ୍ ଚେଲାର୍ ଆନ୍ତିୟକିଆ ସହର୍‌ନି ମଣ୍ଡ୍‌ଲିନି ପାର୍ତି କିନାକାର୍ ଜାର୍ ଶାକ୍ତି ହୁଡ଼୍‌ଜି, ଯିହୁଦା ଜିଲ୍ଲାତାକେ ମାନି ପାର୍ତିକିନି ଟଣ୍ଡାରିଙ୍ଗ୍ ସାଇଜ ପକ୍ତେଙ୍ଗ୍ ଇଚାକିତାର୍।

ରୋମିୟ 10:2

ଇନେସ୍‌କି ହେୱାର୍ ଈଶ୍ୱରତିଙ୍ଗ୍ ଆହା କିନାରା, ମାତର୍ ହେୱାର୍ ଈଶ୍ୱରତିଙ୍ଗ୍ ଟିକ୍ ବାବ୍‌ରେ ହେବା କିଦେଙ୍ଗ୍ ପୁଞ୍ଜେଙ୍ଗ୍ ଆଡୁରା। ଆନେଙ୍ଗ୍ ତା ସାକି ମାନାଙ୍ଗ୍।

୧ କରନ୍ତିୟ 16:2

ଏପେଙ୍ଗ୍ ଆନେଙ୍ଗ୍ ୱାତିସ୍‌ନେ ରମାଟ୍ ଡାବୁଙ୍ଗ୍ ରୁଣ୍ଡାୟ୍ କିଦେଙ୍ଗ୍ କାସି ମାନ୍‌ମାଟ୍, ମାତର୍ ଏପେଙ୍ଗ୍ ଇଲେକେ କିୟାଟ୍ ଯେ ୱିଜୁ ରଇବାର୍ ଚଅଦିନ୍ ଆର୍ଜା ଆତି ୱିଜୁଡାବୁଙ୍ଗ୍ କର୍ଚ କିୱାଦାଙ୍ଗ୍ କେତେକ୍ ଡାବୁଙ୍ଗ୍ ଇଟାଟ୍।

୧ କରନ୍ତିୟ 9:17

ଯଦି ଆନେଙ୍ଗ୍ ନା ଜାର୍ ଇଚାତାଙ୍ଗ୍ ଈଶ୍ୱରତି ହାର୍ଦିକାବୁର୍ ଶୁଣାୟ୍ କିନାଙ୍ଗା, ଲାଗିଙ୍ଗ୍ ଆନେଙ୍ଗ୍ ପୁରଷ୍କାର୍ ପାୟାଆନି ଅଦିକାର୍ ମାନାତ୍। ମାତର୍ ଯଦି ଈଶ୍ୱର ନାଙ୍ଗେଙ୍ଗ୍ ବାଚି କିତ୍‌ତାନ୍‌ନା ଆରେ କିଦେଙ୍ଗ୍ ଆଡ୍‌ନାନ୍ ଇଞ୍ଜି ନାଙ୍ଗେଙ୍ଗ୍ ପାର୍ତି କିନାନା, ଲାଗିଙ୍ଗ୍ ଆନେଙ୍ଗ୍ କିଦେଙ୍ଗ୍ ଆନାତ୍‌।

ଗାଲାତିୟ 4:15

ହେପାଦ୍ନା ଏପେଙ୍ଗ୍ ବେସି ୱାରିତାଙ୍ଗ୍ ମାଚାଦେର୍, ଲାଗିଙ୍ଗ୍ ମି ହେ ୱାରି ଇମେତ୍‌? ହାତ୍‌ପା ଆନେଙ୍ଗ୍ ମି ବିଷୟରେ ୱେଚ୍‌ଚାନାଙ୍ଗା ଯେ, ଯଦି ଆଡ଼୍‌ତିସ୍ ଏପେଙ୍ଗ୍ ଜାର୍-ଜାର୍ କାଣ୍‌କୁ ଉନ୍ଦ୍‌ଦି ନାଙ୍ଗେଙ୍ଗ୍ ହିତ୍‌ତାଦେର୍‌ମା।

ପିଲିପିୟ 2:13

ଇନେସ୍‌କି ଈଶ୍ୱର ମିବେ ମାନ୍‌ଞ୍ଜି କାମାୟ୍ କିନାନା, ଲାଗିଙ୍ଗ୍ ହେୱାନ୍ ଇନାକା ଇଚା ହେଦାଙ୍ଗ୍ ପୁରା କିଦେଙ୍ଗ୍ ମିଙ୍ଗେଙ୍ଗ୍ ଇଚା କିୟି କିଦ୍‌ନାନା। ଆରେ ହେୱାନ୍ ମିଙ୍ଗେଙ୍ଗ୍ ସାଇଜ ପା କିଦ୍‌ନାନା।

