୨ କରନ୍ତିୟ 7:13 - New Testament in Pengo Parja Language

¹³ ଆପେଙ୍ଗ୍ ଇ ୱିଜୁ ବିଷୟ କାଜିଙ୍ଗ୍ ବେସି ସାସ୍ ଆତାପ୍। ମା ନିଜର୍ ସାସ୍ ହୁଦାଙ୍ଗ୍ ତିତସ୍‌ତିଙ୍ଗ୍ ଏପେଙ୍ଗ୍ ଆସ୍ତାଦେର୍ ଆରେ ତା ମାନ୍‌ତିଙ୍ଗ୍ ଏପେଙ୍ଗ୍ ୱାରି କିତାଦେର୍, ହେଦାଙ୍ଗ୍ ହୁଡ଼୍‌ଜି ଆପେଙ୍ଗ୍ ବେସି ୱାରିୟା ଆତାପ୍।

ସତ୍‌ ବଚନ୍‌ ପୁନି ନିୟମ୍‌

¹³ ଆରେ ମା ଦୁକ୍‌ସାରାୟ୍‌ ଲାଗିଂ ଆପ୍‌ ବେସି ୱାରି, ହେଦାଂ ୱେଚ୍‌ଦେଂ ଆନ୍‌ ଆକି ଲେକିକିତାଙ୍ଗ୍‌ନା । ଆପ୍‌ କେବଲ୍‌ ୱାରିୟା ଆୱାତାପ୍‌ନା । ଏପେଙ୍ଗ୍‌ ତିତସ୍‌ତିଂ ସବୁ ବାନିନି ଉପ୍‌କାର୍‌ କିଜ଼ି ଇନେସ୍‌ ବାବ୍ରେ ୱାରି କିତାଦେର୍ଣ୍ଣା, ହେଦାଂ ତା ଜିବୁନ୍‌ ମାଙ୍ଗେଙ୍ଗ୍‌ ୱାରି କିତ୍‌ତାତ୍‌ ।

୨ କରନ୍ତିୟ 7:13 ပူးပေါင်းရင်းမြစ်များ

ରୋମିୟ 12:15

ଏଚେପାଦ୍ନା ମାନାୟାର୍ ୱାରି କିନାର୍, ଲାଗିଙ୍ଗ୍ ଏପେଙ୍ଗ୍ ପା ହେୱାର୍ ହୁଦାଙ୍ଗ୍ ମାହାଆଜି ୱାରି କିୟାଟ୍। ଆରେ ଯଦି ହେୱାର୍ ଦୁଃକ୍ ଆନାରା, ଲାଗିଙ୍ଗ୍ ଏପେଙ୍ଗ୍ ପା ହେୱାର୍ ହୁଦାଙ୍ଗ୍ ଦୁଃକ୍ ଆଡ।

ରୋମିୟ 15:32

ଲାଗିଙ୍ଗ୍ ଈଶ୍ୱର ଇଚା କିତିସ୍ ଆନେଙ୍ଗ୍ ୱାରିୟା ଆଜି ମିତାକେ ୱାଦେଙ୍ଗ୍ ଆଡ୍‌ନାଙ୍ଗ୍ ଆରେ ଆସେଙ୍ଗ୍ ଜାର୍-ଜାର୍‌ତିଙ୍ଗ୍ ସାସ୍ ହିୟାଆନାତ୍।

୧ କରନ୍ତିୟ 12:26

ଯଦି ଗାଗାଡ଼୍‌ନି ର ଜିନିଷ୍ ଦୁଃକ୍ ପାୟା ଆନାତା, ଲାଗିଙ୍ଗ୍ ଗାଗାଡ଼୍‌ନି ୱିଜୁ ଜିନିଷ୍ ପା ଦୁଃକ୍ ପାୟାଆନାତ୍। ଆରେ ଯଦି ଗାଗାଡ଼୍‌ନି ର ଜିନିଷ୍ ସନ୍‌ମାନ୍ ପାୟାଆନାତ୍, ଲାଗିଙ୍ଗ୍ ଗାଗାଡ଼୍‌ନି ୱିଜୁ ଜିନିଷ୍ ପା ୱାରିୟା ଆନିକ୍।

୧ କରନ୍ତିୟ 16:13

ଏପେଙ୍ଗ୍ ହୁଞ୍ଜ୍‌କାର୍ ଲେକେ ଆମାଟ୍, ମାତର୍ ଆଦିକ୍‌ତାଙ୍ଗ୍ ଆଦିକ୍ ପାର୍ତି କିଜି ମାନାଟ୍। ଏପେଙ୍ଗ୍ ସାସ୍ ମାନାକାଦେର୍ ଆଡ ଆରେ ଆଦିକ୍‌ତାଙ୍ଗ୍ ଆଦିକ୍ ପାର୍ତିକିୟାଟ୍।

