୨ କରନ୍ତିୟ 6:8 - New Testament in Pengo Parja Language

⁸ ଆସେଙ୍ଗ୍ ଈଶ୍ୱର ହେବା କିନାପା, ମାନାୟାର୍ ମାଙ୍ଗେଙ୍ଗ୍ ସନ୍‌ମାନ୍ ହିଦେର୍ କି ଗିଣ୍ କିଦେର୍, ହେୱାର୍ ମାଙ୍ଗେଙ୍ଗ୍ କରାପ୍ ଇଞ୍ଜି ଜେକନିକାରିଙ୍ଗ୍ ୱେଚେର୍ କି ମା ଜୟ୍-ଜୟ୍ କିୟେର୍। ଆପେଙ୍ଗ୍ ଦରମ୍ ଲକ୍, ମାତର୍ ହେୱାର୍ ମାଙ୍ଗେଙ୍ଗ୍ ମିଚ୍‌ୱା ଇଞ୍ଜି ଇଞ୍ଜ୍‌ନାରା।

ସତ୍‌ ବଚନ୍‌ ପୁନି ନିୟମ୍‌

⁸ ଜାଜ୍‌ମାଲ୍‌ ଆରି ୱାରି କିୱାକାର୍‌ ହୁକେ ଡାକ୍‌ପୁଟାଆୱାକା ଆରି ଡାକ୍‌ପୁଟା ଆନାକା ହୁକେ, ମିଚ୍‌ୱା ଲାକେ ଆୱିତିସ୍‌ ହାତ୍‌ପା ଇନାକାନ୍‌,

୨ କରନ୍ତିୟ 6:8 ပူးပေါင်းရင်းမြစ်များ

ମାତିଉ 10:25

ଚେଲା ତା ଗୁରୁ ଲେକେ ଆରେ ହଲିଆ ତା ମାଲିକ୍ ଲେକେ ଆଦେଙ୍ଗ୍ ଆଡ଼୍‌ତିସ୍ ହାର୍। ମାତର୍ ଇଲ୍ ମାଲିକ୍‌ତିଙ୍ଗ୍ ବାଲ୍‌ଜିବୁଲ୍ ଶୟତାନ ଇଞ୍ଜି କୁକ୍ତିସ୍, ଆରେ ଇଲ୍‌ନି ଜେକନିକାରିଙ୍ଗ୍ ତ ଆଦିକ୍ ବାନ୍ୟା ତର୍‍ଦାଙ୍ଗ୍ କୁକିୟା ଆନାତ୍।”

ମାତିଉ 22:16

ତାପାଚେ ପାରୁସିଦଳ୍‍ ତା ଚେଲାହିରିଙ୍ଗ୍ ହେରୋଦ ନିପଣ୍ ଆନି ମାନାୟ୍ ହୁଦାଙ୍ଗ୍ ହିକାଇକିଜି ଯୀଶୁ ଲାଗାୟ୍ ପକ୍ତାର୍। ଆରେ ହେୱାର୍ ୱାଜି ଯୀଶୁଙ୍ଗ୍ ୱେନ୍‌ବାତାର୍, “ଏ ଗୁରୁ, ଆପେଙ୍ଗ୍ ପୁନାପ୍ ଏନେଙ୍ଗ୍ ସତ୍ ଆରେ ସତ୍ ଲେକେ ଈଶ୍ୱର ନିପଣ୍ ୱାନି ହାଜିନି ହିକ୍ଷା ହିନାୟା। ଆରେ ଇନେରିଙ୍ଗ୍ ପାଣ୍ଡ୍ରା ଆଉୟା, ଇନେସ୍‌କି ଏନେଙ୍ଗ୍ ମାନାୟାରିଙ୍ଗ୍ ହାମାନ୍ କିଜି ହୁଡ଼୍‌ନାୟା।

