୨ କରନ୍ତିୟ 8:24 - New Testament in Pengo Parja Language

²⁴ ଲାଗିଙ୍ଗ୍ ଏପେଙ୍ଗ୍ ହେୱାରିଙ୍ଗ୍ ଲାଡ୍ କିୟାଟ୍, ଆରେ ୱିଜୁ ମଣ୍ଡ୍‌ଲିନି ପାର୍ତିକିନି ମାନାୟାରିଙ୍ଗ୍ ପୁନି କିୟାଟ୍ ଯେ, ଆପେଙ୍ଗ୍ ମି ବିଷୟରେ ହେୱାର୍ ମୁମ୍‌ଦ ବାଟ୍‌ପାଣ୍ ଆଜି ୱେଚ୍‌ନାକା ମିଚ୍ ଆକାୟ୍।

ସତ୍‌ ବଚନ୍‌ ପୁନି ନିୟମ୍‌

²⁴ ଲାଗିଂ ମି ଜିଉନନାକା ଆରି ମି ବିସ୍ରେ ମା ଗରବ୍‌ ପାର୍ମାଣ୍‌ ମଣ୍ଡ୍‌ଲି ନିକାର୍‌ ଲାଗାଂ ହେୱାରିଂ ଚଚାଟ୍‌ ।

୨ କରନ୍ତିୟ 8:24 ပူးပေါင်းရင်းမြစ်များ

ପକ୍ୟାତାକା 9:31

ଲାଗିଙ୍ଗ୍ ଯିହୁଦା ଜିଲ୍ଲା, ଗାଲିଲୀ ଜିଲ୍ଲା ଆରେ ଶମିରଣିୟ ଜିଲ୍ଲାତାକେ ମାନି ମଣ୍ଡ୍‌ଲିନି ମାନାୟାର୍ ଶାନ୍ତିଆଜି ବାହାକିତାର୍। ଇନେସ୍‌କି ହେୱାରିଙ୍ଗ୍ ଇନେର୍ ପା ଦୁକ୍‌କଷ୍ଟ ହିୱାଦାଙ୍ଗ୍ ମାଚାର୍। ଆରେ ପବିତ୍ର ଆତ୍ମା ହେୱାରିଙ୍ଗ୍ ସାଇଜ ଆରେ ଶାସ୍ ହିଜିମାଚାତ୍‌, ଆରେ ବେସି ମାନାୟାର୍ ଯୀଶୁତାକେ ପାର୍ତି କିଦେଙ୍ଗ୍ ଲାଗାତାର୍।

୨ କରନ୍ତିୟ 7:14

ଆନେଙ୍ଗ୍ ତାଙ୍ଗେଙ୍ଗ୍ ୱେଚ୍‌ଚି ମାଚାଙ୍ଗ୍ ଯେ, ମି କାଜିଙ୍ଗ୍ ଆନେଙ୍ଗ୍ କେତେକ୍ ବାଟ୍‌ପାଣ୍ ଆନାଙ୍ଗା, ଆରେ ନାଙ୍ଗେଙ୍ଗ୍ ଏପେଙ୍ଗ୍ ଲାଜ୍ କିଦ୍‌ୱାତାଦେର୍‌ନା। ଆନେଙ୍ଗ୍ ମିଙ୍ଗେଙ୍ଗ୍ ୱିଜୁଦିନ୍ ସତ୍ ୱେଚ୍‌ଚାତାଙ୍ଗ୍‌ନା, ଆରେ ମି କାଜିଙ୍ଗ୍ ତିତସ ଆଗେ ଆନେଙ୍ଗ୍ ବାଟ୍‌ପାଣ୍ ଆଜି ୱେଚ୍‌ଚି କାତା ସତ୍ ଇଞ୍ଜି ପୁନ୍ୟା ଆତାତ୍।

୨ କରନ୍ତିୟ 7:4

ଆନେଙ୍ଗ୍ ମି କାଜିଙ୍ଗ୍ ବେସି ପାର୍ତି କିନାଙ୍ଗା, ଆରେ ମି କାଜିଙ୍ଗ୍ ଆନେଙ୍ଗ୍ ବେସି ବାଟ୍‌ପାଣ୍ ଆନାଙ୍ଗା। ଏପେଙ୍ଗ୍ ନାଙ୍ଗେଙ୍ଗ୍ ବେସି ସାସ୍ ହିତ୍‌ତାଦେର୍, ଆରେ ଆସେଙ୍ଗ୍ ବେସି ଦୁଃକ୍ କଷ୍ଟ ପାୟାଆତି ବାଦୁଲ୍‌ରେ ନାଙ୍ଗେଙ୍ଗ୍ ବେସି ୱାରି କିତ୍‌ତାଦେର୍।

୨ କରନ୍ତିୟ 8:8

ଆନେଙ୍ଗ୍ ମିଙ୍ଗେଙ୍ଗ୍ ଇଲେକେ ନେ କିୟାଟ୍ ଇଞ୍ଜି ଆଦେସ୍ ହିଦୁଙ୍ଗା। ମାତର୍ ଜେକନି ମଣ୍ଡ୍‌ଲିନି ପାର୍ତି କିନାକାର୍ ସାଇଜ କିଦେଙ୍ଗ୍ ବେସି ଇଚା କିଜି ଲାଡ୍ କିନିଲେକେ, ଏପେଙ୍ଗ୍ ଜେକନି ପାର୍ତିକିନି ଗରିବ୍ ମାନାୟାରିଙ୍ଗ୍ ଲାଡ୍ କିନାଦେରା କି ଆକାୟ୍ ପୁଞ୍ଜେଙ୍ଗ୍ ଇଲେକେ ଇଞ୍ଜ୍‌ନାଙ୍ଗା।