୧ କରନ୍ତିୟ 16:18

ହେୱାର୍ ନାଙ୍ଗେଙ୍ଗ୍ ବେସି ସାସ୍ କିତ୍‌ତାର୍ ଇନେସ୍ ମିଙ୍ଗେଙ୍ଗ୍ ସାସ୍ ହିଜି ମାନ୍‌ଞ୍ଚାର୍, ଲାଗିଙ୍ଗ୍ ହେଲେକେ ହାର୍‌ଦାଙ୍ଗ୍ ହେବା କିନାକାରିଙ୍ଗ୍ ଦନ୍ଯବାଦ୍ ହିନି ଦର୍‌କାର୍।

୨ କରନ୍ତିୟ 2:13

ମାତର୍ ନା ମାନ୍ତ ଶାନ୍ତି ହିଲାତାତ୍, ଇନେସ୍‌କି ନା ଲାଡ୍‌ନି ଟଣ୍ଡେନ୍ ତିତସ ମିବେତାଙ୍ଗ୍ କାବୁର୍ ନାଙ୍ଗେଙ୍ଗ୍ ୱେଚ୍‌ଚେଦେଙ୍ଗ୍ ୱାୱାଦାଙ୍ଗ୍ ମାଚାନ୍। ଲାଗିଙ୍ଗ୍ ଆନେଙ୍ଗ୍ ତ୍ରୟା ସହର୍‌ନି ପାର୍ତିକିନି ମାନାୟାରିଙ୍ଗ୍ ହାନାଙ୍ଗା ଇଞ୍ଜି ୱେଚ୍‌ଚି ମାକଦନିଆ ସହର୍‌ତାକେ ହାଚାଙ୍ଗ୍।

୨ କରନ୍ତିୟ 2:3

ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ଇନେସ୍ କିଜି ମାଚାଙ୍ଗ୍ ହେଲେକେ ଆନେଙ୍ଗ୍ ନା ସେସ୍ ଚିଟିତାକେ ଲେକିକିତାଙ୍ଗ୍‌ନା। ଏଚେପାଦ୍ନା ଆନେଙ୍ଗ୍ ମିତାକେ ୱାନାଙ୍ଗ୍, ନାଙ୍ଗେଙ୍ଗ୍ ସାର୍‌ଦା କିଦ୍‌ନି ମାନାୟାର୍ କାଜିଙ୍ଗ୍ ଆନେଙ୍ଗ୍ ଦୁଃକ୍ ଆଉଙ୍ଗ୍ ଆରେ ଆନେଙ୍ଗ୍ ମିଙ୍ଗେଙ୍ଗ୍ ପୁରାପୁରି ବାବ୍‌ରେ ପାର୍ତି କିନାଙ୍ଗା। ଏପେଙ୍ଗ୍ ପା ନା ହୁଦାଙ୍ଗ୍ ମାହାଆଜି ୱାରିୟା ଆନାଦେର୍।

୨ କରନ୍ତିୟ 7:14

ଆନେଙ୍ଗ୍ ତାଙ୍ଗେଙ୍ଗ୍ ୱେଚ୍‌ଚି ମାଚାଙ୍ଗ୍ ଯେ, ମି କାଜିଙ୍ଗ୍ ଆନେଙ୍ଗ୍ କେତେକ୍ ବାଟ୍‌ପାଣ୍ ଆନାଙ୍ଗା, ଆରେ ନାଙ୍ଗେଙ୍ଗ୍ ଏପେଙ୍ଗ୍ ଲାଜ୍ କିଦ୍‌ୱାତାଦେର୍‌ନା। ଆନେଙ୍ଗ୍ ମିଙ୍ଗେଙ୍ଗ୍ ୱିଜୁଦିନ୍ ସତ୍ ୱେଚ୍‌ଚାତାଙ୍ଗ୍‌ନା, ଆରେ ମି କାଜିଙ୍ଗ୍ ତିତସ ଆଗେ ଆନେଙ୍ଗ୍ ବାଟ୍‌ପାଣ୍ ଆଜି ୱେଚ୍‌ଚି କାତା ସତ୍ ଇଞ୍ଜି ପୁନ୍ୟା ଆତାତ୍।