ମାତିଉ 27:63

ହେୱାର୍ ୱେଚ୍‌ଚାର୍, ମାପୃ ମା ମାନ୍ତ ମାନାତ୍ ଯେ ମିଚ୍ ୱେଚ୍‌ନାକାନ୍ ହେୱାନ୍ ଜିଜି ମାନିହିଙ୍ଗ୍ ୱେଚ୍‌ଚି ମାନ୍‌ଞ୍ଚାନ୍, ତିନ୍‌ଦିନ୍ ପାଚେ ଆନେଙ୍ଗ୍ ଆରେ ଜିବୁନ୍‌ଆଜି ନିଙ୍ଗ୍‌ନାଙ୍ଗ୍।

ମାର୍କ 12:14

ହେୱାର୍ ୱାଜି ଯୀଶୁଙ୍ଗ୍ ୱେଚ୍‌ଚାର୍, “ଏ ଗୁରୁ, ଆପେଙ୍ଗ୍ ପୁନାପ୍, ଏନେଙ୍ଗ୍ ୱିଜୁଦିନ୍ ସତ୍ ୱେଚ୍‍ନାଇ, ମାନାୟାର୍ ଇନାକା ଇଞ୍ଜ୍‌ନାର୍ କି ଇଞ୍ଜୁର୍ ଇଞ୍ଜି ଅଲପ୍‌ପା ଇନେରିଙ୍ଗ୍ ପାଣ୍ଡ୍ରା ଆଉୟା।” ଏନେଙ୍ଗ୍ ୱିଜାକାରିଙ୍ଗ୍ ହାମାନ୍ ହୁଡ଼୍‌ନାୟା, ଆରେ ଏନେଙ୍ଗ୍ ସତ୍ ଲେକେ ଈଶ୍ୱରତାକେ ହାନି ହାଜି ହିକ୍ଷା ହିନାଇ। ନଙ୍ଗୟ୍ ମାଙ୍ଗେଙ୍ଗ୍ ୱେଚ୍‌ଚା, “ରୋମ୍‍ନି କାଇସର୍ ମହା ରାଜାଙ୍ଗ୍ ସିସ୍ତୁ ହିନାକା ମୋଶା ସାସ୍ତର୍‌ତାକେ ଇ ବିଦି ମାନାତ୍ କି ଆକାୟ୍?

ଜହନ୍‌ 7:12

ହେବେ ବେସିହେନି ମାନାୟାର୍ ମାଚାର୍। ହେୱାର୍ ବିତ୍ରେତାଙ୍ଗ୍ କେତେକ୍ ହେନି ଜାର୍-ଜାର୍‌ବିତ୍ରେ ଯୀଶୁ ବଷୟରେ ବେଣ୍‌କିବାଆଜି ମାଚାର୍, କେତ୍‌ଜାଣ୍ ୱେଚ୍‌ଚାର୍, “ହେୱାନ୍ ରକାନ୍ ହାର୍ଦି ମାନାୟ୍।” ମାତର୍ ଜେକନିକାର୍ ୱେଚ୍‌ଚି ମାଚାର୍, “ଆକାୟ୍, ହେୱାନ୍ ମାନାୟାରିଙ୍ଗ୍ ବୁଲ୍ ହାଜ୍‌ଦିଙ୍ଗ୍ ଅନାନା।”

ପକ୍ୟାତାକା 10:22

ହେୱାର୍ ୱେଚ୍‌ଚାର୍, “କର୍ଣିଲିୟ ତର୍‍ଦାକାନ୍ ରକାନ୍ ଶହେ ସେନାର୍ ମୁକ୍ୟା। ହେୱାନ୍ ଦରମ୍ ମାନାୟ୍ ଆରେ ଈଶ୍ୱରତିଙ୍ଗ୍ ପାଣ୍ଡ୍ରାଆନି ମାନାୟ୍। ଆରେ ୱିଜୁ ଯିହୁଦି ଜାତିର୍‌ତାକେ ହେୱାନ୍ ସନ୍‌ମାନ୍ ପାୟା ଆନାନ୍। ନି କାତା ୱେଞ୍ଜେଙ୍ଗ୍ ଇଞ୍ଜ କୁକ୍‌ଚି ଅଦେଙ୍ଗ୍, ପବିତ୍ର ଦୁତ୍ ହେୱାନିଙ୍ଗ୍ କେଚ୍‌କଣ୍‌ତାକେ ଚଞ୍ଜିଆଆଜି ୱେଚ୍‌ଚାତ୍‌ନା।”