କଲସିୟ 4:13

ହେୱାନ୍ ମି କାଜିଙ୍ଗ୍ ଆରେ, ଲାଅଦିକୀଆ ଆରେ ହିଏରାପଲି ସହର୍‌ନି ମାନାୟାର୍ କାଜିଙ୍ଗ୍ ମାନ୍‌ଦିୟାନ୍ କିଜି ପାର୍ତାନା କିନାନା। ଆନେଙ୍ଗ୍ ହେବେନି ସାକି।

୧ ଥେସଲନୀକିୟ 2:8

ଆପେଙ୍ଗ୍ ମିଙ୍ଗେଙ୍ଗ୍ ଲାଡ୍ କିଦ୍‌ନାପା। ଲାଗିଙ୍ଗ୍ ଈଶ୍ୱରତି ହାର୍ଦିକାବୁର୍ ଜାଣି ୱେଚ୍‌ଚାୱାତାପ୍‌ନା, ମାତର୍ ଜାର୍ ଜିବୁନ୍ ପା ହିଦେଙ୍ଗ୍ ଇଚା କିନାପା।

ଫିଲୀମୋନ 1:14

ମାତର୍ ଏନେଙ୍ଗ୍ ରାଜି ଆୱି ପାତେକ୍ ଆନେଙ୍ଗ୍ ହେୱାନିଙ୍ଗ୍ ଇବେ ଇଡ଼୍‌ଦେଙ୍ଗ୍ ଇଚା କିଉଙ୍ଗା। ମାତର୍ ଇଦାଙ୍ଗ୍ ୱାରିଆଜି କିୟା, ଆନେଙ୍ଗ୍ ନିଙ୍ଗେଙ୍ଗ୍ ୱେଚ୍‌ଚାନାଙ୍ଗା ଇଞ୍ଜି ଜବର୍‌ଦସ୍ତିରେ କିମା।

୧ ପିତର 4:11

ହେଦାଙ୍ଗ୍ ଇଲେକେ, ଯଦି ଈଶ୍ୱର ମିଙ୍ଗେଙ୍ଗ୍ ଶୁଣାୟ୍ କିନି ଦାନ୍ ହିତ୍‌ତାନ୍‌ନା, ଲାଗିଙ୍ଗ୍ ଏପେଙ୍ଗ୍ ଈଶ୍ୱର ହାର୍ଦିକାବୁର୍‌ତିଙ୍ଗ୍ ଶୁଣାୟ୍ କିନି ଦର୍‌କାର୍। ଯଦି ଈଶ୍ୱର ମିଙ୍ଗେଙ୍ଗ୍ ଜେକନିକାରିଙ୍ଗ୍ ସାଇଜ କିଦେଙ୍ଗ୍ ଦାନ୍ ହିତ୍‌ତାନ୍‌ନା, ଲାଗିଙ୍ଗ୍ ଏପେଙ୍ଗ୍ ଯୀଶୁ ଖ୍ରୀଷ୍ଟ କାଜିଙ୍ଗ୍ ଈଶ୍ୱର ମିଙ୍ଗେଙ୍ଗ୍ ହିତ୍‌ତି ୱିଜୁ ଶାକ୍ତିତାଙ୍ଗ୍ ହେଦାଙ୍ଗ୍ କିୟାଟ୍। ଆରେ ଏପେଙ୍ଗ୍ ୱିଜୁ ଜିନିଷ୍ କିତିସ୍ ଖ୍ରୀଷ୍ଟ କାଜିଙ୍ଗ୍ ଈଶ୍ୱର ଗୌରବ ପାୟା ଆନାନ୍, ଇନେସ୍‌କି ୱିଜୁ ଗୌରବ ଆରେ ଶାକ୍ତି ଈଶ୍ୱରତି ଇମ୍‌ଣାକା କି ୱିଜୁଦିନ୍ କାଜିଙ୍ଗ୍ ମାନ୍‌ଗାନାତ୍। ଆମେନ୍।

୧ ପିତର 5:2

ଇମ୍‌ଣାକାର୍ ଈଶ୍ୱର ଲକ୍ ଆତାର୍‌ନା ହେୱାରିଙ୍ଗ୍ ଜାତୁନ୍ କିୟାଟ୍, ଆରେ ଈଶ୍ୱର ଇନେରିଙ୍ଗ୍ ଜାତୁନ୍ କିଦେଙ୍ଗ୍ ମିଙ୍ଗେଙ୍ଗ୍ ହିତ୍‌ତାନ୍‌ନା। ଏପେଙ୍ଗ୍ ୱାରିୟା ଆଜି ହେୱାରିଙ୍ଗ୍ ଜାତୁନ୍ କିୟାଟ୍। ଆରେ ଈଶ୍ୱର ଇଲେକେ କିୟାଟ୍ ଇଞ୍ଜି ଇଚା କିନାନା। ଏପେଙ୍ଗ୍ ଡାବୁଙ୍ଗ୍ କାଜିଙ୍ଗ୍ ଆକାୟ୍, ମାତର୍ ହେୱାରିଙ୍ଗ୍ ସାଇଜ କିନି କାଜିଙ୍ଗ୍ ଜାତୁନ୍ କିୟାଟ୍।