୨ କରନ୍ତିୟ 7:15

ହେୱାନ୍ ଆଗେତାଙ୍ଗ୍ ନଙ୍ଗୟ୍ ଆଦିକ୍ ଚିନ୍ତା କିନାନା ଏଚେପାଦ୍ନା ହେୱାନ୍ ମି ବିଷୟରେ ବାବିକିନାନା, ଏପେଙ୍ଗ୍ ଇନେସ୍‌କିଜି ତାଙ୍ଗେଙ୍ଗ୍ ସନ୍‌ମାନ୍ ହୁଦାଙ୍ଗ୍ ଆସ୍ତାଦେର୍, ତା କାତା ୱେଚାଦେର୍ ଆରେ ତା ଜାତୁନ୍ ଅଜି ମାଚାଦେର୍।

୨ କରନ୍ତିୟ 7:6

ମାତର୍ ସାସ୍ ହିଲି ମାନାୟାରିଙ୍ଗ୍ ସାସ୍ ହିନି ଈଶ୍ୱର ତିତସ୍‌ତିଙ୍ଗ୍ ପକ୍‌ଚି ମାଙ୍ଗେଙ୍ଗ୍ ସାସ୍ ହିତ୍‌ତାନ୍।

ପିଲିପିୟ 2:28

ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ହେୱାନିଙ୍ଗ୍ ମି ଲାଗାୟ୍ ବେଗି ପକ୍ତାନାଙ୍ଗା, ଇନେସ୍‌କି ଏପେଙ୍ଗ୍ ହେୱାନିଙ୍ଗ୍ ଆରେରଗ ହୁଡ଼୍‌ଜି ୱାରି ଆନାଦେର୍ ଆରେ ନା ଦୁକ୍ ପା ଅଲପ୍ କମା ଆନାତ୍।

୨ ତିମଥି 1:16

ଅନୀସିଫରନି ପରିବାର୍‌ତିଙ୍ଗ୍ ମାପୃ ଦୟା କିଦେନ୍। ଇନେସ୍‌କି ହେୱାନ୍ ନାଙ୍ଗେଙ୍ଗ୍ ବେସିହଟ୍ ଗିଟାଆନି କାଜିଙ୍ଗ୍ ୱାତାନ୍‌ନା ଆରେ ସାଇଜ କିତ୍‌ତାନ୍‌ନା। ଜଇଲ୍ ଇଞ୍ଜ ନାଙ୍ଗେଙ୍ଗ୍ ୱାଜି ଗିଟାଆନି କାଜିଙ୍ଗ୍ ଲାଜୁ କିୱାତାର୍‌ନା।

ଫିଲୀମୋନ 1:20

ଲାଗିଙ୍ଗ୍ ଏ ନା ଟଣ୍ଡେନ୍ ନି କାଜିଙ୍ଗ୍ ନାଙ୍ଗେଙ୍ଗ୍ ମାପୃତାକେ ଲାବ୍ ଆଦେତ୍, ଖ୍ରୀଷ୍ଟତାକେ ର ପାର୍ତିକିନି ଟଣ୍ଡେନ୍ ଲେକେ ଆଜି ନାଙ୍ଗେଙ୍ଗ୍ ସାସ୍ କିଦା।

ଫିଲୀମୋନ 1:7

ଇନେସ୍‌କି ଏନେଙ୍ଗ୍ ଜେକନିକାରିଙ୍ଗ୍ ଲାଡ୍ କିତି କାଜିଙ୍ଗ୍ ଆନେଙ୍ଗ୍ ବେସି ୱାରି ଆରେ ସାହାସ୍ ପାୟାଆତାଙ୍ଗ୍। ହେଦାଙ୍ଗ୍ କାଜିଙ୍ଗ୍ ଏ ଟଣ୍ଡେନ୍ ଏନେଙ୍ଗ୍ ଈଶ୍ୱର ମାନାୟାରିଙ୍ଗ୍ ସାହାସ୍ କିତାଇନା।

୧ ପିତର 3:8

ସେସ୍ ୱେଡ଼ାଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା ଯେ, ୱିଜାକାଦେର୍ ର ମାନ୍ କିନି ଦର୍‌କାର୍। ଏପେଙ୍ଗ୍ ଜାର୍-ଜାର୍ କାଜିଙ୍ଗ୍ କାନିକରମ୍‌ ଆନି ଦର୍‌କାର୍ ଆରେ ର କୁଟୁମ୍‌ନି ମାନାୟାର୍‌ଲେକେ ଜାର୍-ଜାର୍‌ବିତ୍ରେ ଲାଡ୍ କିୟାଟ୍, ଏପେଙ୍ଗ୍ ଜାର୍-ଜାର୍‌ବିତ୍ରେ ଦୟା କିୟାଟ୍ ଆରେ ଦରମ୍ ଆଡ।