ପକ୍ୟାତାକା 16:39

ଆରେ ବିଚାର୍ କିନାକାର୍ ୱାଜି ହେୱାରିଙ୍ଗ୍ କେମା ଏନ୍ତାର୍। ଆରେ ହେୱାରିଙ୍ଗ୍ ବାର୍ତ ହପ୍‌ଚି ତାହିୱାଜି ହେ ସହର୍‌ତାଙ୍ଗ୍ ହସି ହାଞ୍ଜେଙ୍ଗ୍ ଗୁୱାରି କିତାର୍।

ପକ୍ୟାତାକା 22:12

ହନନିୟ ତର୍‍ଦାକାନ୍ ନାଙ୍ଗେଙ୍ଗ୍ ମେହାଆଦେଙ୍ଗ୍ ୱାତାନ୍, ହେୱାନ୍ ଈଶ୍ୱର ନିୟମ୍ ସାସ୍ତର୍‌ତିଙ୍ଗ୍ ମାନିକିଜି ର ସାଦୁ ମାନାୟ୍ ମାଚାନ୍। ୱିଜୁ ଯିହୁଦି ଜାତିର୍ ହେୱାନିଙ୍ଗ୍ ମାନିକିଜି ମାଚାର୍।

ପକ୍ୟାତାକା 24:5

ଇୱାନ୍ ରକାନ୍ ଗଣ୍ଡ୍‍ଗଲ୍ କିୟିକିନି ମାନାୟ୍ ଇଞ୍ଜି ଆପେଙ୍ଗ୍ ପୁଚାପ୍‌ନା। ଇନେସ୍‌କି ଯିହୁଦି ଜାତିର୍ ମାନି ୱିଜୁ ବାହାକାଙ୍ଗ୍ ହାଲ୍‌ଜି ଗଣ୍ଡ୍‍ଗଲ୍ କିୟିକିନାନା, ଆରେ ଇୱାନ୍ ରକାନ୍ ନାଜରିତିୟ ବୁଲ୍ ହାଜ୍‌ଦିଙ୍ଗ୍ ଅନି ଦଳ୍‌ନି ମୁକ୍ୟା।

ପକ୍ୟାତାକା 28:22

ମାତର୍ ନି ବେଣ୍ ଇନାକା ହେଦାଙ୍ଗ୍ ଆପେଙ୍ଗ୍ ୱେଞ୍ଜେଙ୍ଗ୍ ଇଚା କିନାପା, ଇନେସ୍‌କି ୱିଜୁ ନିପଣ୍ ଇ ଖ୍ରୀଷ୍ଟାନ୍ ଦଳ୍‌ନି ମାନାୟାରିଙ୍ଗ୍ ତା ବିରଦ୍‌ତାକେ ୱେଚ୍‌ନାକା ୱେନାପା।”

ପକ୍ୟାତାକା 4:21

ହେବେତାଙ୍ଗ୍ ହେ ମିଟିଙ୍ଗ୍ ଇଲ୍‌ନି ମାନାୟାର୍ ହେୱାରିଙ୍ଗ୍ ଦଣ୍ଡ୍ ହିଦେଙ୍ଗ୍ ଇମ୍‌ଣି ଉପାୟ୍ ପା ଗାଟା ଆୱିତିଲେ, ହେୱାରିଙ୍ଗ୍ ପାଣ୍ଡ୍ରୁକିଜି ପିସ୍ତାର୍, ଲାଗିଙ୍ଗ୍ ଇନାକା ଗଟାଆଜି ମାଚିସ୍, ହେଦାଙ୍ଗ୍ କାଜିଙ୍ଗ୍ ମାନାୟ୍ ୱିଜାକାର୍ ଈଶ୍ୱରତିଙ୍ଗ୍ ଜୟ୍-ଜୟ୍ କିଦେଙ୍ଗ୍ ଲାଗାତାର୍।

ପକ୍ୟାତାକା 5:13

ଇମ୍‌ଣାକାର୍ ଯୀଶୁଙ୍ଗ୍ ପାର୍ତି କିୱାଦାଙ୍ଗ୍ ମାଚାର୍, ହେୱାର୍ ହୁଦାଙ୍ଗ୍ ମେହାଆଦେଙ୍ଗ୍ ଶାସ୍ କିୱାଦାଙ୍ଗ୍ ମାଚାର୍। ମାତର୍ ମାନାୟାର୍ ବାଚିକିତି ଚେଲାହିରିଙ୍ଗ୍ ସନ୍‌ମାନ୍ କିଜି ମାଚାର୍।

ପକ୍ୟାତାକା 6:3

ଲାଗିଙ୍ଗ୍ ଏ ଟଣ୍ଡାର୍‌କାଦେର୍, ଇନେର୍‌ତାକେ ପବିତ୍ର ଆତ୍ମା ଆରେ ବୁଦି ପୁରା ଆତାତ୍‌ନା ଇଞ୍ଜି ୱିଜାକାର୍ ପୁଚାର୍‌ନା, ହେଲେକେ ମି ବିତ୍ରେତାଙ୍ଗ୍ ସାତ୍ ଜାଣ୍‌ତିଙ୍ଗ୍ ବାଚି କିୟାଟ୍। ଲାଗିଙ୍ଗ୍ ଆପେଙ୍ଗ୍ ହେୱାରିଙ୍ଗ୍ ଇ କାମାୟ୍‌ତିଙ୍ଗ୍ ଦେକାଶୁଣା କିଦେଙ୍ଗ୍ ଦାଇତ୍ ହିନାପ୍।

ରୋମିୟ 3:8

ଆରେ କେତେକ୍ ମାନାୟ୍ ଇଲେକେ ଆପେଙ୍ଗ୍ କିନାପା ଇଞ୍ଜି ୱେଚ୍‌ନାରା ଯେ, ୱାଡ ଆସେଙ୍ଗ୍ କରାପ୍ କାମାୟ୍ କିନାସ୍, ଲାଗିଙ୍ଗ୍ ହାର୍ ପାଡ଼୍‌ ଗାଟାଆଦ୍‍ନାତ୍। ଇଲେକେ ଇମ୍‌ଣି ମାନାୟ୍ ନା ବିଷୟତିଙ୍ଗ୍ ଏଲେଙ୍ଗ୍ ଇଞ୍ଜି ୱେଚ୍‌ନାନ୍, ଈଶ୍ୱର ହେୱାରିଙ୍ଗ୍ ଦଣ୍ଡ୍ ହିନାନ୍।

୨ କରନ୍ତିୟ 1:18

ଈଶ୍ୱରତିଙ୍ଗ୍ ପାର୍ତି କିୟାଆନାତ୍, ଲାଗିଙ୍ଗ୍ ଆପେଙ୍ଗ୍ ମି ଲାଗେ ୱାନାପ୍ ଇଞ୍ଜି ୱେଚ୍‌ଚିତି ପାର୍ମାଣ୍‌ତିଙ୍ଗ୍ ପା ପାର୍ତିକିୟାଟ୍।

୨ କରନ୍ତିୟ 11:21

ଆନେଙ୍ଗ୍ ଇଦାଙ୍ଗ୍ ୱେଚ୍‌ଚେଙ୍ଗ୍ ଲାଜା ଆନାଙ୍ଗା ଯେ, ଆପେଙ୍ଗ୍ ହେଲେକେ କାମାୟ୍ କିଦେଙ୍ଗ୍ ବେସି ଦୁର୍‌ବଲ୍ ଆତାପ୍‌ନା। ମାତର୍ ହେୱାର୍ ଇମ୍‌ଣି ବିଷୟରେ ବାଟ୍‌ପାଣ୍ ଆଦେଙ୍ଗ୍ ସାସ୍ ଚଚ୍‌ନାରା, ଆନେଙ୍ଗ୍ ପା ହେୱାର୍ ଲେକେ ନା କାମାୟ୍ କାଜିଙ୍ଗ୍ ବାଟ୍‌ପାଣ୍ ଆତାଙ୍ଗ୍‌ମା, ଆରେ ହେଦାଙ୍ଗ୍ ର ବକୁୱା ମାନାୟ୍ ୱେଚ୍‌ନିଲେକେ ଆନେଙ୍ଗ୍ ୱେଚ୍‌ନାଙ୍ଗା।

୨ କରନ୍ତିୟ 12:16

ଏପେଙ୍ଗ୍ ପୁଚାଦେର୍‌ନା ନାଙ୍ଗେଙ୍ଗ୍ ଦର୍‌କାର୍ ଆଦ୍‌ନି ଜିନିଷ୍ କାଜିଙ୍ଗ୍ ମିଙ୍ଗେଙ୍ଗ୍ ଆହା କିଦୁଙ୍ଗା, ମାତର୍ ମି ବିତ୍ରେ କେତ୍‌ଜାଣ୍ ମାନାର୍, ହେୱାର୍ ନାଙ୍ଗେଙ୍ଗ୍ ଇଞ୍ଜ୍‌ନାରା ଚାଲାକି ହୁଦାଙ୍ଗ୍ ମାବେତାଙ୍ଗ୍ ଡାବୁଙ୍ଗ୍ ଅନାନା।

୨ କରନ୍ତିୟ 4:2

ଆପେଙ୍ଗ୍ ୱିଜୁ ଲାଜାଆନି କାମାୟ୍ ଆରେ ମାନାୟାର୍‌ତାଙ୍ଗ୍ ଡ଼ୁକ୍‌ଚି କିନି କାମାୟ୍ କିଉସା। ଆପେଙ୍ଗ୍ ମିଙ୍ଗେଙ୍ଗ୍ ଟକାୟ୍ କିଦ୍‌ଦେଙ୍ଗ୍ ଉପାୟ୍ କିଉପା, ଆରେ ଆପେଙ୍ଗ୍ ଈଶ୍ୱର କାତାତିଙ୍ଗ୍ ଚାଲାକି କିଜି ୱେଚ୍‌ଚୁପା। ଆପେଙ୍ଗ୍ ଈଶ୍ୱର ମୁମ୍‌ଦ ସତ୍ ୱେଚ୍‌ନାପା ଆରେ ୱିଜୁ ଦରମ୍ ମାନାୟାର୍ ପୁଚାର୍‌ନା ଯେ ଆପେଙ୍ଗ୍ ସତ୍ ୱେଚ୍‌ନାପା।

୧ ଥେସଲନୀକିୟ 2:3

ଲାଗିଙ୍ଗ୍ ଏପେଙ୍ଗ୍ ପୁନାଦେରା ଯେ, ଆପେଙ୍ଗ୍ ମିଙ୍ଗେଙ୍ଗ୍ ଟକାୟ୍ କିଦେଙ୍ଗ୍, କି ମିଚ୍ ହିକ୍ଷା ଆରେ ପୁସ୍ରାଇ କିଦେଙ୍ଗ୍ ୱାୱାତାପ୍‌ନା।

୧ ତିମତି 3:7

ମଣ୍ଡ୍‌ଲିନି ମାନାୟାରିଙ୍ଗ୍ ପିସ୍ତି ଜେକନିକାର୍ ପା ସନ୍‌ମାନ୍ ହିନି ଦର୍‌କାର୍, ନଇଲେ ହେୱାନିଙ୍ଗ୍ ମାନାୟାର୍ ନିନ୍ଦାକିତିସ୍ ହେୱାନ୍ ଶୟତାନ ଜାଲ୍‌ଦ ପଡ଼ାଆନାନ୍।

୧ ତିମତି 4:10

ଇ ଜିବୁନ୍ ପାୟା ଆଦେଙ୍ଗ୍ ଆପେଙ୍ଗ୍ ହାଃଜିରିଜି କାମାୟ୍ କିନାପା, ଇନେସ୍‌କି ଆପେଙ୍ଗ୍ ଜିବୁନ୍ ମାନି ଈଶ୍ୱରତାକେ ଆହା କିନାପା। ଇମ୍‌ଣାକାନ୍ ହେୱାନ୍‌ତାକେ ପାର୍ତିକିନାନ୍ ହେୱାନ୍ ୱିଜାକାର୍ କାଜିଙ୍ଗ୍ ଉଦାର୍ କିଦ୍‌ନାକାନ୍।

ଏବ୍ରି 13:13

ଲାଗିଙ୍ଗ୍ ଆସେଙ୍ଗ୍ କୁଡ଼ିଆତାଙ୍ଗ୍ ବାର୍ତ ୱାଜି ତା ଲାଗାୟ୍ ହାନାସ୍ ଆରେ ତା ଲେକେ ନିନ୍ଦାତିଙ୍ଗ୍ ସମ୍ୱାଲିକିନି ଦର୍‌କାର୍।

୧ ପିତର 4:14

ଏପେଙ୍ଗ୍ ଖ୍ରୀଷ୍ଟାନ୍ ଆତି କାଜିଙ୍ଗ୍ ଯଦି ମାନାୟାର୍ ମିଙ୍ଗେଙ୍ଗ୍ ଇନସ୍ତା କିଦ୍‌ନାର୍ ଏପେଙ୍ଗ୍ ୱାରି କିୟାଟ୍, ଇନେସ୍‌କି ଗୌରବ ପାୟାଆନି ଈଶ୍ୱରତି ପବିତ୍ର ଆତ୍ମା ମି ବିତ୍ରେ ମାନାତା।

୩ ଯୋହନ 1:12

ୱିଜାର୍ ମାନାୟାର୍ ଇନାରା ଯେ, ଦିମିତ୍ରିୟ ରୱାନ୍ ହାର୍‌ଦାକାନ୍, ଇନେସ୍‌କି ହେୱାନ୍ ସତ୍ ଯିବୁନ୍ କାଟି କିନାନା, ହେଦାଙ୍ଗ୍ କାଜିଙ୍ଗ୍ ହେୱାନିଙ୍ଗ୍ ହାର୍‌ଦାକାନ୍ ଇଞ୍ଜି ଇନାର୍। ଆପେଙ୍ଗ୍ ପା ହେୱାନ୍ ହାର୍‌ଦାକାନ୍ ଇଞ୍ଜି ଇନାପା, ଆରେ ଏପେଙ୍ଗ୍ ପୁଚାଦେର୍‌ନା ଯେ ଆପେଙ୍ଗ୍ ୱେଚ୍‌ଚାକା ୱିଜୁ ସତ୍।

ହତ୍‌ତି 3:9

ଲାଗିଙ୍ଗ୍ ହୁଡ଼ାଟ୍, ଇମ୍‌ଣି ମାନାୟାର୍ ଶୟତାନ ଦଳ୍‌ନି ମାନାୟାର୍ ହେୱାର୍ ଈଶ୍ୱର ବାଚି କିତ୍‌ତି ସତ୍ ଯିହୁଦି ମାନାୟାର୍ ଇଞ୍ଜି ଚଞ୍ଜିଆ ଆନାରା, ମାତର୍ ହେୱାର୍ ସତ୍ ଯିହୁଦି ମାନାୟାର୍ ଆକାୟ୍। ହେୱାର୍ ୱାଜି ମି କାଲ୍‌ପାନାତାକେ ମୁଣ୍ଡିଆ ଇଡ଼୍‌ଦାନାର୍ ଆରେ ଆନେଙ୍ଗ୍ ମିଙ୍ଗେଙ୍ଗ୍ ଲାଡ୍ କିନାଙ୍ଗା ଇଞ୍ଜି ହେୱାର୍ ପୁଞ୍ଜ୍‌ନାର୍।”